عهد الأصدقاء

الفصل الحادي عشر

جميله بصدمه :انت مين!
أجاب طفل صغير في الثامنه من عمره :انا على
ابن صاحبه البيت اللي انت قاعده فيه
جميله بعدما بدأت تهدأ:وانت ايه اللي جابك ورايا يا علي؟
على :امي قالتلي اجي معاكي يمكن تحتاجي حاجه
جميله :تمام
اكملت جميله طريقها حتى وصلت على السياره لتبدأ بالبحث عن الهاتف حتى وجدت هاتفها ملقي أرضا
جميله وهي تدعو الله :يارب يكون في شاحن
بعد فتره اضاء الهاتف لتجد جميله عدد كبير من المكالمات، لتقوم بطلب سلمي
.......
في قصر كنان و مازن
كان الجميع في توتر كبير حتى تحدثت عائشه :كدا كتير احنا نطلب البوليس
ليجيب حاتم :البوليس مش هيتحرك غير بعد ٢٤ ساعه
غزل بتعب :يعني احنا هنفضل قاعدين كدا
حسام :يعني نعمل ايه يعني؟
يحيي:ايه رايكم ندور في المستشفيات والاقسام
مازن بأرهاق :لو كانوا هناك كنا عرفنا
ريم :يارب يظهروا بقا والله الواحد تعب
صمت الجميع فالكل يخطر على باله افكار اسوء من بعضهم البعض ، ليقطع الصمت صوت هاتف سلمي التي كانت تحاول التحكم في نفسها وعدم البكاء لتفاجئ بجميله تهاتفها
سلمي بفرحه :جميله
انتبه الجميع لها لتسرع بالرد وتفتح الاسبيكر كما طلب منها حاتم
سلمي :جميله انتِ كويسه
جميله :انا كويسه يا سلمى اسمعيني بسرعه عشان التلفون مفهوش شاحن كفايه احنا في بيت في قريه  على طريق اسكندريه الزراعي هي قبل قريه كنان حاولوا تيجوا بسرعه
سلمي :تمام
مازن :كنان كويس يا جميله
جميله بتردد من اخباره :هاه كويس كويس
ليقطع صوتها بعدما فصل هاتفها
عائشه :يلا بسرعه
تحرك الجميع الي المكان الذي طلبت منهم جميله التوجه اليه
..........
عند جميله
عادت جميله بصحبه <على> الي المنزل لتتفاجئ بالسيده تقف عند الباب لتتحدث لها بفرحه :جوزك  فاق
اتجهت جميله بمجرد ان سمعت كلامها الي غرفه التي بها كنان لتفتح الباب دون طرق لتجده يعتلي السرير عاري الصدر يضع يده على راسه وكأنه يقاوم ألم ما، اخفضت جميله عينها لتصدر صوتا بمجرد ما أن شعر بها تحرك في محاوله بائسه لرتداء قميصه فزراعه المصاب لا يساعده البتا لتسمعه يتألم اقتربت منه جميله وشرعت في مساعدته وهي تنظر إلى الجدار لم تنتبه لتلك اللعبه التي كانت موجوده أسفل قدمها فلم يمنعها عن السقوط سوي يد كنان السليمه تلاقت عيونهم لأول مره لترى عيناه الزيتونه التي يحرسها رمش عينيه الطويل وحواجبه الكثيفه فكنان عربي الشكل كثيرا اما هو فقد اتقن ملامحها من كثره النظر لصورها ولكن على الحقيقه تكون الحقيقه أجمل، وما زاد الطين بله هو صوت السيده التي قالت :انا اسفه اني دخلت من غير ما اخبط خليكم زي مانتم لتكمل محدثه نفسها :يا حلاوه على الحب يا ولاد
جميله وهي تبتعد عن كنان :لا خدي انتِ فهمتي الموضوع غلط
ليسألها كنان بعدما انصرفت السيده :جميله مين دول وانتِ قولتي ليهم ايه من ساعه ما صحيت وهما بيقولوا مراتك مراتك
جميله بتردد:انا... انا مقولتش حاجه هما اللي قالوا
كنان بتسأل :قالوا ايه
جميله :لما شافونا مع بعض قالوا انك جوزي فمكنش ينفع اقلهم لا دا مش جوزي كانوا هيفهمونا غلط
كنان :اممممم يعني انتِ كذبتي
جميله بنفي :انا مكذبتش انا مقلتش حاجه هما اللي قالوا
كنان :بس دا كذب يا جميله انتِ عارفه انهم فكرينك مراتي وانتِ مش مراتي ليكمل :المهم ساعديني البس التيشيرت
ساعدته جميله وهي تفكر فيما قاله هي حقا كاذبه لكنها صنعت ذلك من أجله من أجل أن يعيش وهو لا يقدر ذلك، هو مغرور والغرور صفه به لا يمكن انكارها
انهت جميله من مساعدته لتتحرك الي خارج الغرفه لتتوقف على أثر يد كنان الذي ضمها اليه فأصبحت محاطه بالجدار من جهه وبه من جهه أخرى
جميله بخوف من قربه المبالغ به :هو في ايه
كنان بصوت منخفض :بس في حركه كتير بره
انصتت جميله لتسمع صوت أحدهم فعلا في الخارج يسأل عنهم وظلا هكذا حتى انصرف الرجل
فتحت لهم السيده الباب قائله بغضب :انتم مين ومين اللي بيدورا عليكم دول انتم واضح ان وراكم مصيبه
كنان :لا مصيبه ولا حاجه
ليتحدث زوج السيده :امال مين دول
تنهد كنان قائلا :دول اهل مراتي اصل هما مكانوش موافقين على جوازنا فاتجوزتها من وراهم ليكمل موجها حديثه لجميله :صح يا حبيبتي
اكتفت جميله بهز رأسها بنعم فهي ستكذب و سيقول عنها كاذبه
ليتحرك كنان الي المنضده المتواضعه ليخرج منها ورقه الشيكات ويضع بها مبلغ ليقدمه الي الرجل قائلا :دا نص  مليون جنيه ممكن تصرفه في اي وقت
جميله بصوت منخفض :حتى غرورك مش مخليك تشكرهم
طلبت منهم جميله الأذن ليتحركا
خرجا من  المنزل ليتوقفوا عن المشي على أثر صوت الفتيات اللاتي اقبلن على جميله واحتضنوها
عائشه بقلق:انت كويسه
جميله :الحمد لله
مازن لكنان :هو ايه اللي  حصل  ليكمل بقلق :ومال دراعك
كنان :مش وقته
لاحظ كنان ان السيده صاحبه المنزل تقترب منهم ليتحرك الي جميله ويقف بجوارها
السيده :مدام جميله حضرتك نسيتي الشنطه
حسام بتعجب :مدام
السيده :ياريت تجي تزرنا يا كنان باشا انت والدكتوره
كنان:ان شاء الله نخلص موضوع اهل جميله ونجيلك
يحيى :اهل جميله
السيده بدعاء :ربنا يخليكم لبعض
تحدثت ريم الي غزل :غزل هو كنان وجميله اتجوزوا؟ انا مش فاهمه حاجه
غزل :ولا انا
سأل مازن حاتم الواقف بجواره :انت فاهم حاجه.
نظر اليه حاتم بغضب
ليتحدث مازن قائلا :انت مالك ومالي يا عم
حاتم :مالي ومالك هو انا كلمتك بس عموما  انا مش فاهم حاجه
انصرفت السيده تحت نظرات تعجب من الجميع وافواه مفتوحه لتسأل عائشه :ينفع حد يفهمنا ايه دا
أجابت جميله :ينفع نروح الأول عشان دا مضروب بالرصاص ونتقابل بالليل وبعدين هنقلكم كل حاجه
عاد الجميع الي منازلهم
وفي المساء
تقابلوا في مطعم وقص عليهم كنان ما حدث وما ان انهي حديثه
تحدث حسام :واو كل دا من اول خروجه بعد كدا هيحصل ايه
جميله :ولا بعد كدا ولا قبل كدا خلاص
مازن بتسأل :يعني ايه
زفرت جميله قائله :يعني انا مش عايزه اشوفك تاني يا كنان كفايه كدا
سلمي :جميله
أشارت لها جميله بالصمت
تحرك كنان الي خارج المطعم تحت نظرات دهشه من الجميع
هل كدا حكايه جميله وكنان خلصت؟
هل جميله اتصرفت صح؟
دا اللي هنعرفه في الفصول الجايه من روايه عهد الأصدقاء بقلك جهاد عهدي ♥️