#Unicode
Rosé dutyချိန်ပြီးလို့ Uniform ကို ချွတ်ကာ အဝတ်အစားပြန်လဲနေသည်
"အိမ်ပြန်ချိန်ရောက်ပြီဟေး "
Jennie ထုံးစံအတိုင်း အကြောဆန့်ပြီး အဝတ်လဲအခန်းထဲ အော်ဟစ်နေသည်
"ငါတော့ ပင်ပန်းလို့ သေတော့မယ် "
Wendy အဝတ်အစားလဲရင်း ညည်းညူနေသည်
Roséလည်း ညည်းညူနေတဲ့ သူ့သူငယ်ချင်းတွေကို ကြည့်ပြီး ခေါင်းခါရမ်းလိုက်သည်
"See you tomorrow guys ငါ ပြန်တော့မယ်"
Jennie လက်ပြနှုတ်ဆက်တော့ Wendy ဝှားသမ်းရင်း ခေါင်းညိတ်ပြလိုက်သည်
Wendyနဲ့ Roséက တစ်ရပ်ကွက်ထဲ အတူနေတာမို့ အိမ်ကို အတူပြန်ကြသည်
အိမ်ပြန်လမ်းတွင် လေအေးတွေက Roséကို ထိတွေ့နေတာကို Rosé တစ်ယောက် ခံစားမိသည်
"အေးလိုက်တာ "
"ဟုတ်ပါ့ အနွေးထည်ဝတ်ထားတာတောင် ငါတို့ အေးနေတုံးဘဲ "
Roséပြောတာကို Wendy သဘောတူ ထောက်ခံလိုက်သည်
Wendy တစ်ယောက် Roséကို မကြာခဏ လှမ်းကြည့်ပြီး တစ်ခုခုကို ပြောသင့်မပြောသင့် စဥ်းစားနေသည်
Roséကလည်း Wendyရဲ့ အပြုအမူကို သတိထားမိသည်
"ငါ့မျက်နှာမှာ တစ်ခုခု ရှိလို့လား Wendy "
"အင်း အလှတရားတွေ ရှိနေတယ် "
Wendyရဲ့ စကားကြောင့် Rosé သဘောကျပြီး ရယ်လိုက်သည်
"နင် တော်တော်လေး တော်ကီကြွယ်တယ်နော် Wendy "
"ဒီတိုင်းပြောမိတာပါ ဒါနဲ့ နင့်ကို ငါ ပြောစရာရှိတယ် Rosé"
"ဘာများလည်း "
"နင့်အဖေကို မနေ့က လောင်းကစားရုံရှေ့ တွေ့ခဲ့တယ် ...အဲ့ဘက်က ဖြတ်သွားတုံး သူ့သူငယ်ချင်းနဲ့ သူ အထဲဝင်သွားတာ "
Rosé သက်ပြင်းချပြီး ပြုံးလိုက်သည်
"ထားလိုက်ပါ Wendyရယ်..."
"နင်ကျ ကျောင်းတစ်ဖက်နဲ့ ပိုက်ဆံရှာနေရပြီး သူကျ နင်ရှာသမျှ သုံးဖြုန်းပစ်နေတာလေ နင် တားသင့်တယ် မထင်ဘူးလား "
