The Boy I Love to Hate

Chapter 29 Loving him is Red

Everything seemed normal at school, hindi ako pinag-uusapan, hindi rin ako tinatanong kung ano ang nangyari sa akin doon sa sunog. Students were acting strangely oblivious. Sabagay, mabuti na ang ganito kesa naman pagpiyestahan nila ako ng tanong di ba? Pagkatapos ng klase ko ay kaagad akong nag-ayos ng mga gamit, iniwan ko sa locker ang mga librong hindi ko kailangang dalhin. Sinabihan ko si Aliyah na hindi na muna ako dadaan sa dance practice niya kaya naman binigay niya sa akin ang mga print outs ng mga kantang inaaral namin ng singing coach ko na dance coach niya din.

Pinadaan ko si Mang Rudy sa isang convinience store para bumili ng prutas at tinapay para kay Caden. Tapos nun dumiretso na kami sa hospital bago pa man dumilim. Inabutan ko siyang nakaupo sa kama niya at may hawak na gitara. Tumutogtog si Caden, at kahit pa nakadamit pang-hospital, walang ibinawas iyon sa astig ng dating niya ngayon sa paningin ko.

Ilang sandali pa bago niya napansin ang pagdating ko. Itinigil niya ang pagtogtog kaya napanguso ako, gusto ko pa siyang panooring kumalabit ng string ng gitara eh. Hindi nakakasawa, kahit siguro magdamag akong nakatayo dito.

"Bakit ngayon ka lang?" kaagad niyang salubong sa akin.

"Maaga pa nga ako eh. Hindi ako nag-library."

"Sunog ang library paano ka pupunta?"

Napatawa ako. "Oo nga pala."

Iningosan niya ako habang itinatabi ang gitara. Lumapit ako sa kama niya para sana bigyan siya ng prutas kaya naman ikinagulat ko nang hilahin niya ako sa braso, at humiga siya sa kama niya at hinila ako para pumatong sa kanya.

"Aray.." inda niya nang madaganan ko siya sa dibdib.

"Yan ang landi kasi."

"Tch. I missed you."

Nginitian ko siya. "Kahit nagkita palang tayo kaninang umaga?"

Inangat niya ang ulo niya para abutin ang bibig ko. Una, isang dampi lang ng labi niya sa labi ko ang ginawa niya. Sumunod niyon ay mas malalim na at mas mainit na ang halik niya na para bang sabik na sabik talaga siya na hindi ako nakita ng ilang oras. His hand stayed in the side of my face while the other is wrapped around my waist securing me firmly in the heat of his embrace.

I want to spend my forever like this. Kung alam ko lang na aabot kaming dalawa sa ganito sana hindi ko na sinayang ang mga luha ko noong bata pa ako sa tuwing hindi niya ako pinapansin at sa tuwing tinatalikuran niya ako kapag dumadating na ako sa park na palagi niyang pinagtatambayan. His mouth against my mouth felt so good. His tongue exploring my insides like it's some kind of a fantasy world he can't live without. Kapag nadidikit ako ng ganito kay Caden, hindi ko mapigilan ang katawan ko na mag-react. Umiinit ako mula sa mukha, papunta sa toktok ng dibdib at patungo pa sa ibaba ng aking katawan.

Naramdaman ko ang pagbaon ng kamay niya sa buhok ko. Ang mainit na pagdikit ng mga daliri niya sa anit ko, kaya naman hindi ko sinasadyang mapa-ungol. Caden is such a fantastic lover, gwapo na, mabango, matalino at magaling pa sa ganito. Hindi nakapagtataka na napakaraming babae ang gustong makuha siya. Hanggang ngayon hindi ako makapaniwala sa sinabi niyang noong nakaraang araw, na gusto niya ako, na hindi na siya komportable sa piling ng ibang babae simula nang makasama niya ako. It's too good to be true, may bahagi ng utak ko ang nagsasabing huwag ko iyong paniwalaan dahil minsan ko nang naranasan ang masaktan ng husto ng dahil sa kanya, pero itong baliw kong puso patuloy pa rin sa walang takot na pagmamahal kay Caden Arguelles.

"Ahemmm!" isang malakas na tikhim ang narinig namin mula sa pintuan dahilan para manlaki ang mga mata ko at maliksing umalis mula sa pagkakapatong kay Caden at bumaba mula sa kama. Kagat ko ng husto ang labi ko, namumula ako mula ulo hanggang paa nang mabalingan namin ang isang nurse na may dala-dalang mga gamot na ituturok sa IV ni Caden.