صرخه خوف1

18

رنيم :
آخر اسبوع مدرسه ولازم نقرا كويس لانو بعدو الامتحانات النهائيه والمواد السبعتاشر المفروض نذاكرها تلفوني ضرب وكان ناصر رديت :
-"الو !"
-"رنيم "
-"ناصر اخبارك "
-"كيفيك حبيبتي"
-"قلت ليك ما تقولي كدا نحن بس اصحاب "
-"طيب صحبتي رايك شنو نطلع اخر يوم امتحانات "
-"طالعه مع صحباتي "
-"طيب نتلاقى متين "
-"ناصر اسمع عندي دراسه وما فاضيه شوف قرايتك مش مفروض تكون ممتحن"
-"مفروض💔"
-"طيب المهم انجز ياخ "
-"طيب بضرب ليك آخر يوم كويس"
-"كويس"
قفلت الخط عن موضوع ناصر والحب والكلام الفارغ كنت شافعه مبهورة ساي هسه خلاص لا دايرة حب ولا كلام فارغ عاوز اكمل الجامعه (تحيه لرنيم ووو) كملت قرايه ووقفلت الكتاب ورقدت جا مراد وقعد في سريرو وقال :
-"رنيم "
-"نعم "
-"حاتخرج "
-"اي"
-"الاستاذه قالت اقول لامي بكرة تجي "
-"و.."
-"كلمتها وقالت حتجي"
-"امك "
-"اي امي البتقولي ليها انت خالتي"
لحظه هو هسه مصدق انها امو الحقيقيه قلت ليو:
-"طيب انت هسه اسمك مراد ماهر جمال"
-"اي"
-"طيب كيف يكون سالم ابوك "
-"يااخ انت مت تفهمي "
كدا معناها ما فهم وعاوز يبرر ضحكت وقلت ليو:
-"خلاص "
-"حتمشي معاي"
-"تمام "
مشيت لسالم وكان معاهو نديم كان بيتكلم بس سكت فجأه لما انا جيت عاينت ليو بتفحص وقلت :
-"سالم مراد حيتخرج وعاوزين امضاءك "
نديم :"سالم ؟؟"
سالم:"خليها انا قلت ليها تناديتي باسمي لانها ما عاوزه تقول ابوي"
ابتسمت بنصر امضى وشلت الورقه وانا راجعه ورا بظهري وبعاين لنديم بتفحص عاوزة افهم كان بيتكلم في شنو رجعت زياده وطقشت راني تخيلو مدى الاحراج اتلفتت وقلت :
-"انت ما بتشوف"
-"انا كنت واقف في مكاني وانت الراجعه لورا عى ما اعتقد!"
-"اسكت "
وطلعت بسرعه على التلاجه لقيت عصير كبيت كبايه وبديت اشرب شربت وسمعت صوت نديم المعتاد:
-"ما تقيفي قدام التلاجه "(ليي حقت ابوك؟؟)
-"بعد ما اكمل"
-"رنيم ما تخليني اقوم عليك "
-"قوم "
وهو لما يفور بيخوف اكتر من رامي اتنهد وقال :
-"الله يعين المجانين "
-"آمين جمعا "
-"بنت ال.."
زعلت وقاطعتو :"بنت ال شنو عاوز تنبذ ابوي ولا امي "
-"انت الفورتيني احترمي نفسك يا بت خالتي "
-"واه واه واه لقى روحو غلطان😝"
صرخ باعلى صوتو اعلى اعلى الصرخه البيوجعك حلقك بعدها :
-"رنييييم "
بصرختو دي بصحي الميت جريت جري على غرفتي ودخلت وقفلت الباب مراد سأل:
-"مالو بيصرخ"
قعدت اضحك ضحك سمعتو :
-"خربت علي فرحتي يا زفته "
فرحتو؟؟ قاصد شنو ...
يلا نشوف قاصد شنو بفرحتو ...
مؤيد :
اجزنا من المدرسه الليله وناس بدوا قبلنا بسبب ظروف وكدا وانتهوا معانا وكنت مبسوط شديد وعمي اشترى لي PS3 (بلاستيشن =PS اختصارا للوقت )واااي حاطير من الفرح وميرو فرحت معاي ركبناهو وبنلعب لما جا خالي وقال:
-"ميراا تعالي سرعه دايرك في موضوع"
-"موضوع 💔"
-"لا لا تعالي هو عنك انتي "
ومشت معاو ...
ميرال:
دخلنا غرفتي وقفل الباب انا خفت شويه قال :
-"ميرال !"
-"نعم "
-"بتعرفي نديم سالم"
-"نديم ود خالة مؤيد "
-"اي"
-"طيب"
قلت بتوتر:"مالو مات 😨"
-"يا بت حرام عليك الولد حي وعاوز اقول ليك .... اي بنت في النهايه مصيرها تتزوج وتبني عيله "
بطني طمت واتوقعت الكلام الحيقولوا قال :
-"وانت يا بتي اتقدم ليك واحد للزواج "
-"وهو نديم؟"
-"اي "
-"نديم !!"
-"اي"
-"نعم ؟؟وشايفني موافقه "
-"انا في رايي انو انا اختار ليك لانك ما بتتعاملي مع الاجانب عليك من الرجال لكن انا ابوك بتعامل معاهم ونديم دي اخلاق وادب ودين ومافيو كلام ان وافقتي يبقى احسن ليك "
-"ما دايرة زواج هسه "
-"ما تضيعي نديم دا دايرك لمح لي كم مرة عن الموضوع وهسه ما تضيعيهو ما بتلقي احسن منو "
وخلاني في صدمه قعدت اعاين للحيطه وافكر نديم نديم نديم ....بعد شويه ابوي جا وقعد جمبي قال لي:
-"ما تخافي يا بتي عادي في بنات بتزوجوا ويكملو دراسه عادي"
-"طيب "
-"موافقه 😃"
-"اي "
ضماني وقال :
-"يا بتي نديم الشين دا داير يشيلك مني "
-"والزواج متين "
-"سنه سنتين اتفقي مع حبيبك😂"
-"ابووووي "
-"خلاص متى ما تكوني مستعده تتواصلي معاو وتتعرفي عليو كلميني "
-"طيب "
-"عارفك حتجيني جاريه بعد شويه عشان حبيبك نديم دا 😉"
-"ابووي😳 اديني رقمو هسه "
رسلو لي وقال :
-"كدا رايك شنو "
-"تمام "
-"يلا اطلع عاوزة اضرب لحبيبي"
-"هااا يا نديم ربنا ينتقم منك شلت مني بتي "
-"ابوي انا ما دايرة اتزوج هسه "
-"كلميو ما حيرفض طلب لحبو 😉"
-"اطلع برا يا مروان😳"
-"مروان ابوك يا كلبه 😂"
-"كلبه بالوراثه "
-"اسكتي "
ما اتجرأت اضرب ليو تاني الساعه تمنيه ضرب رديت:
-"الو معاي منو ؟"
-"نديم"
-"نديم منو "
-"نديم البموت فيك "
-"بسم الله بدينا😬"
-"عان دي ضارب ليك ومخسر رصيدي عشانك تجي تقولي لي "بدينا" "
وحاكاني قلت :
-"نديم والله اقفل الشي دا في وشك "
-"اها يا قلبي عاقد عليك بكرة ان شاء الله "
-"نديم !!"
-"قلبي😍"
-"انا ما عاوزة زواج هسه "
-"ما هسه هسه يا بتي بعد شهور رايك شنو ؟؟"
-"نديم "
-"اي عارف الصبر حار بس شهور مفرقانا بس يا قلبي لي تلاته سنه بحنس ابوي عشانك "
-"بس يا نديم تانا ما عاوزة اتزوج "
-"متين قصدك"
-"بعد ما اخلص .."
قاطعني :"الثانوي طبعا ماف مشكله ابدا سنه بستناك"
-"خلصت الثثانوي ...الجامعه "
-"اقريها في بيتنا "
-"بس يا نديم المشكله هنا "
-"ميرال انت ما عاوزاني؟ ابوك جبرك علي؟ لانو لو كدا انا راحتك عندي تجي اول "
-"نديم ابوي ما جبرني بس "
-"يعني موافقه "
-"اي كم شهر بالضبط "
-"شهرين انا مجهز البيت اصلا "
-"طيب "
وقفلت الخط ورميتو وقعدت ابكي انا ما عاوزة كدا فعلا ابوي اجبرني بس بطريقه لطيفه انا ما عاوزة كدا جا في بالي امي بس هي امي الحاقدر اقول ليها بعد الوقت دا كلو انا الفهمتو انو ابوي هو البدا المشاكل مشيت ليها ودقيت الباب ابوي طلع اصلا فتحت الباب وكانت قايلاني ابوي بس عاينت لي وقالت:
-"دايرة شنو ؟"
-"اتكلم معاك في موضوع نديم "
-"نديم منو"
-"خطيبي"
-"طيب خشي"
دخلت الغرفه المادخلتها لي سنين قعدت جمبها وقلت:
-"امي ابوي قال لي كدا وانا ما دايرة اعرس بعد سنه"
-"عرسي يا ميرال احسن ليك "
-"امي"
كأنها فجأه رجعت لشخصيتها القديمه قالت :
-"بتي ماف فايدة من عيشك هنا امشي وعرسيو وعيشي حياتك يا ميرال هناك مع نديم احسن ليك نديم بيحبك من ما كنتو صغار "
-"بالجت"
-"اي امشي ليو انت صغيرة وحلوه حيدلعك اخر دلع ما تخافي"
-"طيب"
مشيت لسريري وحاسه بالفرح حاكون واحده في حياه نديم اكيد حيضحي عشاني وحيدلعني مشيت لعبت مع مؤيد وانا فرحانه شديد لعبت ولعبت كتير وفزت ورسلت لنديم :
-"خليو بعد شهر "
-"حبيبتي♥"
ومرت الايام واني مهتمه بي شديد بعد اسبوع عملنا الخطوبه وكانت حفله روعه وضحكت كتير مع نديم حبيبي..ضحكنا فرحنا وامي لاول مرة فرحت معاي وحسستني انها امي وانها جمبي وابوي برضو ضهري وسندي ....ومرت الايام وجا اليوم .....
رايكم +تعليقكم+انتقادكم
صوتوا♥♥
توقعاتكم؟؟