ابتعد ايهم عن زمرد بعد العديد من القبل الطويله وقال لها بأنفاث لاهثه"بحبك اوى يا غزالتى يلا بينا نروح عشان مش هقدر استحمل اكتر من كده"
اومأت له زمرد بخجل
ضحك ايهم وقال وهو يضع يده على وجنتيها"بعشق خدودك اللى ذى الفرواله دى"
نظرت له زمرد بغضب مصطنع وقالت"الله يخرب بيتك خلتنى انا زمرد الاسيوطى اتكسف على اخر الزمن"
ضحك ايهم على غضبها اللطيف هذا وقال"واهون عليكى بيتى يتخرب"
ذمرد بعبوس لطيف"لا متهونش"
مال عليها وخطف منها قبله سريعه وابتعد وقام بحملها وهى قامت بلف يديها حول عنقه بشكل تلقائي وتوجه نحو باب السياره وقام بفتحه واجلسها داخلها وتوجه نحو مقعد السائق وجلس به وقام بتشغيل السياره وتحرك بها متجها نحو قصرهم
:
:
:
:
:
فى مكان آخر فى قصر الاسيوطى
كانت نجلاء فى غرفتها تجلس على السرير بغضب وتقول"انى معرفاش طلعتلى منين بت المركوب دى شكلها هتبوظ كل حاجه وهتلهف ايهم منى بس لاه مبجاش انى نوجه أن ماخليته ذى الخاتم فى صباعى هو واملاكه كلايتها"
بعد قليل كان ايهم وزمرد وصلوا أمام باب القصر كانت زمرد ستنزل ولكن قام ايهم بإمساك يدها وقال"ذمرد"
التفتت له زمرد ووضعت يدها على وجنته وقالت"نعم يا حبيبي فى حاجه"
قام ايهم بتقبيل يدها التى على وجنته وقال"فى كل خير يا حبيبتى انا عايز اطلب منك طلب"
ذمرد"انت تأمر يا حبيبي"
ايهم"تسلمى يا غزالتى انا عايز نعمل فرحنا بعد أسبوع"
ذمرد بدهشه"اسبوع انت بتهذر يا ايهم"
تنهد ايهم بقوه"اسمعينى بس انتى متعرفيش بإعترافك النهارده عملتى فيا انتى قدتى نار جوايا محدش يعرف يطفيها ولو اتجوزنا بعد اسبوع او شهرين مش فارقه كدا كدا هنتجوز"
ذمرد بإقتناع"معاك حق بس لازم تعرف أن فى حاجتين انا مخبياهم عليك"
ايهم"ايه هما"
ذمرد"هتعرفهم بعدين"
ايهم بابتسامة"مش مهم اعرفهم طلاما مش هيأثروا على علاقتنا مش مهم"
ذمرد بابتسامة"لا مش هيأثروا دى حاجه تخصنى انا واخواتي وهتعرفهم قريب"
ايهم بابتسامة"خلاص ماشى"
ذمرد"فيه حاجه كمان"
ايهم"ايه"
ذمرد"مش عايزه يبقى عندنا اولاد بعد الجواز علطول هنستنى شويه ممكن"
ايهم بابتسامة"صدقينى انا هموت ويبقى عندى اولاد كتير منك وعارف انك نفسك يكون عندك ولاد منى بس انا كمان عارف أنهم مسؤليه وانك مش كنتى حاطه الجواز فى حسابتك اصلا فهنستنى شويه مفيش مانع
بس الفرح هيبقى بعد اسبوع ومتقلقيش كل حاجه هتجهز على الوقت وهتبقى مبهره صدقينى"
ذمرد"اسبوعين"
ايهم"هما ايه اللى اسبعوين"
ذمرد"الفرح بعد اسبوعين"
ايهم"لا اسبوعين كتير ده انا هستنى اسبوع بالعافيه"
ذمرد بصرامه مصطنعه"لو مش بعد اسبوعين هيبقى بعد شهرين انت حر"
ايهم بعبوس مصطنع"خلاص اسبوعين اسبوعين يارب يعدوا بسرعه"
ضحكت ذمرد على عبوسه ومالت عليه قبلته قبله سريعه على وجنته ونزلت من السياره سريعا وتوجهت نحو قصرها بثقه عاليه كأنها لم تفعل شئ
اما ايهم فقد شعر بالصدمه لما حدث ووضع يده على وجنته من صدمته ولكنه سرعان ما آفاق من صدمته وابتسم ابتسامه واسعه ونزل من السياره واعطى مفتاح السياره للحارث الذى كان يقف أمام قصر ذمرد واخوتها
ودخل هو أيضا لقصر الاسيوطى وهو يدندن بسعاده وكانت كريمه والدته تنتظره
والجميع يعرف أنه خرج مع نجلاء ولكن نجلاء عادت وكان معها أحد الحراس وعندما رأت كريمه الحارس قالت له"هو فين ايهم يا ابنى"
ابتسم الحارس بود لهذه السيده اللطيفه وقال"مع ذمرد هانم يا هانم"
ابتسمت كريمه له وقالت"وهو ازاى جابلها يا ولدى"
الحارس"ايهم باشا كان بيتعشى هو والانسه اللى معاه فى نفس المطعم اللى كانت ذمرد هانم بتتعشى فيه"
ابتسمت كريمه له واومئت وذهب الحارس بعد ذلك كانت كريمه تشعر بالسعادة لانها أدركت أن ولدها اخذ نجلاء وذهب لهناك فقط ليرى ذمرد ويثير غيرتها وقررت أن تنتظره فهى بالنهايه ام تخاف على ولدها
والأن ها هو يدخل عليها وهو يدندن بسعاده بإغنيه اول مره تحب يا قلبى لعبد الحليم
وقع نظره على والدته فتوجه لها وامسك يدها وطبع قبله عليها وقال بلهجته الصعيديه"ايه اللى مصحيكى لدلوقيت ياما"
كريمه بابتسامة حانيه له"مستنياك يا ولدى"
ايهم"ملهش لزوم يا ام ايهم تتعبى حالك"
كريمه"تعبك راحه يا ولدى تعالى اجعد جارى اهنه"
ابتسم لها وجلس بجانبها وقال"انتى توجمر جمر ياما"
ابتسمت له وقالت"ايه اللى مفرحك اجده يا ولدى"
ابتسم ايهم لها وقال بسعاده بالغه"اصلى اتفجت انى وذمرد أن فرحنا هيبجى بعد سبوعين"
كريمه بإعتراض"سبوعين كيف يا ولدى مش هنلحج نجهز ايتها حاجه"
ضحك ايهم وقال"هتعملى ايه لو عرفتى انى كنت رايده بعد سبوع"
ضحكت كريمه وقالت"مستعجل جوى اياك"
ضحك ايهم وقال"جوى جوى ياما عشجتها ومبجتش جادر على بعدها"
ضحكت كريمه وقالت"ربنا يخليهالك يا ولدى"ثم قالت مكمله" بس سبوعين وجت جليل يا ولدى"
ايهم"لا ياما متجلجيش كل حاجه هتجهز فى السبوعين دل هعمل لذمرد فرح كابير جوى يتحاكى عنه العالم فى التلافذيون والانترنت جواز ذمرد يوسف الاسيوطى وايهم حسين الاسيوطى"
كريمه ببعض التردد"بس"
ايهم"مبسش ولو بتجولى على أن ذمرد مش هتلحج تجهز نفسيها فامتجلجيش ياما ديه ذمرد الاسيوطى برديك"
ضحكت كريمه وقالت"ماشى يا حبيب امك اعمل اللى يريحك يا ولدى وربنا يسعدكوا يارب واشوف ولادكوا بسرعه"
ايهم"لاه هتستنى شوي يا ام ايهم على ما عينك تنضر ولادنا احنا محتاجين نجضى انا وذمرد وجت اطول مع بعض على ما كل واحد يتعود على التانى"
كريمه"مانى كنت حبله فيك بعد جوازى بشهرين واهو مبسوطه جوى مع ابوك"
ايهم"الزمن بتعنا غير زمنكوا ياما"
كريمه"اللى تشوفوا يا ولدى انت وهى بس مطولوش فى الموضوع جوى بالله عليك نفسى انضر ولادك بيجروا حوليا"
ضحك ايهم"حاضر ياماى متجلجيش"
وقفت كريمه وقبلته على جبهته وقالت"تصبح على هنا وسعاده يا ولدى"
ايهم بمرح"وانتى من أهله ياما بس معنات حديدك انى اكده هصحى على وش ذمرد ياماى"
ضحكت كريمه عليه وقالت"مفهيش فايده فيك"
ضحك ايهم وقال"لاه مفيش فايده"
ثم وقف وقبل يدها وتركها وصعد غرفته لينام وهو يشعر بالسعادة الشديدة
ضحكت كريمه عليه وعلى مرحه وصعدت نحو غرفتها دخلت وتوجهت نحو خزانتها وأخرجت قميص بيتى لها ودخلت الحمام وأخذت حمام دافئ وخرجت نحو سريرها لتنام ولكن حسين الذى استيقظ فور دخولها الغرفه استقام وجلس على السرير واستقامت هى الأخرى وجلست بجانبه وقالت له"انى صحيتك يا حبيبي"
حسين"لاه يا روحى انى كنت مدد بس، مبعرفش انام غير وانتى جارى وفى حضنى"
ابتسمت له بخجل فقال لها ضاحكا"اباى لاساتك بتتكسفى منى بعد واحد وتلاتين سنه جواز"
لم ترد عليه من خجلها فقال لها مغيرا الموضوع حتى لا يخجلها اكثر من ذلك"هو ايهم رجع"
كريمه"ايوه رجع وراجع مبسوط وبيضحك وبيغنى كومان"
حسين بإستغراب"وه وه وه بيضحك وبيغنى كومان يا حلاوه يا ولاد هو ايه اللى حوصل فى الدنيا ايهم بيضحك لا مامصدجش"
ضحكت كريمه"لاه صدج"
ضحك حسين وقال"كيف يعنى ده ولدك ده يوم ما بيبتسم ده بيوبجى عيد وانتى بتجولى بيضحك"
ضحكت كريمه وقالت"اه والله بيضحك وكان بيغنى ويجول جول مره تحب يا جلبى"
ضحك حسين ونظر لها بعدم تصديق" وه وه جول مره تحب يا جلبى لاه ده الموضوع فى أنه وبعدين هو راح فين الحارس جاب نجلاء وهو مجاشى"
نظرت له كريمه بتسليه وقالت"مع ذمرد"
نظر لها بإستغراب وقال"ذمرد ايه اللى لم الشامى على المغربي"
كريمه"أصله خاد اللى ما تتسماشى نجلاء وراحوا يتعشوا فى الموكان نفسه اللى كانت بتتعشى فيه ذمرد"
حسين بابتسامة"ايوه ايوه فهمت يعنى هو راح اهناك عشان ينضر ذمرد ويخليها تغير"
كريمه"ايوه"
حسين بفضول"طب حوصل ايه خلاه راجع مبسوط اجده"
كريمه بابتسامة واسعه"اتفجوا يعملوا فرحهم بعد سبوعين"
حسين"سبوعين بس ده وجت جليل جوى مش هنلحج نعمل حاجه"
كريمه"جولتله اجده جالى متجلجيش هلحج اعمل كل حاجه فى سبوعين هعمل فرح كبير جوى يتحاكوا عنوا فى التلافذيون كومان"
حسين بابتسامة"خلاص مش هو جال اجده يوبجى هيعمل اللى جالك عليه بس صدجى يا كوكو"
كريمه بابتسامة"ايه يا جلب كوكو"
حسين"انى فرحان جوى أن ايهم هيتجوز وهنضر ولاده اخيرا"
كريمه"لاه انت هتستنى احفادنا شويه هبابه لانهم اتفجوا هيأخروا الحمل هبابه عجبال ما يتعودوا على بعض"
حسين"مش امهم سبيهم على راحتهم"
كريمه"حاضر يلا نام تصبح على خير"
حسين بابتسامة"وانتى من أهله يا جلبى"
:
:
:
:
:
فى صباح ثانى يوم كانت نجمه تقف على سلم فى الحديقه الخاصه بالقصر وتقوم بقطف الفاكهه
نزل نمر فجائه من الشجره التى بجانب تلك الشجره التى تقف أمامها ففزعت فكادت أن تسقط من على السلم ولكنه سرعان ما تلقفها بين ذراعيه سرح الاثنان فى عيون بعضهم ولم يشعوروا بمرور الوقت استفاقت نجمه من شرودها فيه وقالت له بخجل وتوتر وهى تحاول أن تنزل من بين ذراعيه"نزلنى نزلنى لو سمحت"
استفاق نمر هو الآخر وقام بإنزالها وقال"اسف مقصدتش اخضك"
نجمه بخجل"لا ولا يهمك"
نمر بابتسامة"اسمك ايه"
نجمه"افندم"
نمر"اسمك"
نجمه"أسمى نجمه"
نمر"انتى اكيد عارفه أسمى بس هقوله تانى أسمى نمر واسف مره تانيه يا انسه نجمه"
نجمه"حصل خير عن اذنك"
والتقطت سله الفاكهه وتركته وذهبت
أما فى داخل قصر الاسيوطى كان الجميع ملتف حول طاوله الطعام فقال ايهم مقاطعا الصمت السائد"يا جماعه انا كنت عايزه اقول حاجه مهمه"
سعفان"خير يا ولدى"
ايهم بابتسامة"خير يا حج أن شاء الله انا وذمرد قررنا أن فرحنا هيبقى بعد اسبوعين"
وقع الخبر على نجلاء كالصاعقه ولكنها لم تستطع التحدث
فرح يوسف كثيرا وقال"بجد يا ولاد"
اومئت له ذمرد"
يوسف"مبروك يا حبايبي"
ايهم"الله يبارك فيك يا عمى"
ذمرد"الله يبارك فيك يا بابا"
قمر"مش قادره اصدق أن ذمرد الاسيوطى بجلاله قدرها هتتجوز"
ذمرد"ملكيش فيه خليكى فى نفسك"
نظرت لها قمر بعبوس
ضحك فهد وقال"مبروك يا حبيبتى سيبك منها"
ذمرد"الله يبارك فيك"
أما داليا فور سماعها للخبر ملئت الدموع عينيها وبدائت فى البكاء انتفض يوسف واقفا"مالك يا حبيبتى فى ايه"
وقفت ذمرد هى الأخرى"مالك يا ماما انتى كويسه"
ابتسمت داليا وهى تبكى ووضعت يديها على وجنه ذمرد وقالت"انا كويسه يا حبيبه ماما بس مش مصدقه انى هشوفك بالفستان الابيض"
قمر بمرح"هى فعلا حاجه متتصدقش وليكى حق تعيطى من الفرحه يا دودو"
يوسف"خضتينى عليكى يا داليا"
داليا"اسفه يا حبيبى"
ذمرد"خلاص يا بابا ولا يهمك يا ماما"
سعفان"مبروك يا ولاد بس مشايفينش سبوعين وجت جليل"
ايهم"متقلقش يا جدى كل حاجه هتجهز على الوقت"
سعفان"ماشى يا ولدى ذى ما تحبوا واعملوا حسابكوا بعد بكره هدبح عجول واوزعها على البلد وعمل صوان كبير عشان نحتفل برجوع سعيد ومرته وبته ورجوع ذمرد ومرت يوسف وحبلها انى عارف ان عدى تلات شهور بس لازم نحتفل ونفرح الناس الغلابه"
حسين"اللى تشوفوا يا بوى كل حاجه هتوبجى جاهزه"
دره"متجلجش يا حج هنشرفك"
سعفان"ده العشم يا حجه"
واكمل الجميع المباركه لذمرد وايهم
