وبالفعل اوصل يوسف داليا قبل القصر بمسافه بسيطه حتى لا يشك أحد بهم ودخلت الى القصر وعند دخولها قابلتها فاطمه فقالت لها داليا"هى زمرد فين"
فاطمه"نامت"
داليا براحه"الحمدالله"
ضحكت فاطمه عليها ثم قالت"ها عملتى ايه"
داليا"عملت ايه فى ايه"
فاطمه بابتسامه لعوبه"مع يوسف"
داليا"هشسس ايه الحطان ليها ودان"
فاطمه"اه وخصوصا بنتك ليها ودان فى كل حته"
داليا"اه يا خوفى منها"
فاطمه"متخافيش مش هتعمل حاجه انتى فى الاخر امها وهو فى الاخر ابوها وكان غصب عنه مش بمزاجه يعنى"
داليا"ما انا عارفه أنه كان غصبن عنه بس ده ميمنعش انى خايفه من زمرد لتعمل حاجه انتى عارفه محدش يتوقعها"
فاطمه"قولى انتى بس يارب"
داليا"يارب"
فى قصر الاسيوطى
دخل يوسف عليهم وجد جميع العائله موجوده معادا بنت حسن وبنت امجد اللتان لم تعودا بعد من بيت خالتهما فألقى عليهم السلام"السلام عليكم"
رد عليه الجميع"وعليكم السلام"
يوسف"فى موضوع عايز اتكلم معاكوا فيه"
الجد سعفان"خير يا ولدى"
يوسف"جبل ما اتحدد انا طالب الامان منك يا عمى انت وابوى"
الجد رشوان"ليه يا ولدى موضوع ايه ده اللى عم تطلبله الامان"
يوسف"ادونى الأمان وانا هتحدد"
رشوان وسعفان"ادناك الامان"
أخذ يوسف نفس عميق ثم قال"انت فاكر يا بوى من تامنيه وعشرين سنه لما اتجوزت من ورا ضهرك"
رشوان بضيق"اه فاكر ولما دريت بعملتك المهببه طلبت منك تطلجها"
يوسف"بس انا يا بوى مطلجتهاش"
انتفض والده واقفا"ايه اللى عم تجوله ده يا ولد"
ثم ضربت سوسن بيدها على صدرها وقالت"يا مصبتى"
سعفان"اتحشمى يا مره مسمعش حسك وانت يا رشوان اعض وخلى ولدك يكمل حديده"
الجد رشوان"عارف لو كنت مش اديتك الامان كنت عملت فيك ايه دلوج"
يوسف"عارف يا بوى عشان اجده طلبته،وانا مطلجتهاش وجتها لانه عرفت انها حبله ومجدرتش أطلجها ولما رجعت عشان اجولك انت وجتها كنت بتجهز كل حاجه عشان اعجد على سوسن ومدتنيش ايتها فرصه انى اجولك حاجه ولما رجعت عشان اطمن على مرتى واللى فى بطنها لجيت البيت وجع ومحدش يعرف مطرحها وفضلت ادور عليها الفتره اللى فاتت كلتها على أمل انى الاجى مرتى وبتى لان جلبى كان بيجولى انها هتبجى بت وفعلا امبارح بس لجتها يا بوى خبط فى مرتى صدفه فى السوج وتعرف يا بوى طلعت كانت عايشه فين كانت ماجره شجه عند سعيد فى سكندريه وبتى زمرد تبجى اخت شمس"
انتفضت شمس واقفه وقالت فى صدمه"حضرتك تبقى ابو زمرد"
نظر لها يوسف ثم قال"ايوا يا بنتى"
ايهم باستغراب"بس ازاى انتوا الاتنين اخوات فى الرضاعه وعايشين مع بعض ومخدتوش بالكوا من تشابه الاسماء"
شمس"لأنه انا مش بستعمل غير أسمى الرباعى بس شمس سعيد رضوان جلال وزمرد بتستعمل زمرد يوسف الاسيوطى وعمرنا ما اخدنا بالنا،بس يا عمو يوسف زمرد مش هتسامحك بسهولة اللى شافته فى حياتها مش شويه وفكره انها تعيش يتيمه الأب طول عمرها وبابها عايش على وش الدنيا دى بتعصبها وبتخليها زى البركان اللى بيغلى"
يوسف"انا عارف يا بنتى انها محملانى المسؤليه ومعها حق انا كان لازم اتشجع واقول لاهلى على جوازى من امها فى البدايه بس انا غلط واللى حصل بعد كده كان غصبن عنى"
شمس"انا عارفه أنه كان غصبن عن حضرتك بس زمرد عانت كتير من ساعه الحادثه يا عمو اكتر واحده فينا تعبت واكتر واحده اتاثرت بالحادثه واكتر واحده اشتغلت فينا وبتعتبرنا كلنا مسؤليتها بتخاف علينا جدا واحنا بنحترمها وبنحبها اوى وبنعتبرها كبيره عائلتنا"وشرعت فى حكى كل ما مروا به متجنبه ذكر اسم ماسه وما فعلته معهم ومتجنبه ذكر تعلمهم لفنون القتال باشكالها المختلفه ومواهبهم الفريدة والتحاقهم بكليه شرطه تجنبت ذكر كل ما يخص عملهم المخفى بكل الصور والأشكال وعند انتهائها كان من يشعر بالفضول نحو هذه الفتاه كأيهم ومن يشعر بالحقد كسوسن ومن يشعر بالشفقه كجميع العائلة ومن يشعر بالفخر بها كوالدها
ثم قالت شمس"انا اسفه يا عمو كان نفسى اساعدك بس الموضوع خارج ارادتى"
يوسف"ارجوكى يا شمس شوفى حل"
شمس"انا هتصل بفهد وقمر يجوا يمكن يقدروا يساعدوا حضرتك"
وبالفعل قامت بالاتصال بفهد
شمس"فهد انا محتجالك انت وقمر ياريت تيجوا بسرعه على بيت جدى"
فهد بقلق"فى ايه يا شمس"
شمس "لما تيجوا هتعرفوا"
ثم أغلقت الهاتف وصل فهد وقمر بعد خمس دقائق حيث انهم كانوا قريبين من المنزل ودخلوا لقصر الاسيوطى فى عجله من أمرهم وجرى كل من فهد وقمر نحو شمس وامسكها فهد وأخذها بين أحضانه وكان يتحسس وجهها بيديه ثم قال"انتى كويسه يا حبيبتى حصلك حاجه حد عملك حاجه"
ثم قامت قمر بشدها لاحضانها هى الاخرى وقالت"فى ايه يا شمس ما تتكلمى يا قلبى انتى كويسه"
وعند هذا المشهد تاكد الجميع من مدى ترابطهم كأخوى
شمس"انا كويسه يا حبايبى متقلقوش بس بس"
فهد"بس ايه يا شمس اتكلمى يا روحى"
شمس"عمو يوسف ابن عم بابا طلع بابا زمرد"
نظر لها الاثنان بعدم استيعاب وعندما أدركوا الأمر نظروا لها بصدمه
قمر"انتى بتهذرى اكيد"
يوسف"لا يا بنتى مش بتهذر انا ابقى بابا زمرد"
فهد ببرود"والمطلوب"
يوسف"انا يبنى غلط زمان غلطه واحده دفعت تمنها غالى اوى وهو بعد مراتى وبنتى عنى وانا عارف ان بنتى بتكرهنى بس انا عايزكوا تساعدوني اخليها تسامحنى لان بعدها عنى والله كان غصبن عنى،انا هقدر استحمل اى حاجه غير أنى اشوف نظرات الكره ليا فى عيونها"
فهد" انا مقدر اللى حضرتك بتقوله ومصدق ان بعدك عن زمرد و وخالتو داليا كان غصبن عنك بس انا برده ايه المطلوب منى"
يوسف"عايزك يا ولدى تسعاعدنى انى اخليها تسامحنى"
فهد"اللى حضرتك بتقوله ده صعب حضرتك متعرفش هى ممكن تعمل ايه لو قابلتك وعرفت انك بابها محدش بيتوقع تصرفاتها"
قمر"ومين قال إنها هتعرف"
شمس"ازاى مش فاهمه"
قمر"يعنى يتقابل عمو يوسف مع زمرد من غير ما تعرف أنه بابها ويحاول هو انه يخليها تحبه وتثق فيه"
فهد"انتى بتهذرى صح"
قمر"ابدا"
فهد"انتى بتستعبطى يا قمر وهى زمرد هبله عشان متكتشفش لعبه زى دى"
قمر"وهى هتعرف منين محدش فينا هيقولها"
فهد"مهو محدش هيقولها وهتعرف وانتى عارفه أنه مفيش حاجه بتستخبى عليها ولو فى حاجه استخبت عليها بتعرفها"
ايهم بسخرية"ليه اللهو الخفى"
فهد وهو ينظر إليه فى غضب"رغم انى معرفش انت تقرب ايه لشمس وزمرد بس اخواتى خط احمر اللى يرشهم بالميه ارشه بالدم فاهم"
الجد سعفان محاولا تدارك الموقف"معلش يا ولدى ايهم ميجصدش"
فهد"ولا يقصد انا هسكت عشانك يا حج وفى الاخر انا مجرد ضيف هنا"
الجد سعفان"لا يا بنى ده انت صاحب بيت"
فهد"تشكر يا حج ده بس من كرمك"
الجد سعفان"لاه يا ولدى انت اخو سمس وزمرد يعنى ليك زيهم هنه كومان"
فهد"تشكر يا حج،وانتى يا قمر فكك من اللى بتقوليه ده"
قمر بعدم اهتمام"فكك انت بص يا عمو يوسف النهارده انتوا تعزومنا على الغدا والسبب هنقول أن انتوا حابين تتعرفوا على اخوات شمس وزمرد طالما الحاجه دى عشان شمس هتوافق تيجى وانت يا عمو تستغل وجودها وتحاول تتقرب منها بالكلام والمناقشه تعض جمبها على الأكل كده يعنى فهمت"
يوسف"اه فهمت يا بنتى هنفذ اللى بتقولى عليه المهم هى تسامحنى"
فهد"ماشى يا قمر اعملى اللى انتى عايزاه بس متجيش تستخبى منها عندى قشطا"
قمر"خلاص يا عم ماشى وبعدين متخافش مش هتعرف هى كانت مشغوله جامد الفتره اللى فاتت واكيد دماغها مش هتبقى فيها بسبب الضغط اللى عليها فى شغلها"
أما سوسن فكانت تشتعل غضبا وكانت تقول فى نفسها(ايه الحظ المكحل ده اهو طلع متجوز جبلى لاه وايه وعنده منيها بنيه كومان منيح انه مش راجل اجده هجدر عليها هى وامها العجربه بس اخواتها كانوا خايفين منيها لاه اكيد مش منيها اكيد خايفين على زعلها وانا هكشفلها يوسف واعرفها أنه ابوها وهى جاعده عشان تجلب الليله عليهم وفى الاول والاخر انا سوسن والأجر على الله اما طفشتهم من أهنه بفضيحه مبجاش انى)
أما الحج رشوان لم يكن يصدق كل هذا وعندما ذهب كل واحد منهم لغرفته وتوجهت النساء المطبخ لتجهيز العزومه ذهب هو الى غرفته وتبعته زوجته مريم وعندما دخلو الى الغرفه جلس هو على اقرب كرسي لم يكن يقدر على الوقوف
مريم"مالك يا حج"
الجد رشوان"بجى مش عارفه مالى يا مريم"
مريم"متزعلش يا حج ده فى الاول والاخر ولدك"
الجد رشوان بابتسامه والدموع تنزل من عينه"مش زعلان يا مريم ده أنى فرحان جوى أن يوسف ليه عزوه وليه عيال حتى لو كانت واحده بس وكمان مش رجال مش مهم عندى المهم أنه فيه حد من نسل ولدى الكبير"
ثم قام وسجد سجده شكر لله
مريم بدموع"وانى كمان فرحانه جوى يا حج لاه واسمها كمان على اسم حماتى الله يرحمها"
الجد رشوان"وده مفرحنى اكتر واكتر نفسى اشوفها واملى عينى منيها"
مريم"هتيجى وهنشبع منيها متخافش"
وفى قصر الاخوه الخمسه استيقظت زمرد ونزلت للاسفل ووجدتهم جميعا يرتدون ملابسهم
زمرد"ايه ده انتوا لابسين رايحين على فين"
قمر"اصلنا معزومين على الغدا وانتى كمان معزومه"
زمرد باستغراب"معزومه!بس انا محدش عازمنى"
سعيد"اصل انا يبنتى حكيت لوالدى واعمامى عليكوا وهم حابين يتعرفوا على اخوات شمس اللى هم انتوا فعزموكوا على الغدا وانا ملحقتش اقولك"
زمرد بابتسامه"ولا يهمك يا عمو انا هطلع البس وانزلكوا اوكاى ومر بعض الوقت ونزلت زمرد وتفاجئ الجميع مما ترتديه هى بالعاده ترتدى هكذا ولكن الجميع يعلم أنها ذكيه وتدرك أن هذه الملابس لا يجوز أن تذهب بها وتذور عائله صعيديه متمسكه بالعادات والتقاليد
داليا شعرت بالخوف من أن لا يتقبلها أحدهم هناك لذلك تكلمت بنبره عاليه"زمرد ايه اللى انتى لابسه ده"
زمرد بتبريقه الى والدتها بسبب علو صوتها فزمرد تكره أن يرفع أحدهم صوته عليها حتى لو كانت امها"نعم،حضرتك مش ملاحظه نبره صوتك"
ابتلعت داليا ريقها فى توتر"مقصدش اعلى صوتى بس يا زمرد احنا رايحين عند ناس صاعيده ومش عايزين يفهموا شمس غلط"
زمرد بنبره صارمه"محدش يقدر يفهم اختى غلط انا بلبس كده وانا حره بعمل اللى انا عايزاه محدش ليه حاجه عندى وياريت تتفضلوا نروح لناس اللى مستنيانه"
سمع الجميع كلامها وتوجهوا نحو الباب قاصدين القصر المجاور لهم وداليا تشعر بتوتر بسبب ما سيحدث
وفى قصر الاسيوطى كان الجميع جاهز وينتظر وصول زمرد وبالفعل رن الجرس وقامت الخادمه بفتح الباب ودخل الجميع وكانت زمرد اخر من يدخل وبالفعل صدم الجميع من شكلها فهى حقا شديده الجمال بل وساحره وبالفعل تشبه امهم زمرد فى جمالها ولكن عيونها اخذتها من أبيهم جلال هذا ما لاحظه الجميع حتى الاحفاد فهم يعرفون جدهم جلال وجدتهم زمرد من الصور
