المطر الأسـود ( مكتملة )

الحلقة 1

المطـــــــــر الأســـــــــود

للكــاتـبـتــين " بنـــين . و . برنتــلي "

البـــــــــــــــــــــــارت الأول

.....

مثل خيط الضوة بسَرداب
أحير شلون أضم حزني
..

ها انا أسير بسرعه بطرقات الظلام حامله معي جراح من ضبع غادر لاكنهُ نهش لحمي وجراحي لا يشفى اسرع في سيري ودقات قلبي تشير لمن تركتهم خلفي أسمع من بعيد صراخ وأنين صراخ قوي وضربات قلب أقوى. لاكن لا استطيع ان افعل شيء اغلفت عيناي و وكلت أمري إلي ربـي

اتمشى ويه اغلى واقرب أنسانه لگلبي جدتي رسيل بنص بستان جدي خضر الي بالنسبه لبيبي رسيل هوه الروح والريه ملهيها تباوع منا ومنا ويه كل جزء نمر منه وتسولفلي عنه و اعله حياتها قبل

رسيل .. اي يحبوبه جنت اصغر منج وشايله مسؤولية ابوي واخواني واختي امي ماتت

وانه صغيرة ماعرف شي بلدنيا ولا اعرف شنو يعني موت راحت امي لدار حقها وانه واخيتي. ربتنه جارتنه

جانت صديجت امي الله يرحمها الروح بلروح وهي ربتنه وكبرنه اعله ايدها وعلمتنه الصح من الخطأ وعلمتنه شغل البيت والخبز وكلشي. جنت اخبز اول نوبنه محترك لو ماصخ لو اشلع الخبزه وبعدهي عجين وبمرور الوكت صرت اتفنن بلخبز خادمه. ابوي واخواني.. وانه صغيره

اهلي عدهم خير من الله اكعد انه من الصبح امشي ابوي والولد لشغلهم واضلن كاعده اخلص حوايجي من وكت ومن يصير الظهر اركب الغده ويجون يتغدون ويرجعون للكاع وبيوم من ايام الشتا جان يوم بارد ثلج

" أثيلـةــ ولچ يمـه من فدوه رحتلچ فكـي عيونج عليه زين وتعلمي لاتضلين عميه اريدنج تصيرين حوك و نادره أم بيـت حته باجر من تعرسين ما تضلين للشتايم ييمه

"رسيـل ــ والله اباوع وياج ، جاي اتعلم يخاله شمالج عليه

"أثيـلة ــ عفيـه بنيـتي امج الله يرحمهه چانـت تگول يمـته بنياتي يكبرن ويعينني بشغل البيت والحلال الله يرحمهه بت أصل أصيله ومعدله وچانت أم ملگه تهلي وتمرحب بليجيهة

"رسيـل ــ الله يرحمهه شبعت ضيم ويه أبوي

"أثيـلة ــ حضهه هاذا يـيمه .. يالله نكمل شغلنه لا يجي ابوج وخوانج

"رسيل ــ كاعده انه وخالتـي أثيـلة تعلمني شلون اعجن وأخبـز اتعلم شويه شويه مـره محترك ومره مالح ومره ماصخ ومره يجي عدل هسه عمي شما چان اهم شي ينلاچ وينوكل

كملت خالتي أثيـلة الخبز وشلت وياهه صفطه الخبز بالمطبخ...

ــ أثيـلة .. ولچ تباهـي وينج

- رسیل .. وينهي بعد خاله ماكو تلگیهه گاعده هسه و تنسل بهل عطبتين الطلعن براسهه .. هطرت صماخي البارحه وهي تتفيك بيهن جدامي