،
"البــارت الثلاثين"
رواية غرامك يالخفوق ذبحني هآت حضنك يحتويني/بقلمي .
،
لو تغيبي .. ولو رحل وجهك حبيبي
في غيابي عنك أشوفك
وفي عذابي منك أشوفك
صدقيني .. ما نقص هالليل بعدك .. إلا قمرا
وما فقدت من النهار .. إلا شعاع الشمس بكرا
واجمل الناس حبيبي .. يا حبيبي
* بدر بن عبد المُحسن.
،
صراخها علا القصر
حالها يرثى له ..
وجهها غرقان دموع ..
تمشي بخطوات سريعه
داله على غضبّها وقهرها وحقدها
وتتوعد فيه انها راح تنهي حياته
مثل ما انهى حياة ولدها
ماجاء ببالها الا اخوها
اكثر عدو له ..!
سنين يهدده بالقتل.. وبكل مره عُمر يسلم منه
لكن هالمره سواها .. !
قررت تاخذ ثار ولدها
بنفسها .. تفرغ السلاح على راسه
ووراها الحارس الشخصي
واللي يعتبر يدها اليمين ..
قالت : بندددر ويينه الخسييس
وييينه الله ياخذك يا بندر
والله موتك على يدي
سألت الخدم قالوا له انه فوق
الخدم خافوا منها .. ومن شكلها كان مُرعب
اول مره يشوفونها كذا ..!
ولا بالعادة هبيتها وحضورها يسبقها
هالمرة كأنها طير جريح
دخلت الاصنصير .. صدرها يرتفع وينزل
تتمتم باسمه وتتوعد ..
راحت لجناحه
شافت الحارس عند باب الجناح
الاميرة نجد اشرت السلاح عليه
قالت : افتح الباب بسرررعه
لا اكسره على راسك ..
الحارس من الخوف طاح على الارض
يوم شافها رافعه السلاح عليه
قال وهو يرجف : ماهو معي المفتاح
والله...
الاميرة نجد : مع ميين جيبوا لي المفتاح
وينه ..
الحارس : ممممععع طططويل العمر ..
قاطعه حضور الامير بندر
قال : انا موجود يا نجد..
الاميرة نجد التفتت وراها
الا اخوها .. واقف بهدوء
وهي رافعه السلاح عليه
قالت : والله لا اخذ روووحك
من بين ضلوووعك ..
الامير بندر بأمر : نجججد نزلي السلاح
وتعوذي من الشيطان
الاميرة نجد : حالفه ان محد ياخذ روحك
غييري يا بنننندر ..
الامير بندر بصوت عااالي : ولدك حي يا نجد
والله حي مييير اتركي السلاح
وتعوذي من الشيطان
الاميرة نجد : كذاب انت ولدي ماااات مااات
وانت السبب ..يالخبيث
الامير بندر التفتت على السكرتير
قال: عطها الجهاز تشووف ولدها
اذا ماهي مصدقتني...
السكرتير اعطاها الجهاز
وهددته الاميرة نجد يتراجع
شافت فيديوهات ولدها بالمستشفى
وعليه اجهزة حالته خطرة ..
اختل توزانها ... وهي تشوف فلذة كبدها
حي .. ساعدها الامير بندر لا تطيح
وسحب منها السلاح بهدوء
وهي تناظر صور ولدها وتبكي
بحرقه والم عليه ..
قالت : آااه وكبدي على ولدي
حسبي الله على من كاااان السبب حسبي الله عليه
تبكي على حال ولدها بين الحياة والموت
الامير بندر ساعدها على النهوض ..
ودخلها مكتبه..
اعطاها كاس مويه ..تبل ريقها بعد ماجف
من البكاء والصياح .. اشفق عليها
ماتوقع تكون ردة فعلها كذا
رغم انها تكرهه ولدها والمشاكل اللي بينهم
الا انه يبقى بالاخير قطعه من رُوحها
وفلذة كبدها ...
الامير بندر ببرود: الحمد لله على
سلامته ..
الاميرة نجد ما زالت شاكه باخوها
قالت : والله لا احاسبك يا بندر على اللي
سويته بولدي ..
الامير بندر : انا عارف انك شاكه فيني
وهذا طبيعي لأنه عدوي واللدود
لكن تفجير المنجم مالي اي علاقه
فيه يا نجد..
الاميرة نجد : اجل من اللي فجره يا بندر
وشلون وصل ولدي لهالحاله قللي
وشلووون ؟
الامير بندر : اكيد واحد معادي ولدك يا نجد
وحاقد عليه .. حسب اللي وصلني من تحقيقات
ان ولدك انطعن بالسكين وهو داخل المنجم
مسك واحد من العمال .. معه متفجرات
وطعنه وهرب .. عُمر حاول يمسكه
لكن العامل قدر ينفذ بجلده
وفجرّ المنجم.. وولدك من رحمة الله فيه
كان برا المنجم لكن تضرر من التفجير
بإصابات خطره .. والناس تناقلت
اشاعة وفاة بحكم اللي شافوه اخر مره
انه بالمنجم .. واسعفه واحد من العمال
ونقله على هيلو كوبتر للعاصمة ..
الاميرة نجد : وهذا العامل محد مسكه
ولا عرف من طرف من هو ؟!
الامير بندر : لهالحين الشرطة تحقق بالموضوع
لكن اللي ابي اقوله طلعيني من راسك انّي
انا السبب يا نجد .. وشددت عليه حراسه
امينه محد يقربه ولا يزوره
الاميرة نجد : لا حول ولا قوة الا بالله
يارب رجع لي ولدي سالم غانم
ثم مسكت يده ، برجاء
قالت : تكفى يا بندر ولدي امانة
برقبتك.. انا مالي غيركم
في هالدنيا..
الامير بندر تغيرت ملامح وجهه للعبوس
شلون اخته تحمله امانة ولدها
وهو عدو له .. !
ومخطط يقتله هو مو اي احد ثاني !
فأول ما سمع الخبر ماصدق
يعرف عُمر نجى مرات عديدة
مستحيل يموت بهالسهولة
يبي يقضي عليه بنفسه
عشان مايبي يحس بالندم
ويحرن عليه !
او ينزل دمعته حتى ..!
لهالدرجة قلبه قلبه قاسي على ولد
اخته ..!
الامير بندر يبي يتزوج شُموخ ..
ويعوض سنين عمره
اللي راحت بلا زوجه وحبيبه
من بعد ماحب سارهـ كرهه النساء
بعدها صار يشوفهم كلهم واحد..!
لكن الاميرة نجد
حطته بين خيارين يشوفهم نارين
انه يترك عُمر يعيش عشان امانة أخته
او يموت عشان يتزوج شُموخ ..!
