رهينتي خطفت قلبي [الجزء الاول] قيد التعديل

الفصل الرابع والعشرون

رهينتي خطفت قلبي

الفصل الرابع والعشرون

مرت ساعات كان امير جالس هو وكيسرا مع مليكه في الغرفه لتقول مليكه بملل: امير.

امير بملل ايضا: امممم.

مليكه: غني.

نظر لها امير وقال: تكونيش فاكره نفسك قاعده مع عبد الحليم كل شويه غنيلي غنيلي.

مليكه بغضب: متزعقليش كده ياعم انت ومش عاوز تغني قول مش هتزفت بس بلاش تزعقلي.

امير بغضب هو الاخر: انا مزعقتش انتي اللي بتزعقي.

كيسرا: لا اعلم ما تقولون ولاكن من الواضح انكم تتشاجرون فكفاكم لاننا في مكان لا يسمح فيه بالصوت العالي وثانيا انتي يا مليكه مريضه وممنوع عنكي اي انفعال.

مليكه: كلام يُحترم يابنت خالي واللهي هسكت عشانك بس غير كده كنت موته.

امير: اتنيلي.

نظرت له مليكه بغضب ونظرت الي الجهه الاخري لتسمع امير وهو يقول بصوت اكثر من رائع: في قلبي مكاان مكنش بيوصلو انسان لانو امااان.... مكنش بيدي حد اماااان فتحتو انا ليك دخلتو انت وقفلت عليك بقا ملكك ولا قبلك ولابعديك... خليني معاك دنا راحه قلبي معاك هو اللي يحس هواك في ايه بعدو يكفيه من بيين الناس انا عشت معاك احساس بعد ما جربتو خلاص مقدرش اعيش غير بيك..... بحس معاك حجات مش حلوه إلا معااااك بطعم هواااك جميله وطالعه من جوااك ترد الروح تنسي قلبي اي جروح بقي ملكك واديني قولتها بوضووووح.

انهي الاغنيه وهو بنظر لها بكل حب.. حب صادق كانت مليكه تبتسم مع كلمات الاغنيه لتصفق وتصفر بعدما انتهي: فوووووفووووه اي يابني الجمال ده دا انت غلبت حمو بيكا بس كان لازم يعني ازعقلك عشان تغني.

نظر لها امير بصدمه: انتي زعقتيلي وبعدين حمو بيكا مين ها.

مليكه بتذمر: خليك في نفسك وملكش دعوه بالنجم بتاعنا وبعدين هو كل اغانيك كده يعني عشقت عنيكي ياصبيه و في قلبي مكان انا كنت عاوزه واحده والنبي است.

امير بملل: مليكه انزلي من علي دماغي عشان انا مصدع وادام الاغاني بتاعتي مش عاجباكي يبقي متخلنيش اغني تاني وهاتي عم كيبا ولا بيكا دا يغنيلك.

مليكه وهي تنظر له: احسن برضو وبعدين يلا غور من هنا عاوزه انام.

نظر لها امير وقام من مكانه وخرج ليذهب الي محمد ويجلس بجواره ويقول: اللوا شريف عاوزني ارجع مصر تاني.

محمد بشفقه: وانت هترجع.

نظر لهو امير بحزن وعيون دامعه: واسيبها هنا لوحدها عشان تروح مني زي ما كانت هتروح مني قبل كده انا في كل مهمه بشوف الموت الف مره بس عمري ما شوفته بالجحيم ده بيبقي عندي الموت عادي بس بمجرد ما لقيت الدكتوره دي طالعه وبتعيط انا حسيت ان قلبي وقف.