المجهول 💗 ( روايات ليبية ) مكتملة

المجهول 2 ح الاخيرة ج 3

المجهول 2الحلقة الاخيرة الجزء الثالث :
.
مسعود : لا حول ولا قوة إلا بالله انتتتم بتقتوولني ناقص عمممر (وناض)
مهند : انا غير سدين مش حناخد وأهو قلتلكم
رؤية: يااارب ساعدني يااارب اعني على مصيبتي ياربي اهدي صغاري
.
.
عند سامر :
سامر: نبي نخطب
سهام : أخييييراااا من هالبنت يلي غيرت رأيك
سامر : هههههه وئام صاحبتكن شفتها في عرس تالين و سراج عجبتني (يدير في العباطة)
سهام : و النعم و الله بس هيا ردت لتركيا على حسب علمي
سامر،: لا قاعدة(وسكت عرف انه انزلق هههههه)
سهام : شن عرفك انت
سامر : ا ا لا مش هكي قصدي قلت شوفيها انتي مرات قاعدة
سهام : عيني في عينك ، واتقولي في العرس ولا عليا يا سامر 😌
سامر : الحب مش عيب 😒
سهام : انصدمت و الله 😂 و وئام بنت مشاء حلوة و مثقفة (وسامر يقول في عقله مستحيل تعرفيها اكثر مني )خلاص انكلم جدتي و رقية ونمشولهم
سامر : حس الباب يطق
سهام : مرات آدم لان قالي شوية وجايك
سامر : تو انشوفه (وناض فتح لقاه مهند ) ، مرحبتين ب ولد خالي القاطع
مهند : هههه اهلين بولد عمتي
سامر : تفضل تفضل (خش مهند وقعمز هو و سامر ) ، شن هالزيارة المفاجأة
مهند : و الله يا سامر نبي نحكيلك وياريت انت تفهمني
سامر : ان شاء الله خير
مهند : قبل سنتين كنت حنخطب اختك سدين لان عاجبتني في احترامها وكل شيء (وحكاله قصة من جديد )
سامر : تقصد مراد عشان هك دارلك السحر
مهند : مع الاسف بس انا منلوماش الحب يدير اكثر
سامر : صدقت بس انت عندك بنية
مهند : عارف بس انا حكيتلك القصة من اولها يعني لو مش مراد و مروة راه انا توا كنت واخدها
سامر : وخالي شن قالك ؟؟
مهند : مقالش شيء
سامر : تو نفكر ونسألها بعدين ساهل ، هي عن إذنك (ناض بيجيب القهوة دارتها سهام )،تفضل
مهند : شكرا زاد فضلك (كمل مهند قهوته و روح )
سهام : كنه جيته غريبة
سامر : جاي يبي سدين
سهام : سدين أختي ؟؟
سامر : في غيرها !!!
سهام : كيف و مراد كاين خاطبها
سامر : (حكالها القصة على نزلت سدين )
سدين: انا منبيشي
سامر : بس على حسب ما قال انك تبيه
سدين : هضا زماان لما حكى معاي انه يبيني بس توا تغير الوضع عارف احساس ان فرقت بين إثنين خوت تحس رووحك اخخي حتى لو مش أنا يلي فرقتهم وانا توا منبيش حد نبي نكمل قرايتي بسسس
سامر : يلي تبيه حيصير
سهام : هههههه عقل مشاء الله ربي يدوم
سدين :ربي يحفزني 😇
(ثاني يوم سامر كلم مهند و قاله على رد سدين و جاته خيبة أمل كبيرة و سهام كلمت جدتها )
حليمة : كيف حالك وحال راجلك
سهام : الحمد الله كيف حالك انتي وجدي ورقية ؟؟
حليمة: كلهم بخير و الله
سهام : سامر امس كلمني يبي يخطب وحدة صاحبتنا وكويسة واخللاق قلت نكلمك تمشي معاي انتي و رقية
حليمة : لولولولوي واخيرا خلاص ان شاء الله حددي معاهم و نمشولهم
سهام : تمام تو نكلمها
حليمة : خلاص وقوليلي شن يصير معاك
سهام : خلاص تمام
(سكرت من جدتها و كلمت وئام وقالتلها ان بديرلها زيارة بكرا هيا و جدتها و وئام قريب طارت من الفرحة بس موضحتش هالشيء )
عند محمد :
تالين : أسامة لوطة يبيك
محمد : تمام هي نازله
تالين : بتطلع ؟؟
محمد : لالا ليش
تالين : امم شن رأيك نطلعوا نحنا وعمتي نغيروا جو
محمد : تمام قوليلها وبدلن نراجي فيكن
تالين : 😂😂 قول والله
محمد : كنك ؟؟
تالين : اول مرة حد يقولي تمام من اول مرة
محمد : ههههههههههه كلا مرتي مطرشقة  رسمي
تالين : حول خلي ننزل يا راجل مطرشقة هههههه (ونزلت لسامية )، عمتي
سامية : نعم
تالين : شن رأيك تطلعي معانا تغيري جو
سامية : لا لا انتم عرسان اطلعوا بروحكم
تالين : مستحيل نخليك في الحوش وانا نطلع نتدهور
سامية : ااه والله ما غلط محمد لما اختارك
تالين : ☺ هياا بااه
سامية : هي نلبس عبايتي
تالين : تي نجكك لي يا احلى عمة ❤ (طلعوا و غيروا جو و سامية فرحت ان  كنتها طلعت هك طيبة)
(فات اسبوع و سامر خطب وئام و مهند رد هو وبنته ل بريطانيا بعد ما فقد الامل من سدين و مراد فتح شركة في ماليزيا و يتصل مرة مرة بهله و علم ان سدين رفضت مهند و هو سافر لبريطانيا )
في تركيا :
سهيب : الحمد الله على سلامتك يتربن في عزنا 😍
سمر : الله يسلمك ان شاء الله ❤ وينهم خليهم يجيبوهن ليا  (شوي وخشت الممرضة في يدها التوأم سهيب خدا وحدة و سمر خدت وحدة )
سهيب : بناتي الحلواات 😍
سمر : هذي طبق الاصل من سدين حتى الشامة هذ يلي يالا وذنها هههههه
سهيب : و هذي طبق الاصل من تالين 😂😂
سمر : تالين وسدين 😊
سهيب : تالين وسدين خلاص (سهيب كلم هله وقاللهم ان زادن عليه بنيتين و كلم سامر و سامر خبر خواته )
سدين : نبييي نكلمهاااا
سامر : هههه غير شوفي شن سمتهن
سدين : شننن
سامر : سدين و تالين هههههه
سدين : 😍😍 اللله
سامر : شن بنكذب عليك انا
سدين : نبيييي نمشيلهااا
سامر : الشهر الجاي جاياتك هيا اصلا سدين : خليهم يوافقوا قبل عليك ثقة عندك
سامر : تو انشوفوا 😌
سدين : بنمشي نكلم تالين نخبرها 😂😂(وناضت)
سامر : عليك يلي ما تتحمل هههه
.
.
عند تالين :
محمد : تعالي سدين ترن
تالين : جيبه ليا و الله يدي ملبزة (جابلها الفون وحطه على وذنها وشده )
سدين : هههه هاااتي البشارة
تالين : شنن
سدين : سمر جابت توأم بنات وسمتهن تالين وسديننن
تالين : احلفي
سدين : و الله  تواااا كيف سهيب كلم سامر
تالين : توا بنكلمها
سدين : وقنبلة السنة قولي شنن
تالين : هههه اتحفينا
سدين : عرس سامر الشهر الجاي
تالين : سامر خونا ؟؟
سدين : لا ولد جيرانا اها خوونا لا وقولي من يبي
تالين : اصدميني
سدين : وئام
تالين : لالا انا من الصبح جايتكم اه مش تنفجعي لما تلقيني في وجك
سدين : هههه وقضتيني نسكر البيبان كويس
تالين : تفف هي وجك بنكمل عشاي
سدين : توتوتو وانا سامر جابلي بيتزا من برا
تالين : باهي سكري و حسابك بكرا
سدين : هههه وجك وسلميلي على راجلك و عمتك
تالين : يوصل (وخدا محمد الفون وسكر )
محمد : هههههه تالين وسدين ثاني
تالين : واخيييرا قعدت خالة
(ثاني يوم مشت تالين لحوش هلها و سهام و جدتها و رقية وتلاقن بالصدفة لان هذكن بيمشن لهل وئام ، مشولهم وهدرزوا وقالتلهم امها لين انشوف بوها وهك يعني العادات وبعد ثلاثة ايام ردوا )
سهام : اهلين عمتي كيف حالك
ام وئام : اهلين يابنتي الحمد الله بخير كيف حالك انتي و هلك
سهام : بخير كلنا و الله
ام وئام : يابنتي نحنا موافقين وان شاء الله ربي يتمم على خير.
سهام : الله يبشرك بالخير ان شاء الله يارب و الله وئام بنت متضيعش اخلاق و علم وجمال ربي يحفظها ليك
ام وئام : آمين يارب و يحفظك (هدرزن شوي بعدها سكرت و سهام خبرت سامر و انتشر الخبر وكلهم فرحوله )
بعد شهر :
سراج : عرس شيباني هههههه
منصور: تحشممم يا ولد خلي خوك في حاله
سامر : هههه اسمع كلام جدك
يوسف : تي وين هك بسرعة بسرعة (وسامر في خاطره يقول هه اي بسرعة هن 7 سنوات )
سامر : هههه نصيب
منصور : خلوه في حاله وانتم يلي يجي يتسهوك
يوسف،: الحويج عصب حي حي
.
.
سدين : اهيا سدين هههه (وخدتها ).
تالين : توأم هههه
حليمة : هاتي خلي نرقيهن (عطن التوأم لجدتهن و قرت عليهن )
سمر : هاتي نرقدهن قبل لاتزحم
سدين : يلي عندي قريب ترقد
تالين : 😂 يلي عندي فاتحة عيونها على العشرة
حليمة : و الله نفس الطبع سبحان الله
رقية : ربي يحفظهن
سمر : آمين
حليمة : وانتي يا سهام شن
سهام : هههه انا نتناسى بالسيف ان شاء الله بعد اسبوعين
حليمة : ربي ينوضك لراجلك صحيحة
سهام : ان شاء الله
.
.
يوم الزفة :
خش سامر و في يده باقة ورد كبيرة و الضحكة على وجهه والدنيا انقلبت زغاريت و صل فيها مدلها الباقة و قاللها هذي اشباهك 39 وانتي 40 (بمعنى جابلها 39 وردة و هيا الاربعين )
وئام : هههههه ورد حتى اليوم
سامر : لآخر العمر ان شاء الله
.
.
بعد اسبوعين :
في حوش خيرية :
خيرية : وداد افتحي الباب
وداد : هي جييت ، منن
الراجل: يا أختي مهاب موجود
وداد : لا والله مش قاعد
الراجل : وبوك
وداد : تو اناديه هي (مشت كلمت بوها وجاهم )
الاب : تفضلوا
الراجل : نحنا الشرطة و عندنا اوامر بإلقاء القبض على مهاب صالح ...... بتهمة قيادة عصابة المخدرات (كانوا جايين بسيارات عادية ولبس عادي عشان لو شافهم ميهربش )
الاب : مستحيييل مهاب ميديرهاش
الراجل : تسجيل المكالمات امتاعه يثبتن التهمة (على جيت مهاب )
مهاب :  السلام عليكم
الاب : الللللله يسود وجهكككك (وبدا يضرب فيه)
الراجل شد مهاب من مرفقه : نحن الشرطة وعندنا امر بإلقاء القبض عليك
مهاب : ش ش شرطة وليشش
الراجل :غادي تو تعرف
مهاب : اطلقننتي حولل انا مش داير شيء
خيرية : ويين واخدين ولدييي ويين 😭 (خدوا مهاب يلي الكل كان مستغرب و مصدوم انه يكون هك )
.
.
في حوش مسعود :
رؤية : الباب يطق
مؤمن : هي تو انشوف ، جييت
الراجل : نبوا مؤمن مسعود منصور .....
مؤمن : تفضل انا
الراجل : بوك قاعد
مؤمن : هي تو اناديه (مشى نادى بوه وجاء )
الراجل : نحنا الشرطة وعندنا امر بإلقاء القبض على مؤمن مسعود منصور كأحد افراد عصابة المخدرات و عندنا ادلة يثبتن التهمة
رؤية ل مرام : م مخدرات س سمعتي و لدي يشتغل في المخدرات 😭😭😭
مسعود : ولاااااديييي ضيعووووني ضيعووووني خدوووهم اقتلووووهم خلااااااص
مؤمن : أمييييي (امه كانت طايحة و مرام تنوض فيها بس محال مبتش اتنوض )
مرام : 😭😭😭 نوووضي يا ماااااماااا نوضييييي
مروج : ك ك كنهاااا ماما
الراجل : لا حول ولا قوة إلا بالله ، جيبوه
مؤمن : تيي حول نبي انشوف امي حووول
مرام بعصبية : لوووووهاماتك امك مكنتش اديرر هك
(خدوا مؤمن للمركز الشرطة و واحد من اولاد الجيران جاء شال رؤية و مرام و مسعود مقعمز وين ما خلوه )
رقية : هيييي جاية
حليمة : شننن