بعد أن قالت زمرد لماسه انها تريدها اخذتها وذهبت إلى قصرهم وجلسوا بمكتب زمرد
زمرد"ها المسرحيه دى هتنتهى امتا"
ماسه باستغراب"مسرحيه ايه"
زمرد"مسرحيه انك ملكيش شخصيه دى وانك واحده مكملتش تعليمها ومسيرك فى يوم لبيتك ولجوزك"
ماسه"انتى بتتريقى يعنى اعمل مهو غصبن عنى مش بمزاجى"
زمرد"انتى بتضحكى عليا ولا على نفسك غصبن عنك ايه انتى هتستعبطى انا وانتى عارفين كويس أن محدش يقدر يجبرك على حاجه انتى مش عايزاها وانك بتعملى المسرحية دى لسبب معين وانا عايزه اعرف السبب"
ماسه"مفيش حاجه يا زمرد عادى مش عايزه ازعل بابا وماما مش اكتر"
رفعت زمرد حاجبها وقالت"والله"
ماسه بهدوء"اه والله تخيلى"
زمرد"ماشى يا ماسه هعديها المره دى وبمزاجى ماشى"
ماسه"ماشى"
زمرد"يلا اتفضلى روحى شوفى وراكى ايه"
ماسه"اوكاى باى"
زمرد"باى"
ثم أمسكت زمرد بهاتف المنزل وهاتفت رئيسه الخدم وامرتها أن ترسل لها ام السعد
وبالفعل جائت ام السعد وطرقت على باب مكتب زمرد فسمحت لها زمرد بالدخول وقالت"ادخل"
فدخلت ام السعد وقالت"توجمرى بحاجه يا ستى"
زمرد"اسمعينى كويس يا ام السعد النظام هنا فى قصرى غير هناك فى قصر الاسيوطى هنا انتى بتاخدى اوامرك منى وتنفذيها ذى ما بقولك بظبط من غير ولا غلطه لان الغلطه عندى بفوره مفهوم"
ام السعد"مفهوم يا ستى ابوكى سى يوسف طول عمره خيره مغرجنى واكيد دلوج هبجى خاتم فى صباعك وانى راضيه"
زمرد"تمام عايزه اسالك على حاجه وتجاوبى بصراحه"
ام السعد"اكيد يا ستى اسالى"
زمرد"تمام بس اعضى الاول"
ام السعد"ميصحوش يا ستى"
زمرد"قولنا ايه اللى اقوله تنفذيه"
ام السعد بابتسامة"حاضر يا ستى"
زمرد"انا عايزه حد اثق فيه يكون عيونى هناك فى قصر الاسيوطى لان فى ناس معينه مش مرتحالهم ولازم اخد بالى منهم تعرفى حد اثق فيه وانا مغمضه وفى نفس الوقت محدش يشك فيه"
ام السعد بابتسامة عريضة"ايوه يا ستى اعرف البت نجمه البت دى غلبانه خالص وتصعب على الكافر وهى لو عرفت انك ريداها فى خدمه هتخدمك برموش عينها لان سى يوسف ابوكى هو اللى وجف معاها وساعدها انها تكمل علامها"
زمرد"حلو اوى يبقى تروحى تجيبهالى من غير ما حد ياخد باله منك"
ام السعد"انتى تجومرى يا ستى"
وبالفعل ذهبت ام السعد الى قصر الاسيوطى وهى متخفيه وظلت تبحث عن نجمه حتى عثرت عليها وقالت ام السعد لها"انتى يا بت يا نجمه"
نجمه"نعم يا خاله توجمرينى بحاجه"
ام السعد"ميجمورش عليكى ظالم يا حبيبتى الست زمرد بت سى يوسف ريداكى"
نجمه باستغراب"ودى ريدانى فى ايه يا خاله"
ام السعد"مخبراشى بس هى ريداكى روحيلها شوفيها رايده ايه بس خدى بالك هى مش عايزه حد يلمحك وانتى رايحلها"
نجمه"ماشى يا خاله عشر دجايج واروحلها"
ام السعد"ماشى يا بتى"
وخرجت ام السعد من قصر الاسيوطى بعد ما أخبرت نجمه بما تريده زمرد وتوجهت نحو قصر الاخوه الخمسه وذهبت إلى زمرد واخبرتها أن نجمه ستأتى لها بعد عشر دقائق
اومائت لها زمرد ولم تعلق وخرجت ام السعد وتوجهت نحو المطبخ وفى ذلك الوقت شرعت زمرد بالعمل قليلا على اللاب توب حتى تأتى لها نجمه وبالفعل بعد مرور عشر دقائق سمعت زمرد من يقوم بالطرق على باب مكتبها فسمحت للطارق بالدخول قائله"ادخل"
وكان الطارق رئيسه الخدم دخلت وقالت لزمرد"زمرد هنام فى بنت برا عايزه حضرتك بتقول اسمها نجمه"
زمرد"اه خليها تدخل"
رئيسه الخدم"اوامرك يا هانم"
وبالفعل دخلت نجمه وكانت تغطى وجهها بوشاح لا يظهر إلا عينيها فقالت زمرد لها"انتى بقى نجمه"
نجمه"ايوه يا هانم انا نجمه توجمرى بحاجه"
زمرد"قبل ما اتكلم واقول اى حاجه اتفضلى اعضى"
نجمه ببعض التوتر"بس يا هانم"
زمرد مقاطعة حديث نجمه"انا مش بحب اكرر كلامى مرتين طلاما قلت اعضى يبقى تعضى"
نجمه"اوامرك يا هانم"
زمرد"اولا شيلى اللى على وشك"حاولت نجمه الاعتراض ولكن منعتها زمرد قائله"انا مش بحب حد يعارضنى وبعدين مفيش حد غريب انا وانتى بنات زى بعض"
خلعت نجمه الوشاح عن وجهها وظهر وجهها فائق الجمل فقد كانت فتاه بيضاء بعيون واسعه ولونها رمادى وشفاه حمراء بطبيعتها وممتلئه بشكل مغرى
