رهينتي خطفت قلبي [الجزء الاول] قيد التعديل

الفصل الرابع

محمد

الرابع

رهينتي خطفت قلبي ❤

صباح اليوم الثاني.
كان امير يتحدث في الهاتف و هو مبتسم: و الله يا حبيبتي هاجي بس كمان يومين عشان مش فاضي دلوقتي.
فرح بطريقه طفوليه بعض الشئ: لا مليش دعوه يا ميرو تيجيلي النهارده شوف انت بقالك قد ايه مش موجود معانا علي الاقل تعالا انت و محمد شوفوا خالتو و امشوا تاني.

امير بهدوء في محاوله منه ان يقنعها: طيب هحاول بس مش هقدر اوعدك يا قلب ميرو.

ردت عليه بسعاده: طيب هات محمد معاك عشان عملالكوا مفجأه.
امير بخيبه امل،فإذا اتى محمد لن يستطيع الجلوس معهم بسبب ما سوف يفعلونه من شجار و لعب، فهم عندما يجتمعون يصبحون كما الاطفال الذي لا يفرق بينهمالعمر إلا بسنه واحده كما يقال: كمان محمد ...لا لازم واحد بس عشان التاني يتابع الشغل، و كمان انا مش ناقص وش منكم واحد يجي و التاني يقعد مكانه بعدها التاني يروح اي يوم تاني مش هتفرق.

فرح بحزن: طيب مش مشكله تعالي انت.
امير بحب لاخته التي سوف تتم الثمانيه عشر عام اليوم : ماشي سلام بقا و هحاول باي طريقه اجيلك.

اغلق امير الهاتف بعد ان ودع اخته، ثم استدار الي الطاوله ليجد محمد يتابعه و هو يضع يده اسفل خده و هتف بطريقه ساخرة: خلصتوا حلقه العشق المفقوع دي ولا لسه.
امير بغناء و ابتسامه جميله : هم مالهم بينا يا ليل ليه شاغلهم شوقنا اللي واخدنا يحسدونا و مالو ياليل اللي غيران منا يقلدنا.
محمد باستفسار: يحسدونا و يقلدنا و الضحكه الحلوه دي يبقا الحكايه مش فرح يا معلم الحكايه فيها مزه تانيه غير البت اختك الصاروخ.
امير بغضب مصتنع: انت بتقول علي اختي انا صاروخ ياد انت.
محمد يحاول استفزازه : دي مش صاروخ بس دي مزه المزز.
ليجد تلك الوساده طائره نحوه ليقول محمد: انت مابتصدق عشان تضرب بأي حاجه وخلاص بضحك معاك يا ميرو في ايه، و بعدين ماهي اختي انا كمان الله.

امير بجديه مصتنعه فانه يعلم ان صديقه المقرب يحاول استفزازه : ايوه كده اتلم.
محمد ببتسامه: بس ميمنعش برضو انها صاروخ.

ضحك امير رغماً عنه: امال يا ابني مش اخت امير ولا ايه.
ليردف محمد بسخريه: طب يلا يا عم جاك عشان ورانا شغل مع الصاروخ اللي جوه.