صرخه خوف1

8

مشيت ريري وحاسه بفرح شديد حاسه بحب شديد لماهر لانو العمارة ممكن بالايجار بتاعها نعيش وما احتاج اجيب دخيل من برا
                    ___________

جا الصباح سرعه قمت اتسوكت ولما طلعت لقيتهم جاهزين للطلعه لميت حاجاتي وحاجات مراد اما التوأم وراجح لقيتهم لمو حاجاتهم عمار اتكلم :
-"يلا "
-"طيب"
ركبنا العربيه وعمار سايق وشكلو هادئ شديد ومبسوط وصلنا البيت الكبير اللي هو في بحري لاقانا عماد هناك رنيم كانت مع تلفونها طبعا ليها كم يوم في التلفون بس (مع ناس "اصحاب بس"ديل 😒) قعدت وسلمت وطبعا اخوات ماهر ديل استغفر الله جايبنهم من وين ما بعجهم العجب بس امهم طيبه معاي وبركز معاها بس وبعد ما شربنا شاي الصباح وكدا اولادي اصلا ما بشوفهم بيكونوا بيلعبوا مع  وبيمشو بيت عمتهم بيطلعو من هنا لهناك بلمهم المغرب وبينومو 😂 المهم عمار اتكلم :
-"عارفين كلكم ليي اتلمينا الليله وللما عارفين اجتمعنا عشان الخلافات القائمه حتى الان بسبب ورثه المرحوم ماهر جمال ماهر "
ابوهو دا ما بيقدر يسمع اسمو حتى الان هو زعلان عليو كان بيحبو شديد استأنف عمار:
-"شفت انو في لف ودوران في الموضوع دا وكان عندكم مشكله مع مراد وكيف انو تحسبو ليهو نصيب وهو لسه كان في بطن امو لما ابوهو الله يرحمو اتوفى وبالواضح الصريح غباء انكم تطلعوهو من الورثه لانو كان مولود ذكر وحي ولما عماد سألكم من نصيبو ما عرفتو تسوو شنو وفي النهايه لجأتو لحل انكم تطلعو راجح بدل عنو عشان ما تزيد القيمه الماديه لكن هسه المرحوم طلع عندو مزرعه ملكيتها مع اخوهو مروان وامبارح بالليل فتحنا مكتب المرحوم وبرضو غباء منك يا ريتال تقفليها لانو ممكن تكون في وصيه وفعلا في وصيه مضمونها انو راجح الطلعتوهو من الورثه دا املاك ابوهو كلها ماشه ليهو يعني اي واحد ورث منكم وانا عارف كل واحد منكم اخد كم حييرجعها وحتمشي لنصيب راجح وراجح شخصيا امو مسئوله منو وعشان الموضوع يكون قانوني اطلعوكلكم قدامي للمحكمه"
اخت ماهر اتكلمت:
-"ممكن نديهو الاملاك من غير محكمه "
-"وانا اضمن كيف"
عماد اتكلم :"عمار ماف داعي للمشاكل اكيد مروان عندو مبرر "
مروان اتكلم:"اخيرا زول عاقل الكلام دا ما لعبه جهلة يا ريتال عشان تدخلي الطايش دا وبالنسبه للمزرعه والعمارة مشت في الديون (قول والله😌) وجيب الوصيه اقراها انا "
عمار مداها ليو قراها في سرو بعدين اتكلم :
-"كلامو صح راجح سيد الورثه "
اخت ماهر اتكلمت :"بس راجح سفيه وجاهل لسه عشان كدا حنصرف عليو "
اتكلمت:"يا سلام ،امو قاعده وحتصرف عليو "
حمرت لي:"...... 😒"
مروان :"ما ممكن نخليها ليها "
جمال (ابو ماهر):"لا الورثه تمشي لسيدها راجح"
-"بس ابوي......"
-"لأ ولا كلمه انا قلت كدا وكلامي يتنفذ والورثه تمشي لسيدها طلعو اوراق الاملاك كلها وراجح يجي يوقعها "
مروان :"راجح طفل يا ابوي"
-"عمرو حداشر مش معناها بيفهم ناديهو لي"
-"ابوي .."
قاطعو:"ناديهو يا ريتال"
قمت وقلبي مطمن بس في نفس الوقت خايفه على راجح منهم لانهم ناس ما مضمونين يطقوهو عين ولا شئ ناديتو وجاني ماراضي كيف اقطع ليو لعبو اتكلمت:
-"تعال ضروري "
-"ليي خوفتيني"
-"الورثه ...ورثه ابوك"
-"طيب😟"
وجا معاي ومشا لجدو جمال قال ليو:
-"راجح يا ولدي اسمعني "
-"عارف يا جدي امي كلمتني وخالي "
عاين لعمار ومشا على الاوراق والحمدلله ولدي حبيبي فاهم 😌😍 قرا اوراقهم قبل ما يكتب اسمو المهم الحمدلله امورنا اتسهلت او دا الكنت شايفاهو .....
رنيم:
مشينا بيت جدي وهناك بنطلع شله البنات وكلهم بيخلطوا وكدا وبيخلوني قاعده براي بس رسلت لناصر قبل ما نطلع:
-"حبيبي😍"
-"عيونو♥"
كان ن زمان بقول لي نطلع سوا بس ما بلقى طريقه رسلت ليو :
-"طالعه مع قريباتي لاقيني😉"
-"الله الله حنتلاقي اخيرا واشبع عيوني من جمالك😍"
(اععععع ..شنو؟؟ التفاهه مرتفعه الايامات دي😡💔)
-"طيب حبيبي نتلاقى "
وكنت شفت ليو صور (وهو اكبر منها بسنتين حتفهموا لقدام)لانو بيرسل لي صورو طوالي لكن انا ما برسل لسه ما شفتو وكدا مشيت استاذن امي قالت:
-"لأ"
-"ليي عليك الله ياخ يعني بنات العيله يطلعو كلهم الا انا "
-"خلص بس احذري في اولاد صعاليق الشارع فيو كل الاشكال"
-"تمام "
ومشيت طلعنا وبنتونس كنا ماشين مول لفينا واتفرجنا على الحاجات وجينا نآكل قعدنا:
رسل لي صورتي وانا هنا بقيت بتلفت اشوفو وين رسل:
-"دي انتي مش تعالي نتفرج شويه"
حبيت اعاكسو شويه(اعوذ بالله 😒)
رسلت:
-"تعبانه ما بقدر امشي "
فجأه جا طاولتنا وقال :
-"السلام عليكم انا حبيب رنيم ممكن تدوني ليها شويه"
كلهم بقوا بعاينو لي بشر 😈وهو معاهم اتكلمت :
-"ماشه اصلح طرحتي "
ومشيت الحمام طلعت ولقيتو في وشي عاينت لقريباتي اشرو لي ب..عادي امشي اتكلم :
-"يلا "
مسك يدي ومشينا اتكلم :
-"طلعت احلى من قريب "
-" كيف يا مجنون تجي تقول ليهم كدا😳"
-"مش انا حبيبك "
-"😳"
-"اي عارف "
اتمشينا واشترى لي شوكلاته وكسب قلبي همس:
-"تعالي يا كلبتي"
-"حيوان انت 😂"
-"عارف بتحبي حيوان ليي؟؟"
طلعنا من المول كلو سألتو :
-"موديني وين ؟؟"
-"تعالي انتي بس عندي ليك هديه ما حتتوقعيها اديني دقيقه "
فتح تلفونو وكتب رساله اتكلمت :
-"اشوف !"
وقربت من التلفون بس نزل التلفون سرعه واتلفت وقرب مني شديد لما اتخلعت ورجعت قال :
-"مالك يا حبيبتي "
-"بت عمي بتناديني "
ودخلت للمول وقلبي دق دق دق ليي خفتا اذا هو حبيبي كان مفروض اتوقع كدا بس هل انا بالجت عاوزة كدا اخلي كلام امي وراي ...اووف مشيت ليهم وبعدين رجعنا البيت .....
ريتال:
راجح انتهى من موضوع الورثه بعدين مشيت ليو واتكلمت :
-"كيف انت "
-"كويس "
-"عارفه انك قدر المسئوليه حبيبي طالع لابوك "
-"اكيد قدر المسئولييه "
عمار جا وقال :
-"وانا معاك يا بطل "
ابتسم وقال :
-"ماشي العب "
وطلع عمار اتكلم:"لسه شافع بس بيسمع الكلام "
-"اي ربنا يوفقو "
رجعنا بيتنا تاني يوم الصباح حلمت بماهر قال لي:
-"ريتال تعالي"
وكنت بوافق وامشي معاو فكرت كتير عشان افهم الحلم دا وما قدرت افهم صعبت علي بس ليله اليوم الجينا فيو البيت راجح جاتو حمى من عيونهم الحارة دي ساهرت معاو حنني المسكين بالصباح بقى اخير وقدر يتحرك احسن طلعو يلعبو ورنيم شكلها مشوشه شديد طلعو الاولاد قعدت معاها وسألتها :
-"في شنو؟؟"
-"ماف حاجه "
-"حبيبتي حاصل شنو ليك كم يوم متوترة حصلت ليك حاجه ...في ولد ضايقك ولا كدا "
-"ما عارفه "
وقعدت تبكي قلت:
-"ما مشكله لو في اي حاجه عاوز  توريني ليها انا قاعده في اي وقت تكوني مرتاحه توريني وريني لاننا كلنا بنغلط "
حسيت انها في موضوع مع اولاد ولا كدا لانو واضح في وشها .....
عماد :
-"اختي ما بديك ليها ما تفكر هي ما عاوزة زواج تاني""
مروان :"بس دا اخير لاولاد اخوي "
-"اولاد اخوك ديل هي امها وهي كفايه تربيهم "
-"خلاص تماام 😡💔"
......
             رايكم +تعليقكم+انتقادكم
        ♥♥