صرخه خوف1

1

عارفين الاحساس البتحسو لما تتدمر نفسياتك.. يخون ثقتك اقرب زول ليك.. تتهدم معنوياتك وتضرب الارض ...تبقى في صراع مخير بين زولك الغالي وكبريائك ...لما تكون ماشي في ضلام متخبط باي شي... لما تتحاسب وانت ما عارف الذنب السويتو دا كان احساسي الليله....
                ______________
ريتال:
انا ريتال حاليا عمري تلاته وتلاتين سنه ما كبيرة والله بس عندي خمسه اطفال اكبرهم بت عمرها عشره سنه اسمها رنيم وولد سبعه سنه راجح وولدين تؤام محسن ومؤيد عمرهم اربعه سنه والخامس في بطني
تم بعد دا سبعه شهور😌وعايشين في رخاء الحمدلله وكأي يوم عادي صحيت الصباح اسوي لاولادي فطور المدرسه قطعت ليهم سلطه من الصباح جاني راجح نص نايم وقال:
-"ماما ما لقيت شرابي"
-"شوف الدولاب "
-"شفتو "
-"اتسوكت"
-"لسه "
-"ليي لسه"
-"رنيم قالت لي اذا لقت شرابها اول بتفوز"
-"طيب حبيبي امشي اتسوك سرعه .....رنيم تعالي سرعه "
جات رنيم قلت ليها:
-"عارفه راجح اهبل ما تتهابلي معاو "
-"افف خلاص "
ومشت جا راجلي وابوهم ماهر جمال ماهر اسم على مسمي صلح حياتي شديده لانو ما كنت مرتاحه في بيتنا بعد ما امي وابوي اتوفو وسكننا مع مرة اخوي الكبير وبعد اتزوجتو بقى لي ابو وام وكلو قال:
-"هووي ليي يا ريتال تزعلي بتي العسل دي راجح دا منو زاتو "
رنيم ضحكت ابتسم ليها وقال:
-"يلا ما تتاخري "
ومشت ابتسم لي وقال:
-"صباح الخير "
-"صباح النور"
-"اديني اقطع ليك وانت اقعدي ما تتعبي نفسك"
شفتو قلت ليكم زول فاهم فهم ..
قلت ليو:"يلا انا بمشي اشوف الشفع واجي"
مشيت لقيت رنيم لبست هدوم المدرسه طلعت لراجح هدومو وختيتها في سريرو واتكلمت :
-"رنيم شوفي اقلامك وما تنسي شي"
-"طيب"
شالت شنطتها وجا راجح ولبس هدومو وجاني اشك ليو القميص عشان ما بيعرف براو قال لي:
-"ماما"
-"نعم "
-"انت بتتعبي كتير عشاننا وعندك بيبي "
الكلام دا كان خلا دموعي في عيوني من التأثر قال :
-"انا .......ااا خلاص نسيت الكلام"
وابتسم فهمت انو مقدر تعبي وعاوز يساعدني بس مالاقي الكلمات يعبر قلبي اتملا فرح من الجمله دي بستو في راسو وقلت :
-"ربنا يخليلك لي انت واخوانك "
جا صوت ماهر من ورانا :
-"الله على ولدي طالع لابوهو "
ضحك لانو شايف ابوهو بطل جرى عليو وقال :
-"ابوي"
وطلعت معاهم ودعمتهم نفسيا وطلعوا دخلت لغرفتهم اصحي التوأم صحيتهم بعد تعب قامو وسوكتهم ولبستهم هدوم الروضه وجا ابوهم ساقهم وانا لما طلعوا رأسي لفا وهبطت وقعدت في اقرب كرسي هديت شويه ولما وقفتا راسي لفا تاني فضلت قاعده في كرسي لما جا ماهر لقاني مدنقرة وراسي لافي اتكلم بخلعه:
-"ريتال ....مالك حصل ليك شنو؟؟"
-"اعمل لي ملح ترويه"
مشا المطبخ وانا شايفه عشرة عشرة اتكلت على ظهر الكرسي جا وشايل الكبايه في يدو ورفعني وقال:
-"بسم الله "
وشربني شويه وصحصحت قال لي :
-"تعبانه اجيب امي تقعد معاك "
-"لا لا بس ما شربت الشاي "
-"طيب"
سوا لي شاي وشربنا قلت:
-"ما ماشي الشغل "
-"عندي اجازه تلاته يوم قاعد اكرهك بوشي السمح دا"
-"اسكت يا عجوز يا شايب "
اتونسنا وضحكنا وعشنا شهر العسل تاني ونسسينا شفعنا زاتو جا وقت يرجعهم قال لي:
-"لازم اجيب الشباب "
جابهم ومشو ينومو بعد نامو انا مشيت نمت ونمت والغدا على ماهر صحيت مع المغرب قريت مع الاولاد راجعت ليهم مؤيد شكلو زعلان ومحسن ما بيلعب معاو بقوا بيرسمو بعد شويه اتشاكلو واتشاكلو ومسكتهم من بعض قلت ليهم:
-"مالكم "
مؤيد قال بصوت عالي ودموعو في عيونو:
-"اتفق مع الاولاد وقالو لي انا شين وما العب معاو"
اتخلعت شويه بس سألتو:
-"ليي يا محسن"
-"هو عبيط وبيضرب "
بعد مشاورات اتفقو على انهم يرضوا باللعب سوا والاوضاع هدت راجح قال:
-"امي "
-"اها "
-"في حاجه غلط الليله "
-"هاا؟"
-"ما عارف انا خايف 😭"
-"ما تخاف ماف حاجه ومر الوقت عشيتهم وماهر اتاخر لسه ما جا رقدو نامو وانا خفت الساعه عشره ولسه ما رجع الساعه حداشر ضربت ليو كتير وما رد بعد شويه رجع لي هديت واطمنت فتحت التلفون جاني صوت راجل ما ماهر :
-"السلام عليكم "
-"وعليكم السلام "
-"انت بتبقى لسيد التلفون "
قلبي وقع جمب رجليني قلت بخوف :
-"انا زوجتو "
-"اسمو كامل لو سمحتي"
-"مالو حصل شنو"
-"اديني اسمو وبكلمك"
-"ماهر جمال ماهر اها"
-"استاذ ماهر عمل حادث الساعه تمنيه وهسه في المستشفى "
حيلي مات وهبطت ووقعت صحيت ورنيم بتهز فيني وتبكي وتقول :
-"ماما مالك ؟؟"
قمت سرعه واتكلمت :
-"ماهر ..ماهرلاازم امشي اشوفو "
-"ابوي مالو؟"
قلت ودموعي ما قدرت اوقفها :
-"ابوك عمل حادث انا ماشه احرسي اخوانك وقمت ولبست التوب وهي في مكانها كان همي كلو في ماهر ورفعت التلفون ضربت لي اختي رنا ما ردت ضربت كتير لما رد لي راجلها اتكلمت:
-"سالم كلم رنا تجي تقعد مع الشفع ماهر عمل حادث "
-"خليك ونحن جاين هسه"
لبست توبي سرعه سرعه وبقيت قاعده قدام الباب بهز رجلي جاتني رنيم وقالت بصوت شبه مسموع:
-"ابوي مالو ؟؟"
ضميتها وبقينا بنبكي لما جات اختي ساقني سالم للمستشفى الوصفها الراجل القبيل وصلنا المستشفى ومشيت جري لقيتو في العنايه قلبي اتكسر وقعدت جمبو ابكي وابكي سالم اتفاهم معاهم وعرف حصل ليو شنو بس ما كلمني .....
رنا :
لقيت اختي في حاله صعبه وجرت جري المستشفى وانا لقيت بتها بتبكي ضميتها وقلت ليها :
-"ما تبكي حبيبتي ابوكم راجل قوي وحيقدر يقوم وممكن مايكون حادث خطير عاوزاك تكوني قويه "
مسحت دموعها وقالت :
-"اي "
-"يلا حبيبتي لازم تنومي عشان المدرسه واوعديني ما توري اخوانك الصغار قولي ليهم سافر هو وماما سمح "
هزت راسها ومسحت دموعها سقتها لسريرها وغطيتها ولقيت راجح نايم بالعرض بتقلب كتير رقدتهم كويس كلهم وغطيتهم وطلعت قريت قرآن شويه ودعيت لاختي ولماهر وبقيت مستنياهم ضربت لحسام سألتو:
-"اها حالتو كيف"
-"حالتو ما مبشره وخطيرة بس قولي لاختك كويس انا برحعها البيت اقعدو سوا وانا بقعد معاو هنا"
-"طيب"
لغايه ما يصلو اعرفكم بنفسي انا اخت ريتال الكبيرة واصغر بت عندي في عمر رنيم يعني براهم بقعدوا ما محتاجيني الساعه واحده ونص جات ريتال وكانت هادئه سألتها :
-"كيف لقيتيو"
ابتسمت وقالت :
-"على الاقل حي ربنا بقومو بالسلامه ان شاء الله"
-"اي بس قولي ي رب "
ومشيت جبت ليها اكل تاكل وشربتها لانها حامل واتوترت كتير الليله ونمنا وبالصباح صحاني المنبه قمت واتلفت عليها لقيتها في سابع نومه خليتها ومشيت صحيت الشفع وسويت الاكل جا اخوي عمار دق الباب فتحو راجح وسمعت صرخات الفرح لانو خال روعه جا وقال لي:
-"كيفيك ؟"
-"تمام "
-"وريتال"
-"كويسه ما تخاف "
-"طيب حاسوق الاولاد المدرسه "
راجح اتكلم :"ليي وين ابوي "
-"ابوك جاتو سفريه مفاجاه امبارح وما رجع لهسه"
-"حيجيب لي معاو حاجه"
-"اكيد يلا اجهز للمدرسه "
ومشوا اتجهزوا كلهم الا التوام لسه نايمين راجح مشا يصحي امو قلت ليو:
-"خليها تنوم تعبانه "
-"انا داير ماما "
-"داير شنو وانا بديك ليو "
-"داير ماما "
ومشا يصحيها خليناهو في النهايه يمشي يصحيها طلع كلو عشان تشك ليو القميص وضرب سالم  وقال لي انو حيدخلوهو عميله هسه وبهد ما الاولاد مشو والتوام قالت ماشه تشوفو وسالم قال لي لسه في العمليه😟ياربي اتصرف كيف......
                    كيف البدايه ؟
             رايكم +تعليقكم+انتقادكم
                   صوتوا♥♥