وفى صباح اليوم التالى استيقظ جميع من فى قصر الاسيوطى وقصر الاخوه الخمس وتوجهت زمرد واخوتها وامها وسعيد وسحر الى قصر الاسيوطى ليتناولوا معهم وجبه الافطار دخل الجميع وجلسوا على السفره بعد أن القوا تحيه الصباح
دره"عرفت اللى حوصل صحيح يا حج"
سعفان"حوصل ايه يا حجه"
دره"بيجولوا مخزن شريف البلتاجى اتحرج ليله امبارح على الفجريه"
رشوان"وانتى عرفتى منين يا مرات اخوى"
مريم"الخدم كلاتهم ملهمش سيره غير الموضوع ده"
زينات"والله بركه يا جامع"
رضوان"لاه يا زينات مش احنا اللى نشمت فى ايتها حد حتى لو كان الخسيس ده"
كان كل من زمرد واخوتها يتابعون الحديث وعلى وجوههم ابتسامه جانبيه
زمرد"بس متعرفيش يا ناناه مين اللى ورا الموضوع ده"
دره"بيجولوا يا حبيبتى ماس كهربى"
ايهم"بس غريبه ماس كهربى يحرق مخزن بحاله"
قمر"أه عادى جدا يا ايهم تعرف البيت اللى كنا قاعدين فيه قبل ما نروح قصرنا اللى فى اسكندريه حصلت حريقه فيه بسبب ماس كهربى بس الحمدلله ربنا سترها معانا"
قال الجميع ورائها الحمدالله
فارس"بس بصراحه يستاهل الجزاء من جنس العمل"
رضوان"انا جلت ايه يا فارس"
فارس"اسف يا جدى بس ده من حرقتى منه"
رضوان"ولو ربنا قادر ياخدلنا حجنا منه،وانى عارف انكوا تجدروا تاخدوا حجنا منه بس الجوه يا ولدى مش بدراع دى بالعجل"
زمرد"كلامك صح ميه فى الميه ومتخافوش يا رجاله شريف البلتاجى هيقع هيقع"
ايهم"وايه اللى مخليكى واثقه كده"
زمرد بجديه"واحد زى ده قتل اتنين بغير وجه حق ومتحاسبش لغايه دلوقتي واكيد واحد زى ده بجابروته مش هيتوب"ثم أكملت بنبره غامضه وواثقه"يبقى اكيد هيقع وربنا قادر على كل شئ"
يوسف"معاكى حق يا قلب بابا"
قمر بغضب طفولى"ايه ده يا عم حسين يعنى عمو يوسف يقول لزمرد يا قلب بابا وانا متقوليش اى حاجه طب ينفع كده يرضيك يعنى"
ضحك حسين وقال"ولا تضايجى نفسك يا روح ابوكى انتى"
قمر"ايوه كده يا معلم قسم وسمعنى"
ضحك الجميع على مرحها وخفه دمها
زمرد"مش يلا يا روح ابوكى عشان تروحى على شغلك وتجربى العربيه الجديده بالمره"
ضحكت قمر وقالت"اه يلا"
وبالفعل خرجت زمرد واخوتها كل منهم لعمله فى حين توجه ايهم وفارس ومازن وادم للإداره حتى يقومون بعملهم كظباط شرطه وتوجهت تالا لجامعتها فهى تدرس فى سنتها الاخيره فى كليه طب قسم جراحه القلب
مديحه"متجومى يا ماسه اعملى الشاى لينا كلاتنا"
فلاحظت داليا ان ماسه لم تنهى طاعمها بعد فقالت"سيبها يا مدام مديحه هقوم اعمله انا"
ماسه"لا يا ماما داليا خليكى هقوم اعمله انا"
داليا"لا يا حبيبتى اعضى كملى اكلك"
دره"لاه يا بتى ميصحوش"
داليا بابتسامة دائما ما تسحر قلب يوسف بها"لايصح يا عمه ولا انتوا بتعتبرونى ضيفه"
دره"لا يا بتى البيت بيتك لكى فيه زينا كلاتنا"
ابتسمت داليا وقالت"خلاص هعمله انا"
وبالفعل توجهت نحو المطبخ لتقوم بعمل الشاى وأثناء انتظارها لغليان الماء شعرت بيد تحيط خصرها ولم تكن سوى يد حبيبها يوسف وقت تعرفت عليه من رائحته
يوسف وهو يضمها من الخلف ويستنشق عبير رائحتها كأنه الأكسجين بالنسبه له"وحشتينى اوى يا روحى"
داليا وهى تلتفت له وتعانقه"يوسف حبيبى حد يجى ويشوفنا"
يوسف"اللى يجى يجى ولا يفرق معايا"
فابتعدت عنه ولكنه مازال يحيط خصرها بيديه و قالت"مجنون"
يوسف"بيكى يا قلبى"
داليا بدلع"وبعدين تعالى هنا هو انا لحقت اوحشك من يوم"
يوسف"من سنيه وحياتك يا قلبى وبعدين عايزه تفهيمنى انى موحشتكيش"
داليا بدلع"لا وحشتنى اوى يا قلبى"
ضحك يوسف ومال عليها يقبلها وهى تبادله القبله ولكن بعد مرور دقيقة وهو مازال يقبلها سمعت داليا أصوات اقدام تقترب من المطبخ فابتعدت عنه وقالت وهى تاخذ نفسها بصعوبه بسبب قبلته"روح بقى يا يوسف ابوس ايدك"
يوسف"لا مش رايح"
داليا"عشان خاطرى"
يوسف"بس بشرط هتنفذى اللى هقولك عليه"
داليا"حاضر والله بس امشى"
مال عليها قبلها من خدها سريعا ثم خرج من الباب الخلفى للمطبخ الذى يطل على الحديقه
وتوجه نحو المكان الذى يجلس به الرجال ولكن استوقفه امجد مناديا له"يوسف"
فاستدار له يوسف وقال"نعم يا خوى"
نظر له امجد بصدمه بسبب ما على وجه ولكنه لم يستطع تمالك نفسه وضحك
يوسف باستغراب"بتضحك ليه يا خوى"
امجد"ولا حاجه بس كنت عايز اسالك على المحاصيل كيفها"
يوسف"زينه يا خوى متخافش وكومان المحاصيل السنادى اكبر من السنه اللى فاتت"
امجد"زين يا خوى"ثم قام باخراج المناديل من جيبه ووجها ناحيه يوسف وقال"خد امسح الاحومر اللى على وشك يا خوى"
ضحك يوسف واخذ منه المناديل ومسح وجهه
فقال امجد بابتسامة حانيه"بجيت بتضحك كتير اليومين دل وكمان وشك بجى منور من ساعه ما مرتك وبتك رجعولك"
يوسف"روحى ردتلى برجعوهم ليا يا خوى"
امجد"ربنا يخليهم ليك بس متنساش لازم تعدل"
يوسف"يارب،والله بحاول يا خوى انا مش هجدر احب حد بعد داليا بس انا بحترم سوسن وزى ما داليا فى جلبى فسوسن فوج راسى دى مهما كانت بت خالنا برده بس هى ليا تصرفات بتخوتنى يا خوى"
امجد"معلش استحملها ده طبعها انت هتهوه عنه"
يوسف"معاك حج يلا بينا نروح نجعد معاهم"
وفى ذلك الوقت دخلت كل من سوسن وكريمه على داليا ووجدوها تصب الشاى فى الكؤوس فقالت سوسن بتبرم لها"ما تشهلى شويه يا ام زمرد كل ده عشان تعملى شويه شاى"
داليا"معلش يا مدام سوسن انا خلصت اهو"
كريمه"ولا يهمك يا حبيبتى"ثم نادت على الخادمه"يا سعديه"
فجائت سعديه وقالت"نعم يا ستى"
كريمه"طلعى الشاى ده الرجاله بره فى الجنينه وهاتى الباجى لينا فى الصاله"
سعديه"حاضر يا ستى"
وخرجت سوسن وكريمه وداليا الى الصاله وجلسوا يتسامرون ويضحكون سويا وفى ذلك الوقت وصلت رساله لهاتف داليا فامسكت بهاتفها وفتحته وكانت الرساله من يوسف وتقول(اتحججى باى حاجه وسيبهم واطلعى برا)
فبعثت له رساله تقول بها(ليه)
يوسف (متساليش انتى وعدتى انك هتنفذى اللى هقولك عليه)
داليا(حاضر طالعلك)
داليا موجه حديثها للجميع"هستاذنكوا يا جماعه عندى مشاوير اعملها"
سحر باستغراب"مشاوير ايه يا داليا"
داليا محاوله ادعاء الثقه حتى يصدقوها"انتى ناسيه أنه الذكرى السنوية لشركات النورين قربت وانتى عارفه أنه انا ببقى المسؤله عن تنظيم الحفله بتاعتها فهروح الف شويه فى المولات واشوف هعمل ايه"
سحر"اه صح ربنا معاكى"
داليا"طيب هستاذن انا"
دره"اذنك معاكى يا بنتى"
خرجت داليا خارج القصر ووجت يوسف ينتظرها فى سيارته بعد مسافه قريبه من القصر فتوجهت له وركبت بجنابه وقالت له"ها عايز من ايه"
يوسف بابتسامه وهو يشغل محرك السيارة"هخطفك يا قلبى"
داليا"يوسف متهذرش"
ولكنه قام بالانطلاق بالسيارة وقال يوسف بلهجته الصعيديه"مههذرش يا جلب يوسف"
يوسف"طب وشغلك"
يوسف"متخافيش يا حبه الجلب امبارح خلصت شغل امبارح وانهارده عشان افضالك يا جشطه"
ضحكت داليا وقالت"ده انت ناوى تعوض السنين اللى فاتت كلها"
ضحك يوسف وقال"الصراحه اه"
ضحكت داليا وقالت"يعنى اعتبر نفسي مخطوفه دلوقتى"
يوسف"اه"
وفجاه ضربت داليا جبهتاها دليل على تذكرها شئ ما وامسكت هاتفها واتصلت على أحد ما وكانت فى انتظار الرد
يوسف"بتتصلى بمين"
داليا"بزمرد هقولها أن احنا سوا ولا انت عايزها تتعصب مننا"
ضحك يوسف"لا الا دى،دى مش لازم حد يعصبها انا ابوها وبخاف منها"
ضحكت داليا وقالت"ما انا بخاف منها انا كمان"
وفى ذلك الوقت ردت زمرد وقالت"بقى انا بخوف يا ماما"
داليا"اه يا حبيبه ماما محدش يقدر يقف قدامك وانتى متعصبه"
ضحكت زمرد وقالت"ماشى هعديهالك يا جميل ها كنت عايزه ايه"
داليا"بصراحه يا زمرد ابوكى خاطفنى"
زمرد باستغراب"خاطفك"
ضحك يوسف وقال"هاتى الفون"
واخذ منها الهاتف وقال لزمرد بمرح"ايوه يا حبيبتى بصى انا خاطف ماما وهرجعها متقلقيش"
ضحكت زمرد وقالت"خطفها على فين "
ضحك يوسف"لا دى مفجاه لمامى محدش يعرفها"
ضحكت زمرد وقالت"سر يعنى"
ضحك يوسف وقال"اه سر"
زمرد"طيب هترجعها امتا"
يوسف"بكره"
ضحكت زمرد وقالت"خلاص هيص براحتك يا بشمهندس طارق ميهمكش"
ضحك يوسف وقال"ههيص متقلقيش بس دارى علينا ومتسيحيش ها"
ضحكت زمرد وقالت"متقلقش سرك فى بير العيله كلها هتعرف باذن الله"
ضحك يوسف وقال"واطى يا مان"
ضحكت زمرد وقالت"طول عمرى يا بوب والله،سلام بقى عشان ورايا شغلEnjoy"
يوسف"ماشى يا قلبى سلام"
ضحك يوسف وقال"هى طالعه شقيه كده لمين"
رفعت داليا حاجبها"يعنى هتكون طالعه لمين يعنى اكيد طالعالك"
رفع يوسف حاجبه وقال"بقى هى طالعه شقيه زى"
داليا بطفوليه"اه"
ضحك يوسف وقال"استنى انتى بس لما نوصل وانا هوريكى الشقواه على اصولها"
داليا بخجل شديد"يوووووسف"
ضحك يوسف وقال"قلب يوسف يا ناس"
ضحكت داليا بخجل
يوسف"خلاص قربنا نوصل يا روحى عشان اوريكى شقاوتى"
ولكن داليا ازداد احمرار وجهها ولم ترد عليه وهو يستمتع باحمرار وجهها جدا
وفى ذلك الوقت كانت زمرد بمكتبها فى الشركه كانت تقوم بقراه ملف إحدى الصفقات وتقوم بتفحصه وبعد مرور بعض الوقت انتهت من عملها ووقفت وقامت بارتداء سترتها وخرجت من مكتبها بل من الشركه بأكملها وركبت سيارتها وقادتها بسرعه كبيره كعادتها وتوجهت نحو قصر الاسيوطى ودخلت من البوابه بسيارتها وقامت بركنها ونزلت منها ودخلت من الباب وجدتهم يجلسون فى غرفه المعيشه فتوجهت لهم والقت التحيه ورد عليها الجميع وبعد مرور بعض الوقت قال الجد رشوان"امال فين اخوك يوسف يا امجد"
امجد"معرفش والله يا بوى هو امبارح خلص شغل امبارح والنهارده وجالى انه هياخد النهارده اجازه"
مريم"اجازه بس هو مش موجود يا ولدى"
زمرد"فى ايه يا جماعه متهدوا هو ابويا عيل صغير ده راجل برده مش لازم يعنى يقول هو رايح فين وجاى منين"
الجد رشوان"انا بس كنت بطمن عليه يا بتى"
زمرد"متخافش عليه يا جدى ده يوسف الاسيوطى فى النهاية"
سوسن بغضب"تلاجيه مع امك دلوج اللى لغايه دلوج لسه مرجعتش"
زمرد بابتسامة بارده"اه معاها فيه مانع وبعدين واحد ومراته وهما حرين سوا نتدخل ليه"
سوسن بغضب"بس انى كمان مرته"
زمرد بنفس الابتسامه الباردة"مراته مقلناش حاجه بس يوم لحضرتك ويوم الامى والنهارده يومها"
نظرت لها سوسن بغضب شديد ولم تنطق بكلمة ثم قالت زمرد مكمله حديثها"وكمان هيرجعوا بكره لعلمك"
فقامت سوسن من مكانها بغضب وتوجهت نحو غرفتها،
مديحه"بس امك جالتلنا انها هتروح تشترى حجات من المحل الكبير ده عشان فيه حفله فى الشركه حداكوا"
زمرد"انا اللى قلتلها تروح وقلت لبابا يجى ياخدها يوديها وهى مكنتش تعرف"ثم أكملت بنبره غاضبه"خلاص الاستجواب خلص ومحدش يفتح بوقه بسؤال تانى"
وفى غرفه سوسن كان تتحدث فى الهاتف وتقول ببكاء مزيف"الحجى يا بوى يوسف اتجوز عليا وكمان بينصر مرته التانيه عليا مش كفايه انى متحمله أنه مبيخلفش راح يجبلى دره يا بوى وبيعاملنى عفش"
والدها الحج صالح"خلاص يا سوسن متعيطيش انى هاجى بكره وطربجها عليهم كلاتهم"
سوسن بفرحه"صحيح هتيجى يا بوى"
الحج صالح"ايو هاجى مع السلامه"
سوسن"مع السلامه يا بوى"
وبعد انتهاء المكالمه ابتسمت بخبث على ما سيحدث حيث أنها تعرف أن والدها رجل عصبى ويكره رؤيتها تبكى ولكن فى نفس الوقت هو رجل يحب الحق ويكره الظلم ولكن ابنته خبيثه وليست مثله وهو لا يعلم ذلك
أما فى مكان آخر مكان ملئ بالحب والرومانسيه عند يوسف وداليا كان الاثنان على السرير حيث كان يوسف متسطح على السرير وداليا نائمه على صدره ولا يغطى أجسادهم العاريه سوا ملائه السرير وهو يعلب بخصلات شعرها ويتحدثا سويا وهو يتغزل بها ويقول لها بحب بلهجته الصعيديه"بحب شعرك جوى وبعشج ريحته اللى كيف ريحه الياسمين ده"
داليا وهى تنظر له بحب وتضع يدها على ذقنه وتداعبها"وانا بحب دقنك اوى وبحب شعرك كمان وبحب لما تنام فى حضنى والعب فيه"
ضحك يوسف على لطفاتها وقال وهو يغير من وضعيتهم وينام هو فى حضنها ويمسك يدها ويضعها على شعره" احنا فيها اهو العبى فيه"
قربته داليا من حضنها اكثر وشرعت تلعب فى شعره وهو يشعر بالدفئ والأمان داخل أحضانها كأنه طفل ينام بحضن امه ثم نظر لها وجدها شارده فقال لها"مالك يا حبيبتى بتفكرى فى ايه"
داليا"ولا حاجه يا حبيبى"
يوسف"ولا حاجه ازاى يا قلبى هو انا هتوه عنك"
نزلت دموع داليا فانتفض يوسف من حضنها جالسا على قدميه وجعلها تجلس على قدمها هى الاخرى وحاوط وجهها بيديه وقال"بتعيطى ليه يا قلبى ليه تخلى المساتك يضيعوا على الفاضى"
داليا ببكاء"قلبى واجعنى اوى يا يوسف"
يوسف بقلق"سلامه قلبك يا عيونى قوليلى مين بس اللى مزعلك"
داليا وهى مزالت تبكى"انت يا يوسف"
يوسف باستغراب"انا! وانا عملت ايه زعلك بس يا روحي"
داليا ببكاء شديد"انت مش قاصد، ده غصبن عنك انا عارفه بس فكره أنه فيه واحده تانيه مشاركنى فيك واجعه قلبى وقهرانى"
ابتسم يوسف لها فى حنيه فهو يدرك انها تغار عليه وبشده من حبها وعشقها له وقال لها بلهجته الصعيديه"معاش اللى يجهرك يا جلب يوسف انتى عارفه أنه غصبن عنى"
داليا"عارفه بس"
قاطع يوسف حديثها قائلا"هشششش سيبنى اكمل حديدى عاد يا حبه عينى مفيش غيرك فى جلبى،جلبى محبش ولا عشج غيرك ولا بيحب ويعشج دلوج غيرك ولا هيحب ويعشج حد بعديكى وعيونى مهتشوفش ست غيرك واصل حتى لو كنت متجوز بدالك تلاته مش واحده محدش هيملى عينى فيهم يا داليتى وبعدين انتى مش مرتى بس لاه ده انتى مرتى وام بتى وبتى انا وامى واختى وحبيبتى وعشيجتى انتى كل حاجه ليا فى الدنيا يا جلب يوسف"
داليا ومازلت بعض الدموع تنزل من عينيها"طب و سوسن"
يوسف"سوسن تبجى بت خالى ومرتى وانى بحترمها وبجدرها بس مجدرتش احبها زى ما بحبك
داليا بحب وهى تضع يدها على وجهه وقد توقفت عن البكاء"وانا كمان يا يوسف محبتش ولا عشقت غيرك ولابحب وبعشق غيرك ولا هحب ولا هعشق غيرك انت كمان كل حاجه ليا فى الدنيا جوزى وضهرى وسندى وابويا واخويا وأبو بنتى وحبيبى وعشيقى وروحى ونفسى اللى بتنفسه"ثم ألقت نفسها فى حضنه وهو حاوطها بذراعيه وبادلها حضنها وابتعد عنها ونظر لعينيها وقال"عيونك دل هيدوخونى معاهم"
ضحكت داليا بخجل ولكن لم تعلم أن ضحكتها سحرته فمال عليها يقبلها ينهل من شهد شفتيها ويتلذذ به وابتعد عنها وقال بانفاس لاهثه"بعشجك جوى جوى يا حبه الجلب"
داليا وهى تنظر له بحب"وانا بموت فيك اوى اوى يا روحى"
مال عليها يوسف مقبلا ايها مره اخرى وذهبوا إلى عالمهم الخاص عالم لا يوجد فيه سواهم وسكتت شهرزاد عن الكلام غير المباح 😉😉
