رهينتي خطفت قلبي [الجزء الاول] قيد التعديل

الفصل التاسع

رهينتي خطفت قلبي

التاسع

تقول فرح ببكاء لامير: الحق يا امير والنبي يلا نمشي بسرعه.
امير بقلق: في ايه يابت انتي.
فرح ببكاء: يلا قوم هقولك في الطريق يلا والنبي.
اخذ امير اشياءه من اعلي الطاوله وذهب سريعا الي السياره ليقودها حيث تقول له فرح.
اما في المنزل.
مليكه بإستغراب: ايه العيله ولاد المجانين دي هما كلهم هوبا كده.
ليضحك محمد ويقول: امال يابنتي هما كده انتي عارفه تلاقي هيدي دي ضافرها اتكسر عشان كده عامله الموال ده كله انتي عارفه بقا محن بنات.
مليكه بمرح: علي اساس انك واقف مع عبعال يعني.
محمد بضحك: يلا نلعب بلايستيشن ياعم بدل ولاد المجنونه دول.
مليكه بمرح: ونبي انت العاقل اللي فيهم.
محمد يعدل من ياقه قميصه بثقه ويردف بمرح: اوماال يابنتي انا اصلا مظلوم مع البشريه دي.
مليكه بضحك: متترسمش اوي كده ياصحبي ويلا عشان نلعب.
(طبعا في البعض مستغرب ازاي مليكه بتضحك وبتهزر كده وهي مخطوفه وازاي اخدت علي محمد وبتهزر معاه كل دا لانها جواها طفل معرفش يطلع وهو صغير لان مكنش معاها حد ولا ام ولا اخوات وعلي قد م معاها ابوها بس برضو مش قادر يكون كل حاجه ليها ومش قارد يفضل جمبها طول الوقت لانه كان لازم يشتغل علي نفسه ويأسس امبراطوريه زي امبراطوريه الحسيني كده فابالتالي هتكون كده وهي سامحت محمد لان الطفل اللي جواها عاوز كده عاوز يعيش حياه مجرده من ضحك وهزار وحد يفهمها بس مش طول الوقت هتسامح او كل الحجات لازم تسامح فيها علي طول هي هتسامح اه بس بعد عزاب طويل والانسان عشان يسامح مش محتاج طفل صغير دا محتاج قلب طيب وانسان عنده ثقه في نفسه وربه لان ربنا بيسامح اتمني تكون الفكره وصلت وعارفه ان في حته كده فيها لغز زي انها هتسامح بعد عزاب بس هنفهمها مع الاحداث الجايه وظهور اشخاص جديده واختفاء او موت اهم الاشخاص واقربهم لمليكه)
(نسيبهم بقا في هيافتهم ونروح البطل القمر بتاعنا😂😂)

_______________

وصل امير وفرح الي احد المستشفيات ودلفو اليها سأل امير في الاستقبال علي الغرفه ليدلهم عليها فتدخل فرح الغرفه سريعا وهي تبكي لتجد هيدي جالسه في صمت فتقول لها: هيدي ايه اللي حصل لخالتو..... هي كويسه ....
هيدي بإطمئنان: الحمد لله بس هي وقعت من طولها لانها نسيت تاخد الدوا بس الدكتور قال انها كويسه متقلقيش.
فرح بإطمئنان: الحمد لله انها بخير انا قلبي كان هيقف.
امير ببتسامه: اهلا يا انسه هيدي ثم يوجه نظره الي فرح: فرح هنروح خالتو وتروحي معايا نجيب هدومك وتروحي تاني عند خالتو.
فرح بسعاده لن توصف: بجد ياميرو.
امير بجديه: بجد..... بس اللي حصل امبارح دا لو حصل تاني صدقيني عمرك ما هتشوفي خالتو.
فرح سريعا: لا لا صدقني مش هيحصل.
اخذ امير خالته الي بيتها واخذ فرح الي البيت كي تأخذ ملابسها وترحل مجددا وصل امير الي المنزل بعد وقت ليس بطويل ليدخل يجد محمد ومليكه ما زالوا يلعبون ليقول امير بصوت جهوري: الله الله بيت ابوكي هو ياهانم عشان تقعدي كده مين قالك اخرجي من الزفته.
تفاجأ محمد ومليكه منه ليردف محمد: انت بتزعق ليه بلاش تعلي صوتك كده وبعدين مش انت اللي قولتلها تخرج بتتكلم ليه بقا.
اما مليكه لم تنطق اي كلمه كانت تنظر له فقط وتردد في نفسها: اللهم طولك ياروح دا عيل تلم وعنده انفصام في الشخصيه شويه يبقي رومانسي وي كيوت وزي القمر وشويه يبقي غضبان وقرفان وزي القمر برضو صبرني يارب انا زهقت من جمال امو اللي زي العسل دا لتفيق علي صوت امير وهو يتوجه لها بالكلام: انتي ياست ردي عليا ايه اللي طلعك من الزفته اوضتك.
مليكه بغضب: انت ياض بطل تزعقلي كده احسن وربنا هقل بيك جتك نيله فيك وفشكلك.
امير قام امامها بغضب مصتنع: تقلي بمين يابت انتي لمي لسانك.
خافت مليكه منه بعض الشئ لتقول بخوف: في ايه يابشا عيل وغلط استحمل يسطا معلش خليها عليك.
ليضحك امير بشده ويخرج علبه صغيره من جيبه ويعطيها ايها بحب: كل سنه وانتي طيبه يا احلي لوكا في الدنيا.
مليكه بإستغراب: لا وربنا انت مش طبيعي شويه تضحك وشويه تزعق علي العموم لتمد يدها وتأخذ منها العلبه: وانت طيب ياشبح وعبالك كده.
محمد بمرح: النهارده عيد ميلادك يا سعديه مخبيه عليا ايه تاني يابت انتي.
مليكه بضحك: انا قولتلك لسه كتير يا صحبي.
لتخرج فرح من غرفتها وتسلم علي مليكه ومحمد وتستأذن وتذهب الي خالتها.