وصل كل من فهد وفريده إلى المشفى حتى يتم فحصه بواسطه الأطباء
وبعد انتهائهم توجهوا توجهوا نحو الطائره ولكن فوجئت بركوب فهد الطائره معهم فقالت له بإستغراب"انت مش قلت هتسافر بطياره تانيه"
فهد"مهو بصراحه عايز اشوف ماما واطمن عليها وبصراحه اكتر تالا وحشتنى"
ضحكت فريده قائله"ايوه بقى"
وضحك جاسر هو الآخر قائلا"عارفين يا ولاد زمان لما كنت اسافر عشان الشغل كنت بحاول اخلص كل حاجه بسرعه عشان ارجع لامكوا كنت هتوحشها جوى ومكنتش ببجى جادر على بعدها"
فهد بمرح"ايوه بقى يا بابا يا جامد"
جاسر بحزم مصطنع"اتحشم يا ولد"
ضحك الاثنان على طريقه والدهم وارتمى الاثنان بحضنه
جاسر بقلق"بطه كويسه يا فريده!؟"
فريده"لما عرفت انك اتخطفت اغمى عليها بس الحمدلله فاقت بس لما فاقت قعد تعيط جامد لدرجه انها كانت بتاخد نفسها بالعافيه بس انا هديتها واديت ليها منوم عشان تنام ومتفضلش قاعده على اعصابها"
جاسر بقلق بالغ"طب خلى الطيار ده يسرع شويه"
فهد"حاضر يا بابا"ثم اكمل قائلا المضيفه"أدى أوامر للطيار يسرع"
المضيفه"حاضر يا باشا"
وظل كل من فهد وفريده طوال الطريق يحتضون والدهم ويتحدثون سويا حتى يشغلوا والدهم قليلا عن تفكيره بوالدتهم
*******************************
فى قصر العائلات كان الجميع ينتظر عوده جاسر
وتفاجئ الجميع من ذلك الصوت القوى الذى تحدثه الطائره
خرج الجميع ليروا مصدر ذلك الصوت ووجدوا تلك الطائره تهبط فى حديقه القصر وخرجت فريده اولا ثم جاسر وفهد
ركض الجميع نحو جاسر ليطمئنوا عليه
عتمان بلهفه"انت بخير يا ولدى"
جاسر"بخير يا ابوى بخير انى بس عايز اريح"
قام فهد بإسناد والده حتى غرفته بينما بقى الجميع فى الاسفل
ادخل فهد والده إلى الغرفه والذى ذهب بلهفه لوالدته يتفحصها
ابتسم فهد لفعلته تلك
فهد بابتسامه"عايز حاجه يا بابا"
جاسر بابتسامه"عايزك سالم غانم يا ولدى"
فهد بابتسامه"طب قوم طيب خد دش وريح جسمك"
جاسر"لاه انى مرتاح اكده روح يلا ربنا يستر طريقك"
اومئ له فهد بابتسامه وتركه وخرج
نزل إلى الأسفل وجد الجميع بالاسفل ووجد ليث يحاول التحدث مع أخته ولكنها لا تعيره اى انتباه
فهد بحده"فريده"
نظرت له بمعنى ماذا
فهد"اطلعى فوق"
ليث بتوتر"انا عايز اتكلم معاها يا فهد"
فهد"فريده انا قلت اطلعى فوق"
زفر ليث بحنق فقد تأكد أن الطريق الى حب عمره صعب للغايه بينما اومئت له قائله"يلا يا بنات عشان ناخد شاور وننام"
مليكه"بس يا مامى احنا عايزين ننام مع بابى"
ملك"وكمان عايزين نسلم على ديدو"
فريده"طب روحوا سلموا على ديدو وبعد كده ناخد شاور وبعد كده روحوا لبابى"
اومئوا لها وتوجهوا نحو فهد محتضنين إياه قائلين"ديدو انت وحشتنا اوى"
حملهم فهد قائلا بابتسامه"وانتوا كمان وحشتونى اوى يا حبايب خالو"
ملك"علفكله شوفناك انت ومامى وانتوا بتضربوا الناس الشريره"
فهد بابتسامه"بجد"
اومئ له الاثنان وعلى وجههم ابتسامه واسعه
مليكه" ديدو احنا عايزين نروح شرم ذى السنه اللى فاتت"
فهد بابتسامه حانيه"ارجع من السفر ونروح الحته اللى تعوزوها بس اطلعوا دلوقتى مع مامى"
قام الاثنان بتقبيله وبعد ذلك اخذتهم فريده وصعدوا نحو الأعلى
فهد بحده"اسمعنى كويس يا ليث عشان انا مش هكرر كلامى مرتين ابعد عن فريده كل اللى يربطكوا ببعض انكوا ولاد عم والبنات غير كده انسى"
ليث"انا عارف انى غلطان وحقك عليا بس اى راجل فى لحظه ذى دى عقله بيتلغى وغيرته بتعمى عينه وانا لسه بحب فريده يا فهد لا ده انا بعشقها هى أول ست فى حياتى وآخر ست مقدرش ابعد عنها انا كنت ميت من غيرها ورجوعها رد فيا الروح"
اشفق فهد عليه ولكنه قرر تلقينه بعض الدروس على الالم الكبير الذى سببه لأخته الصغرى
فهد بحده"والله بتحبها بتعشقها ميت من غيرها كل ده ميفرقش معايا خليك بعيد عن اختى"
قال ذلك وتركه وذهب ولكنه التفت له قائلا"اه صحيح فى حاجه كان نفسى اعملها من اربع سنين كده"
أنهى فهد حديثه وقام بلكم ليث بقوه قائلا"عشان تبقى تمد ايدك على اختى تانى"
توجهت نحو والدته وجدته قائلين"ليث انت زين"
ليث بألم"اه يا امى"
شوق بغضب"انت كيف تعمل اكده فى ولد عمك منك جنيت اياك مأجرمش هو طلج مرته وهيرجعها غصبن عنيك كومان"
ضحك فهد قائلا بسخريه"انا مضربتوش بالنار دى ضربه خفيفه ده اولا اما بقى بالنسبه لرجعوهم فده لما يشوف حلمه ودنه طول ما انا مش موافق لو انطبقت السما على الارض فريده عمرها ما هترجع ليه،سلام يا ابن عمى"
قال ذلك وترك الجميع وخرج ولكن قبل خروجه لحديقه القصر أشار لتالا بأن تلحقه وبالفعل ذهبت خلفه وفور خروجها خلفه قام فهد بجذبها نحوه وعانقها قائلا"وحشتينى اوى"
تالا بخجل"وانت كمان"
فهد"كنت هسافر علطول بس قلت اجى اشوفك واطمن عليكى"
تالا بخجل"ربنا يخليك ليا"
فهد بابتسامه"ويخليكى ليا يا عمرى كله"
تالا"ممكن اقولك على حاجه ومتزعلش منى"
فهد بابتسامه"انا مقدرش ازعل منك يا حبيبتى قولى اللى انتى عايزاه"
تالا"فريده وليث مينفعش تحرمهم من بعض يا فهد وكمان البنات محتاجين لبابهم ومامتهم"
فهد بابتسامه"انا عارف ده كويس وعارف كمان أنه فريده بتحب ليث ذى ما هو بيحبها وان البنات محتاجين ليهم هما الاتنين"ثم اكمل بغضب طفيف" بس ميضرش لو علمته الأدب شويه اللى شافته فريده بسببه مكنش شويه"
تالا"طب متقلش عليه جامد فى العقاب"
فهد"لعلمك ده انا كده حنين معاه"
تالا بتهكم"حنين معاه ايه بس يا فهد انت ضربته جامد مناخيره جابت دم"
فهد"طب لعلمك ضربته براحه"
تالا بصدمه"كده وضربته براحه امال لو ضربته جامد هتعمل ايه"
فهد بمرح"كنت وقعتله سنانه كلها"ثم اكمل قائلا بحنق"وبعدين انا جايبك هنا وبقولك وحشتينى جيبالى سيره زفت ليه"
تالا"الله يا فهد البنات صعبانين عليا"
فهد بمرح"اموت فيك وانت حنين كده"
قامت بضربه على صدره قائله بخجل"بس يا فهد"
فهد"ولو مبستش هتعملى ايه"
تالا بغضب طفولى"هسيبك وامشى"
جذبها نحوه بقوه حتى جعلها ملتصقه به قائلا بتلاعب"ولا تقدر يا جميل"ثم اكمل قائلا"وبعدين انا لسه مقلتش ليكى انتى وحشانى قد ايه"
أنهى حديثه ومال نحوها مقبلا إياها قبله شغوفه جامحه ولن يبتعد الا عند شعوره بإختناقها
فهد بأنفس لاهثه"همشى انا بقى هتوحشينى"
تالا وهى تتنفس بصعوبه"وانت كمان"
قبل جبهتها ثم ركب الطائره التى تحلق فى اتجاه المعسكر
