صرخه خوف1

19

رنيم:
الليله الصباح اللي هو امبارح خلصنا امتحانات قعدت في التلفزون من الصباح بآكل وبشرب وبحضر ومعاي
نرمين في نفس الحال الباب دق وجا صوت نديم من وراو :
-"نرمين رنيم دايركم في موضوع"
نرمين عاينت لي انا بكل كسل اتلفيت ببطانيتي بس وقلت:
-"خش"
دخل وقال :
-"يا بنات حاسوقكم الليله السوق "
نرمين :"انا دايرة فستان من هسي😃"
قلت:"دقيقه ليي؟؟"
-"بعد اسبوع حاخطب "
-"كضاب"
-"اي واحده عسل كدا المهم يااا مستنيكم برا "
وطلع لبسنا عباياتنا وطلعنا السوق وطقمنا الفساتين قلت :
-"نديم ما حيكون السعر غالي عليك "
-"لا بس شيلو الدايرنو وانا بدفع "
-"انت اخو عسل"
-"الله الله😍اعترفو بينا"
دفع القروش وقال:
-"يلا يا حلوات "
ومشينا ما رجعنا البيت نرمين سالتو:
-"نديم انت ماشي بالاتجاه الصاح"
-"اي اي ولا يهمكم بس انتو تعالو معاي "
-"...طيب"
عاينت لي وهزت كتوفها هزيت راسي لأي فجأه خلعنا وبقى بيغني صوتو كان حلووو بس هو ما بيستعملو الا لما يكورك شلت تلفوني وصورت فيديو وهو بيغني نرمين رفعت ابهامها وبقينا بنصور وهو ما عارف وقفنا في استوب عاين لينا بالمرايه ولقانا بنصور فيو ما فار! ابتسم وكمل غنى وقفلتو قال :
-"شفتو صوتي سمح كيف؟؟"
نرمين :"فالح تكورك بيو بس"
-"بعد ما اتشاكلت معاك يا رنيم يوم داك حلقي وجعني ومشيت فحصت بعد يومين الدكتور قال لي حتفقد صوتك اذا كوركت اكتر لكن مزاجنا راق 😉"
نرمين :"اها البت دي منو الخلت قلبك يرق "
-"ميرال مروان حب الطفوله 😍"
اتكلمت:"هي اكبر مننا بسنتين "
-"سنه بس دخلوها المدرسه بدري "
-"ووافقت بيك"
-"اي"
-"واو!!"
-"انا مالي يا بت امي "
-"انت وجيهه والله ما بترفضك "
نرمين:"لكن راني اوجهه منك انت اتملي شويه"
-"اوووه تمام نصايح السيدات نرمين سالم ورنيم ماهر "
الاتنين:"اسكت😠"
قال :"يلا خلاص ارح وصلنا"
وصلنا محل بوهيات قال:
-"عاوز اضرب بيتنا ممكن تختارو معاي اللون "
وانا ونرمين ما قصرنا ابدا ختينا ليو كل شئ قال :
-"لحظه عاوزين اضرب البيت اسود وابيض ورمادي ما حاسين انو كئيب شويه"
-"لا لا خليو كدا حلو "
-"وغرفه النوم"
نرمين:"احمر 😈"
قلت:"كلبه اخير بنفسجي 😈"
نديم عاين لينا شويه وكان في راجل ماري عاين لينا ..
نديم:"ما بعرف البنات ديل "
ومشا بعيد مننا في النهايه اختار هو اللون وكان بصلي صورو ورسل لحبيبتو طبعا وافقت قال :
-"عجبها الرمادي والابيض والاسود وقالت زوقك حلو.
...طلع فيكن فايده"
نرمين:"شفت كيف!"
-"يلا نطلع ورانا مشاوير "
نرمين :"انا ما بعرف ميرال دي كويس "
-"حتتعرفي عليها هسه "
وقف قدام بيتهم وضرب ليها وجات طبعا لونها احمممر شديد ولفينا وظبطنا امور العرس حتى الفستان والشيله هي قالت بتشتريها لاحقا يعني ورجعنا البيت ونسيت اشتري لمراد حاجه جا وقال:
-"نديم يا شين ما بتشتري لي حاجه "
-"ما تخاف انت اشتري مع وائل ومحمد "
-"ياااي وائل محمد !!"
ومشا يناديهم نرمين قالت :
-"نديم شكرا على كل شي"
اتكلمت:"اي شكرا جزيلا وحانشر الفيديو "
-"رنيم !"
-"مالك؟؟ ...صوتك الحلو دا "
-"رنيم كما تخليني افور "
مشيت وقلت :"خلاص بنشرو"
صرخ:"رنيييييم "
بس خت يدو في حلقو بألم وقال:
-"انعل ابو الزفت الخلاني اتكلم معاك "
طلعت ليو لساني ومشيت غرفتنا سمعت صوت صرختو:
-"رنيم والله تتنشريوا ما اسامحك "
قلت :
-"خلاص ما حانشروا اسكت بتجعجع مالك"
-"الله يهديك !"
-"آمين جمعا !"
نفس طريقه الاستفزاز كل مرة ومرت الايام وجا يوم الخطوبه كان حلو شديد عملوا زي حفله بسيطه في البيت ولاقيت اخواني ومؤيد اخو العروس كان عسسسل وعمي مروان كان فرحان عشان بتو الوحيده ونديم كان فرحان شديد تعابير وشو بتبين الفرحه كانو ثنائي مناسب لبعض شديد فرقهم ما كتير اربعه سنه بس وبعد الحفله نظفنا الحته وقعدنا خالتي قالت:
-"نديم يا ولدي حتمشي مننا 😢"
-"ما تخافي يا امي بعد شارعيين بيتنا "
سالم :"انت فالح خلاص مرتك ماشاء الله سمحه وصغيرة ما دقست دقستنا "
والبيت اتملا ضحك خالتي ما فضل ليها الا تقلع راس سالم وترميو بالشباك راني اتكلم:
-"يا ربي ميرال حتتحمل كتله الغضب المتحركه دا كيف "
-"يكتلوك بشنو اقول ليك "
-"الكتاله😂"
-"طيب يكتلوك بالكتاله😂"
وائل :"راني يا باير اخجل نديم اصغر منك "
-"نحن مليانين بناسنا يا محاسن😍"
-"محاسن في عينك😡"
-"اسكت ياا تلفونك ارقام البنات فيو اكتر من الاولاد"
-"اسكت يا كلب😭"
سالم:"نعم "
رنا:"وائل"
-"بهظر بهظر"
محمد :"مبروك يا نديم مرتك المزة دي"
-"محمد!!"
-"انا ماشي انوم فترتا"
وهرب سرعه بعدين طفينا ونمنا نوم تعب بعد شهر تقريبا كان يوم العرس وكان حلو شديد...
ميرو:
الليله الزفاف وحاسه بفرح شديد لانو امي معاي بعد الحفله نديم قال لي:
-"تاني اوعك تقولي لي بخجل 😍😘"
-"نديم😳"
وكان موعد السفر بدري كنا ماشين الامارات مشيت نمت طوالي وخليتو بيتكلم مع نفسو (نديم المسكين😂) بالصباح بدري صحيت واتجهزت للسفر وسافرنا سفره طويله وهو بيحكي لي عن طفولتو المعاقه😂وطلع كان بيسرقو الطماطم من بتاع الخدار وحكيت ليو عن كل شي في حياتي تقريبا وقدامنا راجل عجوز قعد يحكي لينا عن مرتو واول يوم ليهم ضحكنا كتير وصلنا لوجهتنا وكان حاجز الفندق كان مجهز لكل شي حرفيا "
وصلنا وهو مشى يستحما ضربت لابوي وقلت ليو مشتاقيين رد لي ببرود كانو في شئ مزعلو سالتو:
-"ابوي مالك ؟"
-"ماف شي فرحانه مع نديم "
-"اي شديد "
-"يلا لازم اقفل "
قفل امي ما ردت نديم جا وقعد جمبي قال لي :
-"طلع في خيانات البت بتشكيني لابوها"
-"نديم اسكت يا شين "
-"الشين دا راجلك"
ومرر اسبوع كان احلى اسبوع في حياتي ودا كان احلى زول في حياتي بعد مؤيد اخوي طبعا (مؤيد يااا😍) يا ربي كيف هو هسه وليله اليوم داك نديم مشا يجيب اكل تلفونو ضرب كان مكتوب محاسن ..محاسن دي منو (دا وائل عرفتو 😂) رديت وحاولت اخشن صوتي:
-"الو"
-"نديم اسمع ارجع سرعه مرتك امها وابوها انفصلوا وماف زول حيرجعهم غيرها....نديم لازم امشي البيت جايط شديد نتكلم بعدين"
وقفل فكيت التلفون ووقع في السرير قلبي انقبض كل الكلام القالتو لي امي والفرحه واحساسس الاهتمام كان كذب عشان تقدر تتفكفك من ابوي وابوي زاتو كل كلامو القالو لي والفرح والاهتمام اللاقيتو منو كذب عشان يتخلص من امي بقت بترجع لي الذكريات امي كان بتقول لي ^انت غلطه^ انا غلطه صح ما كان مفروض اتولد ما كان اصلا تتزوج ابوي نديم اكيد مشارك طلبني عشان يخليهم ينفصلوا لا لا ليي لازم كل فرحه في حياتي ما تكمل بس العاوزاه امي وابوي مهتمين وراجلي زول بيحبني ما زول عاوز يفكك العيله دا كتير علي ...نديم جا وقال:
-"جيت يا قلبي"
جا وختا الاكل قال:
-"حتاكلي ولا لا "
-"ما دايرة "
-"براحتك "
اكل وبعداك ختاو في التلاجه وجاني قال لي :
-"تعالي جمبي حبيبتي "
-"لأ "
-"ليي؟"
-"نديم ما تهبشني وندمت لاني خليتك تهبشني "
-"ميرا مالك "
-"نديم ما تقرب مني "
-"يا بت جنيتي"
-"نديم رجعني البيت "
-"وريني مالك "
-"رجعني بيتنا يا سافل يا خسيس "
-".........
توقعاتكم شنو حيقول نديم ؟؟
رايكم +تعليقكم+انتقادكم
صوتوا♥♥