صرخه خوف1

12

جاني مراد وقال :
-"رنيم مالك "
-" ...."
-"رنيم"
قعد يبكي معاي رفعت راسي وقلت:
-"ما تبكي "
-"هم ما عاوزين نقعد معاهم مش"
-"اي ما حانقعد في مكان نحنا ما مرغوبين فيو "
-"بس حنمشي وين"
-"اي مكان "
طلعت شنطتي ولممت هدومي وهدومو وقلت:
-"ارح "
مشيت معاو برا لاقتني خالتي قالت :
-"ماشه وين ؟؟"
-"رجعيني بيت جدي "
-"دا شنو البتقولي "
-"وديني لاخواني المحل الدايريني فيو انا راجعه بيت جدي "
-"ما تمشي "
-"ما على كيفيك ما حاسكن في البيت دا"
اتجاوزتها وطلعت لغايه الباب محمد سألني:
-"ماشه وين ؟"
-"ما يخصك "
جا راني ومسك يدي وقال:
-"بتكلم معاك ماشه وين ؟"
نرمين:"زح منها يا راني"
بس هو عاين لي وقال:"ماشه وين"
-"بيتنا😢...زح مني انت بتخوف😟"
-"بيتك هنا وماف طلعه "
-"انتو قلتو ارجع من محل ما جيت وانا راجعه "
-"ماف رجعه وانا ما قلت كدا معناها الكلام دا ما حيمشي علي ارجعي غرفتك يلا"
دايرة هبشه ويدقني رجعت سرعه وقعدت ابكي وابكي نرمين جات وقعدت معاي قالت :
-"ما تبكي عليك الله راني دا متخلف ساي "
-"انا راجعه بيتنا "
-"انا دايراك اذا هم ما دايرنك اقعدي خليهم كلهم متخلفين"
-"لا انا ماشه بيت جدي"
-" ماف مشي حوتقعدي معاي"
صرخت:"عاوزة امشي انت دخلك شنو حاسه بي انت؟؟"
-"عليك الله انا فاهماك"
-"كيف تفهمي وانت انك وابوك حيين وعايشه مع اخوانك اسكتي مني"
-"رنيم عليك الله "
-"م تتكلمي معاي"
سكتت وانا طلعت سرعه خالتي قالت:
-"رنيم ما تشتغلي بيهم "
-"رجعيني بيت جدي "
-"جدك😨....لا لا ماف مشي ليهم "
-"ليي انا عاوزة امشي >_<"
-"رنيم عليك الله اقعدي هنا "
-"لا لا ماشه لجدي"
قفلت باب النص  وقالت :"ماف طلعه من هنا "
-"حتحبسيني !"
-"ساقو راجح ما حيسوقوك انت ولا حتمشي ليهم فاهمه️😡"
"😨" لا لا ما بصدق كيف دي خالتي الطيبه الامي كانت واثقه انها ما حتزعلني مشيت وبقيت بجر في الباب عاوزة اكسروا زهجت ورجعت نمت وقررت اطلع الصباح بدري بس لسه الباب مقفول بقيت بضرب في الباب واصرخ:
-"والله ان ما طلعتوني بضرب للشرطه"
نرمين"كفايه يا رنيم دا كلو عشان اخواني قالو ليك كدا "
-"انا عندي عزه نفس ومستحيل اقعد في مكان انا ما مرغوبه فيو".....
راجح :
بالصباح حسيت بفراغ كبير اتعودت اصحى على صوت التوام او رنيم مشيت شربت الشاي جدي سالني :
-"نمت كويس"
-"اي"
-"رايك شنو تزور اخوانك "
-"طيب تمام ارح سرعه "
-"بس عندك زول يسوقك "
اتذكرت خالي عمار ضربت ليو من تلفون جدي وكلمتو وافق طوالي وجا وكان فرحان شديد لانو شافني وشلنا عربيه جدي قال لي:
-"اها رايك شنو في بيتك الجديد "
-"ملل بس اي شي قاعد عشاني😂"
-"مرتاح شديد شكلك نمشي لمنو اول"
-"الاقرب"
-"طيب نمشي لمحسن "
وصلنا لمحسن الساعه كانت تمنيه دقيت الباب سلمت ودخلت لغرفهه محسن كان بيرسم عندو عشق مع الرسم لما شافتي صرخ:
-"راجح "
-"محسن"
ضميتو وقلت :
-"اشتقت ليك شديد"
-"انا زاتي ليكم كلكم "
سألتو عن حالو وكدا قال لي انو متقبل العيش هنا وحاسي انو جزو منو ارتاح ليهم اطمنت عليو مشينا للتوم التاني مؤيد وصلنا وكان فرحان شديد مع ميرا مروان (وااي من الاسم😭😂) وكانت بتحبو شديد وبقى بيحكي لي بحماس هو اتأقلم مع حياتو شديد فرحت عشانو ومشيت بعديها لرنيم ومراد وصلت وراني كان برة سلمنا عليو عمار سالو ليي قاعد برا ابتسم وقال باستفزاز:
-"والله يا خالي جات واحده للبيت وابوي طردني عشانها "
انا كشرت وسالتو:"رنيم؟؟"
قلب عيونو مشيت لجوا من غير ما اسلم علي اي زول لاقتني خالتي وانا مشيت على غرفه نرمين قالت :
-"ماشي وين ؟؟"
-"لاختي"
-"اهدا وروق واختك جايه "
-"مشت وين "
-"قاعده بس استناها هنا"
-"ما عاوز استناها هنا عاوز امشي ليها افتحي الباب"
-"لا "
نرمين (امبارح):
بقت بتبكي وتدق في الباب مشيت لامي وقلت :
-"امي خليها تمشي "
-"نرمين دا كلام ناس كبار ما تدخلي "
-"بس هي عاوزة كدا مش خالتي قبل ما تموت قالت ليك ما تحوجيها لحاجه "
-"نزمين اطلعي برا"
-"بس رنيم عملت ليك شنو ..."
صرخت:"اطلعي برا"
انا دموعي نزلت وقلت:
-"ليي بتعملي فيها كدا وثقت فيك"
-"نرمين"
طلعت برا سرعه ومشيت لرنيم وقلت :
-"رنيم "
صرخت:"امشي مني انت ما عملت  اي حاجه حتسوي شنو هسه"
قلبي اتكسر💔 بس ما قدرت اساعد رنيم مافيني فايده ..
راجح:
بعدما رفضت مشيت وبقيت بضرب في الباب قالت:
-"هوي خلاص المفتاح قاعد"
شلت المفتاح وفتحتو ولقيت رنيم قاعده جمب الباب سبحانه في دموعها لما شافتني جات لصدري وقالت :
-"سوقني معاك يا راجح "
عاينت لخالتي بنظرة عتاب وقلت :
-"عملتي شنو"
-"ما عملت حاجه"
عمار من وراها:"عملتي شنو انت مش قلت لي حتكوني ليها عون يوم واحد في بيتكم وياها سبحانه في دموعها حصل ليها شنو "
-"تعال بفهمك "
قلت :"فهميو هنا قدامي "
-"راجح"
-"اي راجح لو امها وابوها ماتو ما معناها تتحكمي فيها على كيفيك وانا اخوها قاعد ما تحاولي تأذيها"
عمار :"راجح "
-"مالك كلاني نا غلط ودا الانا شايفو "
جا سالم وعقد حواجبو وقال:
-"رنا مش قلتي انها وافقت تقعد "
اتكلمت:"مرتك كذابه "
رنا بغضب:"راجح احترم الرباك "
-"انتي....بالله ماف زول رباني غير امي وابوي لو سمحتي حاسوق اختي وطالع"
رنيم همست:"راجح "
-"مالك؟"
عمار اتكلم :"خلاص يا راجح اهدأ انا بتكلم مع رنا وانت شوف اختك "
مشت رنا معاو وانا مع رنيم سألتها :
-"حصل شنو"
وحكت لي كل شئ قلت :
-"يعني هي ما واثقه في جدي وراني دا قايل نفسو منو واخوانو ما حتقعدي هنا "
-"ما عاوز اقعد "
-"ارح معاي....وين مراد "
-"مراد!! ما عارفه "
قالت :"راجح اخير نرجع البيت "
-"ماف زول حيرضى "
-"لكن "
قلبت المسأله في راسي ولقيت انو احنا المفروض نعتذر وانا غلطان قلت:
-"دا احسن مكان ليك يا رنيم اتقبليهم شويه "
-"ما بقدر "
-"بس انا غلطت ونكرت فضلها امي ما كانت حتفخر بينا لو استمرينا في البنسوي فيو "
-"اي صح نعتذر "
-"وتقعدي هنا"
اضطرينا نكسر شوكتنا ونعتذر ليهم اعتذرت لخالتي ورنيم اعتذرت وعمار قال لينا :
-"كدا اخير ابعدوا من المشاكل "
-"طيب "
-"راجح ما ترد على الاكبر منك كدا ما صح دي خالتك احترمها "
-"ان شاء الله "
-"رنيم ما تخشي صاله راني "
عاينت لرنيم وقلت :
-"خشيتي غرفتو"
-"لا ما كنت عارفاها ضعت البيت كبير "
راني:"يعني انتي ضعتي ما خشيتي قصد"
...
رنيم:
قال كدا وعاين لي قلت :
-"لا لا كنت بهظر يا اهبل"
-"طيب ليي ما بررتي "
-"انت يا تافه تجي تقول لي ابرر وانا شايفه السحاري دا قدامي وبكورك "
بقيت بحاكيو:
-"الجابك شنو اطلعي "
خالتي الكانت غضبانه بقت بتضحك وراجح والبقيه الا راني حدرت ليو وقلت :
-"ما تعترضني تاني يا راني 😬 "
-"ما هابشك زااتو طلعتي شر يا ريم "
صرخت:"اسمي رنيم انت واخوانك المتخلفين ريم ريم"
محمد حمر لي قلت :
-"الا انت طبعا"
.......
             رايكم +تعليقكم+انتقادكم
                   صوتوا♥♥