"البــارت التَاسعْ والعشرون "
رواية غرامك يالخفوق ذبحني هآت حضنك يحتويني/بقلمي .
،
سافري كان يرضيك السفر
جربي لو ورى ليلي صباح
بدلي الرمل بأمواج البحر
واتبعي الغيم تحملك الرياح
سافري لين تبكين المطر
واضحكي لين ما يضيق البراح
* بدر بن عَبد المُحسن.
،
غِيْد تفرك اصابعها متوترة
خايفه من ردة فعله .. لما يدري
وهي منزله عيونها للأرض
قالت : الحقيقة يا استاذ مشعل
انا اعرف حقيقة عُمر ومشكلته مع عمي نَاصر
ووشلون تزوجها..
الامير مشعل انصدم منها
قال : نننعم شلون دريتي ؟!
غِيْد ببرود ، قالت : سمعت الكلام اللي دار
بينك ويين امك .. وهنا عرفت حقيقته
الحقير ..
الامير مشعل يبرر : لكن ..
قاطعته غِيْد على طول
قالت : لا تبرر فعايله اللي ما تغتفر
عمي وثق فيه واعطاه بنته لكن مو لهالدرجة
توصل فيه الخباثه انه يتزوجها عشان
ينتقم لزوجته .. حرام بنت عمي
مالها ذنب ..باللي صار
وانا ماراح اسكت عنه وراح اوريه
ان الله حق ..
الامير مشعل : معاك حق وكلامك
على عيني وراسي .. وعُمر غلطان
وظلم البنت .. لكن ..
غِيْد : وش بتقول بتدافع عنه هذا انت
صاحبه ولا وقفته عن فعايله ..
الامير مشعل : انا حاولت كثير اوقفه
لأن هالشي مايرضي الله ولا رسوله
لكن عُمر عنيد الا ويسوي اللي براسه
عجزت .. وقلت مافيه غير
شُموخ هي اللي تقدر عليه..
غِيْد ضحكت بسخريه
قالت : ههههههه شُموخ بنت عدوّه هي اللي تقدر
عليه .. ضحكتني والله يا استاذ مشعل
مستحيل دام حقده معمي قلبه
ماراح يتغير ..
الامير مشعل : الا راح يتغير وانا واثق منها
غِيْد : وايش اللي يخليك تثق ان شُموخ
راح تغير هالسايكو ؟!
الامير مشعل : شُموخ فيها شبهه من سارهـ
لدرجة تشكين انهم اقارب او خوات
غِيْد باستغراب : شلون ؟! فيها شبهه
وبعدين سارهـ ذي مافيه من عايلتنا وحده بهالاسم !
عشان تقولي انهم اقارب..
الامير مشعل طلع جواله من جيبه
قال : شوفي بنفسك هذي سارهـ المرحومه
زوجة عُمر .. مو تشبهه لبنت عمك نَاصر..!
غِيْد توسعت عيونها بدهشه
تشوف العيون شبهه كبير من بعض
قالت: مستحيل وش هالعيون اللي
نفس بعض..!
الامير مشعل : شفتِ الشبهه بينهم
انا متأكد ان شُموخ راح تقلب
الموازين .. وتغيره
غِيْد : مستحيل يا استاذ مشعل
اللي طول عمره حاقد صعب يتغير
صعععب يتغير ..ولا تتأمل
ان شُموخ راح تغيره
دام غيرها ماقدرت عليه ..
وقفت من مكانها ، قالت : لا تحاول
تغيير رايي بعد انا راح افضحه
قبل ما يصير لها شي..
الامير مشعل وقف معها
قال : لا تحسبين اني ساكت وراضي
يا غِيْد .. واذا راح تفضحينه
انا معاك بكل خطوة تخطينها
غِيْد انصدمت من كلامه شلون يوقف
ضِد صديق عمره ..!
قالت : شلون توقف ضده وانت صاحبه
مو طول السنين واقف معه الحين
وش غيرك ؟!
الامير مشعل : انتِ يا غِيْد اصرارك
ودفاعك عن الحق هي اللي خلاني
اغير رايي .. وما اسكتْ عن الظلم
حتى لو كان صاحبي اللي عشرة عمر معه
غِيْد بعدم تصديق : تمزح مستحيل
تغير رايك .. واكيد دامك صاحبه
فانتم نفس الطينه..
ولا يشرفني اتزوج واحد مثلك
الامير مشعل ، ماسك نفسه قلبه يتعصر
كان خايف من ردة فعلها هذي
ما توقعها راح ترفض وشلون
تشوفه بهالصورة وتقارنه بصاحبه
عُمر .. !
قال بدفاع : لا تحكمين علي يا غِيْد
ولو كنت نفسه .. كان اخذتك بدون
رضاك .. واخذت عشر قبلك
لكن انا قلبي ما اختار الا انتِ
وانا جيت تقدمت لك على سنة الله
ورسوله .. وخليتك تاخذين
راحتك بالرد .. وجاوبت على
كل اسألتك بصراحه ..
وهذا انا قدامك يا غِيْد مستعد
اوقف بوجهه صاحبي
واساعد بنت عمك ...
بس تكفين فكري بردك
هنا انربط السانها ماقدرت تنطق بحرف
واحد .. اعلن استعداده
انه يساعدها وضد مين ..!؟
عُمر ...!
