صرخه خوف1

7

.......:
-"اها خططك ياا "
-"الشافعه بتاعت يوم داك "
-"بتبالغ لا دي صغيرة وما عندي معاها حاجه"
-"اسمع انت خليك في مكانك وانا بتصرف معاها مش عاوز ريتال بخليها ليك لكن الشافعه دي ...خليها علي"
-"اسكت يا ساطل سويت شنو"
رمى ليو التلفون وقال :
-"شوف طلعت هبله"
قلبو شويه وقال:"حرام عليك ياخ البت صدقت "
-"خليها تصدق دا الدايرو انا "
-"حتسوي ليها شنو"
-"اشوه سمعه ابو ابوها زاتو بعدين ما حتلقى زول غيري تجيو بعدها بتصرف"
-"قاصد شنو ......تتصرف!! "
-"انت مشكلتك خليها بالجمبه والشافعه ما عندك بيها شغله انا بتصرف"
.....
رنيم:
مشيت نضفت الغرفه وفي شعور غريب جواي لما خلصت مسكت التلفون ورسلت ليو :
-"جيت"
-"نورت بحلاوتك "
-"تسلم♥"
-"رنيم انا شفتك قبل كدا"
-"وين كيف"
-"قبل يومين وكنت عاوز اتكلم معاك بس قلت عشان الناس عندهم نظرة تخلف انو الولد ما لازم يتكلم مع البت "
-"ايوة امي زاتها بتقول ما اتكلم مع الاولاد مع انو في ناس كويسيين "
-"زيي مش 😇"
-"اي "
-"رنيم انا اعجبت بيك لما شفتك "
-"ناصر انا اصلا حلوة واذا ما لاحظت جمالي تبقى واحد متخلف😌😝"
-"اصلا حلوة ماشاء الله😂😂😂"
ومرو زي شهرين وعلاقتنا حلوة مع بعض وفي يوم براسل صحبتي رسل لي ملصق بحبك(اععع دعوني اتقيأ وات از زيز يا بنت الحلال)
رسلت ليهو ايموجي خجلان قام قال لي:
-"اترسل بالغلط يا شينه"
-"شين براك"
-"بس ممكن يترسل بالقصد لقدام 😍"
-"متين بيجي قدام 😍"
-"لما الحلوة رنيم تكون دايره كدا "
فكرت دقايق ورسلت ليو الملصق زاتو رسل:
-"وانا قلت البنت بريئه😇"
-"ناصر 😡"
-"اها ي قلبي "
وفؤحت لاني بالطريقه دي حاسكت صحباتي البيقولو اني شافعه لانو ما عندي حبيب (ما تسمعي كلام الناس ياخ😤) رسلت لرهف وريما رهف رسلت لي :"عيب يابت 😡" ريما رسلت لي:"في ناس طلعو ما هينين" .....
راجح :
طبعا بقيت ما بتكلم مع الراجل داك ولا كلمه ولا مع اولادو ولا مع اي زول بقيت متوحد تماما وفكره زواج امي دي ما طالعه لي من رأسي جا مراد الهسه عمرو تلاته سنه الا شويه قال:
-"رادح 😇"
-"قول راجح راجح"
-"راجاح "
ضحكت وقلت ليو:"راجح "
-"رادح "
-"يردح ليك شنو اقول ليك 😡"
ضحك وقال لي :
-"رادح!"
-"اها "
-"عيد ميلادي قرب"
-"العيد ميلاد حرام "
-"طييب .....حتجيب لي هديه ؟؟"
اتذكرت يوم ولدوهو نهرتو:
-"امشي"
-"رادح 😟"
-"امشي مني يوم ولدوك ابوي مات "
-"هاااااا😟"
-"طير مني"
.....
رنيم :
رسل لي "حبيبتي😇" رسلت:"نعم".... وقبل ما يرد حسيت بزول مسك يدي عاينت وكان مراد ما عارفه ليي لكن ماف واحد من اخواني معاملو بطريقه كويسه لما تشوفو بتحس بسلبيه قال :
-"رنو"
-"اها "
-"رادح قال يوم ولدوني ابوي مات صح؟؟😟"
-"لا لا رادح بيكذب "
-"يااي 😇"
مشيت لراجح وقلت:
-"فرحان بالعملتو "
-"مالك انت ياخ "
-"كيف تقول لمراد يوم ولادتو ابوي مات "
-"دي الحقيقه ولازم يفهمها التافه دا "
-"ااا...شنو ؟؟"
-".... امشي مني😡"
-"الفاظك دي احسن تصلحها واخير تمسح كلمه تافه دي من راسك "
امي جات وقالت :
-"في شنو "
راجح :"ليي اتولد الغبي دا "
-"الغبي منو؟؟"
اتكلمت :"قصدو مراد "
-"راجح انا قلت ليك شنو في الموضوع دا "
-"ما مفروض يتولد  في اليوم داك ابوي مات قبل ساعه من ولادتو "
.. ....
ريتال:
راجح بقى هايج وبكورك ورنيم بتكورك فيو اتكلمت:
-"رنيم امشي انا بتكلم معاو ما تتدخلي"
-"ان شاء الله يشاكلوك "
عاينت لراجح ودموعو في عيونو سوقتو لغرفتي وقلت:
-"راجح مالك في شنو الايامات دي"
-"انا عاوز ابوي 😭💔"
ضميتو وقلت :
-"عارفه والله ابوك وليك كل االحق تزعل بس يا راجح مراد ما عندو ذنب هو اتولد يتيم وحيكون متأزم من الحاجع دي لقدام لانو ما عندو ابو انت عشت وفرحت بابوك سبعه سنه وهو ولا يوم ممكن يكون شايفك قدوة زول اكبر منو زي ما كنت انت شايف ابوك وهو شافع لسه حيحاول يعوض حنان ابوهو بيك انت اخوهو الكبير ممكن تديهو حنانك يا راجح هو محتاج شديد"
-"ماما !"
-"اها "
-"انا خايف"
-"ما تخاف حبيبي كل شئ حيكون بخير ربنا معانا"
-"بس يا ماما ما حتتزوجي صح "
-"لا مستحيل "
اتنهد براحه وقال:
-"طيب حاكون ابو لاخواني مع عمار"
-"ممتاز يا راجح "
تلفوني ضرب وكان عماد رديت:
-"اها "
-"حسبتها خمسه مرات وانتو شايلين اقل من حقكم راجح نصيبو ضايع"
-"اسمع ما عاوزة مشاكل تلاته سنه مرت وما قادرين يتفرغوا للورثه "
-"تقريبا املاك زوجك كلها مع مروان "
-"مروان !!وبيسوي بيها شنو "
-"ولا شئ بس شكلو بارد شديد "
-"لحظه معاو شنو"
-"زوجك كان عندو مزرعه "
-"لا ما كلمني بحاجه زي دي"
-"طيب حاجاتو حركتيها"
-"لا قفلت الغرفه بالمفتاح"
-"افتحيها وفتشي فيها ممكن تلقي وصيه او حاجه زي دي "
-"لكن .."
-"من غير لكن "
-"طيب "
قمت من مكاني وختيت التلفون ومشيت طلعت المفتاح ومشيت على المكتب واولادي قاعدين راجح سألتي:
-"حتفتحيهو"
-"لأجيت اشوف الباب بس"
مراد جا وسألني:
-"ماما في سنو"
مؤيد:"مايخصك"
محسن:"اي"
ادسا وراي وخاف من هجومهم اتكلمت :
-"خلاص يا اولاد "
واستنيت لحدي ما نامو ومشيت فتحتها ومعاي عمار كانت فيها ريحتو متذكرة آخر مرة لما قال لي :
-"سميو مراد "
كان بيخطط وخطه البيت قاعده لسه فضل شويه ويكملها قلمو في مكانو عمار قاطع تفكيري:
-"ريتال حنفتش ولا لأ"
-"ااااا.... انت بس اقعد في الكنبه دي مرافق"
-"تمام "
مشيت للمكتب وفتحت الادراج كلها اوراق كتب الا في درج كان في ايصالات وعقود طلعت الورق وانا بقرا:
-"تعاقد الملكيه مع ...."
حقوق وحاجات غريبه لما استوعبت في النهايه قلبي بقى بيضرب دق دق دق صرخت:
-"عمار"
قام سرعه وقال :
-"في شنو"
-"عندو عمارة استثمار دي عقود الايجارات "
-"وااي ما بصدق "
-"صدق 😌يعني نحن غنيانين😍"
ختيتهم بطرف ولقيت برضو عقود مزرعه بس ما اتززرعت هي ارض زراعه لسه ما اتزرعت فتحت واحد من كتبو لانو شكلو من برا طفولي لقيت مكتوب في اول صفحه فوق اهداء ل راجح ماهر جمال ضحكت ووريتو لعمار ابتسم معاي وطلعت حاجات كتيرة كلها كان خاتيها لينا ومسجلها باسمائنا وبعداك فتحت الدولاب الصغير شديد الكان بيشاكلني لما اهبشوا لاني بلخبط ليو الورق فتشت شويه وكانت اوراق شغل كلها لكن ما رميت حاجه ومر وقت وانا بقرا وبفتش ما لقيت وصيه كان في ظروف رسايل ختيتها بالجمبه لكن عمار اتكلم :
-"شوفي رساله ل.ريتال عبيد "
شلتها وفتحتها براحه قال :
-"ما تفتحيها هنا انا ما حاضمنك جيبيها "
-"كيف "
-"الموضوع فيو زول بيلعب حنقراها قدام كل الناس "
-"لكن ..."
-"جيبيها "
شالها وقراها هو وقال :
-"زي ما اتوقعت تمام بكرة نمشي البيت الكبير ونطرحها عليهم "
-"تمام فالح "
-"يلا وقت النوم "
مشيت سريري وحاسه بفرح شديد حاسه بحب شديد لماهر لانو العمارة ممكن بالايجار بتاعها نعيش وما احتاج اجيب دخيل من برا .....
             رايكم +تعليقكم+انتقادكم
                   صوتوا♥♥
     هل يا ترى سيصيب توقع ريتال ام ان الايام ستقول عكس ذلك