<zawgyi>
အိပ်ခန်းလုဖို့အတွက် အကြိုဂိမ်းကစားရန် မန်ဘာတွေခြံထဲသို့ ထွက်သွားကြစဉ် အခန်းရပြီးသား Jimin နှင့် Dolly တို့ကတော့ အေးအေးဆေးဆေး ထိုင်လျက်သာကျန်နေခဲ့၏။
ထိုအချိန် အခန်းထဲမှ အရင်ဆုံးငေါက်ခနဲထထွက်သွားသော Taehyung နှင့် Namjoon တို့ Dolly ထိုင်နေသည့်အရှေ့မှ ကပ်၍ ဖြတ်လျှောက်သွားစဉ်…
‘ဟင်?!’
သူတို့နှစ်ဦးထံမှ သူမ နှစ်သက်သည့်ရနံ့လေး အမှတ်တမဲ့ရလိုက်သလိုလို…။ နှာခေါင်းဝမှ ဖြတ်သွားရုံမျှဆိုတော့ ဘယ်သူဘယ်ဝါဆီကပါရယ်လို့ သေချာအနံ့ခံဖို့လောက်ထိ အချိန်မလုံလောက်…။ ဒီအချိန်မှာ အသေချာဆုံးက Jimin အနားတိုးကပ်လိုက်ရင် ထိုရနံ့လေးက တိတိကျကျပြတ်ပြတ်သားသား…။
လေနဲ့ပါသွားပြီး အနံ့က အခန်းထဲလျှောက်ပျံ့နေတာများလား…။
အမှတ်မထင် Taehyung ရှိရာဘက် သူမ လှည့်ကြည့်မိတော့ ခြံထဲတွင် ခွေးပေါက်လေးတစ်ကောင်အား တယုတယ ချီပွေ့ထားသောသူ…။ သူ့နှုတ်ခမ်းထက်တွင် သူမ မသိစိတ်ထဲက တောင့်တနေခဲ့သောအရာ…။
‘သူ… သူပြုံးနေတယ်?!’
သတိမထားမိဘဲ လိုက်ပြုံးမိတဲ့သူမနဲ့ သူမအကြည့်ကိုလှမ်းမြင်လိုက်သည်နှင့် ကျောခိုင်းသွားပြီး ခွေးကလေးကိုလည်း ပြန်လွှတ်ပေးလိုက်တဲ့သူ…။ ကျောခိုင်းမသွားခင် အပြုံးလေးပျောက်ကွယ်သွားတာကို သူမ သတိထားမိလိုက်သည်။
‘အယ်!? အဲ့ဒါဘာသဘောလဲ? ငါ့ကိုတွေ့လို့ အဲ့လိုဖြစ်သွားတာလား?’
အသည်းယားတယ်… ကသိကအောင့်ဖြစ်တယ်… စိတ်တိုတယ်… ဝမ်းနည်းတယ်… အမည်တပ်မရတဲ့ ခံစားချက်ပေါင်းစုံ ရောထွေးနေတာပဲ…။ သူ့ကိုတကယ်ကြီး နားမလည်နိုင်ဘူး…။ စိတ်ထဲ ဘာကိုအလိုမကျဖြစ်နေမှန်း မသိ… သူ့ရဲ့အေးတိအေးစက်ကျောပြင်အား ပေါက်ထွက်မတတ် စူးစိုက်ကြည့်ရင်း မျက်မှောင်သာကြုံ့ထားမိသည်။
“အချစ်ရေ…”
ရုတ်တရက်သူမကိုဆွဲလှည့်လိုက်တဲ့ Jimin နဲ့ မျက်နှာချင်းဆိုင်သွားတဲ့သူမ…။ မျက်မှောင်ကြုံ့လျက်သား… မျက်နှာကလည်း မကြည်လင်…။
“ဟင်… မျက်နှာလည်း မကောင်းပါလား? ဘာဖြစ်လို့လဲ?”
Jimin ရဲ့ဂရုဏာမျက်ဝန်းက ခါတိုင်းလိုပင် သူမကို စိတ်သက်သာရာရစေသည်။ သူ့ဆီက လုံလောက်တာထက်ပိုတဲ့ အကြင်နာတွေရနေတာ ဘာထပ်လိုဦးမှာလဲ…။ သူတစ်ယောက်ရှိရုံတင် ဘဝကြီးကပြည့်စုံနေပြီ…။ ဘယ်သူ့ကိုမှ အာရုံစိုက်နေစရာမလိုဘူး…။
‘Kim Taehyung ရှင့်ဟာရှင် ဖြစ်ချင်ရာဖြစ်! တစ်ယောက်တည်း အဲ့မှာ ချေနေလိုက်! ဂရုမစိုက်တော့ဘူး!! လုံးဝပဲ!!!’
သူမ အပြုံးအကျယ်ကြီးပြုံးရင်း ပြုတ်ထွက်မတတ်ခေါင်းရမ်းခါပစ်လိုက်၏။
‘Kim Taehyung သွားစမ်း! ထွက်စမ်း! … … အမယ်လေးမူးလိုက်တာ!’
နားထင်သွေးကြောတွေ တဒုတ်ဒုတ်ဖြစ်လာလို့ ရပ်လိုက်ချိန် သူမရဲ့ခေါင်းကို ခပ်ဖွဖွလေးပုတ်ပေးလာတဲ့သူ…။
“ဟားဟား… ဖြည်းဖြည်းသက်သာလုပ်ပါ အရုပ်မလေးရယ်… ကျိုးကုန်ပါဦးမယ်”
“ဟီးးး”
“ခရီးပန်းနေပြီမလား!? ကိုတို့အခန်းထဲသွားစို့”
သူဆွဲခေါ်ရာနောက် ထလိုက်သွားရင်း သုံးလေးလှမ်းလောက်လှမ်းအပြီး အရှေ့ကဦးဆောင်နေသည့် သူ့ခြေလှမ်းတို့ရပ်တန့်သွားသဖြင့် သူမလည်းရပ်လိုက်၏။ Luggage များကျန်ခဲ့လေသလားစစ်ကြည့်လိုက်တော့ သူရောသူမရော ကိုယ့် Luggage ကိုယ်ဆွဲလာကြတာပဲ…။
သူမအာရုံ Luggage ဆီရောက်နေစဉ် နောက်လှည့်မကြည့်တဲ့သူ့ဆီမှ စကားသံတိုးတိုးလေး…။
“ချစ်တယ်”
‘အယ်?! ချစ်တယ်လို့ပြောလိုက်တာလား? အဆုံးမရှိအစမရှိ?!’
ရုတ်တရက်မို့ နားကြားများမှားတာလားလို့ ခဏကြောင်တောင်တောင်ဖြစ်သွား၏။ မှားစရာတော့ အကြောင်းမရှိ… တိုး၍ညင်သာပေမယ့် ရှင်းရှင်းလင်းလင်းပဲ…။
“Oppa ကိုလည်း Dolly က သိပ်သိပ်ချစ်!”
အားတက်သရော ပြန်ဖြေလိုက်တဲ့သူမအဖြေကို ကျေနပ်သွားသည်ပဲလား… အသံထွက်ရယ်လိုက်တဲ့သူ…။ ခြေပြန်မလှမ်းခင် သူမရဲ့လက်ကို ပို၍တင်းတင်းကြပ်ကြပ် ဆုပ်ကိုင်လာသဖြင့် သူမလည်း ညီမျှသောအားနှင့် ပြန်၍ဆုပ်ကိုင်လိုက်၏။
