صرخه خوف1

13

رنيم:
-"ما هابشك زااتو طلعتي شر يا ريم "
صرخت:"اسمي رنيم انت واخوانك المتخلفين ريم ريم"
محمد حمر لي قلت :
-"الا انت طبعا"
وائل:"طبعا دي شنو!"
محمد:"بقى عندي معجبين ولا شنو يا رنو😉"
-"شنو😳"
سالم بنهره:"احترم نفسك يا ولد "
محمد:"اصلا ماشي اسوق "
وطلع نديم اتكلم :"محمد شين يا رنيم انا احلى منو😉"
سالم :"استغفر الله "
رنيم :"بتقولو في شنو انتو فهموني😳"
راجح :"ارعو بقيدكم يا احسن ليكم "
نديم :"هووي الشافع حلاتو "
راجح :" نوو بدقك 😬😶"
-"تعال يا راني نحسب دا كم سنتمتر😂"
راني:"تفووو عليكم كلكم البت مسكينه واخوها بيحاول يكون راجل ادعموه😡💔"
لقيت لي زول في صفي (حرام عليك راجح دا مازول)
راجح اتكلم بفخر:
-"انا اصلا راجل "
اتكلمت:"ايوة واحلى راجل واخو "
وبست خدو😘 بقى لونو احمر قلت ليو:
-"يلا ماشه لو سمحتو "
ومشيت لغرفتنا انا ونرمين لقيتها بتبكي اتكلمت :
-"هووي نرمين مالك ليي بتبكي حصل شنو "
وقعدت جمبها قالت:
-"حتمشي ؟؟"
-"لا قاعده "
-"رنيم "
وحضنتي وقعدت تبكي قلت ليها :
-"معليش ما كان مفروض اتكلم معاك بالطريقه دي"
-"ما تقولي معليش"
-"ما معليش طيب امسحي دموعك وانا بمشي استحم واجي "
-"تستحمي وين الحمام دا ما شغال والتاني جمب غرفه الاولاد "
-"شنو يعني ما حاستحما"
-"لا حتمشي تستخدميو لغايه ما يصلحو دا "
-"اوووف😢"
-"امشي "
-"ما بقدر خايفه اضيع ويجيني راني من ماف يكورك فيني "
-"وااي بتخافي من راني 😂"
-"لا م بخاف منو بس هو حجامي وصوتو قوي بيخوف 😭"
-اووه عموما ناس البيت ما بيخافو من راني بيخافو من نديم لما يفور بيبقى بيكورك"
-"بس اخوك نديم ما شكلو شراني "
-"دا ....انت يادوب ليك يوم بتشوفي "
-"طيب ماشا استحما "
-"كنت بهظر الحمام شغال "
-"شينه 😬"
.....
راجح :
خلتني متصنم ومشت سرعه المهم طلعت ورجعت مع عمار بيتنا وبعد الفطور جدي قال لي:
-"راجح "(حيقول ليك شنو يعني😂)
-"نعم "
-"رايك شنو في موضوع البيت "
-"اي بيت"
-"بيتكم "
-"بيتنا مالو؟؟"
-"حتبيعو"
-"لا حاقفلو "
-"بيعو احسن ليك "
-"ما عاوز ابيعيوا"
-"راجح الشغل بفهم!! ما حتستفيد منو حاجه وهو في مكانو "
-"ما حابيعو"
-"راجح ما تقوي راسك في مصلحتك تبيع البيت "
-"جدي ما داير ابيعو"
-"ليي؟"
تنفسي اضطرب ودموعي ملت عيوني وقلت :
-"جدي البيت دا عندي سبب اخليو معاي "
-"شنو مالك ؟؟"
-"جدي ذكرياتي مع ابوي وامي كلها هناك وامي وابوي في قبورهم لو سمحت افهمني انا ما بقدر اخليو لا انا ولا واحد من اخواني "
وقمت ومشيت سريري وبكيت على راحتي وغسلت وشي ورقدت نمت زي دقايق بعدها صحاني صوت كورايك او شكله حاجه كدا قمت فتحت الباب حبه وعاينت لقيت جدي واقف في الممر البيودي غرفتي وعمي رائد واقف قدامو قال :
-"خلي الولد يطلع وبنتفاهم معاو"
جدي رد:"لأ ولا بتجبرو على شي وانا حي قال ما عاوز البيع خلاص"
-"خلينا نتكلم معاو ممكن يغير رايو "
-"لا "
لاحظت مروان قال :
-"ابوي اهدا وخلينا نشوف الولد ممكن يرضى بكلامنا"
رائد:"اي ممكن يغير رأيو"
-"طيب بناديو "
وجا على غرفتي عاينت ليو باستفاهم قال بهمس:
-"اعمل روحك نايم "
هزيت راسي ومشيت على السرير بس فتح الراب وراو عمي رائد واضطرينا نمشي وانا متلصق في جدي شديد قعدنا وانا قعدت جمب جدي مروان بدا لانو الكبير:
-"راجح ابوي اتكلم معاك في موضوع االبيت قبيل "
قلت باصرار:
-"ما حابيعو ما تحاولو معاي "
جدي:"شفتو "
مروان :"راجح ان لو قعد كدا ما حتستفيد منو شئ وحيتخرب من التخزين وحالتو حتبقى صعبه وما حتستفيد بس اذا بعتو القروش في حسابك حتستفيد منها"
كان عندي رد قوي بس قلت حيقولوا عني قليل ادب لكن جدي اتكلم:
-"قول الفي بالك يا راجح "
-"ببساطه ما عاوز استفيد منو خليو كدا البيخرب بصلحو "
وقمت منهم ومشيت غرفتي بعد ساعه من التوتر دق الباب دقتين وفتح كان جدي ابتسم وجا وقعد جمبي ابتسمت ليو قال لي :
-"راجح اي شئ عاوزو كلمني اولادي ديل وبناتي كلهم متسلطين بيحبو يسيطيروا على الزول ما تخليهم يسيطيرو عليك وانا قاعد ماف زول بيسألك سمح وان شاء الله عيش مرتاح "
-"لا انا مرتاح الحمدلله "
-": )"
.....
مؤيد :
قضيت مع ميرال وقت حلو شديد وحضرنا انمي ومن تخطيطاتي القادمه اني ابقى اوتاكو(محبين الانمي 😍) وامشي اليابان والصين والمكسيك وحاجات كتيرة بسبب الغرفه بتاعت عمي في يوم صحيت االصباح كالعاده وميرال بتصحيني قمت مشيت الحمام اتسوكت وغسلت وشي كان عندي ضرس بتهز بهز فيو بلساني الوقت كلو وهسه فك وحيتكسر مسكتو وجريتو لورا خلاص حيتقلع بس وجعني مشيت لعمي مروان كان ماسك التلفون وزهجان زهج سالتو:
-"مالك "
-"ماف شي "
جات ميرو وقالت :"اهلا ايها القوم ميرو نورت المكان"
ضحكت معاها وكلمتها بسني قالت:
-"اديني اشوف "
فتحت خشمي مسكتو وجرتو جر بس اتقلع في النهايه وعمي كان بياكل اصلا بسافر كتير وكان مآخد نظام الفطور بالصباح بعد ما يصحى طوالي وميرو شايله ضرسي بدمو وجاريه مني مسكت قميصها فوقفت فجاه ورمت والضرس وكان بيشرب في شوربه ووقع الضرس فيها اتلفت لينا وكان شكلو حينفجر ميرو قالت:
-"اععع لسه ناوي تشربها "
-"يعني حاشربها مثلا "
-"تمام "
دخلت يدها وبقت بتفتش في الضرس وجابتو وقالت :
-"مؤيد داير نلعب تاني عاينت لخالي ما شاكلها ولا سالها بس شال الشوربه وكشحهها وسوا لنفسو اكل تاني استغربت لانو مرتو ما بشوفها زاتو وهو البيسوي لينا الاكل وهو بيتكلم معانا بس هي ما بنشوفها نهائي مر شهر على الحال دي وانا استغربت وفي يوم كنت قاعد مع ميرو سالتها:
-"ميرو ليي امك ما ظاهرة نهائي"
-"امي😶انسانا منها "
-"ليي مش هي امك ومفروض تكون متفقه معاك في كل شي"
ضمت رجلينها وقالت :"ما عارفه "
-"حصل شنو ؟"
-"كانت بتعاملني عادي زي امي وكنت بحبها وابوي كان بيحبها بس.."
-"حصل شنو "
-"ما عارفه فجأه امي بقت بتكرهني 💔"
-"ما تقولي كدا "
-"مؤيد انت ما فاهم كانت بتحبني بس بقت لا بقت بتنهرني وتضربني وبراها بعدتني منها بقيت ما بتعامل معاها وما عارفه حصل شنو هسه بقيت ايوة عندي معاها علاقه بس سطحيه شديد ما بيني وبينها شي بين ام وبتها "
-"ليي عملت كدا "
-"ما عارفه حتى ابوي بقى ما بيتعامل معاها "
-"اووه هي مالا ممكن زعلانه ولا شي"
-"بس خلينا من التفكير وتعال نعمل اي شي "
-"طيب "
-"في فيلم نزلتو تعال نحضروا سوا "
-"طيب"
وقعدنا نحضر ما فارق بالي كلامها بس حنيت عليها شكلها متأثرة شديد😢المهم بس كويس انها لسه بتضحك.....
.....:
-"وصلت وين مع البت "
-"كتير بقت حبيبتي "
-"ما تتعلق بيها كتير"
-"ليي؟"
-"اسمع يا ولد انت بس جيبها لينا واحنا بنسوي العلينا"
كشر وقال:"قصدك شنو حتسوي ليها شنو "
-"انت مالك .."
قاطعو :"حتعمل ليها شنو يعني😡"
-"اسكت يا ولد "
-"عاوزني اشارك في جريمه!"
-"ما جريمه ما حنقتلها "
-"حتغتصبها 😨😨"
-"ما هي الكلمه المناسبه حنأدبها بس"
-"لا يا سفله "
-"ناصر احسن ليك تحترم الجابك "
-"ما بقدر معليش "
-"كويس.."
.........
رايكم +تعليقكم+انتقادكم
صوتوا♥♥