صرخه خوف1

10

رنيم :
كنت قافله تلفوني من وفاة امي ولا حاولت افتحو بس خالتي جابتو لي فتحتو وفتحت الواتس ولقيت رسايل كتيرة كترة ووبقيت بقلب لغايه مالقيت رقم ناصر كان في 35رساله منو كان كل بيوم بيصبح ويمسي ويتكلم معاي ويسألني ويقول لما تجي ردي رهف ما رسلت ولا شي ولا ريما ...اتوقعت من رهف لاننها صحبه بالجت اما ريما اصلا مصادرين تلفونها شهر بس رهف خيبت املي وناصر بالجت بحبني ختيتو في الشاحن ودخلت غرفتي في بيتنا لممت هدومي وحاجاتي كلها ما عارفه كيف حاتاقلم مع حياتي الجديده لميت هدوم مراد واي شئ كان قاعد في كرسي بهدوء براقبني انتهيت وقعدت في سريري ورجعت لي كل الذكريات واتذكرت لما راجح سأل ابوي كيف لاقى امي ضحكت وبكيت ومراد قاعد في صمت طلعت وختيت حاجاتي وحاجات مراد عاينت ليو كدا يا حليلو اتولد وما عندو ابو وتم تلاته سنه وامو اتوفت هو اكتر واحد محتاج اهتمامنا مشيت يدي على شعرو وقلت:
-"يلا حنرحل لبيت جديد "
-"وماما"
-"ماما ما حتجي بس حيكون بيتنا الجديد حلو"
-"بالجد ...ارح سرعه😃"
فرحت ليو وقعدت في الصاله بعد شويه طلع راجح من غرفتو ومراد مشا للتوأم راجح جا وقعد جمبي قلت ليو:
-"خلي بالك من نفسك "
-"حاقفل البيت "
-"ايوة ما تبيعو "
-"اصلا بعد نشتغل نتلمى كلنا "
-"ايوة تكون راجل طول وعرض😍"
-"اي حنفترق 😢"
-"ما مشكله يا راجح لازم نتلمى"
-"اي "
جو التوأم وقعدوا قلت ليهم:
-"ما تنسوا دايما انو في زول اسمو رنيم قاعد عشان اي شئ لو عاوزين حاجه او اي شئ حرفيا انا قاعده"
راجح :"وانا تمام"
بعد شويه الباب دق كانت خالتي رنا قعدت معانا انا شخصيا برتاح ليها ومرتاحه اني ومراد حنكون معاها قعدت معانا وجا عمي مروان بقى بعاين للتوام مؤيد اتكلم:
-"انا مؤيد "
-"ارح سرعه ما عندي وقت "
اتكلم :"مع السلامه"
وكان نظرو مثبت في محسن ومشا وات عمتي ساريا بعدو وما كان راضي هو الوحيد لكن بعد تحنيس مشا محسن معاها عمار ساق راجح لبيت جدي وانا اتلفتت ما لقيت مراد مشيت لقيتو نايم في سرير امي الكان ما بيرضى الا ينوم جمبها 😢 شالتو خالتي ومشينا بيتها...
راجح :
وصلت بيت جدي ورحب بي شديد وحبوبتي طيبه شديد  والحمدلله انو البيت كبير وفاضي ماف زول غير جدي وحبوبتي وانا حبوبتي ساقتني لغرفه كبيرة مقفوله فتحتها وكانت حلوة شديد ختيت شنطتي وبقيت بعاين في ارجاء الغرفه قالت:
-"كانت غرفه ابوك الله يرحمو حقتك "
رتبت هدومي ورقدت في سريري وحاسي بانو حياتي هنا ما صعب اتأقلم نقلوني من المدرسه انا بغيد شديد من اخواني من العمارات لبحري ولما جا وقت الاكل اكلت على راحتي وكنت حاسي بحريه شديد وفرحت لاني اخترت جدي وهو اصلا كان دايرنا كلنا نقعد بس ما رضو الباقيين بس اشتقت لرنيم ومؤيد ومحسن يا ربي كيف حياتهم الجديده.....
محسن :
مشيت مع عمتي وما راضي نهائي اخلي تومي واجي هنا دخلت البيا هي عندها ولد وبت كبار في الجامعه وبت صغيرة راجلها ما حسيتو مرتاح لي او لاني بعاين ليو كتير لاني ما بحب اتعامل مع زول ما بعرف شخصيتو اتلفت عاينت ليهم شويه وبعدين ما قلت حاجه غير اسمي عمتي ساقتني لغرفه منزويه من البيت حبيتها بعيدة من الناس بميل للوحده اصلا دخلت وساعدتني ارتب حاجاتي وطلعت دفتري بتاع الرسم وبقيت برسم مرت زي نص ساعه وجات عمتي قالت لي اطلع احضر مع بتها الصغير رزان وقعدت احضر معاها جا ولدها الفي الجامعه مصعب وقال :
-"انت اخو رنيم "
-"اي محسن"
-"محسن اخوي خليني احضر"
-"لكن...انا بحضر"
-"......محسن عليك الله"
-"طيب "
واديتو شغل فيلم اجنبي في 2 وانا بين نايم وصاحي اشتقت لمؤيد شديد جات الشافعه العمرها تلاته سنه واتشعبطت فيني العب معاي العب معاي اضطريت امشي العب معاها كانت ظريفه شديد وبعد انتهى فيلمو اداني الريموت مسكتو جا بابا الجديد :
-"اديني احضر الاخبار "
-"نووو 😡"
-"محسن"
-"بس انا عاوز احضر"
-"بحضر سرعه واديك "
كتمت غضبي واديتو ليو لانو لهسه حاسي بالغربه خلص جات البت الكبيرة لينا قلت:
-"لا انا عاوز احضر "
-"بس في مسلسل  بنحضرو هسه "
-"لاا انا عاوز احضر"
-"محسن.. "
جات عمتي سارية وقالت :
-"معليش بس متابعبن المسلسل "
مشيت غرفتي وطفيت النور ورقدت في السرير الساعه سبعه مسا يادوب بكيت بكا ما لانهم  طردوني بس لشوقي لاخواني وامي وبيتنا ما عارف كيف حاتأقلم اصلا.....
مؤيد:
مشيت مع عمي مروان رحب بي هو ومرتو واصلا ما عندو اولاد غير بت في اولى ثانوي اسمها ميرال اول ما شافتني قعدت تصرخ انا اتخلعت قربت وقالت :
-"حلوووووو عسسسل "
وبقت بتجضم فيني لما قربت ابكي قالت :
-"انت ود عمي ماهر صح "
هزيت راسي قالت :
-"تعال معاي "
واهتمت بي هي بس من غير امها ولا ابوها بس مسكتني وودتني لغرفتي حسيت بفراغ كبير من غير محسن حاسي اني نص زول وماف نص تاني لي قالت :
-"هوي مالك بتبكي"
-"اشتقت لتومي"
-"عندك توم ما تبكي انا حاكون مكانو ما تزعل ابدا لاني عندي حاجات كتيرة اسويها مع اخوي الصغير "
-"طيب"
-"ارتاح لاننا حنطلع بعدين "
امها قالت:"ماف طلعه "
قالت لي:"طيب ما تزعل في حاجات كتيرة في البيت دا "
المهم بعد شويه خلتني ارتاح رقدت في سريري نمت سرعه حاسي بتعب شديد شديد ...
صحيت المغرب بقيت بتلفت واستوعب انا وين وكيف جيت هنا اتذكرت قمت واتغديت ومشيت حضرت التلفزون معاها كانت بتحب الانمي شديد (الانمي ما هو الكرتون ☹️😡) وبقيت بحضر معاها وبنعلق عليهم وانا متأقلم شديد بعد حضرنا الحلقه دي بس بقت اختي شديد قالت :
-"تعال اوريك حاجه "
مشينا لغرفه عمي مروان براحه كان فيها رفوف وفيها حاجات رهيبه ما قدرت اعرف حاجه منها بس رهيبه شالت ليها زي منظار صغير وهمست :
-"ابوي سافر دول كتير وخاتي الحاجات هنا وممنوع علينا نشيلها "
-"اووه"
-"تعال سرعه"
مشينا قالت:
-"ارح السطوح "
طلعنا وكان المنظر حلو من فوق قالت :
-"ما هنا هاك دور الحلقه الهنا وحتكبر وعاين للنجوم"
عملت كدا وحان شكلها رهيييب قلت:
-"واو ميرو شوفي دا "
قالت :"شفتهم كلهم ما عندي اخوان ولا موضوع"
-"انا حاكون اخوك ي ميرو "
-"اسمي ميرا"
-"ميرو احلى"
-"تمام يلا ننزل "
نزلنا تحت ولاقانا عمي في السلم عاين لينا وقال:
-"انا قلت ما تخشو غرفتي "
قلت:"رهييبه ممكن تحكي لي عنهم وعن تذكارتك مشيت كم بلد "
-"اتناشر بس ما كتار"(ابشر ما كتار كمان انا الطيارة ما هبشتها 💔😃)
-"انت سفير"
-"اي"
-"طيب اتكلم صيني "
نظر لي باستعجاب قلت:
-"مش بتعرف"
-"اي "
-"طيب اتكلم "
-"بعلمك ليها "
قال لي كلمات بالصيني كدا انا بقيت بعاين ليو قال:
-"معناها "سررنا ببقاءك معنا ""
-"اووه ارقاتو "
-"دومو ...دا بالياباني"
-"اي من الانمي"
ضحك معاي وحياتيي حلوه صراحه ........
             رايكم +تعليقكم+انتقادكم
                   صوتوا♥♥
                وماذا عن رنيم ؟
                البارت القادم
                   احبكم 😘