Caught In Flames

72 : Case hunt

THIRD

Kumunot ang noo ng hepe ng mabasa ang ikatlong liham. Ito ang unang beses niyang mababasa ang nakasulat do'n dahil napagtanto nitong patuloy na magpapadala ng sobre ang kung sino mang nagpapadala nito kaya't hinintay na muna nitong umabot ng hanggang sa maipon na ang mga sobre.

Agad itong humarap sa kanyang desktop computer at binuksan ang kanilang database. Itinipa nito ang pangalan ni Apollo ngunit malinis ang records nito. Binura niya ito at muling nagtipa ngunit at lumabas ang ilang mga kaso ng sexual assault. Ang ilan ay iniimbestigahan, ang iba ay itinuring nang 'case closed,' may ilang 'cold cases,' habang ang iba naman ay ibinasura na. Inisa-isa nito ang mga pangalan ng mga ito ngunit halos malula na si Montreal sa dami ng pangalang naisulat niya.

Kailangan ko ng pangalan, isip-isip nito. Determinado ang hepe na mareresolba niya ang mga kaso ng pagpatay at hindi ito susuko.