المجهول 💗 ( روايات ليبية ) مكتملة

المجهول 2ح5

المجهول 2 حلقة 5
.
.
مكتوب : اكيد لما تقراها انا انكون واصل للبلاد يلي حنسافرلها  مهند انا نحب سدين او كان في حاجة فوق الحب وانت كنت تحبها خفت تتجوزها ملقيتش حل الا نوافق  على خطة مروة، مهند نبي منك حاجة وحدة تسامحني انا غلطت في حقك واجد واهو ربي خدا حقك مني وبعدني على بلادي واهلي وعيلتي وبوي غضب عليا ، السيارة درتها بإسمك وتلقى الاوراق فيها تصرف بيعها ولا دبرلها  و رد بالك من سدين حطها في عيونك متخليهاش تنزل دمعة
مهند : 😮😮😦 مراد دار هضا كله عشان سدين معقووولة حبيت انا وخوي نفس البنت علييك وقت (وخشت مروج )
مروج : قالتك (قبل لا تكمل كلامها قاطعها مهند )
مهند بعصبية : برااااااا منبيش انشوفففف حدددد برااااااا (مروج خافت ومشت جري )
رؤية : كنه خوك
مروج : منندريش اول ماخشيت قعد يعيط وحالته حاله
مؤمن يفكر : زعمك مراد كاتب السبب ولا ليش يعصب هكي
مسعود : هييي مؤمن نووض شوف خوك
مؤمن : خليه هو كبير رااه وانتم خايفين عليه
رؤية : ياربي فرجها يارب
.
.
مشى اليوم على الكل فيه يلي فرحان و فيه يلي الحزن مخطاشي وفيه يلي يفكر كيف حيكون بكرا و رقدوا ابطالنا وهم يفكروا هل ربي حيجمعهم في يوم من الايام ولا لا 💔
.
.
ثاني يوم الساعة 10 :
مهند : مرام جيبيلي نور
مرام : انا في المطبخ تلقاها في داري
رؤية : بسم الله شن يبي فيها
مرام : قدامك شن عرفني ( مشت رؤية لمهند بتكلمه بس لقاته طالع هو ونور بنته )
رؤية : وين مشى بالبنت خووك
مرام : ليش خايفة راه في الاخير بنته مهما كانت امها امدايرة هذي بنته
رؤية : ربي يستر حطي الشاهي عالنار لبوك
مرام : حاضر
.
.
عند التوأم :
.
تالين : انتي مزلتي تحبيه
سدين : هه واكثر من قبل
تالين: باهي ليش صديتيه اليوم
سدين : راااه عنده بنتتت ومروة قاعدة مررته راه وبعدين كان يحبني يجي يخطبني من سامر
تالين : كيف بيخطبك و انتي مبينتيله انك تكرهيه اه فهميني
سدين : تالين و النبي سكري على الموضوع لانه فاشل المهم محمد توا
تالين تنهدت : ااااه محمد اهوا لخبط حياتي فوقي لوطي لا هو فاهمني ولا انا فاهمته
سدين : انتم مش عاطيين لبعضكم فرصة
تالين : مش عارفة كل ما بنقول تقدمنا خطوة نردوا عشرة (بعدها سامر قعد ينادي ) ، جااااين هي (ونزلن)
سامر : وينكن
سدين : كنك بسم الله
سامر : جعان (تالين و سدين شافن لبعضهن ) ، كنك
تالين : ان شاء الله الصوت هضا كله عشان جعان
سامر : اها
سدين : ليش كرعيك محنيات عشان متنوضش بروحك
سامر : اها
تالين : انت واكل حاجة مش ليك
سامر : اها
سدين بعصبية : شن اها اها جاوبنا
سامر : توا تمشن انت الاثنين للمطبخ واديرلي نص دحي مقلي ولا ناخد السيارة منكن😈
تالين : اوووووف 😒
سامر : قلتي حاجة تالين 😏
سدين : مقالتش شيء هي اهو ماشيين (و مشن هنا الاثنين للمطبخ لقن سراج وااقف و مربع يديه ويفنص )
تالين : بسم الله كنك
سراج : لا وعندكن عين تتكلمن فوووقها
سدين : اهدى بالشوية وقول كنك
سراج : انتن خليتن فيها اهدى اااه
تالين : سامر تعالى شوف خوك
سامر : عننده الحق يعععصب و مفرووض حتى ضربكن لان نسيتن اليوم عيد ميلادكن (وسراج طربق هذي يلي اطلع في زينة المهم نسيت اسمها وطلعت سهام شادة تورتة عليها sوt و عليها شموع على عدد عمرهن )
سهام : ان شاء الله العمر كلله
تالين : دقيقة قصدكم هضا كله كان تمثيل
سدين : و درتوا المفاجأة هذي عشانا
سراج : هههههه كنا مضطرين عشان نغيروا جو
سامر : وطبعا فكرة سراج ، المهم عقبال 10 سنين ثانيات بس 😂😂
سدين : خزيي 🌚
تالين :  😂 نعمة هييي خلي نقصوا التورتة تسهف
سهام : البطن قبل الوطن تالين هههه
كلهم : ههههههه (وقصوا التورتة و كلوا وضحكوا )
سامر : هذي هديتي هاكن ( كانت الهدية كل وحدة كاميرا canon EOS 5D Mark IV  ) وتو سراج يقوللكن ليش 
سراج : هاكن ( كان ظرف مسكر لما فتحنه لقن تذاكر سفر لتركيا و درجة Vip  للكل حتى سهام و آدم ) و الكاميرات عشان توثقن كل لحظة في تركيا
سدين : قسم بالله ماني مصدقة هييييي كاميرا و تذكرة لتركيا وووه يااااحظي فيكم (وحضنت خوتها )
تالين : ترا حد يقرصني ههههههههههه بصارة مش غريبة عليكم وربي يحفظكم لينا 😘
سهام : اصبرن انتي وياها مزال هديتي هههه هاكن (وعطتهن كل وحدة مبلغ كويس ) هضا عشان توتن روحكن للسفرة 😎
تالين : نجججك لي و الله مشيتك معانا بروحها تسد
سدين : ان شاء الله ما نفقدوك 😘 (يسمعوا في فون تالين يرن سكايب )
تالين : اكيد سمر هي تعالوا نكلموها (فتحت اللاب توب ورنت عليها وكلهم كانوا مقعمزين قدام اللاب توب )
سمر :  Happy birthday to you عقبال ترليون شمعة يا توأمنا
سدين : آمين ياارب وانتي معانا
تالين : آميين يارب
سمر : حيي كلكم ملتمين 😭 ياريتني معاكم
سامر :  هههههه حصلة وين سهيب
سمر : طلع ، سرااج سهام كيف حالكم
سراج : بخير كيف حالك انتي وسهيب
سمر : كويسين الحمد الله
سهام : سموور كيف حالك
سمر : الحمد الله وانتي
سهام : بخيير
(قعدوا يهدرزوا على سمر مبوش يقولولها ان حجزوا يبوا يديرولها مفاجأة )
.
.
عند محمد على البحر :
.
محمد : شكله خط فيا الحاج
العجوز : هههههه لالا جيت
محمد : عمرك طويل
العجوز : معش مزالي اكثر من يلي مشى ، قولي يا ولدي شن قصتك مع البحر
محمد : ياريت كانت قصتي مع البحر كان هضا حليتها بس قصتي بدت على البحر (وحكاله )
العجوز : هههههه انقولك حاجة متصدقش
محمد : شن
العجوز : قصتك شبيها لقصتي بس انا قصتي بدت على البئر 😂 ماه الوقت يختلف وحبيتها وحتى هيا شردتني بس توا جدت احفادي مشاء و اولادي في يلي منهم جد
محمد : مشاء الله ربي يحفظهم ليك باهي كيف اندير
العجوز : ادعي لربي تكون نصيبك بس ربي هو يلي حيساعدك
محمد : ان شاء الله (وقعدوا يهدرزوا بعدها كل حد مشى على حاله )
.
.

في حوش عيسى :
.
.
مهى : زياد نووض الباب يطقطق
زياد : جاااي جاي (وفتح لقاه مهند و بنته واقفين زياد متوقعش جية مهند نهائيا )
مهند : شن نخش ولا نرد
زياد : خش تفضل
نجاة : من يا زياد
زياد : مهند يا أمي (مروة في الدار سمعت اسمه حطت وذنها على الباب )
نجاة : اهلين اهلين (وخدت منه نور ) ياروحي انتي
مهند : اهلين بيك وين عمي نبيه ضروري
نجاة : وراء الحوش هي تو اناديه (ومشت ناداته جاء سلم على مهند و قمعز )
مهند : انا .....
كلهم : 😦😦😦
.
#يتبع
#رواية_المجهول_2
#rwayat_br0o