Good Riddance (DS #2)

Chapter 6

Chapter 6:

The Love

AGAD na binigyan ni Blair ng juice si Jack para makalunok ito ng maayos. Mabilis nitong ininom iyon at maya-maya ay nakahinga na nang maayos.

Jack closed his eyes and caught his breath.

Hinagod-hagod niya ang likod nito. "Did I say something wrong?" nag-aalalang tanong niya.

Dumilat ito at inabot naman ang isang basong tubig. Inubos nito ang buong laman niyon nang tuloy-tuloy.

"Jack..."

Bumuga ito ng hangin. "You say the most unexpected things, Blair." Napailing-iling pa ito. "At madalas ay pulos biro o kalokohan ka."

Napalabi siya. "Anong biro? I'm not kidding when I told you that I want to be your girlfriend."

Lumayo ito sa kanya at lumipat ng upuan. "Kulang ka lang sa kain. Kumain ka na, Blair."

"Jack naman, eh!" Anong joke ba sa sinabi niya? Umupo na lang siya sa iniwan nitong upuan at napahalukipkip. Para naman din sa kanila ang inaalok niya!

Tumahimik muna si Blair at nag-isip.

"Don't get me wrong," Jack softly said. His eyes on the food. "I-I... I-It's... Ahm... I-It's n-not t-that I'm rejecting you b-but I-I don't think you're serious."

May parang kumirot sa dibdib ni Blair. Maliit na maliit lang. Kaso, naramdaman pa rin niya. Hmm...

"A-At s-saka..." Tumingin na sa kanya si Jack. "H-Hindi naman a-ako b-bagay na maging b-boyfriend mo."

Napakababa talaga ng tiwala nito sa sarili!

Umirap siya at bumalik sa dating kinauupuan na katapat nito.

"Don't be mad, wildflower. Please?"

Pinag-krus niya ang dalawang braso at taas-noong tinitigan si Jack na umupo na rin sa kaninang puwesto nito.

"Hindi mo kasi ako pinatapos," Blair said. "Gusto kong maging girlfriend mo. A pretend one."

Napaangat ito ng tingin sa kanya. "P-Pretend...?"

"Para makaganti tayo kina Walter, Tyrone, at Raul. Because remember what they told you? That you can't get me? That you have no chance to be with me? Naisip ko, if we pretend that I'm your girlfriend, masasaling ang ego nila. We will rub to their faces how wrong they are."

Napakurap si Jack habang nakatingin sa kanya. Maya-maya ay umiling-iling ito. "Ayokong maghiganti, Blair. Sapat na sa'kin ang punishment na binigay sa kanila ng school. We don't need to add salt to injury."

"But I want to crash their ego," Blair casually said. Nangalumbaba siya. "I want to see the look on their faces na naiinggit sa'yo. Because you have a girl like me."

Napabuga ito ng hangin at iniwas ang tingin sa kanya. "Blair, another reason why they hurt me because they already envy how close we are. Hindi nila matanggap na isang panget na katulad ko ang makakakuha ng atensyon mo at magiging malapit sa'yo. Sa ginawa nila sa'kin, hindi lang nila ako gustong maliitin o i-bully. Gusto lang din nilang patunayan sa mga sarili nila na mas angat pa rin sila sa'kin, kaya nila ginawa sa'kin iyon."

"Of course. Pero ngayong bawal na sila lumapit sa'tin and they can only watch how 'sweet' we are from afar? Can you just imagine the torture inside them?" nangingiting wika niya. "Hindi lang pala ego nila ang matatamaan natin, I can crash their hearts, too."