عهد الأصدقاء

الفصل الثاني والعشرون

في منزل حاتم
كان صهيب يجلس على ارجل ريم التي تحتضنه بقوه ريم :اخ علي الحضن  ..... اخذت تقبله قائله : قمر يا ناس قمر
جميله :انت مال مشاعرك مهيبره كدا ليه يا ريم
ريم وهي تقبل صهيب مره اخرى :مش عارفه يا جي
عائشه :الحب ولع في الدره
غزل وهي تضع اكوب المانجا أمامهم  :لا دا بقا تحرش
سلمي وهي تنهرها بهدوء :ديدا
غزل بعدم استيعاب :ايه... في ايه ؟!
أشارت لها سلمي لذلك الجالس ولكنها لم تفهم لتتحدث جميله بنرفزه :يا صبر أيوب.... قصدها ان صهيب قاعد يختي فهمتي
غزل :اها
توجهت غزل الي الشباب الذي كانوا يعدون لماتش  فيفا
تحدثت عائشه :صهيب مش لازم يقعد معاكي يا غزل بعد اللي حصل
ريم بفرحه :انا هخده
سلمي :وليه مش انا؟!
جميله :انا بقا صهيب زعلان مني مش هيوافق يجي معايا
تحرك صهيب ناحيه جميله ليقبلها من خدها قائلا:صهيب مش اعرف ازعل من جي
احتضنت جميله قائله:يا حياتي على اللي  بنص لسان
تحرك كنان ناحيه جميله وجلس بجوارها لتسأله جميله :مش هتلعب معاهم
كنان :لما يظبطوا الماتش الأول
اومأت جميله رأسها فقترب منها كنان قائلا بهمس  :يا بخته
جميله بعدم استيعاب :مين؟!
كنان :اللي بيتحضن عادي ... .....ليكمل : صهيب
نظر اليه صهيب الذي كان يجلس على ارجل جميله :بخت صهيب  ليه يا عمو كوكو؟!
نظرت اليه جميله بصدمه وقد احمر وجهها
لتتحدث عائشه :في حاجه يا صهيب؟!
صهيب :عمو كوكو  كان بيقول لمامي جميله.... وبدأ صهيب يقلد كنان قائلا :يا بخته... صهيب
أدارت ريم وجهها لاتجاه الاخر وبدأت تضحك وغزل تجاهد في كتم ضحكاتها
ليتحدث حاتم الذي كان ممسك بدراع البلاستيشن :في حاجه يا Bro.... علفكره معنديش مانع انكم تشوفوا اوضته الأطفال حلوه اوي... مش كدا يا غزل
غزل بضحك :اها
اختفت جميله وجهها بيدها بخجل بينما القاه كنان حسام  بالوساده التي كانت بجواره قائلا :اتلم يا حاتم... اتلم
حاتم :شوفت انك ظالمني..... انا قصدي تعملوا لولادكم زيها
حسام  :حاتم مقصدوش حاجه...لبكمل بمكر : هو قصده بس انك عريس جديد ومقدرين ظروفك
في تلك اللحظه انفجر يحيى من الضحك حتى بدأت عيناه تبكي
مازن :واضح ان الحفله عليك يا شقيق
كنان بصوت منخفض لجميله :دا كله ومسمعونيش... امال لو سمعوني بقا
صهيب ببراءه :بتقول حاجه يا عمو
كنان :مبقلش يا حبيبي روح اقعد عند عائشه
صهيب :لا اروح عند مامي ريم
توجه صهيب الي ريم وتحدث: ماما ريم شليني
لم تجبه ريم فأعاد كلامه مره اخرى
لتتحدث سلمي التي كانت تتابع الموقف  بقلق :ريم... انت كويسه
حاولت سلمي تحريكها لتجدها تسقط على الأرض بقوه
تحرك الجميع بقلق في اتجاهها
اقتربت منها جميله لتجدها لزالت تنبض فتحدث براحه :الحمد لله...لتكمل : هاتي مايه يا غزل
أحضرت غزل المياه وبدأت جميله تحدثها وهي تمسح وجهها بالماء حتى عادت لوعيها
حسام بقلق  :حبيبتي انت كويسه
اكتفت ريم بهز رأسها بنعم
ليكمل حسام :تعالي نروح المستشفى نطمن
نظر له الجميع بدهشه حتى جميله التي كانت تقيس  لها الضغط بعدما احضر حاتم لها الجهاز لتتحدث جميله بسخريه  :احنا بقينا دكاتره من  مدرسه السعديه الابتدائيه ولا حاجه؟!
حسام بتذكر :مش قصدي والله.... انا خايف بس
جميله :اطمن الضغط كويس مفيش حاجه
حسام :الحمد لله
جميله بتفكير :بس انا شاكه في حاجه
حسام بقلق  :خير ؟!
تحدثت جميله بسرعه وهي مغلقه عينها وكانها تلقى بشر :انا شاكه انها حامل بس مش عايزه اقول حامل وتفرحوا ومطتلعش حامل فتزعلوا مني
يحيى :بسيطه ابعتوا هاتوا تحليل حمل
حاتم :تمام هطلب من الصيدليه
جميله :هات ٣ انواع يا حاتم عشان لو واحد غلط
أشار حاتم الذي كان  يتصل بالصيدليه بنعم
انتظر الجميع حتى وصل العامل الذي سيحضر التحليل بينما عاد كنان وحاتم الي العب
حضر العامل وأخذت ريم احد التحاليل ودلفت الي الحمام
وكان المشهد كالآتي
(جميله تقف عند باب الحمام تعبث بهاتفها... سلمي تجلس على كرسي جوارها... ومازن يقف جوارها موليها ظهره.... يشاهد مباراه حاتم وكنان... وغزل تقف على الجه الأخرى لباب  الحمام... ويقف حسام بجواره... وعائشه تجلس على الاريكه تلعب مع صهيب..... ويحيى يجلس جوارها.... وكنان وحاتم أمامهم يلعبان)
خرجت ريم فأعطت التحليل لجميله التي اكتفت بوضعه في يدها وهي تنظر للهاتف
حسام بلهفه :هاه يا جميله؟!
رفعت جميله عينيها عن الهاتف قائله :هو لحق يا عم
جووول.... كان ذلك صوت حاتم الذي احزر هدف
عائشه بخضه :حاتم خضتني 
جميله بفرحه : positive
نظر إليها الجميع ليبدؤا بالتهليل
اصمتتهم جميله قائله :معلش يا جماعه اني ببوظ فرحتكم بس جربي الاتنين دول عشان نتأكد
عادت ريم الي الحمام ليعود كل فرد الي حاله السابق
خرجت ريم وأعطت التحليل لجميله كالمره السابقه 
جوووول...... كان ذلك صوت كنان الذي قطع الصمت الذي في مكان
جميله بحزن  : negative
حزن الجميع
لتتحدث جميله بحماس قائله :اخر واحد بقا؟!
غزل :ومالك اتحمستي كدا ليه؟!
جميله :بحب اللحظات دي اوي
دلفت ريم الي الحمام وهتفت وهي تقلد محمد هنيدي :انا زهقت
تحرك الجميع الي الاريكه حيث يلعب حاتم وكنان
تحدث كنان بدهشه :مالكم هلتوا مره واحده كدا 
مازن بتركيز في المباراه :عايزين نعرف حامل ولا لا يا Bro
نظر اليه كنان بدهشه
ليكمل :اصل لما حاتم بيجيب جول بتبقى حامل
ولما انت بتجيب مش بتبقى حاتم قصدي حامل
ترك كنان زراع البلاستيشن حتى يحرز حاتم جول حضرت ريم وأعطت جميله التحليل
ظل الجميع ينظر على حاتم حتى اقترب من الجول ليحرزها في العارضه ليتحدث يحيى  بعضب خفيف :في العارضه يا حاتم
انتهى الماتش بالتعادل
ليهتف مازن :يعني كدا ايه؟!... ليكمل بحزن :معرفناش حامل ولا لا
حااامل..... كانت تلك  الكلمه التي هتفت بها جميله باب للتهنئه لحسام وريم وظل الأصدقاء مع بعضهم البعض فتره حتى غادروا حينما تقدم الليل 
.........
عند كنان وجميله
أوقف كنان السياره فنظرت له جميله بتعجب وهتفت قائله :في ايه يا كنان... وقفت ليه؟!
كنان بجديه :جميله... في موضوع لزم اقولهولك... لانه هيحدد علاقتنا
نظرت له جميله بقلق فهي لن تقدر على الافتراق عنه مره اخرى
فشرع  كنان يقص عليها ما حدث منذ سفره الي كوريا حتى عودته
وحينما انتهى
تحدثت جميله بدموع :يعني الجروح اللي في ضهرك دي بسبب الحادثه
هز كنان راسه بنعم
فرتمت جميله في احضانه وأخذت تبكي وتحدثت  ببكاء  :انا اسفه
رفع كنان رأسها  له ليهتف :بتعتذري على ايه يا قلبي انت ذنبك ايه
ليكمل كنان بمكر :خلاص كدا صاف يا لبن
ابتسمت جميله من بين دموعها قائله :حليب يا قشطه
ضرب كنان مقود السياره بعنف قائلا :انا غبي
جميله بفزع :في ايه يا كنان؟!
كنان :بختار المكان الغلط عشان نتصالح
ضحكت جميله على حديثه بينما هو ضغط على المحرك ليعود الي منزله بأسرع وقت 
.........
في صباح اليوم التالي
وبالتحديد في مشفى يحيي
كان الفتيات يجلسن في حديقه المشفى حتى حضرت سلمي وجميله من الداخل
جلست سلمي بجوارهم بينما تحدثت جميله :ساعدوني اقعد... انتم بتقعدوا ازي على الأرض كدا
عائشه وهي تساعدها على الجلوس : هو احنا لقينا كراسي وقلنا لا
غزل بسخريه  :معلش نسيني اننا هنقابل بنت الناس الاغنيه
سلمي بابتسامه  :انت لسه فاكرين
عائشه  :فاكره يا جميله  لما كنا بنادي عليكي في الشارع يا  بت الناس الاغنيه
جميله بسخريه:كان
ريم :لينا
جميله :اخ
ريم :زمان
جميله :اختلفنا
ريم :في وجهات النظر
جميله :هو نزل واحنا طلعنا
جميله و ريم :ههيهيهي
سلمي وهي تضحك :يخربيتك ياريم
غزل :انا بحب المسرحيه دي اوي
سلمي :كان بيقلها ايه
غزل :احفري يا اختي احفري
سلمي :ولا الحته بتاعه.....
قاطعتها عائشه قائله  :احنا هنلعب
سلمي :هنعمل ايه يعني؟!....ادينا  بنتسلي
عائشه :هنعمل ايه في حوار صهيب دا مثلا
بدأ الجميع يفكر
حتى تحدثت جميله :يروح عند كل واحده ٦ شهور
سلمي :انا موافقه جدا
غزل :وانا كمان
رن هاتف سلمي فأجابت بينما اخذت جميله هي وريم يقلدنا المسرحيه وغزل تشاهد بتركيز  حتى قطع حديثهم سلمي التي تحدثت :جميله
نظرت لها جميله بنتباه
لتكمل سلمي قائله :جدت كنان ومازن جات
وبكدا يكون الفصل الواحد والعشرين من روايه عهد الأصدقاء انتهى بقلمي جهاد عهدي ♥️