صرخه خوف1

15

(عن الحزن الذي يعتصرني،عن الدموع التى تتسابق لعيني،واوحاول منعها عن الوجع الذي ينهب دمي على فراقك يا اختي ملئ الحزن قلبي.. اشتقت لانغام ضحكتك لكل شئ ولمرور اليوم معك صوتك لازال يترادد على مسمعي طيفك مازال في ناظراي وانا مازلت في هذا الحلم منتظرا الاستيقاظ اللهم إني اشتقت لروح أختي وضحكاتها وأحاديثها معي ربّي إن شوقي يؤلمني ويبكيني فأجعل فقيدتي سعيده بجوارك يا أرحم الراحمين. اللهم إني اشتقت لروح أختي وضحكاتها وأحاديثها معي ربّي إن شوقي يؤلمني ويبكيني فأجعل فقيدتي سعيده بجوارك يا أرحم الراحمين....*عمار)
عمار :
مرت اربع يوم على الوفاه(ريتال) وانا قاعد في الديوان مع عماد وجمال ابو ماهر واولادو وبعد شويه جو بناتو ورنا الوقت كان متأخر بس ما طريقه نقاش قدام الشفع بدا جمال:
-"بسم الله نبدا في موضوعنا "
رنا اتكلمت:"خخلوهم معاي والنقاش انتهى "
عمتهم إحسان اتكلمت:"لو سمحتي يا رنا هم اولادنا زي ما اولادكم عشان كدا حيمشو معانا "
جمال :"لا جايين هنا نتناقش والنقاش ما كدا وما كلام حريم عشان تخشو فيو ولو ما اولاد ماهر كان هسه قفلت الموضوع لو سمحتو خلونا نتكلم بأدب عماد!"
عماد :"والله يا خالي هي وجهه نظرها انها خالتهم وزي امهم واقرب زول ليهم وهم حيرتاحو عندها "
ساريا :"ايوة بس من ناحيه اولاادها صبيان والبت بتكبر "
عماد :"رنيم؟؟"
-"اي"
-"فعلا!"
رنا:"عماد!"
-"كلامها صح "
-"..."
عماد :"خلوهم معاي "
رائد :"لكن نحن اصلا جايين في الموضوع دا عشان نعوضهم عن امهم وابوهم انت امهم ما حتقدر اصلا زوجتك متوفيه وبيتكم متفكك... "
مروان:"رائد كفى "
سكت ...إحسان اتكلمت:
-"اخير ليهم عندي عندي بنات بس وولد واحد شافع بيقدرو يجوو ويكون ليهم ام وابو "
ساريا :"وضعكم المادي بيسمح تربي خمسه اطفال؟"
مروان:"اتحسم الموضوع انا انسب زول يكونوا معاو لانو حرفيا بيتي فاضي وكبير وامكانياتي عاليه وما عندكم مشكله صح "
جمال:"لا لا "
-"ليي يا ابوي"
-"لا ما ينفع يقعدوا معاك "
-"ليي؟؟"
-"الموضوع كدا صح؟اسوقهم انا "
-"لا يا ابوي "
قلت :"انتو خلوهم معاي اذا عاوزنهم يستقروا وانا وعدت المرحومه اني اكون ليهم ابو وانا هسه في مكان ابوهم ومفروض يقعدو معاي لانهم متعودين علي عشت تلاته سنه ابوهم وانتهى "
عماد :"لا "
-"ليي باعتبارهم اولادي اصلا "
-"لا ما اولادك "
-"اولادي وغسبا عنكم ...وبصراحه لو عاوزين تشيلوهم اقتلوني والكلام دا ليكم كلكم حتى اختي واخوي "
ومشيت خليتهم مصدومين لغرفتي يا حليل ريتال بس اولادها حيكونوا تحت يدي انا وماف زول حيجبرني اخليهم بعد ثواني دق الباب ودخل من غير اذن كان عماد ووشو ما مبشر😡 اتكلم :
-"عاجبك السويتو "
-"شديد "
-"عمار دا شنو القلتو "
-"الحقيقه"
-"قوم اتكلم معاك "
قمت قال :
-"الاولاد ما حيقعدوا معاك "
-"وانا مالي ؟؟"
-"المشكله كلها في البت ريم دي "
-"اسمها رنيم واذا اصلا بتحبهم وبتعزهم زيي كان اتذكرت الاسم ...ثم انو رنيم مشكلتها شنو انا خالها وواحد من محارمها "
-"لكن انت عزابي "
-"وبعدين !"
-"ما بنقدر نخليها معاك "
-"ليي؟؟ اديني سبب واحد مقنع ؟؟"
-"الشيطان شاطر "
وطلع وخلاني متحيير وما فاهم قاصد شنو شويه شويه استوعبت خشا فيني غضب مشيت ليو وقلت :
-"عماد انت بتشك فيني "
-"لا ما بشك فيك بس الشهوات موجوده والبت هي حلاتها زاتا يلا ما تفتح الموضوع تاني وما تتكلم تاني في القصه دي ولانهم كلهم موافقين على كلامي"
اتكسرت والله شديد .......
ودي كانت قصتي في رفضهم اني ألمهم في بيت واحد.....
الحاضر
سكتت مسافه بعدين قلت:
-"ما .."
راجح :"بس انت وعدتها يا عمار"
-"اي وعدتها بس ..."
اتنهدت تنهيدة طويله وقلت:
-"انسو بس "
عم الصمت شويه ومشينا بيت جدهم قيلنا وبعدين اخيرا لقيت وقت مع رنيم وقلت:
-"رنيم "
-"ها!"
قربت وقعدت جمبها وقلت :
-"رنيم راني مالو معاك ؟"
فجأه بقيت بتبكي وتحكي :"راني عاوز يحكمني ويسيطر علي وقال لي انو ما امشي معاكم لاني ما اخدت موافقتو وكان بعاين لي بالمرايه وحمر لي لما جيت انت هو واحد كريهه شديد وشايف نفسو وقايل انو الحياه واقفه عليو وبكل بساطه يجي يقول لي موافقتي اول"
-"موافقتو اول !!"
-"اي "
-"رنيم حاتعامل ليك معاو سمح "
مسحت دموعها هي بتقول :"كويس"
طبطبت على كتفها وقلت :
-"رنيم تاني لو في اي شئ انا بقدر اعملو ليك كلميني وما تتردي "
-"طيب😘"
-"مشتاقيين والله😍"
-"اي والله اشتقنا ليك شديد "
ومر الوقت وكنا فرحانين شديد سوا وانا زاتي حاسي اني اخوهم الكبير وطلعنا فسحه للشفع ومشينا الحديقه (سوقوني معاكم😢) عمار قلت لرنيم:
-"اها باعتبارها فسحه ليهم انت رايك شنو نفسك في حاجه "
-"لا خلينا معاهم شوفتهم كدا حلوة "
-"تمااام يلااا ماشي اركب المقص"
-"لا حتموت "
-"ما بموت خليني"
-"لا لا ان مت ماف زول احكي ليو"
استغربت في الجمله دي قلت :
-"رنا في "
-"هاها صح"
وقعدت بهدوء قعدت جمبها وقلت :
-"رنيم مالك افتكرتك بتحبيها وحتحكي ليها كل شئ"
-"دا كان زمان قبل ما تحبسني وتوضح لي اني معاها عشان ما يسيطروا اعمامي وعماتي على املاك ابوي"
-"رنيم ما تقولي كدا من القال ليك انهم عاوزين يسيطروا عليها "
-"عمار امي كانت بتحكي لي كل شئ وبتوريني كل ششي كنت سندها وكانت سندي "
وبعدها بقت بتبكي ضميتها وقلت :
-"خلاص يا رنيم ماتبكي عليم الله كدا حازعل انا زاتي"
مسحت دموعها وهزت رأسها بعد شويه الاولاد جو وراجح جا شايل ايسكريم (نفسي في طلعه زي دي😭😭) ومداهو ليها وكان بيلحس فيو قالت :
-"يععع عاوزني اكلو وانت اكلت منو😨"
-"رنيم نحن اخوان وانا ما مرضان والله "
بعد تعب اقنعناها تشيلو وجو التوأم فرحانين شديد زعلان لانهم اتفرقوا زعلان شديد والله بس الطلعه دي كانت عشاني اكتر منهم والساعه تمنيه ونص قلت ليهم:
-"يلا يلا كل زول على بيتو "
وركبنا العربيه وكانو فرحانين شديد وصلتهم بيوتهم ومشيت لشقتي الاجرتها ورقدت في السرير بتعب ورفعت التلفون ضربت لسالم ابو راني قال :
-"السلام عليكم "
-"وعليكم السلام...يا استاذ سالم رنيم فاصلينها من الاولاد صح "
-"اي"
-"حتى راني"
-"مالك بتلمح لشنو يا عمار "
-"راني حاكمها شويه "
-"حاكمها بس هو بتعامل كدا مع اخواتو "
-"طيب لو سمحت وضح ليو انو رنيم ما اختو وما مفروض يتكلم معاها "
-"طيب"
-"مع السلامه "
قفلتو ورقدت على جنبي وزعلت انا بواسي اولادها وانا محتاج زول يواسيني وبديت ابكي من وفاتها ما قدرت ابكي الا كدا في سريري ....
نرمين:
صحيت على صوت شافع بيبكي كان مراد "
قمت ومشيت لقيتو بيبكي بكا ما طبيعي بكا ما بكاوه لما امو ماتت قلت :
-"مراد مالك؟"
صرخ لما حسيت اني ما حاسمع تاني قلت :
-"هشش مالك؟؟"
-"رنيييييم ....داير رنيييييم😭"
واليوم كلو بيبكي ونحن بنحاول نهديو جو الاولاد وبقى بيكورك داير رنيم داير رنيم تلفونها خلتو هنا كنت حاضرب بس امي قالت :
-"لا عاوزاه يقول لي ما بتقدري عليو "
........
رايكم +تعليقكم+انتقادكم
صوتوا♥♥