صرخه خوف1

20

-"رجعني بيتنا يا سافل يا خسيس "
-"ميرال "
قرب مني وقال :
-"مالك ؟"
ختيت يديني في راسي الوجعني شديد قال :
-"انت كويسه"
وختا يدو في كتفي زحيت يدو بقوة وصرخت :
-"نديم ما تهبشني "
رفع يدينو وقال :
-"خلاص ما حاهبشك طيب انتي وريني في شنو حاصل عليك "
-"انت معاهم صح الزواج دا كان مدبر صح "
-"مدبر ؟؟"
كان في زي قزازة عصير شلتها وقلت ليو:
-"نديم اتكلم قبل ما تندم "
-"هوووي لا لا زحي القزازة وخلينا نتفاهم "
-"ما بنزلها الا تحكي كل شي "
-"احكي شنو "
كسرت القزازة في الحيطه غطا راسو بيدينو واتخلع قال :
-"ميرال لا ختيها "
-"لا"
بقيت مسننه تجاهو اتكلمت :
-"حاطعنك اذا ما اتكلمت هسه "
-"اقول شنو "
-"الحقيقه "
-"قلت كل شي"
-"قصدك شنو"
-"انت حرفيا عارفه اي شي عني😂"
-"ما تتظارف ياخ وكلمني "
-"ميرال كترتيها😠"
-"مكانك والا😡"
جا علي وكان غضبان غضب فاير شديد بس هنا اكد لي انو معاهم فعلا بقيت ماسكاها وهو بيتقدم وانا بتراجع لما وصلت الزاويه وقرب اتكلمت بخوف:
-"بطعنك زح مني"
-"اطعني "
عاينت ليو الحب الكنت شايفاهو في عيونو كمان كان كذب هسه بوضوح شايفه الحقد والكره في عيونو نديم كان معاهم نديم الانا صدقتو وحبيتو واتزوجتو كمان صحيت من تفكيري على يدو المسك بيها القزازة بقيت بجر فيها وبكورك:
-"فكها "
مسك يدي وفكاها منها ورماها بعيد ولسه الغضب في عيونو صرخ :
-"انا السافل مش "
وانا لسه مع غضبي:
-"اي واسفل زول لاقيتو في حياتي العملتو دا انا ما بعتبرو زواج "
-"تمام انا بقيت سافل وخسيس ومغتصب كمان "
هزاني وصرخ :"شايفاني كدا مش"
-"نديم ابعد مني واي انت كدا وانا شايفاك كدا وما حاغير نظرتي ابدا"
-"يعني كل القلتيو لي كذب"
-"زي ما انت بتكذب تستحق يكذبو عليك خليني يا نديم😡"
-"والله ما حاخليك عشان اوريك تكذبي علي كيف يا وسخه"
-"نديم انت الكذبت اول وانا ما كنت بكذب بس هسه انت ولاشي بالنسبه لي يا حيوان "
-"سمح احسن لي اكون المجرم في حياتك ...اخير من ولا شئ صح"
اتخلعت وخفت قال لي:
-"حلفت ما حاخليك وانا ما حاخليك "
شمر اكمامو وانا خلاص قلبي اتقطع من الخوف وجريت على الباب وبقيت بحاول افتحو وهو جاي بخطوات بطيئه قال:
-"هربانه وين ان ما فضيت فيك الغضب الفيني دا ما برتاح "
وجا علي والباب مقفول بالمفتاح.......
مؤيد :
ميرال سافرت الليله الصباح ورجعت البيت مع عمي مروان وصلنا البيت ودخلت غرفتي وشغلت الPs وقعدت العب اشتقت لميرال لمن جا وقت الفطور عمي جاب لي سندوتش وقعد جمبي في الارض قال:
-"اديني العب معاك "
ابتسمت وقلت :
-"تعال هاك "
شال اليدد التانيه قال :
-"شغل كورة "
لعبنا كورة وكان لعاب شدييد غلبني 17-5اتكلمت:
-"رهيب لكن !"
-"ما شفت شي كنت بتساهل معاك "
-"عمي من متين وانت سفير "
-"تقريبا بعد دا خمسه وعشرين سنه "
-"بتعرف كم لغه "
هز كتفينو وهو بيقول:
-"سبعه او تمنيه متقنهم اما الباقين ممكن كلمات السلام وكدا بس"
-"عمي "
-"اها "
-"احكي لي عن ابوي "
-"انت ما متذكرو "
-"متذكرو بس ذكريات مشوشه "
-"ابوك دا كان راجل عظيم كان ااول شي عندو العيله ما كان همو قروش ولا جاه ولا غيرو حتى في مرة بتذكر كان متعاقد مع واحد في شغل دوام كامل كان قروشو كتيرة كلمتو قال لي ما بحول شغلي رفض رفض شديد قال لي:"هسه انا عندي الموكلني والمشربني ودا بيتي وديل اولادي ومرتي عاوزني اخلي دا كلو فيي الدوام الكامل دا ما حاقدر العب مع اولادي واربيهم كويس" اخدت الفكرة منو ما كنت بقعد مع ميرال كتير بس بعد كلامو كنت بخصص من وقتي رسميا وقت ليهم العب مع ميرال وزادت علاقتي بيها واتحسنت كتير ولهسه زي ماشايف علاقتنا حلوة كلو بكلام ابوك ماهر "
فرحت شديد بسبب كلامو قال لي:
-" بس اخر ايامو ما كان كويس سالتو كم مرة بس كان بيقول لي ما عندو "
-"عمي...ابوي مات كيف؟"
-"......."
-"عمي!"
ما رد بعد شويه تلفونو ضرب قال لي:
-"ناس الشغل دقيقه "
طلع استغربت ليي ما رد على سؤالي يعني ممكن ابوي يكون اتقتل او مات بطريقه ما حلوة 😨عاينت للارض اتذكرت امي وابوي وبكيت بصمت بس مسحت دموعي وحاولت اشغل نفسي باللعب وقت الغداء عمي سوا الاكل وقعدنا انا وهو وجات مرتو طالعه غريبه وقعدت معانا عاينت ليي وبعد فترة سالت:
-"دا ولد ماهر"
مروان:"اي!"
-"مروان"
-"نعم "
-"ميرال في بيت راجلا "
عمي دا ان نزلت فيو صاقعه ما كان حيتخلع الخلعه الاتخلعها واتشرق وبقى بيكحكح لما قرب يموت شرب مويه وجا قعد بهدوء وقال :
-"دا كان قبل وقت طويل وما بعتبرو ماشي لهسه"
-"مرت سنتين بس وانت براك قلت لما بتك تتزوج انا طالق مش يعني مما تم العقد انا طلقانه يلا خليني "
-"وليي الحق ارجعك غسبا عنك "
-"ليي انت لسه صابر يا مروان "
-"عشان بتي "
-"اسكت بتك دي الكنت راميها "
-"....مؤيد خش غرفتك "
مشيت وقفلت الغرفه قال ليها :
-"طيب نتفق بعد اسبوع طلقانه وهي الطلقه التالته وتاني ما اشوفك "
ببرود:"طيب !"
-"يلا امشي اتقفلي زي ما كنتي "
-"اخير من شوفتك "
نفسي افهم حاجه واحده عمي متحمل قله ادبها دي كيف ....
رنيم :
قررنا نتلمى يوم الجمعه وبما انو نديم اتزوج ميرال بقى في تقرب اكتر المهم جا يوم الجمعه وكنت حالاقي اخواني كلهم رغم انو اتفرقنا كتير بس لسه بنحب بعض اكتر من حب العاشقين وصلنا البيت وانا مشيت لراجح اخوي راجح اتغير من زمان الشافع داك هسه بقى راجل طول وعرض (بسم الله عمرو13) بالنسبه للكانو هو هسه شايل مسئولييه كبيرة لكن راجح شكلو متوتر شويه سالتو:
-"راجح مالك حصل شنو!"
-"رنيم تعالي"
دخلني غرفتو وقفل الباب بالمفتاح وقال :
-"رنيم انت كنت واعيه لما ابوي اتوفى صح"
-"اي في شنو"
-"ابوي كان عندو مزرعه "
-"اي ومشت في الديون "
-"وعمارة كانت استثمار"
-"اي ومشت في الديون برضو"
-"لأ يا رنيم المزرعه والاستثمار لسه قاعدين في زول مدبر لينا والوصيه الوصا بيها ابوي ناقصه المزرعه والاستثمار قسمهم عليكم انت والتوأم لانو مستحيل ابوي يخلي واحد فينا "
-"اي بس كيف عرفت "
....
راجح :
قبل ٣يوم..
كنت قاعد مع ابوي جمال في الصاله بنراجع عقود وهو كان بيقول لي اوقع وانا بوقع من غير ما اشوف الا لما شفت ورقه عقد بين طرفين سالتو:
-"دي لشنو يا جدي ومنو الطرف التاني "
-"راجح وقع سرعه "
-"طيب "
وقعتهم كلهم قال لي :
-"ماشي وجاي انت اقعد هنا"
مشا انا شلت الورقه سرعه وقريت عقود ملكيه بيت الطابق رقم كدا الايجار استثمار كلام كتير ما فهمت منو حاجه بقيت بقلبهم مسكت ورقه كانت فيها ملكيه مزرعه اذن بدء الحصاد وكلام كلام كلام ما قادر افهم حاجه جا عمي رائد من برا عملت نفسي برتب فيهم قال لي :
-"وقعتهم"
-"اي.."
حكيت لرنيم القصه...
رايكم +تعليقكم+انتقادكم
صوتوا♥♥