رهينتي خطفت قلبي [الجزء الاول] قيد التعديل

الفصل الثاني والعشرون

رهينتي خطفت قلبي❤

وقع بدر غارقا في دمه وصدم هيثم هل... هل هكون الظالم في نظرها للابد لا لا مستحيل اكيد هلاقي حل واعرفها اني مظلوم ومليش زنب زيي زيها لازم اشوف محمد وامير يساعدوني هما ظباط واكيد هيعرفو يتعاملو احنا في الاول والاخر ملناش غير بعض بس دي مراتي مش عاوز اخلي حد يتكلم عليها طب هعمل اي هقول لامير ومحمد وخلاص هما يساعدوني واكيد هيقدرو بس.. بس اي زنب الراجل ده زنبه انه ساعدني ولا انه اشتغل مع محسن من الاول.

هذا ما حدث به هيثم نفسه واخذ القرار انه سوف يلجأ لمساعده الاشخاص الوحيدين الذي يثق بهم وهم يثقون به.

جاءت الشرطه وتم نقل جثه بدر واخذو هيثم للتحقيق معه واخذو اقواله هو وبعض الافراد الموجوده بالكافيه وخرج هيثم لان لا شئ يثبت ادانته او يثبت انه له علاقه بقتل بدر.

ذهب الي منزله ودخل اخذ حمامه اذهب لينعم ببعض النوم ولاكن صوره وعد عندما رأها اول مره وهي ملقاه علي الارض وصوره بدر ايضا وهو غارق في دمه لا تفارق خياله قام من مكانه وخرج الي الصاله وجلس واخذ يفكر امسك تليفونه واتصل بهيدي الذي ردت عليه بمرح: ابن حلال يسطا وربنا كنت لسه هتصل عليك عشان تكلم زينب وتقولها اني هاجيلك انا ورامي عشان شغل وكده لاني مش طايقه نفيسه ودريه دول وهموتهم بإيدي.

هيثم بحزن واضح في نبرته: انا فعلا متصل بيكي عشان تجيني انتي ورامي.

هيدي بقلق: مالك يلا صوتك مش عاجبني.

هيثم: تعالي وهتعرفي كل حاجه.

هيدي وهي تنظر حولها: طيب اتصل بأمك وقولها عشان انت عارفها وكمان نفيسه ودريه ومش هيخلونا نخرج تقولش بيت اللي جابوهم.

لتجد من يرد عليها بدلع: لا يادودي دا بيت خالتو ونقعد هنا براحتنا ونعمل اللي نعملو.

هيدي بخبث لهيثم: طيب يا هيثم اقفل انت عشان شاهي بنت خالتك معايا وعاوزه اتفاوض معاها براحتنا.

هيثم ابتسم غصب عنه وهو يعلم جيدا ما سوف تفعله اخته بها: طيب يا حبيبتي براحه عليها ها.

هيدي وهي تنظر لشاهي: دي حبيبتي مش محتاج توصيه عليها.

لتغلق مع هيثم وتتوجه الي شاهي لتقف امامها: كنتي بتقولي اي بقا يا دريه.

شاهي: بلاش دريه دي بقي الله اسمي شاهي.

هيدي وهي تحاول ان تغيظها: ماشي يا شاهيتاب خلصي عشان ورايا شغل مش فاضيه سمعيني بقي كنتي بتقولي ايه.

شاهي بزعل: بطلي بقي تتريقي علي اسمي مش بحب حد يتريق عليا وبعدين كنت بقولك ان دا بيت خالتو ونقعد هنا براحتنا ملكيش انتي دعوه.

هيدي بنصف عين: مليش دعوه ها طيب تعاليلي بقي انتي بنت حلال وتستاهليها.

اخذت تضرب فيها وخرج رامي من غرفته علي صوت شاهيناز واخذ يشجع في هيدي: ايوه يا هيدي اديها... استني اجيبلك البت نفيسه تضربيها بالمره.