انتقام الاخوه

Chapter 21

توجهت ماسه نحو المكان الذى تجتمع فيه مع مازن فى السر والذى كان عباره شاليه بعيد عن الأماكن السكنيه وقد كان شاليه غايه فى الروعه

عند وصولها دخلت الى الشاليه تركت حقيبتها على الطاوله وتوجهت نحو المطبخ وارتدت مريله المطبخ لتقوم بإعداد طعام الغداء لهم
بعد مرور نصف ساعه كانت قد انتهت فهى قامت بإعداد اطباق سريعه وسهله
وبعد ذلك وضعتهم على الطاوله وقد كان منظرهم يثير الجوع بحق

وجلست تنتظره تلعب فى هاتفها حتى ياتى وبعد قليل وصل مازن ودخل ببطئ حتى لا تشعر به ويقوم بإخافتها على
سبيل المرح ولكنها قالت فجأه"متحاولش تخضنى"
ذهب وجلس بجانبها وامسك يدها وجذبها لتجلس فى حضنه فحاوطت هى عنقه بذراعيها بتلقائيه وقال لها بحنق مصطنع"اوفف عرفتى ازاى"
ماسه"عيب عليك ده انا ماسه الاسيوطى برده مش اى كلام"
غمز لها بعينه بمرح قائلا"يا جامد"
ماسه بغرور مصطنع"طبعا،يلا بقى نتغدى سوا انا حضرت الاكل"
امسك يدها وقبلها قائلا"تسلم ايدك مقدما حبيبتى"
وقفوا وتوجهوا نحو المطبخ وجلسوا ليتناولوا الطعام
كان مازن شارد أثناء تناوله للطعام ولاحظت ماسه شروده فوضعت ماسه يدها على يده قائله"مازن مالك حبيبى"
انتبه مازن لها وامسك يدها الممسكه بيده وقبلها قائلا"مفيش حاجه حبيبتى سلامتك"
نظرت له ماسه نظره حانيه وقالت"مفيش برده! هتخبى على ماستك حبيبتك"
أخذ مازن نفس عميق وذفره بقوه ونظر لها قائلا بحنق"يعنى مش عارفه مالى"
فقالت ماسه له بابتسامة حانيه نحوه"عشان عارفه بقولك اهو مالك يا مازن، حبيبى متقلقش انا مفيش حاجه هتحصلى"
مازن"لا يا ماسه لازم اقلق انا بقالى خمس سنين عايش فى كابوس انتى مش مراتى ولا حبيبتى بس لا انتى اختى وامى وبنتى اللى انا ربيتها،انتى اتولدتى على ايدى وانا اللى اختارت اسمك وانا اللى علمتك المشى واول حاجه قولتيها كانت اسمى فاكره"
ضحكت ماسه وقالت محاوله تغيير الحديث فهى تعلم نهايه هذا الحديث جيدا"اه فاكره كنت بنادى عليك واقولك ماثن"
ضحك مازن عنده لفظها لأسمه بنفس الطريقة التى نادت بها عليه عندما كانت صغيره ثم أكمل بجديه"متحاوليش تغيرى الموضوع"
ماسه"انا اسفه انى حاولت اغير الموضوع بس حبيبى انا مش عيزاك تقلق عليا انا مفيش حاجه هتحصلى غير لو ربنا عايز وانت عارف كده كويس"
مازن"عارف انك سيده اعمال معروفه فى العالم وليكى نفوذ فى كل حته وكمان ظابط فى القوات الخاصه ومسبتيش جهاز الا وخدمتى فيه انتى واخواتك واحسن هاكر فى العالم كمان"ثم أكمل حديثه بقلق" بس رغم كل ده انا خايف عليكى يا ماستى، خايف عليكى جدا،"ثم أكمل حديثه بغضب"انا كنت هخسرك مره زمان بسبب الحادثة المنيله دى بس الحمدلله ربنا ستر،انا قعدت فتره بحاول اخرجك من زعلك وخوفك وقتها ومعنديش استعداد اخسرك فعلا"
وضعت يدها على يده وقالت"مازن ارجوك اهدى"
صاح مازن بغضب"اهدى،اهدى ايه بس،خمس سنين وانا عايش فى كابوس أنه ممكن يحصلك حاجه وتروحى منى،لسه فاكر من خمس سنين لما عمى حسن قال انك مش هتكملى تعليمك وشوفت الحزن فى عيونك وقتها خدتى بعضك وطلعتى على اوضتك علطول وانا وقتها طلعت وراكى عشان اواسيكى واقولك انى هساعدك تكملى ومش مهم ابوكى وقبل ما ادخلك جالى تليفون
وطلعت البلكونه عشان ارد"
&Flash back&               
مازن"الو انا مازن الاسيوطى مين معايا"
الرجل"انى اللى لو مسمعتش كلامى هتندم لاخر يوم فى عمرك"
مازن بتهكم"والله ليه بقى سياتك تبقى مين"
الرجل"مش مهم انى مين المهم الكلام اللى هجولك عليه ده لو معملتوش هتخسر ماسه حبيبه الجلب"
مازن بغضب"انت مين يا راجل انت وعايز ايه من ماسه"
الرجل"ما جولتلك مش امهم تعرف انى مين انى رايدك تبعد عن ماسه وتخليها تكرهك والا اجرا الفاتحه على روحها"
مازن بغضب"انت اتخبلت فى مخك يا راجل انت"
الرجل"لو مش مصدجنى خدها دلوك واعملها تحاليل فى أيتها حته هتلاجى فى سم فى جسمها،ايوه متستغربش اجده انى عندى عيون فى كل حته فى جصرك لو سمعت الكلام ذى ما عاطيتها السم هعاطيها الدوا ومتحاولش ت صلى مش هتعرف يا...يا حضره الظابط "ثم ضحك باستفزاز
مازن بغضب"انت واحد كداب وانا هعرف اوصلك واخليك تندم على اليوم اللى فكرت تكلمنى فيه"
ضحك الرجل باستفزاز"ما جولتلك مش هتعرف توصلى ولو مش مصدجنى خدها واعملها التحاليل ولما تتأكد من حديدى استنظر منى تلافون هجلولك فيه على اللى تعمله يا ولد الاسيوطى"
ثم اغلق معه الهاتف
مازن بغضب"الو الو الو...."
تنفس مازن بعمق حتى يهداء
وفور تحكمه فى اعصابه قليلا قام بالاتصال بإحدى زملائه فى العمل والذى يدعى سمير
مازن"سمير اذيك عامل ايه"
سمير"انا تمام يا برنس انت اخبارك ايه"
مازن"انا تمام،بقولك يا سمير انا عايز منك خدمه"
سمير"انت تؤمر يا كبير"
مازن"مهو ده العشم برده يا معلم، هبعتلك رقم عايزك تعرفلى مين صاحبه تمام"
سمير"تمام ابعته وهدورلك وراه واول ما اوصل لحاجه هكلمك"
مازن"تمام ماشى سلام"
سمير"سلام"
&End flash back&            
مازن"بعد مكالمه الراجل ده قلقت عليكى عشان كده كلفت سمير صاحبى انه يدور ورا الرقم ودخلت عليكى الاوضه للقيتك قاعده فى البلاكونه لوحدك وبتبصى للنجوم وتشتكى ليها ذى العاده لما تبقى زعلانه وقتها قربت منك وقعدت جمبك والقلق عمال ياكل فى قلبى فرحت قايل ليكى انى عايز اعمل تحاليل وعايزك تيجى معايا لسه فاكر لما انتفضتى من مكانك وقربتى منى وسالتينى بلهفه اذا كنت كويس وقتها قولتلك انى بخير بس ده check up عادى وخدتك وقتها وعملت تحاليل ليا عشان ميباقش عندك شك وبعدها خليتك تعملى تحاليل بحجه اهو نطمن مش اكتر وبعد كده روحتك ودخلت الاوضه بتاعتى وبعدها بساعتين جالى تليفون بنتيجه التحاليل"