بعد ذهاب زمرد توجه الجميع نحو منزالهم ومازلت الصدمه على وجوهم
فى قصر الاسيوطى
دخل جميع الرجال وتوجهوا نحو غرفه المعيشه حيث تجلس النساء
دره"ها ايه اللى حوصل طمنونا"
سعفان بابتسامة"كل حاجه اتحليت"
حسين"ومش بس أكده ده احنا كمان علمنا على عيله البلتاجى"
كريمه"كيف ياعنى"
قمر بمرح"اكيد زمرد اللى علمت عليهم صح"
فهد"طبعا هو فى غيرها"
زينات"المهم احكولنا زمرد عملت ايه"
يوسف"هحكيلك انا يا حجه"وبالفعل شرع يوسف بأخبار الجميع بكل ما حدث فى المجلس العورفى
مريم"واه زمرد عملت كل ده"
شمس"لا طبعا دى تعمل اكتر من كده"
يوسف"انا فخور بيها اوى ربنا عوضنى بيها بخلفه ميت راجل"
داليا"ربنا يخليهلنا يارب"
امن الجميع خلفيها (يعنى قالوا"امين")
هبط نمر من السقف كعادته وقال"مسا عليكوا يا جماعه"
فهد"ما تهمد يابنى بدل ما انت عامل شبه الفورقعلوظ كده"
نمر"انا حر يا برنس"
قمر"والله بسببك فى مره حد هيقطع الخلف"
نمر"ملكيش دعوه"
قمر"حيوان"
نمر"كلب بحر"
قمر"بطريق"
نمر"قصيره واوزعه"
كانت قمر سترد عليه ولكن صاحت بهم زمرد التى جائت من الخارج"ايه بس مزرعه حيوانات وفتحت متهمدوا شويه وانت يا استاذ نمر بطل تنط من على السقف كل شويه احنا مش فى عالم ديزنى هنا"
نمر"خلاص يا كبير اوامرك"
داليا"هى ماما اخبرها ايه يا نمر"
نمر"ذى الفل وبتسلم عليكى"
داليا"سلملى عليها"
سعيد"ماتجيبها يا نمر تعض معانا بدل ما تفضل قاعده فى البيت لوحدها"
نمر"هقولها بس معتقدش توافق عشان شغلها"
شمس"متقلقش يا معلم سيبهالى انا هعرف اقنعها"
سحر"ياريت يا شمس تقنعيها عشان وحشتنا جدا والله"
شمس"حاضر يا ماما متقلقيش"
فاطمه بضحك"اوعى ياولا يا نمر تكون بتقولها يا ماما"
نمر بضحك"اقولها ماما عشان يركبها العصبى"
فهد بضحك"معاها حق يابنى دى ميتقلهاش يا ماما"
نمر بضحك"يابنى اسكت كل ما اروح بيها فى حته يفتكروها مراتى أو حبيبتى وبصراحه معاهم حق"
داليا"مهما اكيد معاهم حق مامتك صغيره برده"
فوز"كيف ياعنى صغيره مش فاهمه"
سحر"اصل عشق عندها35 سنه"
يوسف بصدمه"عندها35 سنه هو انت عندك كام سنه يا نمر"
نمر"25 يا عمو"
ايهم بسخريه"ليه مامتك اتجوزت وهى عندها عشر سنين"
نمر بزهق وغضب من هذا الموضوع"لاء تسع سنين وانت الصادق"
ايهم باستغراب"انت بتتكلم جد"
نمر"اه والله مش بهذر امى اتجوزت وهى عندها تسع سنين"
يوسف بصدمه"ازاى طيب"
نمر بخنقه وبغضب" دى حكايه طويله بس مش مشكله هحكيها لما امى كان عندها تسع سنين خرطها خراط البنات ذى ما بيقولوا يعنى ظهرت عليها معالم الانوثه ونبغت بدرى وعيله والدتى كانت عيله كبيره ومن أغنى أغنياء البلد كمان وابن عمها اللى هو ابويا اتقدملها بأمر من جدته اللى هى مامت جدى ابو ماما وهو وافق بأمر من أمه برده و مفكرش انها لسه طفله مش فاهمه حاجه وجوزها ليه ودبحوا برأتها وقضوا عليها لمجرد عدات وتقاليد تافهه وملاهش اى قيمه ولانها كانت طفله مكنتش بتعرف تهتم بابن عمها ولا بطلابته ذى الاكل والترويق وحقوقه اللى هو كان بياخدها غصب وبداء يتمها فى أنوثتها انها مش ست لانها مش عرفه تهتم بيه ونسى انها طفله وابن عمها برده كان كبير كان تلاتين سنه وعدى تلات شهور وعرفوا انها حامل الكل طبعا كان فرحان لان الحفيد اللى هيتولد هيبقى كبير العيله بعد عمر طويل وعرفوا كمان أن الحمل خطير عليها وكان لازم ينزل بس مهتموش المهم عندهم الحفيد مش مهم هى وعدت التسع شهور ولما جت امى تولد ودوها المستشفى وكانت حالتها خطيره بس ربنا ستر بس الدكتور قالوهم أن الولد نزل ميت وهى حالتها مستقره الحمدالله طبعا ازاى الولد يموت وابن عمها قعد يلومها ويقولها من اهمالك وانتى السبب وطلقها وضربها بالألم وابوها عمل زيه وضربها بالألم برده كأنه غلطها مش قدر ولا نصيب وسابوها فى المستشفى ومشيوا وبعد ما مشيوا الدكتور جالها وقالها أنه البيبى لسه عايش بس هو كان نايم مش اكتر وقتها امى فرحت جدا وخدتنى منه وحضتنى وسمتنى نمر وترجت الدكتور أن يهربها من هنا وميقولش لحد أن البيبى لسه عايش وفعلا الدكتور ساعد امى انها تهرب بيا وادها كمان مبلغ صغير تخيلوا طفله عندها عشر سنين وام لطفل فى نفس الوقت وخدت قطر اسكندريه وراحت هناك لمنطقة شعبيه وكانت بدور على مسكن بسعر مناسب ليها وفعلا لقيت عماره عمو سعيد وكان اجارها فعلا قليل وهى صعبت على عمو سعيد وحكتله حكيتها وهو اعتبرها بنته وخلاها عنده ومرداش ياخد منها فلوس بالعكس كان بيصرف عليها وكانت خالتوا داليا وخالتوا سحر وماما فاطمه بيساعدوا ماما فى تربيتى وكانت ماما فاطمه بترضعنى معاهم عشان ماما كانت صغيره وكان الموضوع صعب عليها وبعد سنه ماما قررت انها تكمل تعليمها وفعلا بقيت تاخد السنتين فى سنه لغايت ما تخرجت وبقيت محاميه وفتحت مكتب ليها وبقيت دلوقتى من اشهر المحامين فى العالم"
يوسف"هو فى ناس كده"
سعيد"للاسف يا ابن عمى فى"
فهد بغضب"بس تجيلى الفرصه بس وانا هاخدلها حقها منهم واحد واحد"
زمرد"أهدى يا فهد"
قامت شمس وتوجهت نحو نمر و جلست بجانبه وربتت على كتفه وقالت"أهدى كده يا معلم انت عايز عشق هانم تعرف انك زعلان ومضايق عشان تشن علينا الحرب العالمية التالته"
نمر بضحك "لاء دى مش بعيد تيجى تفجر القصر بينا"
ضحك الجميع على مزاحهم غافلين عن من كان يستمع لحديثهم وشعر بالحزن والشفقه على نمر ولكنها شعرت بالحزن اكثر عليه لقد تالم قلبها لأجله ولم تكن هذه الفتاه سوى نجمه
بعد مرور أسبوعان والأوضاع تمر بشكل هادئ للغايه كانت جميع النساء يجلسون بغرفه المعيشه وكانت داليا تحاول التركيز فى ما يقولونه حيث أنها تشعر بالتعب الشديد منذ اسبوع ولا تعرف السبب وتحاول اخفاء الأمر على الجميع وخصوصا يوسف وابنتها حتى لا يفزعوا عليها
كريمه"مالك يا داليا شكلك تعبانه"
داليا بشحوب"لاء مفيش انا كويسه شويه برد وهيرحوا لحالهم"
سحر"لا يا داليا مش لازم تسكتى استنى هقوم اعملك كوبايه شاى واعصرلك عليها لمونه"
مريم"اه يا بتى اعمليلها اجده عشان تفوج"
سوسن بتبرم"مالها مهى كويسه اهى"
دره"ملكيش صالح يا سوسن خليجى فى حالك يا بت الناس"
سوسن"اتكتمت اهه ياحجه"
وقفت داليا وقالت"انا راحه الحمام"
مريم"روحى يا بتى"
ولم تكد تخطو خطوتين حتى فقدت وعيها وقبل ارتطامها بالأرض لحقها فهد الذى كان عائد من الخارج هو وقمر
مريم"شيلها يا فهد يا ولدى وتعالى ورايا هنوديها اوضه يوسف اللى كان جاعد فيها جبل ما يتجوز"
وبالفعل توجه فهد ورائها و دخل الغرفه وانام داليا على السرير
قمر"اتفضلوا انتوا يا جماعه وانا هكشف عليها"
وبالفعل شرعت قمر فى الكشف عليها واعطتها حقنه كانت معها فى حقيبتها وانتظرت حتى تستفيق داليا من نومها
داليا بتعب"اه انا فين"
قمر بهدوء"انتى فى اوضه عمو يوسف يا خالتو"
داليا"هو ايه اللى حصل"
قمر بنفس الهدوء"اللى حصل أن حضرتك اغمى عليكى وفهد شالك وجابك هنا وانا كشفت على حضرتك"
داليا"هو انا عندى ايه"
قمر"حضرتك حامل فى شهر"
داليا بصدمه"حامل ازاى ويوسف مش بيخلف"
ثم نظرت لقمر بذعر"انا مش غلط يا قمر ولا خنته ده ابنه والله معرفش ازاى بس ابنه انا مش خاطياه"
شعرت قمر أن داليا ستدخل فى حاله انهيار عصبى وهذا خطر عليها وعلى الجنين لذلك قامت بحقنها بالمهدئ فنامت داليا وهى تتمتم"انا مش خنته انا مش خنته"
خرجت قمر للجميع الذي كانوا يقفون أمام باب حجره يوسف فقالت قمر"خلونا يا جماعه نروح الLiving عشان نعرف نتكلم"
وبالفعل توجه الجميع نحو غرفه المعيشه
سحر"ها يا قمر داليا مالها"
فاطمه"طمنينا عليها يا بنتى"
قمر ببعض التوتر"خالتوا داليا حامل فى شهر"
سوسن وهى تضرب بيدها على صدرها"يا مرى حبله كيف ويوسف مبيخلفش انا متوكده انها خانته"
قمر بغضب وصياح فى مديحه"متهمدى يا ست انتى"
جاء جميع الرجال معادا يوسف على صياح قمر فى مديحه
حسين"مالك يا جومر بتزعجى ليه"
قمر بغضب"بزعق ليه بزعق للحيزبونه دى اللى عامله ذى عود الكبريت"
مديحه"ما سوسن معاها حج يوسف مبيخلفش يبجى اكيد خاطياه"
سعفان"من دى اللى خاطياه انى مش فاهم حاجه"
سوسن"اللى اسمها داليا دى مرت يوسف حبله وكلاتنا عارفين أن يوسف مهيخلفش يبجى اكيد الفاجره دى خانته"
لم تشعر سوسن سوى بصفعه قويه وقعت على خدها اوقعتها أرضا ولم يكن من ضربها سوى زمرد التى جائت وسمعت حديثها بالكامل
زمرد وقد احتل الغضب كل خليه بجسدها واغمق لون عينيها"انا امى مش فاجره انا امى اشرف منك ومن عشره زيك وقسما عظما لو اتكلمتى كلمه غلط عليها لهتشوفى وشى التانى وياوليك وسواد ليلك لو ظهر وشى التانى"
قامت سوسن بغضب وهى تضع يدها على وجهها"اتخبلتى اياك بتضروبينى صحيح هجول ايه مانتى بت"
صحت بها زمرد مقاطعة لها"انطقى كلمه واحده فى حقها وان شاء الله الالم هينزل على خدك التانى"
حسن"انتى بت جليله الربايه ومتربتيش"
زمرد بغضب"متخلنيش اوريكم قله الربايه فعلا"
دخل يوسف مسرعا وتوجه نحو فهد وقال بقلق شديد"مالها داليا يا فهد مفهمتش منك حاجه كل اللى فهمته أنه اغمى عليها جبتولها الدكتور طمنكوا عليها"
فهد"اهدى يا عمى خالتوا داليا كويسه وقمر كشفت عليها"
يوسف بنفس القلق"مالها يا قمر هى كويسه"
قمر بتوتر"متقلقش يا عمو خالتو كويسه بس"
يوسف بقلق بالغ"بس ايه يا بنتى متقلقنيش"
قمر بتوتر شديد"اصل خالتوا داليا حامل فى شهر"
يوسف بصدمه"حامل"
اومئت له قمر وكانت زمرد تتابع والدها ورد فعله
يوسف ولا تزال عليه الصدمه"طب هى فين"
قمر"هى فى اوضه حضرتك القديمه انا أدتها مهدئ وكلها دقيقه وتفوق"
لم يعلق وتوجه نحو غرفته ولاتزال الصدمه مرتسمه على وجهه
فاطمه"روحى وراه يا زمرد لحسن يعمل فيها حاجه"
زمرد"سبيه اما نشوف هيعمل ايه وبعدين محدش يقدر ياذيها طول ما انا فيا نفس"
توجه يوسف نحو غرفته ودخل واغلق الباب بالمفتاح ووجود داليا مستيقظه و تبكى بشده اقترب يوسف منها بهلع
ولكنها انتفضت فور رؤيتها ليوسف وعادت للوراء وقالت بذعر وهى تبكى بشكل هستيرى"والله يا يوسف ما خنتك انا فضلت بعيده عنك خمسه وعشرين سنه ولسه محافظه عل اسمك وشرفك محدش قرب منى غيرك والله اللى فى بطنى ابنك"
اقترب يوسف وهى انكمشت على نفسها أكثر وقال بحزن"ياه للدرجادى خايفه منى ومش واثقه فيا ولا واثقه فى حبى ليكى"
داليا وهى مزالت تبكى"لاء يا يوسف والله بحبك وبثق فيك ومش خايفه منك"
يوسف بحزن"فين الثقه دى"
داليا"والله بثق فيك بس انا عارفه انك مش بتخلف والكل عارف وانا حامل فاكيد انت هتفتكر والكل كمان انى خنتك"
اقترب منها يوسف اكثر وحاوط وجهها بيديه وقام بتجفيف دموعها بحنان وقال"لاه يا جلب يوسف انى بحبك موت وبثج فيكى ثجه عاميا وانى متوكد أن ده ابنى"
داليا باستغراب ازاى"
يوسف"كنت مره رايح المركز الصحى عشان كنت بعمل تحاليل روتنيه وقابلت واحد صاحبى معلش ربنا هيرزجك إنشاءالله بس انت اصبر انى مفهمتش جصده ايه فا جولتله تجوصد ايه قالى أن مراته دكتوره نسا وتوليد وان سوسن مراتى راحتلها وعملت عندها تحاليل وطلعت مش بتخلف ومراته قالتله لأنها كانت عارفه انى صاحبه جوى وسوسن مراتى فقولتله متأكد من الكلام ده قالى اه وروحت امرأته فعلا واتاكدت فعلا وفى الوقت ده ابويا كان بيزن عليا عشان اتعالج ويشوف عيالى بس انا مكنتش عايز عيال غير منك ولما عرفت حكايت أن سوسن مش بتخلف جولت لابوى انه مفيش امل انى اخلف تانى وهو وجتها جالى خلاص متجولش لحد انك مهتخلفش فهمهم أنك ممكن تتعالج وجتها جولتله ليه اعمل أكده يابوى جالى عشان محدش يجول عليك حاجه عفشه ياولدى وانى مش هستحمل وسمعت كلامه بس انى روحت واتعالجت لان كان جلبى حاسس أنه هلاقيقى يا داليتى وبعدين حتى لو ما كنتش اتعالجت مستحيل اشك فيكى ولو للحظه يا جلبى"
داليا باستغراب وقد كفت عن البكاء"يعنى انت بتخلف عادى"
اومأ لها يوسف وهو يبتسم باتساع
داليا"طب ايه علاقه انك اتعالجت بأن قلبك كان حاسس انك هتلاقينى"
يوسف بابتسامه لعوبه"مهو انا اتعالجت لان قلبى كان حاسس انى هلاقى واعوض كل سنين الفراق دى واخلف منك يا جميل"
داليا بخجل"يوسف الله"
يوسف بضحك"انت بتتكثفى منى لسه يا اميرتى"
اومأت له بخجل
يوسف بحزن"ينفع اللى انتى عملتيه ده"
داليا باستغراب"عملت ايه"
اقترب يوسف منها أكثر وحملها وتوجه نحو السرير وجلس واجلسها على قدمه ووضع يده على وجهها"اول هام حضرتك بكيتى وضيعتى الألأ بتوعى على الفاضى وتانى هام حضرتك ضيعتى علينا فرحه الاحتفال بالبيبى"
داليا وهى تحاوط وجهه بيديها"انا اسفه يا حبيبى مش قصدى كنت خايفه بس انا مبسوطه اوى أنى هبقى ماما تانى"
ضحك يوسف ووضع يده على بطنها وقال بمرح"وانا كمان مبسوط اوى هيبقى عند ولاد تانين منك وهلعب معاهم وهشوفهوم وهما بيكبروا قدام عينى واعلمهم المشى والكلام"
دمعت عيناه وهو يخبرها ماذا سيفعل معهم
اجلسها على السرير ووضح أذنه على بطنها وقال"اذيك يا حبيبى انا بابا انا بحبك اوى متتعبش مامى عشان احبك اكتر ها وانا هاخد بالى منك ومنها متقلقش حبيبى"
دمعت عيناها وهى ترى فرحته بالطفل
وقف يوسف فجأه وقال"حبيبتى مش نفسك فى اى حاجه تاكليها"
داليا بابتسامه"لاء حبيبى انا مش جعانه"
يوسف"لاء لازم تاكلى عشان صحتك اهم حاجه وعشان البيبى تانى حاجه"
داليا"بس انا فعلا مش جعانه"
يوسف"خلاص هروح اجبيلك كوبايه لبن"
داليا بقرف"بس انا مش بحبوا"
يوسف"مش مهم تحبيه بس لازم تشربيه"
توجه نحو الباب وفتحه ونادى بصوت مرتفع وقال"يا سعديه انتى يا بت"
كان الجميع جالس ويستمع لندائه ينتظرون ماذا سيفعل وسوسن وحسن واقفين ينظرون لزمرد بغضب وينتظرون أن يقوم يوسف بضرب داليا وان يطلقها وخصوصا سوسن تنتظر ذلك بفارغ الصبر وزمرد تجلس ترتشف قهوتها فى هدوء
هروت سعديه بسرعه ليوسف فى الطابق العلوى
سعديه"نعم يا سى يوسف"
يوسف"هاتى كوبايه لبن صابحه وسخنه لستك داليا بسرعه"
سعديه"حاضر يا سيدى"
وبالفعل نزلت سعديه سريعا ودخلت الى المطبخ واعدت كوب اللبن سريعا وتوجهت نحو غرفه يوسف ولكن فى طريقها قاطعتها زمرد قائله"هى كوبايه اللبن دى لمين يا سعديه"
سعديه"دى لست داليا سى يوسف طالبها عشانها"
ابتسمت زمرد ابتسامه جانبيه وقالت"خلاص يا سعديه روحى انتى"
ذهبت سعديه الى غرفه يوسف وطرقت الباب فتح لها يوسف فقالت له"اتفضل يا سى يوسف"
يوسف"شكرا يا سعديه"
سعديه"العفو يا سى يوسف"
ذهبت سعديه ودخل يوسف الى داليا ووضع كوب اللبن على الكومدينو وحملها واجلسها على قدمه فقالت له داليا بخجل"سيبنى يا حبيبى اعض على السرير عادى عشان متتعبش"
يوسف"تعبك راحه يا جلب يوسف وبعدين انتى خفيفه خالص كانك مش بتاكلى"
داليا"لاء باكل والله بس بقالى اسبوع باكل قليل عشان كنت برجع كتير الاسبوع ده"
يوسف بغضب"يعنى انتى كنتى تعبانه بقالك اسبوع ومقولتيش"
قامت داليا بمعناقته وقالت"مكنتش عايزاك تقلق"
يوسف وقد هدئ لأنها عانقته"لا يا ستى خلينى اقلق انا مش هضايق"ثم قال مكملا"يلا عشان تشربى اللبن"
داليا بتذمر"مش بحبه يا يوسف"
يوسف"لاه لازم اتحبيه يلا اشربى عشان خاطرى"
امسك الكوب لها وكان يساعدها فى شربه وهو يملس على شعرها حتى انتهت منه
يوسف"صحه على قلبك يلا نامى عشان ترتاحى"
داليا بحزن"بس هتعمل معاهم ايه تحت زمانهم فكروا أنى"
قاطعها يوسف قائلا"متقلقيش يا جلب يوسف انا هفهمهم كل حاجه واطلع انام جارك بس نامى انتى"
داليا"طب نيمنى وانزل"
يوسف"طيب قومى غيرى هدومك هتلاقى هدوم جديده ليكى فى الدولاب كنت شاريها عشان لما تحبى تباتى هنا"
عانقته داليا وقالت"شكرا يا حبيبى"
يوسف"العفو يا قلبى يلا روحى غيرى"
توجهت داليا نحو الخزانه وأخرجت ثياب لها وتوجهت نحو الحمام الذى بالغرفه ودخلت به وأغلقت على نفسها وغيرت ثيابها وخرجت وكانت ملابسها عباره عن منامه بيتيه قصيره ذهبت له وهو امسك يدها ونام على السرير وشدها لتنام داخل أحضانه وهو يهمس لها بكلمات الغزل وماذا ينوى أن يفعل مع ابنه وابنته القادمين وبعد مرور ربع ساعه تقريبا غفت داليا فقام يوسف من جانبها ودثرها بالغطاء جيدا واغلق النور وباب الغرفه وتوجه للاسفل حيث يجلس الجميع فى غرفه المعيشه
دخل يوسف عليهم وجلس أمامهم
سوسن"عملت ايه يا سى يوسف مع الفاجره دى"
كان يوسف سيقوم ليضربها و كانت زمرد ستقوم لتلقنها درسا لن تنساه
ولكن قمر انتفضت واقفه وصاحت بغضب"لاء بقى انتى ذودتيها وهى قالتلك اسكتى وانتى مش بتسمعى وانا هخليكى تسمعى الكلام"
وقامت قمر بنزع شبشبها وانقضت على سوسن ممسكه ايها من شعرها وتضربها بالشبشب على جميع أنحاء جسدها وسوسن تصيح من الالم
والجميع صدموا من فعله قمر
ولكن زمرد وشمس وماسه و فهد وفاطمه وسحر وسعيد كانوا يضحكون بشده
كانت قمر تضربها وتقول بغضب"عامله تقلى فى ادبك معانا من ساعه ما جينا وساكتين ليكى بمزاجنا والنهارده انتى ذودتيها اوى يا حيزبوبنه الكلب وزمرد ضربتك مره يعنى المفروض تحسى على دمك لكن اقول البعيده معدومه الاحساس"
توجه فهد نحو قمر وهو يضحك وحملها وأبعدها عن سوسن بصعوبه شديده وقال وهو يضحك"أهدى يا وحش الست هتموت فى ايدك"
قمر بغضب"سيبنى عليها يا فهد الوليه المعفنه دى"
سوسن بغضب والم"والله لادفعك تمن اللى عملتيه ده يا بت كريمه"
قمر بغضب"ما تسيبنى عليها ام لسان عايز الحرق دى"
مديحه بغضب"ما تسكتى يا جليله الربايه انتى مستحيل تفضلى مرت ولدى لازم يطلجك ودلوك"
تبرمت قمر وقالت"يطلقنى مع السلامه والقلب داعيله اللى خدته الارعا تاخده ام الشعور"
كل هذا ومزال زمرد واخوتها وسحر وسعيد وفاطمه يضحكون بشده
مديحه لفارس"طلجها يا ولدى"
فارس"مجدرش ياما"
مديحه بتبرم"ومتجدرش ليه يا روح امك"
فارس"لانى عايزها مرتى ياما وبصراحه اكتر انى بحبها"
صعقت قمر من تصريحه هذا ونظرت له بصدمه
مديحه"حب ايه وجلع ماسخ هطلجها يعنى هطلجها"
سعفان بغضب"مديحه"
انتفضت مديحه من صوته وقالت"نعم يابا الحج"
سعفان بصوت حازم"موضوع جواز الولاد كلاتهم محدش ليه صالح بيه يكملوا مع بعضيهم أو يطلجوا هما حرين خليكى فى حالك وسوسن تستاهل اللى حوصل فيها عشان لسانها الطويل ده اه جومر مينفعش تمد يدها على حد اكبر منها بس هى معاها عذرها مجدرتش تتحكم فى اعصابها وسوسن غلطت فى الاول والاخر وانت يا يوسف خبرنا فى ايه محدش فاهم حاجه"
يوسف"حاضر يا عمى هجولك على كل حاجه"
وشرع يوسف يخبرهم بكل شئ ولم يخفى عنهم شئ
رشوان بحزن من يوسف"أكده يا يوسف تحرمنى من شوفه ولادك"
يوسف بحزن"انت السبب يا بوى مش انا انت اللى جبرتنى اتجوز سوسن وانت اللى جبرتنى اتجوز داليا من وراكوا لولاك انت كان زمان مرتى فضلت معاياه وكان زمان بتى اتربت جصاد عينى وكان زمان زمرد عندها اخوات والفرج بيناتهم مش كبير أكده"
رشوان بحزن"انى اسف يا ولدى فكرت انى بعمل اكده لصالحك سامحني يا ولدى "
يوسف"مسامحك يا بوى عارف أنه كان جصدك الصالح ليا بس حتى لو كانت زمرد اتربت بعيد عنى بس هى اتربت صوح وبجت زمرد الاسيوطى اللى الكل بيعملها حساب ضوفرها عندى بميت ولد"
ابتسمت زمرد لوالدها وتوجهت نحوه وجلست بجانبه وقالت"ربنا يخليك ليا يا بابا"
يوسف"ويخليكى ليا يا جلب ابوكى"
قالت زمرد بمرح وصوت منخفض"بس ايه ده احنا مكملناش التلات اشهر هنا وخليت المزه حامل"
ضحك يوسف وقال"امال انتى مفكره ايه ابوكى اسد"
ضحكت زمرد وقالت"لاء مهو واضح"
يوسف"بس عايزك تعرفى يا ذوذو انك هتفضلى انتى بنتى حبيبتى وسندى فى الدنيا حتى لو جالك اخ او اخت هحبه او هحبها طبعا بس هتفضلى انتى اللى فى القلب يا قلب ابوكى ونفس الكلام بالنسبه لماما فاهمه يا حبيبتي"
ابتسمت زمرد وقالت"فاهمه يا بابا متخافش عارفه أن حضرتك كان نفسك تكون معايا فى كل مراحل حياتى ذل ما انا كان نفسى بس أدى الله وادى حكمته واخويا أو اختى اللى جايين هعتبرهم ولادى مش اخواتى"
قبلها يوسف على جبهتها وقال"ربنا يكملك بعقلك يا بنتى" ثم قال مكملا بصوت مرتفع"هستأذن انا يا جماعه عشان انام"
وفى طريقه للاعلى نظر لسوسن بغضب التى كانت مديحه تقوم بتقطيب جراحها التى سببتها قمر
