عهد الأصدقاء

الفصل الثاني عشر

مر شهر على أبطالنا كانت ايام مستقره  على البعض مثل حاتم وغزل وريم وحسام  وفرحه على البعض الاخر مثل يحيى وعائشه لقرب زفافهم وتغير حياه البعض مثل مازن وسلمي بعد إتمام خطبتهم وتغير مازن الي الأفضل وأيام تمر ثقال علي جميله وكنان بعد قرار جميله الاخير
حتى جاء موعد زفاف عائشه ويحيي
................
قبل الزفاف بيوم
قرر البنات أقامه حنه تضمهم هم فقط وجهزوا كل ما هو مطلوب، حتي هاتف يحيى عائشه وطلب منها الهبوط للقائه، استأذنت منهم عائشه للانصراف
وبعد خروجها
ريم :طب هنعمل ايه دلوقتي
جميله :هنرقص طبعا
ريم بحزن :للأسف مش بعرف
ابتسمت غزل قائله :ولا تزعلي نفسك هنعلمك
سلمي :يلا
جميله بضحك:لحظه هتحزم واجيلك
غزل :اشطات
.........
عند عائشه
هبطت عائشه الي الاسفل لتجده مرتديلا قميص بينك يظهر عضلاته وبنطلون اسود وبليزر اسود
فكان كعادته جذاب
فتح لها باب السياره لتصعد وتحرك هو الي الباب الاخر، ومن ثم صعد ليعطيها باقه الزهور الموجود في المقعد الخلفي
لتتحدث عائشه بفرحه :ده ليا
يحيى ببسمه جذابه :اكيد
انطلق يحيى بالسياره حتى وصل إلى مطعم  فكانت الرفاهيه هي عنوان المطعم لتدهش عائشه من وجود المطعم فارغ لا يوجد أحد به سواهم  ولكن صدمتها لم تظهر على وجهها بخاصه بسبب علمها بأن والد يحيي ذو مكانه مرموقه في المجتمع فهو صاحب احد المصانع لصناعه السيارات ووالدته الانجليزيه تعد من أشهر مقدمي البرامج في الساحه الانجليزيه وبالرغم من هذا كله فيحيي يعد عنوانا للتواضع ورفض عرض والده بالاقامه معه في إنجلترا وفضل العوده الى مصر بعد إنهاء دراسته
جلسوا الي الطاوله التي تعد هي محور المطعم
ليتحدث يحيي:اخيرا
عائشه بدهشه :اخيرا ايه
يحيى :اخيرا القعده دي
عائشه :دا على أساس اننا مش مع بعض كل يوم
يحيى ببسمه :من اول مره شوفتك فيها في عيد ميلاد سلمي كنت عارف انك هتقعدي هنا وهيجي اليوم اللي اعترفلك فيه بحبي بالرغم اني مكنتش اعرف انك صاحبتهم اوي بس كان عندي احساس غريب تجاهك
ليكمل
اش انا طلع ودن اهلي عشان نوصل للمرحله دي
عائشه بضحك :اسمها عين اهلي مش ودن اهلي
يحيى بصدمه :ايه دا بجد
هزت عائشه رأسها بنعم وهي لازلت تضحك
يحيي بصوت منخفض :ماشي يا حسام والله لوريك بتحفظتي أمثال غلط
عائشه :بتقول حاجه
يحيي :لا مفيش بس العربي مش تمام معايا
عائشه :من غير ما تقول واضح طبعا
قدم لها يحيى اسوره من الألماس تحمل اسمها ليتحدث :دا اول خطوه في علاقتنا الجديده خليها دايما في ايدك عشان كل ما يحصل حاجه وحشه ابص فيها فافتكر انا تعبت قد ايه عشان اوصل هنا
هزت عائشه رأسها بنعم ليقدمها يحيي لها
ومن ثم بدأ يحكي لها عن طفولته فبالرغم من هدوء يحيى الحالي الا انه كان طفلا مشاغب
مر الكثير من الوقت لتتحرك  عائشه عائده الي المنزل وهي في قمه سعادتها فهي أدركت الان انها اختارت الشخص الصواب وجدت المنزل هادئا على عكس ما تركته لتتوجه  لذلك الصوت الذي يخرج من غرفه سلمي وجميله
......
في غرفه سلمي و جميله
دخلت عائشه الي الغرفه لتجد الفتيات منهكين ويصبون عرقا
لتتحدث عائشه بقلق :ايه دا مالكم؟
جميله بتعب :كنا بنعم ريكشو الرقص الشرقي
لتكمل غزل :بس قلب صلصه
ضحك سلمي، لتتحدث عائشه :والله كدا طب تعالوا بقا
انقضت عليهم عائشه ضربا بالمخدات لتبدأ الحرب بينهم حتى اجهدهم التعب ليجلسوا متحدثين عن ذكريات الماضي
.........
في اليوم التالي
تم  زفاف يحيي وعائشه في إحدى قاعات الاسكندريه فظهرت عائشه كالاميرات وكذلك يحيى وكان الفرح هادئ بعض الشئ مناسب لطبيعه يحيى وعائشه، حتي تغير الوضع بعدما غيرت جميله الاغاني الي المهرجانات ليتحول الفرح الي ساحه رقص الكل يرقص تحت صدمه يحيى والتي كانت التجربه الأولى له مع المهرجانات ونظرات غضب من عائشه التي تكره تلك الاغاني
انتهى الفرح وعاد العروسان الي منزلهم وعاد الفتيات ولكن بدون عائشه
........
عند يحيى وعائشه
توجه عائشه الي الحمام لتغير ثيابها ليتحدث يحيى من الخارج :مش كنا بقينا في الاوتيل احسن
لتجيب عائشه :مش هحس اني مرتاحه
مر بعض الوقت لتخرج عائشه مرتديه إسدال الصلاه بدأ يحيى يقرب منها وتحدث :انتِ
عائشه بخوف :انا ايه
يحيى :اصل
عائشه بخوف اكبر :في ايه
لتتحدث عائشه بسرعه حينما اقترب اكثر  :الصلاه
ضربها يحيى بخفوت على مقدمه رأسها قائلا :منا لازم عشان اصلي اتوضي وانت واقفه قدام الحمام
نظرت عائشه خلفها لتتحدث:تصدق صح اتفضل
توجه يحيى الي الحمام ليضحك على ما فعله بها
وبعد فتره خرج يحيي ليأمها في الصلاه ومن ثم دعا الله لهم بالتوفيق  وبدأت فتره جديده في حياتهم
.........
مر اسبوعان
وجاء موعد زفاف ريم وحسام
وكالعاده قبل الزفاف بيوم😂
كان الفتيات يجلسن في الصاله حتي دلفت ريم وتحدثت:هنزل عشان حسام يقابلني
اومأت سلمي رأسها بنعم، لتنصرف ريم
تحركت غاده الي مشغل الاغاني لتتحدث موجهه حديثها لعائشه :انتِ مشوفتيش اللي حصل المره اللي فاتت يلا يا بنات نوريها
(طبعا انتم هتموتوا وتشوفوا هيوروها ايه بس للاسف مش هينفع 😂انا نفسي انا كمان اشوف والله 😂)
......
عند ريم
هبطت ريم لتجد حسام يقف يرتدي قميص لبنى و بنطلون من نفس اللون
لتتحدث ريم :هي فين عربيتك
حسام :الراجل اخدها ضمان على اما اجيبك
ريم بدهشه :ضمان! لتكمل :طب نطلب أوبر طيب. حسام :أوبر ليه؟ دا احنا رايحين البحر الي على أول الشارع
تحرك الاثنان حتى وصلا الي الشاطئ لتجده مزين بالشموع والورود
لتتحدث ريم بدهشه :دا ليا
اومأ حسام بنعم
لتتحدث ريم :دا تحفه
ليتحدث حسام بصوت منخفض :طبعا تحفه انت متعرفيش دفعت فيه قد ايه
ليرفع صوته قائلا :تعالي نقعد
جلسا الاثنان ليتحدث حسام :ريم انت عارفه انا ليه بقلك بنتي
نظرت له ريم لتجيب بلا
ليتحدث حسام قائلا :كويس انك مهبدتيش ليكمل :عشان انت مش حبيبتي اصلا
ريم بغضب :نعممم يا اخويااا
حسام بخوف :ايه دا امال من خمس دقايق تحفه ومش عارف ايه قلبتي حنفي دلوقت
ريم :والله انت مش سامع انت بتقول ايه
حسام :اخرسي يا ريم اخرسي بوظتي اللحظه
ريم بمحايله :لا خلاص والنبي قول
حسام :انت مش حببتي وبس انت كل حاجه في حياتي انت احلى حاجه حصلت ليا ربنا يخليكي ليا يا رب ليكمل :انت عارفه يا ريم انا تقريبا الصعيدي الوحيد اللي بيتمني اخلف بنات كتير
ريم :صعيدي ايه بس دا انت محرحتش الصعيد غير مرتين مره يوم ما اتولدت ومره يوم ما رجعت من الكويت
حسام :ولا كأني سمعت حاجه ليكمل :انا نفسي يا ريم ميبقاش عندي ريم واحده في حياتي نفسي كل بناتنا قبل اللي قلتيه دلوقتي يبقوا شبهك حاليا انا مش عايز اخلف
ريم بضحك :خلاص خلاص اسفه بس حتى لو كان عندك ١٠٠ ريم مش هيكون عندك ١٠٠ ريكشو
ومن ثم بدأت ريم تقص عليه ما تتخيله لغد ليقطع حسام كلامها قائلا :البسي دي
ريم :ايه دي
حسام :دي سلسله كان المفروض اديها ليكي من بدري بس انت مش مدياني فرصه
نظرت ريم الي السلسله لتجدها تحمل اسمها واسم حسام مترابطان  بطريقه رائعه وكأنه يثبت لها انها ستكون معه للأبد
عادت ريم بعد قضاء بعض الوقت مع حسام لتجد الفتيان قد نمن
لتذهب لتنام هي الأخرى
........
في صباح اليوم التالي
كان الحفل مقام على الشاطئ فهو مكان ريم المميز طلت ريم بفستان ضيق من الامام له ذيل طويل من الخلف  وارتدت طرحه عليه فكان فستان مناسب للمكان المناسب وطل حسام ببدله بيضاء اللون أظهرت ملامحه السمراء ورموشه الطويله
مر هذا الزفاف ولم يعكره سوي بكاء ريم لفراق صديقاتها لينتهي هذا اليوم
وبكدا يكون انتهى الفصل الثاني عشر من روايه عهد الأصدقاء بقلم جهاد عهدي ♥️