كان كل من كريمه وداليا وسحر وفاطمه وولاء يبكون فنظرت لهم زمرد باستغراب وقالت"ممكن افهم بتعيطوا ليه"
سحر ببكاء"ده سؤال يا زمرد اكيد بنعيط عشان اتجوزوتوا"
ولاء ببكاء"ايوه انى مش جادره اصدج انه بتى اتجوزت وهتفوتنى"
داليا ببكاء"مش قادره اصدق انك كبرتى خلاص يا زمرد"
كريمه"وانا ملحقتش اشبع من بنتى واتجوزت"
فاطمه ببكاء هى الأخرى"وانا ولادى كلهم اتجوزوا مش عيزانى اعيط"
علا صوت بكائهم بعد ذلك
فصاحت بهم زمرد بصوت عالى قائله"بس"
فارتعدوا اربعتهم مكانهم
زمرد"ايه يا طنط سحر مكلنا عارفين أنه جواز كده وكده واحتمال يقلب جد مش اكيد وانتى يا طنط ولاء بنتك ايه اللى هتسيبك دى فى البيت اللى جمبك انتى هتنصبى وانتى يا طنط كريمه مش هتلحقى تشبعى منها ليه مهى قاعده زى قرد قطع اهيه وانتى يا ماما جايه تلاحظى انى كبرت دلوقتى اجيبلك نضاره يا روحى وانتى يا بطه انا بقول انتى العاقله اللى فيهم تعومى على عومهم"
نظرت لها قمر بغضب طفولى لتلقيبها بالقرده وسحر وداليا وكريمه وولاء فعلن المثل
ضحك الجميع على غضب زمرد وما قالته
حسين بضحك"عاجبك كده يا زمرد اهى حماتك زعلت منك اهيه"
ايهم بغضب مصطنع"لا يا هانم كله الا امى عشان تبقى عارفه من اولها امى تعمل اللى هى عاوزاه حتى لو هتضربك بالجزمه"
زمرد وقد اغمق لون عينيها من الغضب وقالت بصوت منخفض ملئ بالغضب "صدقنى يا ايهم انا اللى هديك بالجزمه لو ممشتش من قدامى دلوقتى"
كان جميع العائله يجلسون على الاريكه وايهم الوحيد الذى يقف أمام الباب وزمرد تقف أمام طاوله الطعام التى لم يرفعها الخدم بعد
رفع ايهم حاجبه وقال بتحدى"يعنى هتعملى ايه ياعنى"
أمسكت بأحد الصحون والقته فى اتجاه وهى تقول"هعمل ده"
ولكن ايهم تفادى الصحن ولكن لم تمهله فرصه حتى شرعت فى رمى جميع الصحون عليه وهى تقول"جزمه مين يا حيوان يا كلب البحر يا بطريق يا راس البغل يا بلغه يا سيد قشطه"
كل هذا وايهم يتفادى الصحون بصعوبه فالبنهايه هى زمرد الاسيوطى ونشانها لا يخطئ ولكنها غاضبه الان ولا ترى أمامها
وهو يقول"خلاص يا زمرد أهدى انا اسف والله العظيم اسف"ثم وجه حديثه الى داليا"انتى كنتى بترضيعها ايه"
وجميع العائله تضحك عليهم فمنظر ايهم الذى يهرب من الصحون مضحك للغايه
وعندما انتهت زمرد من رمى جميع الصحون اخذت نفس عميق ابتسمت ابتسامه واسعه وجلست على أحد الكراسى
ولكنها تذكرت شئ ما فقالت موجه حديثها الى شمس"هى مش جلسه مالك الحديدى النهارده"
شمس"اه بس كمان ساعتين"
زمرد"وانتى ايه اللى مقعدك روحى يالا على مكتبك وجهزى أوراق القضيه عايزه اسمع خبر برائه مالك الحديدى النهارده وابقى خليه يكلمنى"
وقفت شمس"حاضر,سلام يا جماعه"
كان ادم سيتكلم ولكن زمرد قالت مانعه إياه"جدع افتح بوقك وقولها مينفعش تخرجى غير بإذنى عشان اخليك تحصل صاحبك بإذن الله"
نظر لها بخوف مصطنع واغلق فمه وضحك الجميع عليه
جاء ايهم من المطبخ حيث كان يضع لاصق طبى على الخدوش التى فعلتها له زمرد
وجلس ينظر لزمرد بغضب طفولى وقال بصوت منخفض"مفتريه"
فقالت زمرد"سمعتك عالفكره"
ايهم"ليه يا حبيبتى عندك ودان فيل"
زمرد"لا ودانى حساسه لجميع الاصوات وخصوصا الصوت الواطى يا خفيف"
نظر لها ايهم بغضب طفولى
فضحكت داليا وقالت"معلش يا ايهم يا حبيبى متهذرش معاها تانى اصلها رخمه مش بتقبل هذار حد"
زمرد"بقى انا رخمه"
داليا"اه"
زمرد"بابا"
كان يوسف يتحدث مع امجد ولا ينتبه لما يحدث حوله ولكن عندما استمع لنداء ابنته التفت لها وقال"فى ايه يا حبيبتى"
زمرد"بخبث"اصل ماما كانت بتقول لإيهم يا حبيبى يا ايهم زمرد دى رخمه مش بتقبل هذار حد يرضيك"
قام يوسف بغضب أمام الجميع وامسك داليا وصعد بها للاعلى
سعيد بضحك"يخربيتك ما انتى عارفه ابوكى بيغير على امك اوى بتشعليليها ليه"
زمرد"عشان تبقى تقول عليا رخمه اوى"
سوسن بغضب مكبوت"شايف يا بوى خدها ازاى ولا عاملى اعتبار"
صالح"مهى يا بتى مرته برده"
سوسن"يا بوى"
سعفان بغضب"سوسن اسمعينى زين والحديد هيبجى جدام ابوكى زمان لما صمم اخوى رشوان أنه يوسف يتجوزك انى مكنتش موافج لانى عارف ان يوسف مهيحبكيش بس نعمل ايه لراس رشوان اللى كيف حجر الصوان"
رشوان"ياخوى"
سعفان بنفس الغضب"استنى يا رشوان انى لسه مخلصتش بس لما حوصل الجواز جولت تبجى نصيبه لما وجع يوسف من على الحصان ولجيتك مضايجتيش انه مش هيخلف ولا اصريتى عليه يتعالج استغربت بس جولت يبجى سوسن بت اصيله وهتستحمل بس طلعتى كدابه وطلعتى مهتخلفيش اصلا وانى متوكد أنه يوسف كان عارف وساكت وهو اللى استحملك مش انتى لانه كان يجدر يتعالج فمتجيش دلوج بجى بعد ما مرته الجولانيه وحبيبته وام بته رجعتله تنغصى عليه عشته وتحاسبيه على النفس"
سوسن ببكاء مزيف"بس انى كمان مرته وليا حج عليه"
سعفان"مختلفناش انتى مرته ايوه وليكى حج عليه وهو بيحاول يعدل بيناتكوا ولو انى لجيته مجصر انى اللى هجفله مش حد تانى فامسمعلكيش حس واصل مفهوم"
سوسن ببعض الخوف"مفهوم"
فى مكان آخر عند يوسف و داليا حيث اخذها لغرفته التى كانت له فى شبابه وكان يأمر الخدم بتنظيفها كل يوم وادخل داليا الغرفه واغلق الباب بالمفتاح
داليا بتوجس"انت قفلت الباب ليه يا يوسف"
يوسف بغضب مصطنع"يوسف هااا وللأستاذ ايهم حبيبى"
ظلت داليا تعود للوراء حتى ارتطمت بالحائط وقالت"مهو يا حبيبي ده زى ابنى"
حاصرها يوسف وقال"لا برده انا بس اللى حبيبك"
داليا"ماشى يا حبيبى انت بس يلا بقى ننزل"
وتركته متوجها نحو باب الغرفه ولكنه امسك معصمها وجذبها نحوه
يوسف"راحه فين انا مصدقت بقينا لوحدينا وانا مش هعرف اجيلك غير بكره ومش هنام فى حضنك كمان"
داليا بتذمر"وبتفكرنى ليه ما انا عارفه وبعدين ده علاقته ايه بإننا لازم نخرج ليهم"
يوسف"ما احناش طالعين من هنا"
داليا"تقصد"
قاطعها يوسف حيث مال عليها يقبلها وابتعد عنها بعد خمس دقائق وهو يقول"بصراحه وحشتيني اوى وانا اللى قلت لزمرد تعمل كده عشان استفرد بيكى"
داليا بغضب مصطنع"كده يا يوسف"
ضمها وقربها له أكثر وقال"وأبو كده يا جلب يوسف"
داليا"هيقولوا علينا ايه لما نتأخر عليهم"
يوسف وهو يحملها ويتوجه نحو السرير"يجولوا اللى يجولوه"
انامها على السرير واستلقى فوقها وقال"مش مهم اى حد طالما احنا سوا يا حبه عينى مفهوم"
اومأت له داليا وعيونها سارحه فيه فرغم مرور كل تلك السنوات عليهم لازالت تراه وسيم حتى هذا الابيض الذى خط شعره لم يزده سوا وسامه فى نظرها لاحظ يوسف هيامها بعينيه فمال عليها والثم جبينها بقبله وقال بالقرب من اذنها"بعشجك يا بنت جلبى"
عانقته داليا وقالت"وانا بموت فيك"
ابتسم لها ومال عليها يغرقها فى بحور عشقه وينهل من عشقها هو الآخر وبعد مرور ساعتان نزل يوسف وداليا الى الاسفل وكان الجميع يجلس كاما كانوا فى غرفه المعيشه وعند رؤيه زمرد لأمها غمزت لها فاحمرت داليا خجلا ونظرت لها بغضب رفعت زمرد يديها الاثنتان علامه أنه لم يكن بيدها
وكانت سوسن تنظر بغضب نحو داليا ويوسف
ولكن قاطع حرب النظرات تلك خبط على الباب فتوجهت سعديه لفتح الباب فوجدت الخاله بخيته فسمحت لها بالدخول دخلت بخيته وتوجهت نحو زمرد ووقفت أمامها وقالت"مبروك يا غزاله الايهم"
زمرد بحنق"اللهم ما طولك يا روح يا ست انتى،انتى حد مسلطك عليا لا سمح الله"
ضحكت بخيته وقالت"لاه محدش مسلطنى عليكى يا غزاله الايهم"
زمرد بغضب"اطلعى برا يا ست انتى وبعدين ده جواز كده وكده"
بخيته بتهكم"مسجلتيش نفسيكى انى عرفت كيف انكوا اتجوزتوا وانتوا متجوزين بجالكوا تالت سعات وكومان انتى محرجه على الخدم ميفتحوش خشمهم"
كانت زمرد سترد عليها ولكن منعتها بخيته قائله"انا عارفه أنه الجواز ده ممكن يكمل لو ايهم جدر يحجج شرط العجد بس اللي مهعترفيهوش انه ايهم حجج الشرط ده زخلاص بجيتى تحبيه أن مكنتيش عشجتيه مش حبتيه بس"
زمرد بغضب شديد"انا مش بحبه ولا بعشقه والجوازه دى مش هتكمل يا بخيته وهتشوفى"
بخيته بتهكم"وماله هنشوف يا عروسه،سلام بجى، هبجى اجيلك يوم صباحيتك يا عروسه"
أمسكت زمرد بغضب اناء الزهور الذى كان بجانبها والقته على بخيته ولكنه لم ياتى بها كالمره السابقه وأتى بالباب
رشوان"وفيها ايه يا بتى لما جوازتكم تكمل"
نظرت له زمرد وقالت بغضب"انا مش عايزه اتجوز اصلا وكل ده مجرد اتفاق مش اكتر وليه مده معينه وهيخلص"
ايهم بثقه"بس انتى حطيتى شرط الجواز ممكن يكمل فى حاله أن الطرفين عايزين يكملوا وانا اوعدك يا زمرد أن قبل ما الشهرين دل يعدوا هتبقى مراتى شرعا زى ما انتى مراتى قانونا"
زمرد بسخريه"والله"
ايهم بثقه اكبر"والله"
زمرد بتحدى"ماشى اما نشوف"
نظر لها ايهم بثقه وتحدى هو الآخر
فى مكان آخر دخل مالك الحديدى منزله وزوجته زهره تسنده وهو يتكأ عليها وشمس خلفهم دخل مالك وجلس على الاريكه وقال"اااااااه الحمدالله عدت على خير"
زهره"الحمدالله"
شمس بضحك"اجمد يا راجل السجن للجدعان"
مالك"على رائيك انا دلوقتي فعلا صدقت المثل اللى بيقول ياما فى الحبس مظاليم"
زهره"معلش يا حبيبى فتره وعدت"
شمس"معاك حق فعلا اه صحيح كلم زمرد وطمنها"
مالك"ماشى،هاتى الفون يا حبيبتي"
زهره"خد يا حبيبي"
اتصل مالك بزمرد وردت عليه قائله"كفاره يا جدع"
ضحك مالك وقال"كان ناقص العيش والحلاوه وتكمل"
زمرد"معلش يا برنس تعيش وتاخد غيرها ريح نفسك اسبوع كده واستجم ومتقلقش شغلك ماشى وشركتك مفتوحه كانك موجود"
مالك"تسلمى يا ذوذو معرفش من غيركوا كنت عملت ايه"
زمرد"متقولش كده احنا اخواتك يا حبيبي"
مالك"مهو ده العشم يا حبيبتي"
زمرد"طب يا معلم سلام انا بقى اسيبك ترتاح"
مالك"ماشى سلام يا كبير"
شمس"استأذن انا بقى"
مالك"متخليكى يا شمس"
شمس"لا يا معلم اسيبك ترتاح"ثم أكملت قائله لزهره "خدى بالك منه سلام"
زهره"انتى هتوصينى عليه ده فى قلبى قبل عيونى"
شمس بضحك"ماشى يا حنينه سلام"
زهره بغضب طفولى"سلام يا بارده"
ضحكت شمس عليها وخرجت
توجهت زهره نحو مالك وقالت"يلا يا حبيبى قوم خد شاور عقبال ما اجهز الغدا"
مالك"لا يا قلبى متعمليش حاجه انا جعان نوم هاخد شاور وانام ماشى"
زهره"ماشى يا حبيبي"
توجه مالك نحو الغرفه وأخرج ثياب له ودخل الحمام فقامت زهره بتبديل ثيابها لثياب بيتيه
خرج مالك وتوجه نحو الفراش وتمدد عليه وقال"تعالى يا زهرتى"
توجهت زهره نحوه ونامت بين أحضانه وعناقته بشده وقالت"كنت حاسه انى بموت وانت بعيد عنى"
مالك بخوف عليها"متقوليش كده تانى فاهمه بعد الشر عليكى، انا معاكى اهو ومستحيل ابعد عنك مهما حصل"
زهره"وانا كمان يا قلبى مستحيل ابعد عنك"
مالك وهو ينظر لعيونها بهيام عايز انام فى حضنك يا زهرتى"
فتحت زهره ذراعيها له وقالت"تعالى نام يا قلب زهرتك"
دفن نفسه فى أحضانها وهو يستنشق عبيرها الذى يعشقه واشتاقه فى هذه الفتره العصيبه
وغطى كل منهم فى ثبات عميق
وفى الصباح فى قصر الاسيوطى كان جميع الرجال يتجهزون للذهاب لحضور المجلس العورفى
خرج جميع الرجال ووقفوا ينتظرون أن يجهز أبنائهم السيارات ولكنهم تفاجئوا بزمرد وفهد قادمين وزمرد تركب دراجة نارية
فقال حسن بتعجب"انتى راحه فين"
زمرد بلاه مبالاه"جايه معاكوا يا اونكل"
حسن بغضب"جايه فين انتى بتهذرى ولا ايه"
زمرد ببرود"لا بمهذرش"
حسن بغضب"لو جيتى ودخلتى المجلس معانا كبرات البلد هيعتبروها اهانه ليهم"
زمرد ببرود"بص يا عمو من غير كلام كتير كبرات البلد على نفسهم مش عليا انا زمرد الاسيوطى مفيش حد يفرق معايا وان كنت فاكر أن فيه حد يقدر يحل المشكله دى غيرى تبقى غلطان،اجدعها شنب فيكوا مش هيعرف يحلها، بابا هو سبب المشكله وانا بنته الوحيده وده معنا انى الوحيده المسؤوله عن حل المشكله دى فا مش عايزه رغى كتير"
سعفان"خلاص يا حسن زمرد معاها حج هى الوحيدة اللى عارفه كيف هتحل المشكله دى"
ايهم"بس يا جدى كده كبرات البلد ممكن يضايقوا ومش بعيد شريف البلتاجى يشعللها"
زمرد بابتسامه بارده"كبار البلد يتفلئوا وشريف البلتاجى انا عايزاه يعمل كده"
ايهم باستغراب"ليه"
زمرد بابتسامة جانبيه"هتعرف كمان شويه"
ركب الجميع السيارت حيث كان ايهم وفارس ومازن وادم فى سياره وكان يوسف وامجد ويحيى فى سياره وكان حسن وحسين وسعيد فى سياره وكان سعفان ورشوان ورضوان ومعهم فهد ليقود هو السياره
وانطلقوا فى طريقهم وكانت زمرد اخر من يتبعهم ولكن لم تمر ثوانى حتى تواجزتهم بسرعه فائقه وبمهاره شديده
نظر الجميع لها بصدمه معادا يوسف وفهد وسعيد
فهد وسعيد لأنهم يعرفون ما تستطيع زمرد فعله ويوسف لأنه يعرف ان ابنته ضابط شرطه فمن الطبيعي أن تقدر على فعل تلك الأشياء الرائعه
وصلوا لمكان المجلس العورفى فى وقت وصول عائله البلتاجى ولكن عائله البلتاجى لم يروا زمرد حيث أنها تراجعت بدراجتها للخلف قبل وصولهم للمجلس بدقيقه سارع شريف البلتاجى ومن معه فى الدخول اولا
كان حسن سيلحق بهم ولكن منعه والده ومنع الجميع من الدخول حتى دخل شريف البلتاجى ومن معه وبعد دخولهم وجلوسهم دخلت عائله الاسيوطى وفور دخولهم وقف الجميع احتراما لهم ولم يفعلوا ذلك عند دخول عائله البلتاجى مما جعل شريف يستشيط غضبا
جلس جميع أفراد عائلته الاسيوطى وكانت زمرد اخر من يدخل ونظر لها جميع من كان يعرف زمرد جدتها بصدمه وخصوصا شريف البلتاجى فهى بالفعل تشبه جدتها زمرد جدا كأنهم توائم وأما الشباب فنظروا لها هائمين بها فهى بالفعل ساحره ولاحظ ايهم ذلك مما جعله يشتعل من الغضب والغيره
وقف شريف البلتاجى وهو ينظر لها بصدمه فهو رغم بيعه لها تلك الأرض إلا أنه لم يرها بل الذى رائعا هو حفيده وائل الذى اعجب بها وبشكلها المختلف والفريد
تقدم شريف منها وقال بصدمه"مش معقول زمرد"
ضحكت زمرد وقالت"لا مش انا"ثم قالت بصوت لا يسمعه الا هو"زمرد التانيه انت قتلتها مع جلال ولا ناسى"
نظر لها بتوتر ثم عاد لمكانه
تدارك شريف نفسه وقال بغضب"كيف حورمه تيجى تحضر مجلس الرجال انتوا كده بتغلطوا فينا يا سعفان"
كان سعفان سيرد ولكن زمرد قالت مقاطعه له"بعد اذنك يا جدى سيبنى انا اتكلم"
سعفان"اتفضلى يا بتى"
زمرد"احب اعرفكم بنفسى فى الاول انا زمرد يوسف رشوان جلال الاسيوطى، وبالنسبه لأازاى فيه واحده ست تدخل مجلس الرجاله انا مش شايفه فيها حاجه انا ست واعيه ونضاجه كفايه انى اخاد قرارات واساعد فى حل المشكله دى خصوصا انها تخص والدى فى الاول والاخر"
أحد كبار البلد"كلنا عارفين حل المشكله هيبجى ايه مش محتاجين خدامتك"
زمرد بابتسامة جانبيه"وهو كذلك تمام يعنى انت عارف حل المشكله ايه"
رد عليها قائلا بابتسامة سخريه"طبعا"
زمرد"تمام انا هعض هنا جمب بابا واعتبرونى مش موجوده مش هفتح بوقى غير لما تطلبوا"
وبالفعل توجهت وجلست بجانب والدها
يوسف بصوت منخفض"متزعليش يا حبيبتى"
زمرد بابتسامة جانبيه"مش زعلانه هتشوف دلوقتى ايه اللى هيحصل"
وكان ايهم يجلس بجانبها الاخر ولاحظت أنه ينفخ بغضب
زمرد بصوت منخفض"مالك"
ايهم بغضب وصوت منخفض"مفيش"
زمرد"لا فيه مالك"
ايهم بغضب وغيره"مش عارفه يعنى مش شايفه البهايم دل بيبصولك ازاى"
ضحكت زمرد بصوت منخفض وقالت"بتغيرى يا بطه"
ايهم بحنق"ومغيرش ليه ما انتى زى القمر"
زمرد بصوت ناعم"انت شايفنى زى القمر"
ايهم"طبعا ده انتى تقولى للقمر وانا اقعد مكانك"
زمرد بابتسامه متعاليه"طبعا اقوله يقوم اقعد مكانه مش محتجاك تقولى عارفه نفسى كويس"
ايهم بسخريه"يخربيت التواضع"
ضحكت زمرد ولم تعقب على كلامه
بداء المأمور الحديث قائلا"يا حج شريف دلوقتى يوسف الاسيوطى خبط حد من نجع البلتاجى من غير قصد"
شريف"لاه يجصد"
يوسف"لله والله ما كنت اجصد انى كنت سايج العربيه وهو ظهر جدامى فجأه وانى نجلته على المستشفى بس أمر الله نفذ"
احد كبار البلد"خلاص يا شريف يوسف ميجصدش وانت شوف الفديه اللى انت رايدها وجولها وهم هينفذوها"
شريف"اول هام هيتكفل بعيله الواد اللى اتجتل"
يوسف"مفيش مشكله"
شريف"وتانى هام يحصل نسب بين العيلتين"
سعفان"تومام زى ما تحب يا شريف بس مين اللى هيتجوزوا"
شريف"شابين و بنتين من حداكوا و شابين وبنتين من حدانا"
سعفان بحذر"وانت رايد مين"
شريف"رايد ايهم لإيمان بت محمد البلتاجي وفارس لهاجر بت احمد البلتاجى وزمرد لوائل البلتاجى وجمر لأسر البلتاجى"
ايهم بغضب دفين بسبب ما قاله"بس اللى انت بتجوله ده مينفعش يا شريف باشا"
شريف بحنق"وليه مهينفعش يا ابن الاسيوطى"
ايهم بابتسامه"لان زمرد مرتى و قمر اختى مرت فارس"
انتفض وائل واقفا فى غضب"كيف ده يعنى"
سعفان وهو مازال يجلس فى مكانه"عادى يا وائل يبنى كتبوا الكتاب وبقوا متجوزين"
وائل بغضب"وحصل ميته"
ايهم ببرود"ملاكش صالح حصل ميته"
كان وائل سيهم بالخروج من المجلس ولكن استوقفه جده
عمده البلد وهو رجل صالح وعادل وكان يحب جلال الاسيوطى كثيرا"خلاص يا وائل ميصحش تعلى صوتك فى وجود كبرات البلد مفرقتش بدل ايهم وفارس يبقى مازن وادم وبدل زمرد وقمر يبقى ماسه وشمس"
ادم"برده مينفعش يا حضرت العمده لان شمس مراتى وماسه مرات مازن وبرده تالا متنفعش لأنها اتجوزت فهد اخو زمرد وشمس وقمر وماسه فى الرضاعه"
شريف بغضب"كيف ده امال هيحصل نسب بين العيلتين كيف"
العمده"أهدى يا شريف هنلاجى حل"
شريف بغضب"مفيش غير تلات حلول يا النسب يا الكفن يا الدم"
احد كبرات البلد"دم لاه احنا مصدجنا سلسال الدم اتوجف مش هنفتحوه من تانى"
العمده"والكفن ميصحش يا شريف انت متجبلهاش على نفسك محدش يرضها لحد ويوسف غلط من غير ما يجصد"
سعفان"يا حضرت العمده احنا بنتخانج على حل وحفيدتى زمرد عندها الحل ومش عيب ناخد برأى حريمنا وكمان زمرد شكل امى الله يرحمها ايوه بس عجلها كبير ويوزن بلد كيف ابوى جلال الله يرحمه تومام"
العمده"الله يرحمهم يا زمرد جولى حل المشكله ايه"
وقفت زمرد وتوجهت وجلست بجناب جدها سعفان وقالت"قبل ما اقول اى حاجه الحل واضح جدا قدامكوا وانتوا مش شايفينوا ومش معنى انى واحده ست انى مش بفهم ولا حاجه والدليل ان الحل فى ايدى ومحدش عارفه رغم أنه واضح اوى الست نص المجتمع والراجل النص التانى الست دلوقتى بقيت وزيره وسفيره و رئيسه ومهندسه وظابط شرطه كمان وبتشتغل بكفائه عاليه يمكن اعلى من الراجل كمان مع احترامى ليكوا انا استاذه جامعيه وسيده اعمال الناس كلها عندها واحد زائد واحد بتساوى اتنين انا عندى انا فواحد زائد واحد لازم تساوى مليون وإلا هخسر وده حل المشكله"
العمده"معاكى حج فى اللى بتجوليه أن الست اليومين دل بقيت زى الراجل بس ده مؤمنعش ان الرجال قوامون عن النساء ومتأخذنيش انى مش متعلم ومفهمتش الحل اللى جولتيه"
زمرد بابتسامه"يا حضره العمده الرجال قاومون عن النساء عشان الراجل يحتوى الست ويحسسها بالإمان كأب واخ وزوج مش قوامون عشان يضربوا ويزعقوا ويقللوا منها"
العمده بابتسامه"انى شايف انك شبه ستك زمرد الله يرحمها بس طريجه كلامك و توضيحك للى بتجوليه كيف جدك جلال الله يرحمه كان روحه ردت فيكى"ثم اكمل ضاحكا بس لسه مجولتليش حل المشكله ايه"
زمرد بابتسامة"لا انت قولته بس لسه موضحتش كلامى"ثم نظرت لإحد الجالسين والذى كان يجلس وراء شريف البلتاجى وقالت"مش حضرتك كامل الاسيوطى ابن عم جدو سعفان ورشوان ورضوان"
كامل"ايوه"
زمرد"ممكن افهم طالما انت من عيله الاسيوطى ليه قاعد مع عيله البلتاجى"
نظر الجميع له فتوتر وقال"اصل اصل"
زمرد ببرود اصل مش معنى انك اتجوزت بنت اخت شريف البلتاجى بقيت منهم انت كنيتك الاسيوطى مش حاجه تانيه"
كامل وقد بداء يغضب"ايوه عايزه ايه بقى"
زمرد بنفس البرود"مش اللى قاعد جمبك ده ابنك شاكر"
كامل"ايوه"
زمرد"وابن حضرتك ده عنده ولاد شابين وبنتين صح"
كامل"ايوه"
زمرد"بس اتحلت الحج كامل هو و عيلته من عيله الاسيوطى واحنا عايزين يحصل نسب بين العيلتين ولاد عمو شاكر يتجوزوا ولاد عمو محمد واحمد وبكده اتحلت المشكله"
انتفض وائل غاضبا"كيف يعنى"
العمده بغضب"اتحشم يا ولد لم حفيدك يا شريف وانتوا اللى طلبتم النسب والمأذون اها هيكتب الكتاب الليله وده اخر كلام عندك اعتراض يا كامل"
كامل"لاه اللى تشوفه يا حضره العمده"
وبالفعل تم كتب الكتاب وحدث النسب
لم يستطع وائل تحمل المزيد لقد فشلت خطته فترك المجلس وذهب
كامل فى نفسه"حلو جوى اللى حوصل ده انى وهكبر اكتر واكتر لما انساب شريف البلتاجى اكتر كده فلوسه كلتها فى الاخر هتبجى لاحفادى يعنى ليا"
العمده"عفارم عليكى يا بتى احنا كيف مشوفناش الحل ده"
زمرد"ولا يهمك يا حضره العمده بتحصل انا مضطره استأذن انا عشان ورايا شغل"
العمده"اذنك معاكى يا بتى"
وقفت زمرد وغمزت لوالدها فضحك لها
وخرجت من المجلس وركبت دراجتها الناريه وكان وائل يقف بسيارته وراء الشجر حتى لا يراه أحد وقد قرر أنه سيقوم بخطف زمرد وسيجعلها ملكه شائت ام ابت وقرر أن يتبعها
