صرخه خوف1

14

راجح :
المدرسه قربت فضل ليها اسبوع جدي قال لي:
-"راجح غير هدومك وتعال نطلع نجيب حاجات المدرسه "
-"طيب"
ما كنت متعود اشتري كانت رنيم بتمشي وبتجيب لي معاها اتصلت بيها جاب لي مشغول ...مشغول بشنو ياخ بعد ثواني رجعت لي قالت :
-"راجح "
-"اي ممكن توريني اشتري كيف حاجات المدرسه كتيرة ما بقدر اتذكرها "
-"طيب انا جايه ونمشي نشتري لينا وللتوأم"
-"هاا؟"
-"مش من قروشك "
-"اي طيب تعالي سرعه "
طلعت لجدي وقلت :
-"حاشيل من قروشي "
-"لا انا بشتري لي ولاخواني "
-"طيب يا راجح خليني ادفعها وانت ادفع رسوم المدرسه تمام "
-"بس هم اخواني انا "
-"واولادي انا يا ولدي"
-"رنيم جايه "
-"كويس"
....
رنيم :
صحيت الصباح بدري وجاني اتصال من ناصر رديت :
-"الو "
-"ك..كيفيك.....حبيبتي😭"
كان صوتو مهزوز سالتو :
-"انت كويس"
-"عندي التهاب بس"
-"تمام ليه ما بتتكلم في الواتس"
-"انا ..بس تعبان شديد "
-"سلامتك "
-"الله يسلمك "
-"......"
-"......"
عم الصمت شويه بعدين قال بصعوبه:
-"بتقدري تلاقيني الليله المساء "
-"معليش بس لأ ما بقدر"
اتنهد حسيتو فرح لاني ما جايه لكن قال:
-"انا زعلان بس ما مشكله نتلاقى اقرب "
-"اي "
-"مع السلامه حبيبتي "
-"مع السلامه"
لقيت مكالمه من جدي اللي هو حيكون راجح كلمني مشيت لسالم اللي هو ابوي حاليا اتكلمت :
-"ابوي ماشه لراجح ممكن "
-"ما بقدر اسوقك والله...تمشى مع راني؟؟"
-"ما بتقدر انت "
-"طيب امشي لراني وهاك المفتاح"
مشيت وانا بشتم في راجح الضرب لي وانا الوافقت جا مراد وقال لي :
-"ماشه وين ؟"
-"بجي بعد شوبه اقعد مع نرمين امشي صحيها"
-"طيب"
مشيت دقيت باب غرفه الاولاد فتح وائل وقال:
-"نعم! يامرتي"
-"اسكت يا تافه ونادي راني"
اتعودت عليو اكتر واحد حيوان فيهم اتلفتت وقال :
-"راني مرتي دايراك "
نهرو :"احترم نفسك "
-"طيب طيب رنيم دايراك "
جا وقال :
-"نعم "
مديت المفتاح وقلت :
-"ممكن توصلني بيت جدي"
شال المفتاح وقال :
-"من عيوني 😍"
-"😳😳"
-"ارح سرعه مستنيك في العربيه "
ومشا وركب اتنهدت الف مرة ومشيت وراو وركبت ورا وبقيت شغاله في تلفوني اتوترت لانو بيعاين لي بالمرايه😶 خفت يعمل حادث وصلنا قال لي :
-"انزلي بستناك "
-"لا لا ماشه مع راجح نجيب ادوات المدرسه "
-"لأ ليي ؟؟ مش مفروض ابوي يجيب ليك "
-"لا جايبين لاخواني التوام معانا "
-"لأ ما بسمح"
متسلط في بالي قلت ليو :"انت منو عشان تسمح "
قلت:"جدي جايبهم لينا "
-"لأ لا جدك ولا غيرو "
-"نزلني "
-"ابيت حنرجع البيت "
-"راني نزلني "
-"موافقتي انا اول"
-"راني ما ولي امري ولا موافقتك بتجي اول نزلني هسه😡"
لحسن الحظ انو عمار جا اصلا قعد يجي طوالي يطمن على راجح لانو اصلا اهل ابوي ظاغطين عليو بسبب املاكو وكدا ولهسه بتساءل ليي ابوي ما خلى لي انا حاجه انا الكبيرة ما راجح مرات بحس انو ما كان شغال بي اصلا ولا التوأم ما خلا ليهم حاجه بس كلها وسوسه من الشيطان لانو راجح اخوي وانا وهو واحد عمار سلم علينا ونزلنا اتكلم :
-"رنيم جايه مع راجح صح "
-"اي "
راني :"لأ حترجع معاي البيت "
-"خليها انا برجعها "
ركب العربيه بقرف واداني نظرة ومشا وانا ابتسمت بنصر ودخلت مع عمار سالني:
-"مالو راني"
-"لازم هو يسمح عشان امشي بلا بلا بلا سخيف خلاص"
جا راجح من جوا اشتقت ليو شديد ما شفتو لي تقريبا اسبوعين كان فرحان لاني جيت مشينا مع عمار قال :
-"نجيب التوأم رايكم شنو "
قلت:"اي ما شفتهم من اليوم داك "
...
محسن :
كنت قاعد ملان امي جابت رزان وقالت لي احرسها بقيت قاعد معاها اشتقت لاخواني لكن من ناحيه تانيه اخوي واختي الكبار مديني كل الاهتمام وابوهم حتى وعمتي دق الباب فتحت عمتي وقالت :
-"محسن تعال شوف منو الجا "
ما كان في زول في بالي طلعت وانا مستغرب بس فرحت لما لقيت رنيم وراجح ومشيت حضنتهم طوييل 😢 بس اتلفتت وقلت ليهم :
-"وين مؤيد "
-"ماشين ليو ارح معانا "
-"تماااام عمتي ماشي معاهم "
-"طيب"
مشيت معاهم ركبنا العربيه واتحركنا
اتكلمت:"وصلنا "
-"لا "
-"...وصلنا "
-"لا "
-"وصلنا "
-"لا "
-"وصلنا "
-"عارفك مشتاق لتومك وليك اسبوعين ما شفتو بس ما معناها تزن لي في راسي انا "
-".......وصلنا "
-"اااه"....
مؤيد :
كنت قاعد انا وميرو وفي ملل بشكل قالت :
-"اذاً يا لورد الشر مومو هل تريد القتال؟"
-"اممم اسمعي يا ملكه الخير سارسل جيوشي لتقضي عليك هيااااا "
-"هيااااا"
عمي كان مراقبنا وبقى بيضحك كانت اول مرة اشوفو بيضحك مما جيت ما من النوع الضحاك قال :
-"مويد اخوانك جو"
ميرو:"اسمو مومو "
انا ما صدقت وجريت لاقاني محسن حضنتو شديد ...
رنيم:
لما شفت التوأم كدا حسيت بالحزن لاننا اتفرقنا خاصه هم ومرت دقيقتين وهم على الحاله دي رااجح اتكلم:
-"اتلصقو عليك الله بعد اسبوع حتتلاقو كل يوم "
كلنا عايننا لراجح باستفهام قال:
-"جدي سجلكم بمدرسه واحده انتو الاتنين"
بقوا بينططو جات ميرال وسلمت علينا قالت :
-"جايين تسوقوهو😭"
عمار :"اي رايك شنو "
قالت :"وااي لا "
وقعدت تبكي اتخلعت وكلنا اتخلعنا قلت ليها:
-"خلاص ما تبكي والله حيقعد معاك ماشين وجابيين والله يا ميرال😂"
راجح :"هييي عان التوم بقى فيو فايده "
محسن اتنفخ وقال:
-"اوعك في تومي "
-"الدفاع المدني"
مؤيد:"راجح احسن ليك"
-"دايرين تتفقوا علي مش"
الاتنين :"اي"
عمار :"يلا نمشي الساعه اتناشر بعد دا "
مشينا السوق اشترينا حاجات المدرسه والشنط وخلصنا عمار مشا على جهه شنط اطفال حلوة كدا وكلنا ماشين باستغراب وراو شال شنطه دبدوب بني حلوة خلاص قال :
-"رايكم شنو؟"
راجح :"دي لمنو "
-"لولدي "
-"عمار "
-"حلوة؟؟"
قلت:"ايوة بس لمنو؟"
-"ولدي"
سال من السعر واشتراها وبقينا بنعاين ليو باستغراب لما وصلنا العربيه سالوهو التوأم تاني رد:
-"ياخ انا كلمتكم لولدي "
قلت:"واللي هو ..."
-"مراد حبيبي ماف واحد منكم اتذكرو وهو خاشي روضه "
مؤيد :"عندنا احو اسمو مراد "
محسن :"اتذكرت الشافع "
راجح :"ما ظريفين "
حسيت بالذنب لاني نسيتو وهو قاعد معاي في البيت محسن اتكلم :
-"عمار كان ممكن نقعد معاك انت في البيت كان تقعدنا.....كنا سوا هسه"
راجح :"اي نفسي اسأل السؤال دا "
عمار:"ما فهمت السؤال😳"
-"قصدنا اننا نعيش معاك "
-"ااه اي بس ما ممكن "
قلت:"ليي؟؟"
راجح :"ما عاوز يكون عمي رائد جارنا"
محسن :"ما عاوز تلفزيون مشغول "
مؤيد :"وانا عاوز ابو بيضحك ويتونس ما متجهم كدا وبارد"
اتكلمت من غير وعي:"وانا ما عاوزة اعيش مع راني تحت سقف واحد "
عمار عاين لي كنت قاعده قدام جمبو اتكلم :
-"خلاص كفايه شكاوي لانو ماف زول حيقدر يخلق ليكم نفس الناس المعاكم ديل "
اتكلمت:"بس انت قلت لامي انك حتكون ابونا بعد ما ابوي الله يرحمو اتوفى ولو انت ابونا بالجت كان ممكن تربينا عندك "
راجح :"اي انت مفروض تسكنا معاك "
مؤيد:"لانك الوحيد الكنت ساكن معانا "
محسن:"ليي ساكت دي كلمتك انت ما تتراجع منها "
عمار:".......
رايكم +تعليقكم+انتقادكم
صوتوا♥♥
تتوقعو شنو راي عمار