عهد الأصدقاء

الفصل التاني

التفتت جميله الي عائشه قائله:لاحظي اني دكتوره ومينفعش اجري الناس تقول عليا ايه؟!
تحدتث عائشه بغيظ:لينا بيت نتحاسب فيه امشوا يلا
سلمي  ساخره:هتوحشينا والله يا جميله الله يرحمك
جميله بخوف مصطنع:طلعي على روحي شوكلاته
سلمي باستغراب :اشمعنا؟!
جميله :عشان بحبها
تحرك الفتيات الي المطعم وبدأت عائشه تقص عليهم ما حدث مع يحيى
لتتحدث سلمي:خلاص روحي قابليه مستنيه ايه؟
جميله وهي تشرب هوت شوكلت :يلا قومي قومي
عائشه :انتِ هبله قال بليل
غزل :خلاص اخيرا هتجوز لتكمل حديثها بخبث بس واضح اني هتجوز لوحدي
نظرت عائشه وجميله وسلمي لغزل باستفسار لتنظر غزل لريم
ليجدوا ريم منهكه في الايس كريم وحينما لاحظت نظراتهم تحدثت وفمها ممتلاء بالطعام :مش بيقدر مواهبي اقوله عندي معرض كمان كام يوم يقولي تعالي نسهر الله الله
نظرت الفتيات الاربعه لبعض بدهشه
لتتحدث سلمي وهي تأخذ الايس كريم منها وتنصرف :انا معنديش غير مراره واحده
جميله :حنشل يا ربي، ثم انصرفت
لتنصرف غزل وعائشه وهن يتحدثن بكلام غير مفهوم لتسرع ريم قائله :هاتي الايس كريم يا سمكه
لتكمل بقولكم مواهبي انتوا مش مصدقين لتوجه حديثها للنادل :والنبي يا محمد هات آيس كريم
محمد :حاضر يا فنانه
بدأت ريم بشكل كوميدي تقص على محمد ما حدث بينها وبين حسام وحينما انهت
محمد :ربنا يسعدكم يا ست هانم
لتنظراليه ريم بسخط :دا اللي ربنا قدرك عليه يا محمد لتكمل وهي تقلده :ربنا يخليكم لبعض يا ست هانم لتتوجه بنظرها اللي الايس كريم قائله :انت اللي هتحليلي مشاكلي
..........
ذهبت عائشه لمقابله يحيى الذي استراحت له كثيرا وعلمت انه لا خوف من فكره الارتباط
ذهبت إلى المنزل وهي في قمه سعادتها لتجد يد تسحبها الي غرفه سلمي وجميله لتجد سلمي و جميله وغزل التي اخذتها
بعد خمس دقائق
كانت الفتيات تحت البطانية وغزل ممسكه بالكشاف
جميله بصراخ :ايدك دخلت في عيني يا غزل
عائشه بغضب :خلصونا بقا من الحوار دا يعني هي لو دخلت ولقتنا احنا الاربعه تحت البطانية حتقول مش هنا
سلمي بسخريه :هنقولها عاملين خيمه
غزل :طب ايه الخطه يا ظريفه
ثم نظروا جميعا الي جميله فمن كثره مشاهدت المسلسلات هي تعرف افكار مجنونه لحل المشاكل
جميله وهي تفكر : تمام انا بكره الصبح هروح اجيب حسام من الشركه عشان بقالي كتير مشفتوش
غزل مقاطعه :احنا عايزين نخليه يقابل ريم مش انتي
عائشه بغضب : يارب متشلش يا بت انتي خطيبك ظابط قوات خاصه يعني يبقى عندك سنه ذكاء حتى
سلمي :يارب يبهت عليكي وتتذاكي
جميله وعائشه :اااااميييين
لتكمل جميله :سلمي انتي تجيبي ريم من المرسم وتقوليلها تعالي اغديكي هي اصلا مش هتفكر ليه طالما فيه اكل ونسبهم مع بعض ونمشي
عائشه :تمام بس انا مش هكون معاكم عشان عندي اجتماع مع الشركه اللي قولت ليكم عليها
غزل بتذكر :ايوه صح انا عملت سيرش عن الشركه دي وطلعت كبيره اوي
جميله بغضب :طب يلا من غير مطرود بره الاوضه عايزين ننام
انصرفت غزل وعائشه كلا اللي غرفته
........ بقلم جهاد عهدي......
في صباح اليوم التالي وبالتحديد في شركه عائشه
دخل مدير الشركه المنتظر ومعه صديقه وشريكه الي شركه عائشه لتنظر الفتيات بدهشه من هذان الوسيمان أحدهما ينظر أمامه لا يشغله كم الفتيات الناظرات اليه والآخر ينظر للجميع ببسمه ليختار فتاه تقضي اليوم معه حتى دلفا الي مكتب عائشه التي كانت في انتظارهم وبدأوا في مراجعه الصفقه
كنان بحده خفيفه :مازن بطل فرك
مازن :يعني انت بقالك اسبوع حابسني في كوريا وجايبني اقعد في مكتب بردوا، ليكمل حديثه موجها لعائشه :معندكيش مكان كدا ناكل ونتكلم
عائشه بعمليه :لو كنان بيه يوافق في مطعم ممكن نروحه
نظر مازن لكنان برجاء الذي اكتفي بهز راسه بالموافقه
...........
في المطعم
وصلوا الثلاثه الي المطعم ومنذ جلوسهم وقد لاحظ كنان تلك الفتاه التي تضحك بمرح مع من تجلس معه نظر الي يدها ليجدها فارغه من عهود الارتباط ولكن الشاب يرتدي دبله فمن المحتمل ان تكون اخته لينفض تلك الأفكار من راسه ويتحدث بأفكاره :كنان اهدي في ايه حتبقي زي الأهبل مازن دا
حاول كنان التركيز ولكنه لم يستطع ليفيق على صوت عائشه :جميله!!
شعر كنان بشئ غريب بقلبه فمن تكون تلك الجميله
اخرجت عائشه هاتفها وقامت بأرسال رساله لتتلقي جميله الرساله لتذهب  الي عائشه بعدما استغلت انصراف حسام الي الحمام
وتحدثا الفتاتان في نفس اللحظه :انتي بتعملي ايه هنا؟
عائشه :الاجتماع بتاع الشركه قلنا نيجي هنا، لتكمل انتي بتعملي ايه انتِ وحسام  هنا!
جميله :انتِ نسيتي حوار ريم و حسام
عائشه بتذكر :ايوه صح
جميله :زمان ريم جايه وكل حاجه هتبوظ
عائشه :طب يلا بسرعه
تحركت عائشه وجميله عند الباب الخلفي للمطعم لتتحدث عائشه الي هذان المصدومان :انتوا لسا قاعدين قوموا
خرج الاربعه من الباب الخلفي للمطعم
..............
في خارج المطعم
كانت عائشه متوجه إلى السياره حتى وجدت سلمي وريم لتختبئ خلف الجدار
ويبقى المشهد كالتالي
(عائشه في المقدمه تليها جميله التي ترسل رساله لسلمى يليها كنان القريب منها بشده فهو أوشك على احتضانها يليه مازن الذي يلهو بهاتفه)
تلقت سلمي الرساله لتخبر ريم بالدخول الي المطعم حتى تنهي مهمه ما
ومن ثم انصرفت إليهم
سلمي بحيره :انتِ بتعملي ايه هنا!
عائشه :مش وقت يلا نهرب بسرعه
تحرك الجميع ليقف مازن الذي سرح في سلمي وجمالها ليفيق على صوت كنان :يلا يا ابني انت هتبات هنا ولا ايه
........
ذهبوا الي مطعم اخر لتقص عليهم عائشه خلاف حسام وريم ورغبتهم في حله.....
مازن : مش تعرفينا طيب؟
عائشه :سلمي دكتوره أسنان وجميله جراحه
مازن باستفسار :مين دكتوره الأسنان
سلمي :انا
مازن بصوت منخفض سمعته سلمي :كويس نبدأ بالعسلي اموت انا في الغمازات
سلمي : لا والله انا ماشيه
توقع مازن ان يصيح فيه كنان كعادته ولكنه وجده غارق مع التي تعبث بهاتفها
ليتحدث مازن بمكر :اي بتكلمي البوي فريند ولا ايه؟!
جميله :معنديش... عن اذنكم
تحركت بضع خطوات ثم نظرت خلها لعائشه قائله :متنسيش معرض ريم كانت بتقول عايزه شويه طلبات، ثم انصرفت
مازن بأستفسار :معرض ايه؟
عائشه :لوحات ريم رسمها أصلها رسامه
ليقف كنان :طب يلا احنا كمان
تحرك كنان ولكن مازن انتظر انصرافه حتى تأكد من ذلك :على فكره كنان بيحب الريم واللوحات وممكن ينفع صاحبت
ابتسمت عائشه على طريقته المرحه لتخرج له دعوه  :ياريت تشرفونا
ليخطف منها مازن الدعوه :ميرسي اوي، ويبتسم على نجاح خطته
انتهت الفصل التاني من روايه عهد الأصدقاء بقلم جهاد عهدي ❤️