المجهول 💗 ( روايات ليبية ) مكتملة

الحلقة 20 💗

المجهول 20 .
.
سامية : كنه !!
محمد : ناااض من الغيبوبة الحمممد اللله
سامية : لولولولوي الحممممد الله امشيله
محمد : هيي ماشي ادعيله
سامية : ربي يشفيه و يعافيه و يفتحها قدامه
محمد : آمممين (وطلع بأقصى سرعة للمستشفى و وصل بعد 10 دقائق )
في المستشفى :
الدكتور : الحمد الله على سلامتك
أسامة : الله يسلمك ، دكتور
الدكتور: نعم
أسامة : كم ليا في الغيبوبة
الدكتور: 3شهور و يومين
أسامة :من يزور فيا
الدكتور : بوك و واحد صاحبك اسمه محمد واهو توا برا يراجي فيا نسمحله يخش او لا
أسامة : متأكد اسمه محمد ؟؟
الدكتور : ايه كان يجيك كل يوم ويهدرز معاك ويروح ويقول لو صار اي شيء كلموني الواضح انكم اكثر من صحبة (أسامة مصدوم مستحيل يكون محمد )
أسامة : قوله يخش
الدكتور : تمام هي الحمد الله على سلامتك
أسامة : الله يسلمك (طلع الدكتور وقال لمحمد ان يراجي فيه وخشله وحضنه طول وقعد يقوله :)
محمد : سامحني يا صاحبي مكنتش نعرف قيمتك
أسامة بصدمة : م م محمد !!
محمد : متنصدمش انا تغيرت للأحسن وصالحة امي وحتى هي تدعيلك كل يوم معاي
أسامة بفرح : الحمممد الله ان صالحة امك
محمد : صارن حاجات واجد غير تصح انقولك ، بس احكيلي كيف صار الحادث
أسامة : يوم يلي تعاركنا روحت وانا بنقطع الطريق ضربتني سيارة وكان ولد جيرانا هنا فهو يلي خبر هلي
محمد : أنا آسف لان وجعتك
أسامة : ولا يهمك يا صاحبي تعودت اصلا هه
محمد : اهي امي تتصل (وفتح المايك )
سامية : ها ياوليدي شن صار طمني
محمد : اطمني حالته عال العال و هدرزة معاه واهو يسمع فيك
سامية : الحمد الله على سلامتك يا وليدي
أسامة : الله يسلمك يا عمتي
سامية : رد بالك مرة ثانية معش تخوفنا عليك
أسامة : هههه حاضر
سامية : أنت يا محمد تعالى درت برودو لصاحبك تعالى خوده يقوت بيه روحه أكيد دايخل
محمد : بديت نغار راه هههه حاضر آني جاي هي
سامية : في حفظ الله (وسكرت)
أسامة : امك حنونة
محمد : اكتشفت الشيء هضا توا مع الاسف
أسامة : ربي غفور رحيم نوض جيبلي البرودو (طبيخة بقوليات )
محمد : تمام هي وانت بطنك اهم شيء
أسامة : هههههه اقلب هي
..
.
في الكلية :
.
البنت : نبي فلوسي هياا
مروة : باهي راه المبلغ كبير
البنت : عندك مهلة اسبوع بس وبعدها كل شيء يوصل لمهند و سدين
مروة بخوف: ت ت تمام (ومشت واتصلت بـ )
مروة : الو
.....: ايوا
مروة : البنت تبي الفلوس وكان معطيتهاش المبلغ حتخبر سدين و مهند
.....: كم المبلغ
مروة : 3000
....: تمام اليوم تو انجيبهن ليك
مروة بفرح : تممام (وسكرت لقت مهند طالع مع صاحبه مشتله)
، مهند شوية
مهند : نعم
مروة : انا آسفة
مهند : على شن
مروة بخبث: لان كنت انضايق فيك بكلامي بس هذي طبيعتي
مهند : لالا عادي ولا يهمك
مروة :انا منبيش حد يزعل مني
مهند : انا مش زعلان
مروة : تمام عن اذنك
مهند : اذنك معاك (ومشت وهي فرحانه ان اول خطوة تمت بنجاح ) ، حرام البنت تسخف وهنا كيف يعاملن فيها
.
.
عند سامر :
سراج : سامر
سامر : نعم
سراج : في واحد عنده بعثة برا كان يقرأ في كليتنا اليوم لقيته نحكوا وهك شوي قالي امي تبي تجوزني قبل لا نطلع لو انت عندك اخت تناسبني نبي انجيب الوالدة تخطب
سامر : شن قلتله
سراج : قلتله انشوف وانقولك
سامر : قصدك سمر !!
سراج : اها وهو بعد شهرين بيطلع يعني لو وافقة بيانها مع سهام بعد اسبوع
سامر : خلاص تو انشوفها
سىراج : تمام
(وركب سامر لسمر وفتحلها الموضوع )
سمر : بس انا منبيش نسيبكم
سامر : من قال هو ماشي سنتين او ثلاثة وكان علينا نحنا الفرختين هذين مكفيات و موفيات
سمر : نفكر
سامر : يلي يريحك (قعدت سمر تفكر لعند جنها خواتها الثلاثة حكتلهن)
سهام : قصدك بيانك معاي
سمر : هههه ايه لو وافقت
سدين : بتسافري
سمر : ايه لو وافقت
تالين : بتسيبينا
سمر : لا ، بس لو في حاجة تخليني نوافق هو سامر يبي يهني علينا كلنا ونظراته ليا وكأن يترجى فيا نوافق
سهام : صلي صلاة استخارة لو ارتحتي وافقي
سمر : تمام
.
.
عند التوأم في الدار :
تالين تبكي : ياريت ماما معانا
سدين نفسها : كان الفرحة اكثر
تالين : كانت فتحت الموضوع بدل سامر و زفتها لراجلها
سدين : الله يرحمها
تالين مسحت دموعها : تعالي خطرها
سدين : امم
تالين : متعاركة انتي و مهند !!
سدين : لا بس هو قعد معش يتحمل شن انديرله
تالين : بالشوي عليه
سدين : فات حده وكان يبي ان ننفصلوا عادي بس ميديرش هك
تالين : سدين نبيكش ضعيفة خليك قوية ديما
سدين : وانا كذلك هوهوهو
.
ثاني يوم يلي بيطلع فيه أسامة :
محمد: هياا
أسامة : هي آخر سيلفي مع السرير
محمد : بنمشوا لحوشكم !!
أسامة : في غيره ؟
محمد : حوشنا
أسامة : هي هي خلي نطلع قلقت (وقعوا ورقة الخروج و طلعوا واتجهوا لحوش أسامة فتحلهم بوه )
بوه ب برود : أنت عايش
أسامة : الله يسلمك
بوه : نحسابك متت بس
محمد بعصبية : تي انت اب متأكد مستحيل تكون هكي تي معندكش ضمير اتقول لولدك نحسابك متت تحسابها شوية هذي حيتذكرها طوول عمره (ولتفت لأسامة وقال ): هي أسامة ياخوي نمشوا لحوشنا وانسى ان عندك اب لان يلي زيه حرام فيهم الابوة
أسامة : ..... (محمد خداه من يده وشاله للسيارة وقال )
محمد : من يوم وغادي انت خوي و امي امك وغرفتك واتية وانسى الباقي
أسامة :  هه معقولة من!!
محمد : اس خلاص نحنا خوت ويلي يمسك يمسني فاهم
أسامة : مش عارف كيف نكافيك
محمد : اسكت قلتلك مش بينا
(وصلوا للحوش ومحمد كلم سامية )
سامية : نعم
محمد :_ تعالي مفيش حد غريب
سامية : السلام عليكم
محمد، أسامة: وعليكم السلام
محمد : هضا ولدك الجديد اسامة
سامية،: انت أسامة مرحبتين بيك يا ولدي والحمد الله على سلامتك
أسامة : الله يسلمك عمتي وسامحوني بنثقل عليكم بس غير نصح شوية اندور شقة (محمد جاي بيتكلم سكتاته سامية )

سامية: شن اثقل والله ماك طالع من هنا وانت ولدي زيك زي محمد وبنجوزك و تعيش هنا انتم الاثنين ايوا من يوم وغادي انت ولدي
محمد : هههههه بدتلك في قصة  الزواج من توا
أسامة : هههه وحتى انت تنساش
سامية : هي امشي تريح
أسامة : حاضر وين الدار
سامية : ركبه مابين ماحطيت الغداء و اناديكم اتجوا مش تنبحوا بيا
أسامة ، محمد : هههه حاضر
.
.
عند التوأم :
تالين : اسكتي تو حد يحس ويسألك شن بتجاوبي
سدين : باهي هو كنه معاي انااا شن درتلك شن ذنب يلي ارتكبته
تالين : متندريش مرات عنده ضغوطات
سدين : تي ضغوطات شننن انا اليوم بنواجهه معش عندي حيل نتحمل
تالين : باهي غير نوضي هييي
.
في الكلية :
سدين : مهند
مهند : ايوا
سدين : شوفلي و قولي كنك شن صارلك كنك تغيرت
مهند : سدين مفيش شيء وانا متغيرتش
سدين : هه و الدليل اسلوبك توا جاااف جدا
مهند : سدين تبي اديري مشكلة !!
سدين : اها انا نبي اندير مشكلة صح معاك حق يا مهند انا ماشية توا لما يردلك عقلك كلمني وقتها (ومشت)
مهند : اوووووف ياااربي شن الحال
.
.
عند مروة قبل ما تمشي للكلية :
مروة : ايوا وينك وين الفلوس قريب يجي الباص
... : اهو قريب نوصل
مروة : تمام نراجي فيك (تتلفت وتلقى )
يوسف : فلوس شن ؟؟؟
مروة : .......
.
#يتبع
أسامة و محمد كيف حتكون حياتهم المستقبلية ؟
نهاية استهتار مهند ؟؟
وسمر هل بتوافق ؟؟
#رواية_المجهول
#rwayat_br0o