"البـارت الثَاني عَشرْ"
رواية غرامك يالخفوق ذبحني هآت حضنك يحتويني/بقلمي .
،
فنظل نعشق.. ثم نحزن.. ثم ننسى ما مضى
و نعود نعشق مثلما كنا ليسحقنا.. الجوى
لكن حبك ظل في قلبي كيانا.. لا يرى
قد ظل في الأعماق يسري في دمي
وأحس نبض عروقه في أعظمي
*فاروق جويدة.
،
سمعتْ صوت الأميره نجد عند المدخل الرئيسي
تهلّي وتزغرط : هلا والله بأخوووي
الغالي هلا بسندي هلا فييك نورت يالرياااض
يا حبيبي وش هالمفاجأة الحلوه كان قلت لي
اجهز لك استقبال افخم من كذا
ضمّته بحرارة : هلا فيك يالغالية منورة باهلها
ليش الكلافه يا اوخيتي الغالية وانا جاي اسلم
وابارك لولدك عُمر على عروسته الجديد
اللي سبقني عليها ...
عُمر إنقهر من كلمته الأخيرة
"ايا النذل طول عمرك ما راح تتغير"
عُمر شاد على يد شُموخ بقوة شوّي وتتكسر اصابعها
تألمت بسببه...
لكن نظرة عُمر لخاله ارعبتها وانستها
الم يدها يناظره بكره وحقد وبغض واضح
شُموخ ناظرت بخاله ثم نزلت عينها بسرعه
لما التقت عيونها بعيون خاله
عُمر ما انتبه لها..سحب شُموخ خلفه
يخبيها عن خاله شُموخ وحمدت
ربها انه ماشاف خاله
"واضح ان فيه شي بينهم كبير "
توّها تستوعب تصرفه لما اجبرها تلبس
هاللبس عشان مايبين مفاتنها عند خاله
اللي وضح لها عيونه زايغه
ظلّت تفكر بآخر كلمه قالها " يعني الحين امك متغيره
علي عشانها كانت بتخطبني لأخوها مو لك !
وحتى لو خطبتني لأخوها ماراح اوافق عليه"
عُمر همس بأذن شُموخ وبتهديد
قال: روحي ادخلي للصالةولا اشوفك تفرفرين
خليك منثبره هناك بمكانك إن تحركتي
احش رجولك حش فاهمه..؟
شُموخ تجاهلت اسلوبه الجاف معها
حست بغيرته انبسطت من كل قلبها
" هالحين صرتْ تغَار علي "
صحيح طبيعة الرجل الغيرة على مرته
لكن شُموخ تشوف هالشي غيير عقب
تصرفاته الجلفه معها ،طلع جانب عُمر الغيور
اللي تشوفه بدايه مُبشره
شُموخ ابتسمت بدلعْ وهمستْ بأذنه اليَسار
قالتْ: تغار علي ؟
عُمر تعجب من ردها وشاف ابتسامتها
وبانت غمّازتها رغم البركاين الغضب فيه
إلا إن ابتسامتها قدرت تهز مشاعره
عُمر تعمّد إغاضتها بهمس وبتهديد
قال : طبيعتي كرَجُل اغار على حريمي
ويلا انقلعي من وجهي ولا عاجبتك الوقفه هنا ..!
شُموخ تضايقت من كلامه عن طاري حريمه
" مالتْ عليك انت وحريمك يا حقير
انا توّي عروس متعمد تطريهم عندي
لييش لييش ابفهم !مالي شان عندك !!
راعي مشاعري كإنسانه على الاقل ماهو
زوجه آااه ياقلبي ليتك ما تعلقتْ فيه
ولا حبّيتك حتى ، دام هذا طبعك "
تغلغل قلبها اكثر وتعمّدت تقول بصوتْ
شبّه مسموع عشان تغيض الاميره نجد
قالت بدلعْ: اوكِ حبيبي بااي راح اشتاق لك
عُمر وده يسحبها ليأدبها على حركتها لكن عيونها فضحت
زعلها من طاري حريمه" احسنْ تستاهلين "
شاف وجود المشرفة حصه والخدم وخاله
وامه فيه لذلك من خطته
انه يمثل الحُب والزواج والإستقرار قدام عيونهم
دارس الوضعْ في القصر وعارف سوالف الحريم
والقيل والقال لأنهم تحت الأنظار ..
عُمر قال بنفسه " اعلّمك شلون الشوق يكون ،يا سِتْ شُموخ "
راح لخاله بعد ما اتأكد ان شموخ دخلت الصالة
عُمر بنبرة حاده : وش جابك هنا ومين سمحْ
لك تدخل القصر يا بندر أكيد انها امي !
الاميره نجد بدفاع : ايه انا اللي مدخلته وكف شرّك
عن اخوي يا عُمر والزم حدّك ..
الأمير بندر : اتركيه لي يا نجد انا اتفاهم معه ...
تقدم لعنده صار مقابله ناظر فيه من فوق لتحت
بإشمئزاز وإبتسامه ساخره
قال: والله مب على كيفك تدخلني وتطلعني
يا عُمر اقصد سَيْد عُمر !!
عُمر ماسك اعصابه لا يستفرد فيه ويذبحه
مانسى نظرته المُقززه لشُموخ ...
قال بتهديد: اسمع يا بندر هذي أخر مره
تدخل فيها القصر لا تقولي ما حذّرتك..!
الأمير بندر بضحكة ساخره : هههههه ومن زين قصرك عشان
تهددني ادخل ولا ما ادخل هذا الشي راجع لي..
عُمر كاتم غضبه وبوعيد
قال : لكن انا حذّرتك ،وانت عارف وش بسوي فيكِ
ولا نسيت بلاويك .. اذا تبيني اذكرك يعني
وكل شي عندي ضِدك يا بندر بس ارفع السمّاعة
تختفي من الوجود ...
الأميره نجد بخوف : بندر وش قااعد يقووول عُمر ؟؟
الامير بندر انقهر من تهديده وشدّ على قبضة يده
قال : تهدد خالك يا قليل الادب ..
ناظر بأخته قال :ولدك هذا شكلك ما ريبتيه زين
يا نجد يبي له تربيه جديدة عشان يحترم خَاله..
رفع يده على عُمر بيعطيه لكمة ، لكن عُمر مسكه
ولوى ذراعه بقوة : انا اللي أربيك وما تمشي غير
كذا يا بندر انت مايفيد معك غير التهديد ...
وهمسْ بإذنه لا تسمعه أمه :ولا نسيت قبل 10 سنين
وش سويت ورجعت الحين وماتبت من
غسيل الأموال !!
الامير بندر بضحكة سَاخره : ههههههه ومن قالك
إنّي رجعتْ !
عُمر رفع حَاجبه بإعجاب : مايغيب عنّي شيء يا بندر
وانصحك لا تحط راسك براسي بتندم أكثر ..
الامير بندر أبتسم بمكر: ارتاح ماراح احط راسي براس واحد
حُثالة مثلك مايهمّه غير نفسه !
عُمر ضحك بثقه : هههه لهالحين شايل بقلبك علي
لهالحين تفكر بالعقد اللي رفضته ههههههههه
مسكين والله ...ايه ما افكر غير بنفسي وبمصلحتي فقط
و ما اتشرف انّي أتعامل
مع واحد مثل اشكالك ..
الامير بندر بسُخريه: والله مالمسكين غير انت
يا سَيْد عُمر..!
الأميره نجد قاطعتهم وفرّقت بينهم :اقووول عاد اهجدوا
وبلااش هواش شيّاب وش كبركم وتتهاوشون عندي
هوّ ماصارت والله ...!!
الأميره نجد تحاول تكون وسط بينهم التفتت لعُمر
قال : وانتْ يا عُمر الزم حدودك واحترم خالك اللي
فات مات الى متى وانتم متعادين !!
