صرخه خوف1

16

نرمين:
صحيت على صوت شافع بيبكي كان مراد "
قمت ومشيت لقيتو بيبكي بكا ما طبيعي بكا ما بكاوه لما امو ماتت قلت :
-"مراد مالك؟"
صرخ لما حسيت اني ما حاسمع تاني قلت :
-"هشش مالك؟؟"
-"رنيييييم ....داير رنيييييم😭"
واليوم كلو بيبكي ونحن بنحاول نهديو جو الاولاد وبقى بيكورك داير رنيم داير رنيم تلفونها خلتو هنا كنت حاضرب بس امي قالت :
-"لا عاوزاه يقول لي ما بتقدري عليو "
-"امي"
مشت بس حسيت بحاجه غريبه كيف امي تقول كدا مشيت لمراد وقلت :
-"مراد اهدأ وتعال"
-"رنيييم ااااااا"
وقعد يبكي شديييد لما خفت عليو جا نديم وقال:
-"سكتو الشي دا"
قلت:"جيب رنيم "
-"اتصرفي ياخ"
قربت وحاولت اشيلو بس بقى بيضرب ويضرب الهواء ورفعتو بس شاتني على بطني فكيتو ووقع وزاد بكاو من الوقعه بعد ساعه جا راني ومراد مشا وبقى بعاين ليو زي البفتش في حاجه بعدين بدا يبكي تاني راني دنقر ليو وقال :
-"مراد"
وشالو ما عاندو لحسن الحظ وسكت بقى بيئن وراني بيهز فيو لما راني زاتو تعب قعد في الكرسي ومراد لسه ماسك فيو بعد شويه مراد نام اتنهدت براحه ودخلو لسريرو في غرفتو والبيت استعاد الهدوء وقت الغداء قاعديين في الصينيه ابوي كان طالع ولابس هدوم الجيش الرسميه عندهم احتفال ولا حاجه بالشكل دا ولانو مستعجل راني اتكلم:
-"وين رنيم ومراد "
-"رنيم ما جات ومراد نايم ما عاوزه اصحيو "
نديم :"ما تصحيو بكا الشفع بيجيب لي انهيار عصبي"
وائل اتشرق وبقى بكحكح قال :
-"انت عندك انهيار عصبي اصلا "
نديم حمر ليو قام سكت بعد شويه جا مراد وكان صحى من النوم عاين لينا ومشا بيفتش همست:
-"بفتش رنيم "
بعد شويه سمعنا صوتو بيبكي امي اتنهدت بضجر وقالت :
-"بدينا "
راني:"الولد دا مزعج "
حسيت بوائل اتعكرت ملامحو حبه محمد اتكلم :
-"الشافع دا آله صراخ متحركه "
وائل قام وخت يدينو في السفرة بغضب كلنا اتلفتنا ليو اتكلم :
-"حرام عليكم هو يتيم واذا بتعاملوهو كدا ليي اصلا جبتوهو البيت دا "
سالم :"اقعد باحترامك احسن "
وهو لسه بيبكي نديم عاين لوائل نظرة تأييد وسكت امي جابتو وهو دموعو في عيونو قعدتو جمب راني عاين للكرسي جمبي ورنيم مافي قعد يبكي راني قال ليو:
-"معليش هاك اكل حبه عشاني "
مراد دفر يدو وقال :
-"لأ"
قرب منو الصحن وقال "
-"شيل براك "
وضح انو رضا اشر ليهو على صحن المكرونه لما شالو اتكلم :"لأ "
ققام وركب في السفرة مصر يشيلو براو شالو وكان وعاوز يرجع بس دخل يدو في الملاح بالغلط والملاح نار بقى ببكي وبفرفر ودفق الاكل كلو والملاح في هدوم ابوي😬 ابوي عاين ليو بغضب واضح انو اتضايق بس هو ما بيحب يزعل شافع قام شالو ومداهو لي ونديم جمبي كفت نديم بيدو الفيها الملاح في وشو ولسه هو بيبكي شلتو سرعه لانو نديم ما بيتفاهم وهو لسه بيبكي يدي يدي وديتو الحمام وفتحت الماسورة وكبت في يدو بس نسيت انو دي المويه الساخنه ويدو اتحرقت وبقى بيصرخ وشاكلوني شديد وحسيت بالندم اكتر بس كانت غلطه ومرت ساعه وساعتين وهو بيبكي وانا بحاول اسكتو وختيت يدو في التلج برد عليو ولسه رنيم ما جات وامي ما عاوزة تضرب ليها ووقت الشاي ما شرب ما اكل ابى كل شي راني قعد معاو شويه وطلع جا نديم شاف يدو وقال :
-"وااي يدك شكلها مقرف "
مراد عاين ليو وبعد داك انفتح وااااااا وقعد يبكي اووف ورجعنا لداير رنيم وكلنا بنحاول نسكتو...
رنيم:
بعد ضحكنا وفرحنا رجعت البيت عمار نزلني ومشا دقيت الباب فتح لي نديم وعروق وشو ظاهرة من الغضب قال:
-"كنتي وين ؟؟"
-"..."
-"افففف خشي وسكتي المصيبه دي"
دخلت وسمعت صوت مراد بيبكي مشيت سرعه على غرفتنا لما شافني صرخ :
-"رنيم !!"
-"مراد "
مشيت ليو وقعدت جمبو قلت:
-"ﻻ ﻻ دا شنو ؟؟ يدك حصل ليها شنو ليي بتبكي خربت عيونك"
وضميتو قال :
-"نرمين كبت فيني مويه حارة "
محمد اتكلم :"اخيرا سكت"
عاينت لنرمين وقلت :
-"كيف؟"
حكت لي الحصل حمرت ليها وعاينت لمحمد وقلت :
-"لو سمحت انقلو سريري لغرفه مراد "
شلت مراد وهو سكت وكان بيرجف من شده البكا شلتو لغرفتو الما كنت راضيه عنها لانو بينوم براو وهو صغير ممكن يصحى بالليل او يتقلب ويقع مشيت غرفتو ورقدتو في السرير بس قال لي:
-"لا لا انت بتمشي تاني "
رقدت جمبو وضميتو علي مرت ثواني هدا من البكاء قال:
-"رنيم انا جعان "
-"طيب بجيب ليك اكل "
-"لا بتمشي تخليني "
-"ارح معاي "
وسقتو من يدو ومشيت المطبخ وقبل ما اصل سمعت صوت سالم :
-"انت ما شكلك قادرة عليهم اولاد اختك ديل "
رنا:"ما حاخليم "
-"ما تخليهم لكن الشافع لما يبكي ما بينهروه واديهم المحتاجينو "
لفيت ومشيت على الغرفه وقفلت الباب وقعدت بضهر الباب واتكلت عليو وانا بفكر قاصد شنو مراد كان بيبكي وهي نهرتو لا بالغت طيب انا بوقفها في حدها وبطريقتي️😡 قمت ومراد كان بيقول في حاجه ما ركزت معاو ومشينا على المطبخ سالتو :
-"عاوز شنو ؟؟"
خالتي قالت :"كان عاوز مكرونه "
رديت بجفاوة:"اي كلمني....مراد حبيبي عاوز شنو"
-"بيض "
اتوقعت هو عموما بيحب البيض مشيت وحمرتو ليو جا وائل المطبخ وعاين لي ولمراد قعد يضحك وقال:
-"الماما وابنها "
-" اسكت يا سخيف 😠"
مراد بعد شويه قعد يبكي وائل ارتبك وقال:
-"مالك ؟"
-"ما تشاكل رنيم عاوزها تمشي زي الليله "
-"لا والله معليش يا رنيم معليش معليييش "
اتكلمت وانا مطنشه وائل :"ما تزعل يا مراد ما ماشه من جمبك وان طلعت المرة الجايه بسوقك معاي"
راحه يدو كانت ماشه للاسوا واتجرحت ولونها قلب سقتو الغرفه وقلت ليو:
-"مراد ماشه اجيب ليك مرهم ليدك عشان ما توجعك"
-"لا اقعدي "
-"دقيقه بس"
مشيت لنرمين قالت :
-"رنيم معليش ما كنت قاصده "
-"طيب بس اديني تلفونك "
-"هاا؟؟"
-"ثواني بس "
-"طيب "
فتحت رقمي واديتو لمراد وقلت ليو:.
-"اذا ضغطت هنا بتضرب لي"
-"طيب سرعه "
كان في صيدليه قريبه طلعت من غير ما زول يشوفني ومشيت اشتريتو من القروش الاصلا معاي شلتها عمار الليله واشتريت ليو مصاصه وصلت ودخلت بنفس الطريفه ما شافني زول ومشيت دخلت الغرفه قال بابتسامه :
-"جيتي سرعه "
-"اي "
-"اكلت "
-"فالح "
كان جعان شديد رجعت الصحن وجيت مسكت يدو قلت ليو :
-"ما بيحرقك سمح "
-"اها "
-"طيب "
سويتو ليو في يدو براحه ولما خلصت اتوقعت دموعو في عيونو اديتو المصاصه انقلب ميه وتمنين درجه وفرح ومصاها ومصاها لما فتر شلتها وختيتها في التلاجه رقدتو ورقدت جمبو قال:
-"رنيم "
-"اها"
-"ماما كانت بتنومني كدا هي مشت وين؟.....رنيم انت حتكوني ماماي "
-"ايوة حاكون ماماك😂"
-"ياااي انت ظريفه "
اديتو كراس وورقه يشخبط شلت التلفون بتاع نرمين ووديتو ليها وقلت :
-"ما مشكله اصحاب "
قامت وحضنتني قلت :
-"مالك "
-"معليش شديد لكل البيحصل ليك يا رنيم "
-"لا ماف داعي تعتذري انت ما سويتي شي "
-"لو عاوزة حاجه انا معاك"
-"طيب"
مشيت لسالم وقلت :
-"خالو سالم ممكن تكلم الاولاد يجيبو سريري لغرفه مراد "
-"طيب "
.....
رايكم +تعليقكم+انتقادكم
صوتوا♥♥