صرخه خوف1

5

رنا :
بعد وفاه ماهر رنيم لما عرفت وقعت وصحت وبقت في نوبه بكا وراجح انعزل  من الناس وبقى بيبكي براو والتوأم بقوا جايطين شديد ما عارفين يتعاملو كيف مع الموضوع وواضح احساسهم بعدم الامان اول يوم ماف واحد منهم نام لا رنيم لا راجح لا التوأم ناموا كانو في حاله صريخ بس وانا مشيت لييهم اول يوم بعد المغرب لقيت حاله الكواريك دي طلعوا اطفالو بس هديت شويه بس في مرة قاعده ما استحملتهم ونهرت التوأم وقالت ليهم :
-"اسكتو ابوكم ما رباكم انتو! "
انا بقيت بعاين ليها بس قربت اقوم واديها كف كدا يخليها تصحى المرة الجمبها قالت ليها :
-"حرام عليك ديل اطفال المرحوم "
المرة دي بكت بكا لما حنيت عليها مشيت لرنيم وضميتها وهديتها حبه بعدين نامت في صدري رقدتها واتكلمت :
-"لو  سمحتو اطلعوا وخلوها براها تنوم حبه "
طلعوا من غير اعتراض مشيت لراجح الكان قاعد براهو كان بقش في دموعو بس من غير فايده مشيت جمبو ومن وشو عرفتو مخنوق شديد اتكلمت :
-"تعال حبيبي "
وضميتو وهو بدا يبكي ويفرغ الزعل دخلتو الغرفه مع رنيم وقلت ليو:
-"ارقد في سريرك هنا ما بجيك زول "
رقد مشيت اشوف التوأم ولقيتهم زعلانين وما عاوزين يتكلمو معاي وعنيفين شديد وبقوا بكسروا اي شئ عمتهم قالت لي :
-"ديل خليهم يعملو الدايرنو بتعبو بعدين بتكفل بيهم خليهم وامشي لريتال"
فعلا رجعت لريتال لقيتها بتضحك وبتبكي في نفس الوقت قالت لي:
-"كيف يموت هو قال لي حيتعالج "
هديتها وقلت ليها :
-"اهدي شويه عشان اولادك اتماسكي "
ريتال:
فجأه وعيت اولادي سالتها :
-"وين اولادي "
-"قاعدين ما تخافي "
-"رجعوني البيت "
-"طيب بكرة الصباح "
-"ما بقدر والله "
جا الدكتور قال ليها :
-"كيف تطلعي"
-"عليك الله اولادي ابوهم مات الليله ما يصح يتحرموا امهم "
-"طيب بس ما تتعبي "
رنا نادت عمار وجاني وساقنا البيت انا ما عاينت لاي زول بقيت بفتش في اولادي التوأم جوني جاريين وكانو بيبكوا مؤيد قال لي:
-"ماما قالو ابوي مات هم كذابين "
محسن:"مش يا ماما كذابيين "
-"تعالو "
وخشيت لرنيم وراجح كانو نايمين وانا اصلا جاني صمود لما لقيت اولادي حالتهم كدا اذا انهرت انا هم حينهاروا هديت بس وجع الولاده براو بكفي يخليني انهار البيبي كان مع رنا وشبعان اصلا جا مؤيد رقدتو  جمبي ومحسن طبعا بالجهه التانيه بعد شويه نامو الاتنين قمت من جمبهم رنا قالت لي :
-"اطلعي برا وخليهم معاي"
عاينت ليها شويه وقلت :
-"تعبانه والله ما بقدر جيبي مراد "
ادتني ليهو وبعد شويه هو زاتو نام بعدين طلعت وانهرت وبكيت شبعت بكا وبعد شويه الحمدلله الناس كانت متفهمه وفرقوا سرعه فضلت معاي رنا وام ماهر الكانت هي بعتبرها امي اهتمت بي شديد رغم انو المات دا ولدا بعد شويه رنيم صحت قمت وجبت ليها هدوم لانها بهدوم المدرسه لسه اديتها ليها وقلت ليها :
-"امشي استحمي "
مشت والوقت قريب المغرب قمت صحيت راجح انفتح بكا قلت ليو :
-"غير هدوم المدرسه "
-" ابوي مات ؟"
عاين لي بآخر امل اتكلمت :
-"راجح حبيبي ابوك الله يرحمو اتوفى الليله الصباح ما تبكي عليك الله غير هدومك "
ابى وابى وخليتو بهدومو لانو ما راضي زول يهبشو وبالجت موت الابو حار وانا مجربه التوأم خليتهم نايمين وابو الاكل تاني يوم الصباح حتى اكلو في اليوم التالت كانت الاوضاع احسن وبداو يتقبلو موت ابوهم وقلبي برد عليهم بس انا جواي زعل يقتل وام ماهر معاي ورنا لغايه الواحد وعشرين حتى سمينا مراد اما اولادي ممكن نقول انو رنيم البتحاول تفرح بمراد اما راجح كان بيقول انو قتل ابوهو لانو اتولد بنفس اليوم وانا بحاول اضيع ليو الفكرة دي اما التوأم لانهم اطفال رجعو سرعه لطبيعتهم ومرات بتذكروه وبيبكوا بس ساعتها وبينتهي وانا يعني ومراد دا حنني عديل اتولد في وقت ما مناسب ماف زول شغال بيو ماف زول بيلعبو (قلب الام حنين يا جماعه 😂😂😂😂😂) بعد ما تميت الاربعين هم تقريبا كلهم اتخطوا فقدان ابوهم فرحت ليهم وجوني في موضوع الورثه قلت ليهم حسبوها براكم وادونا حقنا ورسلت عماد لانو قال لي اضمن حق اولادي ومشا ليهم جا وقال لي:
-"اتفقوا يقسمو البيت "
-"ما يقسموا اي شئ "
-"طيب انا شايف نشتري جزوهم من البيت "
-"اي "
-"طيب "
-"شوف اشتريه من نصيب راجح "
-"لا خليها قروش اولادك لميها كبريهم بيها ودي بندفعا "
-"طيب "
سمعت صوت مراد بيبكي مشيت ولقيت التوأم بيحاولو يلبسوهو هدومو بقيت بضحك وضحكوا عشان يغطو الجريمه وراجح جا من برا بيضحك ومراد بيبكي ونحن بنضحك بعد شويه مشيت شلتو زعلان زعل وعمار اصلا بقى عايش معانا حتى ايام الجامعه قال لي:
-"لما راجح يبقى راجل "
وكان طاقه ايجابيه لانهم متعودين عليو وبقوا متعلقين بي شديد ومرت الايام ومراد كان بيكبر بس المقلقني انو راجح لسه ماخد فكره انو هو الغلطان لكن الحمدلله بعد ما مرت سنه نسى الفكرة تماما والان مرت فعليا اربعه سنه...
رنيم :
الليله انتهينا من الامتحانات وخلصنا بدري شديد لانو نحن البنمتحن انجليزي في آخر يوم والفترة التانيه مفكوكين المهم قعدت مع صحباتي رهف وريما وهم رهف من النوع المؤدب شديد اما ريما دي بتاعت اولاد وكدا عموما تافهه لكن فاصله كل شئ براهو بس هي طيبه وقعدنا نتونس سألتني رهف :
-"حتشيلي تلفون صح "
-"ما عارفه"
-"يااا عليك الله ياخ "
-"ما عارفه انا اذا امي حتشتري لي ممكن "
ريما :"انت عايشه كيف "
-"كدا "
-"انا جاده حنسي امك حترضى"
-"بشوف "
رجعت البيت ومشيت لامي قالت :
-"الامتحان كيف "
-"كويس ....امي "
-"شنو "
-"ممكن تجيبي لي تلفون "
-"بتي يادوب عمرك تلتاشر"
-"ويعني صحباتي كلهم عندهم "
-"ما هسه"
-"بس ابوي كان واعدني بواحد وقبل سنه "
-"حبيبتي ما بقدر "
ما كانت بترفض حاجه زعلت وقلت ليها:
-"امي عليك الله ياخ "
-"لا يا رنيم "
زعلت بس بعد ظهرت النتيجه عمي جاب لي تلفون وامي اضطرت تديني ليو وكانت في حاله تفتيش دايما لكن اصلا بس شغاله واتساب مع صحباتي والموضوع معدي على خير عموما ..
راجح :
الحياه معديه صح بس لسه حاسي بنقص الابو كتير من اهلي حاولو يعوضوني عن الابو بس مستحيل ما بسمح زول يحاول يكون مكان ابوي ورنيم جابو ليها تلفون عموما ما راضي لانو الاولاد ممكن يلعبو بيها راسها خفيف الليله الصباح طلعت الدكان اجيب شويه حاجات لامي ومالقيتها في الدكان مشيت السوبر ماركت وجبتهم وانا راجع لقيت ولدين متشاكلين مع واحد من التوأم عارف انا اخوهم بس ما بفرق بيناتهم مشيت ليهم وسألتهم بس ماف زول ردا علي سالتهم بنهره قام الولد قال لي:
-"اخوك دا بينبذ في الاهل "
اتلفتت ليو قال :
-"قالوا لي انعل ابوك "
الولد :"قال لينا اول "
انا قفلت معاي كلمه انعل ابوك دي بس مستحيل اخوي يغلط عليهم جا راجل لينا وقال :
-"في شنو ؟"
...........
      اطمنكم راجح حيدخل نفسو في مشاكل
             رايكم +تعليقكم+انتقادكم
                   صوتوا♥♥