المجهول 💗 ( روايات ليبية ) مكتملة

المجهول الجزء الثاني ح 1

المجهول الجزء الثاني : 1
.
سدين : هيييلو استاحشناكم وانتم استاحشتونا ولا لا
تالين : اممم اكيد بس سامحونا ظروف وهكي معش فضينا بس ماعلينا خلي نكملوا قصتنا و نسردوا عليكم اهم الاحداث يلي صارت في حياتنا
سدين : ويلي بنقوله ان في شخصيات جديدة حتكون في الجزء هضا انتبهولهن
تالين : هههه خلاص خليناكم تراجوا واجد هي نردوا ليوم العركة هضك 😎 ......
.
.
مسعود : مرااااااد ليييش تسود وجهههي ليييش
مراد : ا ا متصدقهاش تكذب
سدين : هه احلف هي هاك المصحف
مسعود : احححلف
مراد : وليش بنحلف وانا مش دايرها (مسعود معش تحمل وعطى مراد كففف لين كلهم ارتعبوا من ردة فعله )
مسعود : الله يغضب علييك دنيا و آخرة وأنسى ان عندك عيييلة فاااهم
عيسى : يابنتي متأكدة من يلي قاعدة اتقولي فيه
ملك : هات المصحف نحلف هي نفسها مروة (عيسى خدا مروة و كرها و عزقها في السيارة و لحقتها امها ومهى و خلوا البنت عند مرام )
منصور : آخخخخخخ يااربي هضا آخر شيء كنت نتوقعه ان احفادي يطلعوااا يتعاملوا بالسححححر
رؤية تبكي : اااااه يا صغاري تشتتوا اااه الله لا تسامح من كان السبب
رقية : لا حول ولا قوة إلا بالله ، مرام وين حطيتيه يلي لقيتيه في دار مهند
مرام : اهو قاعد ملفوف
رقية : لازم يشوفه الشيخ توااا
مؤمن هو متوتر : ت ت تو نمشي اناديه (وطلع )
مسعود : يااااربي
سامر بعصبية : هيااااا
تالين : ت ت تمااام اناديهن بس
سدين : هيا اصلا خلاص تم دوري لعند هنا
سهام : ياويلنا هيا اطلعن
.
.
في حوش عيسى :
نجاة،: والنبي ساااد قتلت البنتتت
عيسى : حووووولي
مروة : ااااه
عيسى : اناااا مش هكي ربيييتك مش هكيي
.
خوتها في الصالة لان بوهم هزبهم ميبيش حد ياللاه
يوسف : تستاهل ان شاء الله يقتلها
زياد : ان شااااء الله فضحتنا قدام الناس
مهى تبكي : حررااام و الله
يوسف : سككري فمككك انتي الثانية
زياد : تو تلحقيها حتى انتتتي
.
.
عند التوأم :
سامر : سدييين
سدين : نعم
سامر : انننتي شننن دخلك اه هي امدايرة سحر ولا هم احرف
سهام : سامر شن شن دخلها هذ ولا نسيت ان مراد خطيبها
سمر : سامر اهدى راه يلي دراته سدين زين العقل
سدين : قعمزوا وتو نحكيلكم شن صار
سراج : قعمزوا خلي انشوفوا آخرتها
سدين : قبل يومين هكي في الكلية لما مرضت تالين :
ملك : صباح الخير
سدين بتعجب : صباح النور اهلين
ملك : انتي تقربي لمروة عيسى منصور صح
سدين : اها ، عليش
ملك : نبي نحكيلك على حاجة ونبري ذمتي قبل لا نسافر
سدين : تمام احكي نسمع فيك
ملك : انا اختي ادير في السحر (بعيد عنا ) ومروة سمعت بالشيء هضا فجتني قبل فترة طويلة وطلبتني مني ان اختي اديرلها واحد بغاية الشخص يلي في بالها يتجوزها وانا طلبت منها مبلغ كبير وكان في شخص يجيبلها فيهن قدام الكلية
سدين : اصبري خلي نستوعب قببل ، يعني مروة خدت مهند ببالسحررر ، و الشخص هضا يقرأ معانا ؟؟
ملك : لالاااا مرة لمحته من بعيد كان يشبه الاستاذ مهند ولا استاذ مهند بكبره مش عارفة
سدين : اصببري شوي (طلعت فونها كانت عندها صورة تجمع الاحفاد كلهم )، اين واحد فيهم ؟؟
ملك : اييوووا هضا هو (وأشرت على مراد )
سدين : لو نطلب من طلب تنفذيه
ملك : على حسب
سدين : مروة كانت مسافرة هي وراجلها وبيردوا بعد ثلاثة اربعة ايام هك و بيديرولهم لمة نبيك (وقالتها على الخطة )
ملك : خايفة نخش في مشاكل
سدين : لالا على ضمانتي
ملك : تمام ، هي نستأذن بنروح وهضا رقمي لو احتجتيني
سدين خدت الرقم : تمام شكرا
.
سدين : وهذي كل القصة لو مش ربي دز هالبنت راه كنت خديت واحد استغفر الله
سراج : ومرام كيف عرفت
سدين : انا كلمتها وخبرتها بس مقلتلهاش على مراد في الاخير خوها و ما ترضى فيه شيء
سامر،: و الله ما يطلع منك ، وربي يعين مهند
تالين : هالبنت شيطان على هيئة انسان
سمر : ربي يبعد عنا هالاشكال
سهام : آدم قريب يجيني بنروح
سمر : اقعدي انا بعد بكرا بنرد لتركيا
سهام : الللله
سمر : و الله لقيت سهيب دازلي مسج
سامر : صح قالي امبكري و نسيت انقولك
سراج : شن رأيكم بكرا نطلعوا نتغدوا برا
سدين بفرح: الللله ياااريت كم لينا عليها
سامر : تمام تو انكلم حتى آدم و سهيب
تالين : واخيررا
سمر : امم نبي انقوللكم حاجة
سامر : شن !!
سمر : شفت ب ب بابا (كلهم مصدومين )
سدين : وينن
سمر : في تركيا (وحكتلهم و هيا تبكي )، تخايلوا سهيب الراجل يلي ملياش شهور نعرفه طلع احسن منه غصصة قعدتلي هناا مستحيل يكون اب هووو
سهام : معقوووولة توصل فيه الدرجة لعند هناااا معقوولة
تالين : هه قعدت نتوقع منه اي شيء
سامر : لا حول ولا قوة إلا بالله ، خلاص اسكتي تعودي على تصرفاته مدام مرته نرجس
سراج : تعاملوا على اساس هو ميت
سدين : هه تركياااا ياما قلتله بابا خاطري نسافرلها خاطري انشوفها يقولي تو نمشولها حاضر كملي الكلية قبل
سامر : خلاص وعد مني في العطلة نمشوا لسمر ونغيروا جو
سدين : بجددد
سامر : بجدد
سراج : امتى عطلتكم
تالين : ينتهي السمستر في 7
سراج : تممم معناها وتوا روحكم يوم  21/7 عندي رحلة ل أنقرة وتو انا نحجزلكم على نفس الرحلة
سدين : واااااخيييرا بيتحقققق حلمي الحمد الله انكم خوتي
سهام : حتى انا راه
سامر : أسألي آدم قبل
(وقعدوا يتناقشوا وغيروا جوهم)
.
.
عند محمد :
سامية : مشاااء الله ولادي كبروا وبنجوزهم
محمد : الحمد الله يلي وافقوووا
أسامة : مبرووك مبرووك
محمد : الله يبارك فيكك
سامية : شن رأيك بكرا نمشيلهم
محمد : ياااريت تو نكلم خوها انقوله
سامية : هههه امشي
أسامة : هههه زرقت عليك راه
محمد : هههههه (وناض رن على تالين مرة الاولى محد رد الثانية كذلك لين عصب الثالثة قريب يسكر ردت )
تالين : الوو
محمد : بلكي مخاطركش تردي ؟؟
تالين : امم محمد لو سمحت اطرد الافكار هذينا من رأسك واني منبيش نرد ولو مشغول نكلم في ولد وهك خلينا متفاهمين من الاول
محمد : هذي ثالث رنة على ما أعتقد
تالين : كنت مقعمزة لوطة مع خوتي و خواتي ومسمعتاش وتوا راكبة سمعته رديت وهذي ما القصة بسسس
محمد : اممم تمام تصبحي على خير
تالين بعصبية : وانت من اهل الخير (وسكرت )
محمد : ياارب اعطيني الصبر (سكر لان ميبيش يزيد يتعارك معاها )
.
.
حوش مسعود :
(جاء الشيخ وشاف السحر وقاللهم كيف يفكوه والكل قاعد مصدوم )
مروج : المواقف هذين انشوف فيهن في المسلسلات بس مكنتش متوقعة يصيرن جد
حليمة : هالفرخة انا من قبل مش متطمنتلها  لبال توااا
مرام : امتتتى حطاته بسس
مروج : هه نسيتي خوك المصون من قال مش هو يلي حطه
رؤية بعصبية: اسسسسكتن خلاااص
.
.
عند سعد :
وفاء : سعد
سعد : نعم
وفاء : نبي انقولك حاجة
سعد : كان تفرح قولي غير هك عارفتيني مروح تعبان
وفاء : ا ا امك ......
سعد بصدمة : شننننن
.
.
تتوقعوا هل تالين و محمد بيتفقوا ؟؟
شن مصير مروة و مراد ؟؟؟
شن صار مع ام سعد ؟؟
.
ورجعنا لروايتنا من جديد💗☺
نتمنى نالت على اعجابكم 🙏💕
#رواية_المجهول_2
#rwayat_br0o