جلس الجميع يحتفل بفوز فريق الاسطوره في الاختبار
وأخذ الجميع يتحدث عن شجاعتهم وعن استعدادهم
التام للتضحية في سبيل إنقاذ أرواح الأبرياء ولكن فجأه جاء لنمر اتصال من أحد رجاله
الرجل"نمر باشا بحاول اوصلك من الصبح"
نمر"مكنش فيه شبکه حصل حاجه"
الرجل بخوف "نجمة هانم اتخطفت"
نمر بغضب " ايه"
الرجل بخوف"يا باشا العربيه وقفت قدامها وهى راحه للكليه وخطفوها ملحقناش نعمل حاجه"
نمر بغضب"وحياه امك"
الرجل"بس جبنا ارقام العربيه وطلعت بتاعت واحد اسمه فؤاد الألفى"
نمر بغضب"مين"
الرجل"فؤاد الألفى يا باشا"
نمر بغضب شديد"نص ساعه والطياره بتاعتى تكون موجوده عندى انزل منها الاقى عربيتى قدامى فهمت"
الرجل بخوف شديد"فهمت يا باشا فهمت"
اغلق نمر الاتصال سريعا وهو يتنفس بقوه من شده الغضب
لاحظت ناريمان غضب أخيها فتوجهت نحوه قائله بقلق"مالك يا حبيبي فى ايه"
نمر بغضب وخوف"نجمه اتخطفت"
ناريمان بصدمه"ايه"ثم أكملت قائله"طب مين عمل كده حد من أعدائنا"
نمر بغضب"لا العيله الو*** اللى احنا جينا منها"
ناريمان"طب هتعمل ايه"
نمر بغضب"طايرتى هتيجى دلوقتى هاخدها واروح ليها انا خايف ليكونوا عملوا فيها حاجه"
ناريمان"لا ان شاء الله خير انا هاجى معاك كده كده النهارده اخر يوم تدريب"
اومئ لها نمر وجلس على أحد الصخور يتذكر ذلك اليوم الذى عرف فيه أن نجمه تكون ابنه عمه
#Flash back#
فى يوم خطبه نمر ونجمه بعد انتهاء حفله خطوبتهم أخذها نمر معه فى سيارته وانطلق بها نحو أحد المطاعم وصل الاثنان إلى المطعم الذى قام بحجزة كاملا لهما فقط
دخل الاثنان وارشدهم المدير نحو طاولتهم وجذب لها نمر الكرسى بطريقه راقيه ثم جلس أمامها
امسك نمر يدها وقبلها قائلا بابتسامه"النهارده من أسعد أيام حياتى"
ابتسمت نجمه له بخجل ولم تستطع أن ترد عليه
نمر بابتسامه"هو انتى واخده وضع الsilent ليه،طب بحبك"
خجلت بشده ولم ترد عليه مره اخرى
ضحك نمر وقال بتلاعب"طب بتحبينى"
اخفضت رأسها وهو تومئ له
وضع يده على ذقنها وجعلها تنظر له قائلا بحب شديد"اياكى تنزلى راسك لحد حتى لو كنت أنا"ثم اكمل بتلاعب مره اخرى"ها بتحبينى"
نجمه بخجل"ما انا قلت"
نمر"لا عايز اسمعها منك"
نجمه بخجل شديد"بحبك"
نمر بحب"وانا بموت فيكى"
ابتسمت له بخجل
وقاطع حديثهم سويا النادل الذى جاء قائلا"تؤمرنى بحاجه يا فندم"
نمر"هاخد باستا بالwhite sauce وsteak ومعاهم عصير مانجو"ثم اكمل قائلا لنجمه"عايزه ايه يا حبيبتى"
نجمه بابتسامه"ذيك"
النادل"اى طلبات تانيه"
نمر"لا شكرا مش محتاجين حاجه تانى"
ذهب النادل وجلسوا يتحدثون سويا وبعد قليل جاء النادل بالطعام ووضعه أمامهم وشرعوا فى الاكل وهم لازالوا يتحدثون وبعد انتهائهم دعاها نمر للرقص معه وبالفعل وافقت وشرعوا يرقصون سويا على انغام الموسيقى الهادئه والرومانسيه وكل منهم ينظر فى عين الآخر ،ظلوا يرقصون سويا لساعه كامله دون الشعور بمرور الوقت
انتهت سهرتهم الساعه الثانيه صباحا وانطلقوا فى طريقهم عائدين للقصر وصل نمر إلى هناك
نمر بابتسامه"مبسوطه يا حبيبتي"
نجمه بابتسامه"جدا"
نمر"اه صحيح كنت عايز البطاقه بتاعتك عشان اعملك باسبور عشان هنسافر شهر عسل برا البلد بعد فرحنا علطول"
نجمه بحرج"هو لازم البطاقه يعنى"
نمر"اه لازم فى حاجه"
نجمه بحزن مصطنع"مبحبش حد يشوف صوره البطاقه"
ضحك نمر قائلا"عارف عارف بتبقى بشعه متعرفيش بيصوروا ازاى تقريبا بيصوروا بقافهم مش عايز اقولك انه انا طالع احول فى صوره البطاقه"
ضحكت نجمه بشده
نمر بضحك"اه والله ذى ما بقولك كده"
نجمه بضحك"صعبت عليا والله"
نمر "هى بقت كده يعنى"
اومئت له نجمه وهى لاتزال تضحك وهو ينظر لها بسعاده
أعطت له نجمه البطاقه وهى تقول بتحذير"متضحكش ها"
امسك نمر منها البطاقه وفور وقوع نظره على اسمها الكامل ظهرت على وجهه علامات الصدمه
نجمه"متهذرش يا نمر الصوره مش وحشه اوى كده"
نمر"انتى اسمك نجمه امجد الالفى"
نجمه"اه ليه"
نمر"مقولتيش ليا ليه أنه اسم العيله بتاعي وبتاعك واحد"
نجمه"انا قلت تشابه اسماء عادى يا حبيبي"
نمر"لا مش تشابه اسماء"
نجمه بعدم فهم"مش تشابه اسماء ازاى مش فاهمه"
نمر"قوليلى بس الاول عندك عم اسمه سيف"
نجمه"اه ليه"وسرعان ما أدركت فقالت بصدمه" انت اقصد أنه احنا اولاد عم وانك ابن عمو سيف"
اومئ لها وظهر على وجهه معالم الغضب
نجمه"بس ازاى يعنى اللى اعرفه انه متجوز دلوقتى ومعاه بنتين وكان متجوز قبل كده بس قالوا إن مراته ماتت وهى بتولد"
نمر بغضب"لا مماتش ده هربت بعد ما طلقها لما افتكر أنه الولد مات ورمى البنت فى الملجأ"
وضعت نجمه يدها على يده قائله والدموع تنزل من عينيها"أهدى يا حبيبى أهدى عارفه ان الموضوع صعب
وعشت الوجع اللى ماما عشق عاشته اه قدرت اهرب منهم بس احساس وحش اوى لما تبقى لوحدك فى الدنيا مش معاك حد يسندك ويقف جمبك ولا حد يحن عليك ماما عشق محظوظه أن عندها ابن ذيك وبنت ذى ناريمان"
جذبها نمر لإحضانه قائله بحب"اياكى تقولى انك لوحدك تانى انا حبيبك وعشيقك وجوزك وابوكى وسندك وضهرك فى الدنيا دى انتى اغلى حاجه عندى فى الدنيا نجمتى انتى حبيبتى ومراتى وام عيالى وكل ما ليا ووحياتك عندى لاندمهم على كل دمعه نزلت من عنيك انتى وامى هخليهم يبوسوا ايدى عشان ارحمهم ومش هرحمهم برده"
نجمه"انا بحبك اوى يا نمر متسبنيش اوعدك"
نمر"وانا بموت فيكى يا قلب نمر انا عمرى ما اسيبك نجمتى انتى اللى متسبنيش فى اللحظه اللى هتبعدى فيها عنى هى دى اللحظه اللى روحى هتطلع فيها"
نجمه بلهفه"بعد الشر عليك يا حبيبي"
ابتسم نمر وكان سيقبلها ولكنها أبعدته قائله بحزم"ايه احترم نفسك انت استحلتها ولا ايه"
نمر"يا بلغه انتى خطيبتى وهنتجوز قريب"
نجمه"لما نتجوز ابقى اعمل اللى تعمله لكن دلوقتي ممنوع ممنوع فهمت"
نمر بحنق مصطنع "فهمت فهمت ياختى يلا ادخلى نامى"
نجمه بابتسامه"تصبح على خير"
نمر بابتسامه"وانتى من أهله يا قلبى"
