KAIROS
Di ako mapakali sa harap ng damitan ko. Ano ba ang dapat kong suotin? Kinuha ko ang kulay itim at maroon na polo, humarap ako sa salamin at sinukat ang mga ito.
"May lakad ka?" Tanong ni Kali.
"Balak ko sanang sunduin si Xia at ayaing kumain sa labas." Nakangiting sabi ko.
"Mas bagay sa'yo tong maroon." Kinuha nito ang maroon na damit at itinapat sa akin.
"Okay. Mag-aayos na ako."
Nagsimula na akong mag-ayos ng sarili at dali daling bumaba. Kinuha ko ang susi ng sasakyan at pinaandar ito papunta kila Xia. Habang lumalapit ang bahay na tinutuluyan nila ay pabilis ng pabilis din ang kabog ng dibdib ko. Di ko alam paano sasabihin sa kanya na nakakaalala na ako. And I'm willing to fix everything. Lahat ng naiwan kong gulo at sakit.
Itinabi ko ang sasakyan at pinindot ang doorbell ng bahay ni Cleo. Dumungaw ang di katandaang babae mula sa garden sa harap ng bahay.
"May I help you?" Tanong nito.
"I'm looking for Xia. Is she here?" Tanong ko.
"Wala siya rito." Sagot ni Cleo na nakadungaw sa gate.
"Alam mo ba kung na saan siya?"
"Kakaalis lang niya. She's with Francis. She's working kaya wag mo na siyang abalahin." Sabi nito.
My jaw clenched when I heard that she's with Francis again. Alam kong pinopormahan siya nito. Alam ko yung nga tinginan at haplos niya kay Xia.
"Okay. Thanks." Paalam ko.
"Mister mallow!" Tawag ng bata at agad naman akong napalingon.
"Hey! How are you? Last time bulol ka pa ah. Ngayon nasasabi mo na ng diretso." Pinantayan ko ang laki nito.
"I'm still practicing my english and my tongue is so small, that's why it's hard for me to say some words." Inilabas nito ang dila niya para ipakita sa akin. "Good thing my mommy is a great teacher." She innocently explained.
"Shh. Ang daldal mo para kang nanay mo." Suway ni Cleo sa bata.
Natatawa lang akong nakatingin sa kanilang dalawa. Nakangiti akong nakatitig kay Zanea. Her parents are so damn lucky to have a daughter like her. She's smart, bubbly and gorgeous.
"Voglio giocare con lui." Sabi ni Zanea kay Cleo sa wikang italyano. (I want to play with him.)
"No." Diretsong sabi nito.
"Per Favore..." Ngumuso ito. (Please...)
"Tua mamma si arrabbierà." Sagot din nito sa parehong wika.
(Your mom will be angry.)
Para akong tangang walang mainindihan na nakatingin sa kanila habang nagpapalit sila ng salita gamit ang ibang lengguwahe."Hey. Mauna na ako." Pagputol ko sa kanila.
Suminghap ng hangin si Cleo at pinakawalan ito, "Pasok ka muna. Gusto kang makalaro ni Zanea." Nilakihan nito ang uwang ng gate para makapasok ako sa loob.
Di ko maiwasang mapangiti. Ang tagal na rin mula nung huling napuntahan ko itong bahay niya. Noong panahon pa na hinahabol ko si Xia, noong sinusuyo ko siya pero walang epekto. Hindi nabawi ng mga salita ko ang sakit na naidulot ko.
"Upo ka. Turuan mo muna yan mag drawing o kaya makipag daldalan ka. Magtitimpla lang ako ng juice." Paalam nito at dumiretso ng kusina.
Tinignan ko ang mga nakakalat na papel sa mesa. Tinignan ko ang mga nakaguhit sa papel, may bahay, mga hayop at mga stick figure na tao.
