فى المساء قصر الهوارى
حمزه"بجولك ايه يا ميرا"
ماريهان"نعم يا جدو"
حمزه"كان اسمها ايه صاحبتك دى"
ماريهان بابتسامه"تقصد ناريمان يا جدو"
رفع زين رأسه فور ذكر اسمها وارتسمت ابتسامه حالمه على وجهه
لاحظها حمزه جيدا الذي تابع قائلا"ايوه هى دى يا حبيبه جدك ميصحش البنيه توبجى اول مره تيجى بلدنا ومنعزمهاش حدانا دى حتى توبجى عيبه فى حجنا"
ماريهان"حاضر يا جدو هكلمها حالا تيجى تقضى معانا اليوم بكره"
اتسعت ابتسامه زين فور سماعه أنها ستقضى اليوم عندهم غدا بينما اشتعلت زوجاته الثلاثه غيظا من تلك الفتاه
بالفعل أمسكت ماريهان بهاتفها واتصلت بناريمان التى إجابتها قائله"اهلا بالناس الواطيه"
ضحكت ماريهان قائله"وانتى اللى بتسألى ياختى اوى"
ناريمان"خلاص خلاص كنت عايز حاجه يا قمر"
ماريهان"كنت عايزاكى تيجى تقضى اليوم معانا بكره ايه رأيك"
ناريمان"قشطا ماشى انا كده كده فاضيه بكره ،قولى بقى لفوفا ولسوسو يعملوا حسابى فى الفطار"
ماريهان بإستغراب"فوفا وسوسو مين"
ناريمان"امك وجدتك ما تركزى معايا كده"
ضحكت ماريهان قائله"انتى مصيبه"
ناريمان بضحك"عارف يا باشا عارف يلا سلام"
ماريهان"سلام يا قلبى"
أغلقت ماريهان معها الهاتف وهى تضحك قائله"بتقولك يا ماما انتى وتاتا تعملوا حسابها على الفطار"
عفاف بابتسامه"بس اكده عيونا ليها"
سما بابتسامه"احلى فطور بكره للجمر"
هنيه بحنق"مش لدرجادى يا اما الحاجه"
عفاف"واحنا حولنا ايه يا بت بهانه إكرام الضيف واجب يا حبيبتى دى الاصول تعرفيها ولا متعرفيعاش"
هنيه بحنق"اه اعرفها زين يا كبيره"
عفاف"والله ما انتى فاهمه ولا عارفه ايتها حاجه"
هنيه بغضب دفين"لاه..."
قاطعها زين فجأه قائلا"انتى هتردى على ستى اياك كانك اتجنيتى"
هنيه"مجصدش يا سيد الناس"
زين.بغصب"تجصدى متجصديش تحطى بلغه فى خشمك وتسكتى ساكت الضيفه بكره تتعامل احسن معامله والكلام ده مش ليكى لحالك ليكوا كلاياتكوا"
ثم نهض قائلا"جبر يلم العفش"
ثم غادر غرفه الطعام صاعدا نحو جناحه دخل جناحه وألقى عصاه الابونسية ارضا بغضب ثم خلع عبائته التى لحقت بالعصاه هى الأخرى وجلس على السرير خالعا عمته وحذائه
ولكن سرعان ما جائت صوره ناريمان فى رأسه فتنفس بعمق وارتسمت على وجهه تلك الابتسامة الحالمه التى ترتسم على وجهه فور تذكرها أو ذكر اسمها
وعندما تذكر انها ستكون هنا طوال اليوم ازدادت ابتسامته اتساعا
امسك هاتفه سريعا ثم اتصل على سيد الذى سرعان ما أجاب قائلا"توجمر بحاجه يا زين"
زين"ميجمرش عليك ظالم يا سيد انى بس كنت بجولك انى مهخرجش من البيت بكره"
سيد بقلق"ليه فى حاجه انت زين يا زين"
زين"انى زين وعال العال انى بس كنت حابب اريح هبابه بكره الشغل كان كتير اسبوع ده"
سيد بابتسامه"ماشى يا خوى كيف ما تحب متجلجش هحاول امشى كل حاجه كانك موجود"
زين بابتسامه"تسلملى يا سيد تتصبح بالخير سلام عليكوا"
سيد"وانت من اهل الخير يا خوى وعليكم السلام"
اغلق معه ثم اتصل بأحد اخر والذى سرعان ما أجاب هو الاخر قائلا"اهلا بزين باشا"
زين"اهلا بيك يا عاصم"
عاصم"عامل ايه يا باشا"
زين"انا كويس الحمدلله كنت عايز منك خدمه يا عاصم"
عاصم"احنا تحت امرك يا باشا"
زين"كنت عايزك تعرفلى كل حاجه عن حد كده من ساعة ما اتولد لحد دلوقتي"
عاصم"مين يا باشا"
زين بابتسامه"ناريمان سيف الألفى"
عاصم"عنينا يا باشا بكره يكون عندك كل حاجه"
زين"تمام يا عاصم هستناك سلام"
عاصم بابتسامه"سلام يا باشا"
اغلق زين معه قائلا"عملتى فيا ايه يا بنت الألفى حاسس انها وحشانى وعايز اشوفها يارب بكره يجى بسرعه"
تمدد على السرير بملابسه وظل طوال الليل ينظر للسقف وهو يتخيلها لقد قامت بجعل النوم يطير من عينه
جاء صباح اليوم التالى وهو لا يزال صاحيا وقف من على السرير ودخل إلى الحمام ليستحم ثم خرج وراتدى جلباب من المفضلين لديه والذى لا يرتديه الا فى المناسبات السعيده جدا وارتدى فوقه إحدى عبائته القيمه والمميزه وارتدى عمته وحذائه والتقط عصاه من الارض تلك العصى التى أعطها جده له عندما أصبح العمده
