This Is Not a Love Story

Chapter 16: Kindly Let Go

Ang normal na ginagawa ng mag ex ay ang mag-iwasan, hindi ba? Iyong iba nga, hindi na talaga nag-usap. Pero nonconformist yata 'tong si Wayne. Lagi niya akong ite-text, aayaing lumabas at sasabihing "as friends" at "alam naman ni Cara." Tumatanggi ako, natural, pero nag-uumpisa na naman kaming magkumustahan sa text. I guess, okay lang na friends talaga. Pero ito kasi, parang one-sided. Puwede bang hintayin niya muna akong mag-move on? Mga after five years.

May oras na bigla niya akong sinopresa sa tapat ng bahay. Di ko alam kung anong trip niya, pero ang dahilan niya, "nami-miss ko na 'yong barbeque-han dito." Alangan namang ipagtabuyan ko siya—I mean, puwede ko namang gawin, pero 'yong trato niya talaga sa 'kin e parang barakada na lang. Sa oras na 'yon, ang iniisip ko ay kung naiisip ba niya kung gusto pa rin niyang hawakan ang mga kamay ko o yakapin man lang, o kung magkakamali ba siyang halikan ako ulit. Pero sa dalawang beses na 'yon, walang holding hands, walang yakap, at lalong walang kiss. Basta magkasama lang kami na parang magkapitbahay lang na unang beses magkayayaan.

CJ: Jappa, hay ano na

Jappa: Nagkita kayo? Bat ka umoo

CJ: Paano mo nalaman?

Jappa: Nagleave na ako ng grp namin

CJ: Ha? Wait why ano nangyayari

Jappa: Sinong hindi magagalit? Pinagmamayabang niya na magkaibigan kayong magex?

CJ: Hindi ka ba agrabyado non? :(

Jappa: Kaya ko nalaman kasi nagsend siya ng picture na kasama mo siya na may bbq. Ilang beses ko na siyang sinabihan na wag ganon

CJ: Ha?! Hindi ko alam!

CJ: Sorry. Pero di ko alam na may picture. Putek

Jappa: Hayaan mo na sila kung anong isipin nila. Di ko yon itotolerate

CJ: Shoot Jappa sorry :(

Jappa: Bat sorry? Desisyon ko yon.

CJ: Tsaka ayun nga biglaan yon. Bigla na lang siyang pumunta

Jappa: Sana tinaboy mo

CJ: Pero malinaw na barkadahan lang

Jappa: Payag ka ron? Kahit di ka pa nakakamove on?

CJ: Grabe. Critical hit naman

Jappa: Kahit naman critical hit ka, di naman namamatay yang feelings mo

CJ: Gagu patay na. Pilit lang binubuhay

Jappa: O baka di naman namatay

CJ: PATAY NA NGAAAAAA. As friends na nga lang daw

Jappa: Ewan ko. Bahala ka. Tigas ng ulo mo

CJ: Hala

CJ: Sorry. :(

Jappa: Tigas rin naman ulo ko. Patas na tayo

CJ: Ha? Bakit

Jappa: Wala

Jappa: Dito lang ako

Jappa: Samahan kita enrolment bukas?

CJ: Luh pano mo nalaman?

Jappa: Haha stalker lang ako

Jappa: Nalaman ko lang sa ibang batchmates

CJ: HAHA yan tayo e