صرخه خوف1

4

ريتال :
رجعنا البيت وانا فرحانه وفترانه وعاوزة آكل اتكلمت:
-"ماهر حتسوي العشاء"
-"هيييي انا جيت يادوب قومي يا كسلانه "
-"كسلانه بولدك دا😌"
واشرت على بطني قال:
-"يا سلام 😍 كيف حبيبي الجوا دا "
قلت:"بيقول يا بابا قوم سوي العشا عشان ما تتعب حبيبتك ماما 😌"
جا راجح وقال :
-"ماما عمار قال حيجيب لينا اكل من المطعم "
-"بالجت "
-"اي مشا يجيب"
-"عمار دا بحبو حب😋"
ماهر :"في ناس كدا جعانين جوع ولا شنو يا راجح "
-"اي ناس كدا "
وقعدوا يضحكو هو وابوهو حمرت لراجح سكت وادسا ورا ابوهو "
رنيم جات وقالت :
-"ابوي اشرح لي الرياضيات "
-"تعال "
مسك الكتاب وقعد يشرح ليها وراجح بعاين من بعيد سألتهم :"وين التوأم هيي محسن كييف؟؟"
وهو كان بيشرح لرنيم سكت فجأه خوفني رنيم قالت :
-"ابوي "
اخد نفس وكمل الشرح عاينت ليو بشك ومشيت للتوأم كانو بيلعبو بالمكعبات وببنو في بيت كبير مشيت جمبهم جاني مؤيد ناطي :
-"ماما شوفي بنينا بيت كبييير حنقعد فيو لما نكبر"
-"الله حلووو "
جا صوت عمار:
-"انا جيت "
واكلنا واتخمدت نمت والله ما متذكرة زاتو حصل شنو ماهر اتكلم وانا بقول ليو اها من غير ما افهم حاجه
ماهر:
بتكلم معاها وبطنش فيني فالحه خلاص ناديت رنيم تجيب لي عكازي ومشيت قعدت معاهم وهم فرحانين وفرحوني معاهم بعدين الوقت زي الساعه عشرة الا قلت ليهم يرقدو ينومو عشان المدرسه ورقدو وانا قاعد جمبهم وبيسألو اسئلتهم الغريبه فجأه راجح سألني:
-"ابوي كيف لاقيت ماما "
-"في البحر كنت بستحما وبعدين وهي جات تشيل مويه "
رنيم كوركت:"يععع ابوي ياخ ما تحكي لينا"
ضحكت عليها محسن نام سرعه بسبب المرض اصلا شكلو مهبط وتعبان وعيونو واقعه بعد شويه نامو وانا كنت بفكر كيف اوريهم بطني وجعتني تاني قمت ومشيت شربت مويه ومشيت لما رقدت انوم بطني وجعتني اكتر قمت ومشيت الحمام واستفرغت الاكلتو كلو وبقيت متكل على الحيطه غسلت وشي وطلعت لقيت رنيم وظاهر عليها التعب والقلق سألتني :
-"ابوي مالك "
-"بطني واجعاني بس "
-"بس شكلك ما كويس "
ختت يدها في جبهتي وقالت :
-"عندك حمى ابوي متأكد انك كويس "
-"ما تخافي تعب بس طيب امشي نوم "
بطني وجعتني وانحيت رنيم قالت بخوف :
-"ابوي "
ومشت صحت امها جات وقالت :
-"ماهر مالك ؟؟"
-"جيبي الشنطه "
جابتها وكان فيها مسكن بلعتو وخفف لي وقدرت انوم تحت ضغط الاسئله الما قدرت اجاوب واحد منها نمت الحمدلله وصحيت الصباح وسامع اصواتهم امشي وتعال والمدرسه قمت بكسل واول ما شديت بطني وجعتني ختيت يدي في بطني وعلى وشي تعابير ألم بعد شويه راح وقمت اتلفت ولقيت رنيم واقفه ودموعها في عيونها افترضت انها جات يادوب سألتها:
-"كيفيك؟"
دنقرت وهزت رأسها ل نعم قلت ليها :
-"مالك "
-"انت مالك ؟؟"
-"انا كويس ما تخافي مررت يدي على شعرها وقلت:
-"يلا على المدرسه قبل ما عمار يفوتك"
مشت .....ولما جا وقت الفطور كنت انا وعمار وريتال بس في البيت سألني عمار:
-"ليي ما بتأكل اكل الدكتور قال خسرت دم كتير"
-"عمار ريتال "
اتلفتو لي اتكلمت :
-"الجراحه السويتها ما كانت لرجلي "
ريتال:"عندك شنو "
عمار:"اصبري خليو يكمل كلامو "
-"في قزازة من قزاز العربيه القدام خشت في معدتي"
اتنهدت وكملت :"بعد الفحص طلع عندي سرطان معده "
ريتال شهقت وختت يدينها على خشمها قلت ليها :
-"كان عندي قبل الحادث بس ما اتكشف بدري وهسه ماف امل من العلاج "
عمار :"ما تقول كدا كيف ماف امل "
-"عمار ما تقاطعني ...وحاكون متابع مع دكتوري بس ما عاوز الاولاد يعرفوا بالذات رنيم "
ريتال:"كيف ما ممكن ...اكيد في حل "
-"نسبه النجاح بسيطه "
-"اي  بس جرب "
-"ايوة ما عندي خيار غير كدا "
-"رنيم خايفه عليك شديد كانت الصباح بتبكي "
عمار :"شوف يا ابو العيال اخير يعرفوا بس قول ليهم انك عيان راجح امبارح لاحظ لبطنك ملفوفه وسألني منك "
-"طيب حاكلمهم اني عيان بس "
-"تمام "
-"يلا ما تاخدو في بالكم "
ريتال :"كيف يعني عاوزنا نشوفك بتموت وماف واحد فينا يعمل حاجه "
-"لا لا ان شاء الله بتعالج "
قلت ليها كدا بس بقلبي كنت حاسي انو الموضوع دت حينتهي مني مرت الايام وكنت شغال تخطيط في البيت اشتغلت مهندس حياتي كلها وعندي سمعه يعني بتجيني الاتصالات في البيت وبشتغل ومر شهر ورا شهر وحالتي بتسوء بس رنيم بقت ما ملاحظه وراجح طاشي شبكا اصلا وفي يوم .....
ريتال :
آخر ايام وممكن الد في اي لحظه وانا راقده وهو قاعد بيرسم في مخطط اتكلمت :
-"ماهر لو جبنا بت حنسميها منو "
-"ريان "
-"ولو ولد "
-"ريان "
-"ليي يعني "
-"طيب مراد حنسميهو مراد واذا بت تالين تمام "
-"طيب مراد اسم حلو وتالين "
-"تمام "
بعد شويه مراد تعب ناديت عمار ومشينا بيو المستشفى وبطني واجعاني دخلوه غرفه وانا بطني خلاص قمت مشيت مع عمار للعربيه ودورنا عللى البيت نجيب شويه حاجات فجأه كدا حسيت بيو خلاص اتكلمت :
-"عمار ارح المستشفى "
-"بس بعدنا"
صرخت :"انا بلد يا غبي "
دور العربيه وطار طيران للمستشفى ودخلت حسيتو خلاص جاي (عمك مستعجل😂) قعدت حبه ركبت لي درب الممرضه ما معاي زول جات رنا في المستشفى بعد ساعه بتقش في دموعها سألتها :
-"مالك؟"
مسحت دموعها وقالت :
-"ماف حاجه "
بعد ساعه تاني ولدت وكان ولد ادتني ليهو وكدا خاتاهو جمبي ونمت .....
رنيم :
جا وقت الرجعه للبيت وعمار ما جا بعد نص ساعه قلت ارجع بكرعيني رجعت البيت وانا بفكر في مواضيع للمدرسه وفي درس صعب اوديهو لابوي يشرحوا لما قربت من البيت ناداني راجح كان وراي قال لي :
-"رنيم عمار ما جاني ارح نجيب التوأم "
وفعلا مشينا ليهم سرعه وجبناهم وفي الطريق بنضحك ونتونس لما وصلنا البيت برا كان في زي صيوان راجح اتكلم :
-"ياااي اكيد امي ولدت يلا نشوف البيبي "
اتقدموا بسرعه وانا حسيت بشويه خوف دخلنا واستقبلتنا اصوات البكا انا اتخلعت شفت عمتي ساريا مشيت جمبها وسألتها :
-"حصل شنو "
-"يا حليل ابوكم "
راجح صرخ:"مات؟"
-"الله يرحمو"
قلبي وقع وما حسيت تاني .......
ريتال :
صحيت من النوم وشفت ولدي الصغيروني وحلاتو بستو شبه ماهر فجأه اتذكرت ماهر هو في المستشفى جاتني رنا وغيرت هدومي معاي الدكتور قال لينا اقعدو يوم رنا قالت :
-"طيب"
جا عمار من برا وشكلو زعلان بس جا جمبي وشاف البيبي وباسو وقال لي :
-"مبروك "
-"الله يبارك فيك "
-"وحلاتو الحلبي "
-"ضحكت معاو "
وجا اخوي الكبير عماد وقال لي :
-"اهلا كيفيك؟"
-"الحمدلله"
-"والبيبي صغيروني شديد "
-"ما لاحظت عماد الاولاد كيف "
سكت شويه وقال :
-"كويسين "
-"الحمدلله "
-"مبروك "
-"الله يبارك فيك "
اتذكرت ماهر وكنت عاوزة اسألو بس اضطرا يمشي ياخ بطني واجعاني وزهجت من المستشفى وعاوزة ارجع البيت ولغايه ما جا بالليل ماهر ما ظهر ولا اي اثر ليو معناه رجع للاولاد سألت رنا :
-"ماهر بقا كيف "
-"ماهر ....اتوفى قبل الولاده بساعه "
...............
             رايكم +تعليقكم+انتقادكم
                   صوتوا♥♥