رهينتي خطفت قلبي [الجزء الاول] قيد التعديل

الفصل الخامس

الفصل الخامس.

رهينتي خطفت قلبي ❤

خارج محل الهدايا.
وصل امير و يارا الي منبع الصوت ليجدوا محمد واقف وملامح الغضب تكسو وجه ويجدوا ايضاً فتاه في بدايه عقدها الثاني تقف امامه و تتكلم بصوت عالي نسبياً وتقول:
كمان انت اللي غلطان ومش عاجبك دا انت بني ادم غريب.
محمد: بت انتي لمي لسانك دا احسنلك انا ساكتلك بالعافيه.
الفتاه: لا والنبي بلاش تسكت تعالي اضربني احسن.
ليتدخل امير سريعا : في اه يامحمد لكل دا و صوتك عالي ليه انت متعرفش تروح مكان غير لما تعمل مشاكل.
محمد بغصب وصوت عالي: شوف المهزاءه دي خبطت العربيه لا وكمان جايه بتزعقلي.
الفتاه: جدع انت انا سكتالك من بدري اه مهزاءه دي لم لسانك لو سمحت.
امير بضيق: بس خلاص انتو الاتنين مش عاوز اسمع صوت واحد منكم يحكيلي اللي حصل.
ليتصرع محمد بالرد وهو يشاور علي تلك الفتاه: انا كنت طالع ارد عالتليفون لقيت البت دي بتركن عربيتها ف خبطت العربه بكلمها بالذوق لقيتها بتزعقلي و بتقولي انت اللي راكن غلط دي ركنه عربيه وكلام كده ف زعقتلها وكنت هضربها لولا انك جيب.
الفتاه: بقا انت اتكلمت بالذوق.
محمد بلا مبالاه: اجري يابت انتي من هنا.
امير بعدم تصديق لما قاله محمد: يعني انت عاوز تقنعني انك معكستهاش ولا دايقتها وبعدين عندها حق حد يركن الركنه السوده دي.
الفتاه: قولو والنبي يا كابتن ولا ليه تقولو اقوله انا ثم توجه حديثها نحو محمد : ادام انت مش عارف تركن عربيه زي دي يبقي هاتلك عربيه بحمار احسن ولا ليه حمار وانت موجود.
ضحك امير علي تلك الكلمه لينظر له محمد بغيظ ويقول: انت بتضحكلها بدل ما تسبني عليها وبعدين يا انسه حضرتك شايفاني وانا راكن كده تقومي حضرتك بقا تخبطي العربيه عادي معني كده انك انتي اللي عاوزه عربيه بحمار مش انا.
كانت الفتاه سوف ترد ولاكن سابقها امير : كلام يُحترم بس انت اللي غلطان ثم يحول نظره لتلك الفتاه ليقول لها ببتسامه بشوشه: انا بتأسف لحضرتك ثم يمد يده لمصافحتها: امير عزام رجل اعمال وبتاسف لحضرتك تاني علي اللي حصل و انا هتكلف بالتصليح ممكن حضرتك تسيبي العربيه و تسيبي عنوانك وانا هخدها تتصلح و ابعتها لحضرتك علي العنوان.
مدت يدها هي الاخري وصافحته و ابتسمت ابتسامه رقيقه وقالت: وهلا بحضرتك انا هيدي عبد العزيز و شكراً لحضرتك مش مستاهله ان حضرتك تاخدها انا هتصرف وشكرا لزوق حضرتك ثم توجه النظر الي محمد وتقول : اتعلم من صاحبك ياخويا .
يضحك امير ويقول: فرصه سعيده يا فندم .
هيدي: انا اسعد عن ازنك .وترحل هيدي ليقول محمد بغضب : اه يا خويا اجبلك شجره و انتين لمون بتكلمها كده بدل ما تديها علي دماغها دي.
امير ينظر لمحمد بسخريه ليقول: انا زيك همجي وبعدين انت اللي غلطان و شكلك عاكستها اصل دي هاديه كده و متتعصبش بسهوله.
محمد بتريقه: ياحنين اجبلك رقمها.
امير بضحك: ههههه لا يامعلم مش محتاج ثم يكمل بصوت يكاد مسموع: كفايه لوكا القمر دي.
محمد نظر له بنصف عين: بتقول اه انا شايف فراشات وقلوب طالعه من عنيك والجو بديع والكلام ده.
امير: يلا نروح نجيب الحاجه عشان نروح .
محمد وهو يتجه نحو امير: يلا.
امير وهو ينظر حوله: فين يارا.
محمد : تلاقيها راحت المحل شكله بتاعها.
امير هز رأسه: قولتلي طيب يلا عشان نمشي بسرعه.
ذهبو الي المحل و انتهو من جلب الهدايا و ركبوا سويا السياره متوجهين الي المكان المنعزل عن الناس(المكان التي توجد به مليكه)
******************