عماد :
بعد اتجادلت مع مروان مشيت صليت المغرب وجيت وكل الشايل همو راجح المسئوليه كبيرة عليو هي على ريتال كبيرة خلي لما تكون على راجح يا حليلو المسكين ما فاهم حاجه بقيت بعاين للسقف جات بتي الصغيره .....
(لحظه من فضلكم تعريف عماد)
عماد الاخ الاكبر لريتال اكبر واحد في اخوانو(عمار ريتال رنا) مرتو الاولى هي الربت اخوانو الصغار بس ما كانت رحيمه معاهم وانفصل عنها بعد ما بقى عندو ولدين وبت منها وبعدين اتزوج واحده تانيه وجاب منها بت بس اتوفت بعد الولاده وفضلت ليو البت ....يلا نرجع القصه .
جات بتي الصغيرة العمرها اربعه سنه جمبي وقالت:
-"بابا "
-"اها "
-"عمتو ريتال حتموت "
قمت سرعه وعاينت ليها وسألت :
-"كيف؟متين؟"
-"بعد اسبوعين "
اتنهدت ورفعت التلفون ضربت لريتال ردت :
-"الو"
-"انت كويسه"
-"اي في حاجه "
-"لا لا "
-"فاضي "
-"اتكلمي"
-"امبارح حلمت بماهر.."
ورتني الحلم وانا اتخلعت خلعه اخدت نفس وهديت شويه واتكلمت :
-"طيب جايكم بكره مع ريل"
-"طيب رنا جايه عشان اشوف الموضوع دا "
-" طيب "
وبقيت قاعد كدا راسي لافي تاني يوم الصباح استحميت بدري وطلعت الشغل خليت ريل نايمه بس اخوانها الكبار قاعدين خلصت شغل بدري وجيت نمت بس صحيت قبل المغرب مشيت لبتي الكبيرة وقلت ليها تغير لريل هدومها عشان تطلع بس ريل مسكت فيني وقالت :
-"غير لي انت "
-"ليي هي اختك "
-"وانت ابوي 😢"
عاينت لبتي الكبيرة شاهين شويه وقلت :
-"حصل شنو وانا غايب "
-"ولا شئ "
-"شاهين ما تكذبي"
-"ما حصل شئ ☹️"
-"طيب غيري ليها وانتي امشي معاها "
ريل:"بس.."
-"امشي"
مشت وجات زعلانه ومكشرة قلت ليها :
-"زعلتي "
-"انت ما صحبي يا ابوي "
-"تعالي طيب طالعين "
-"وين ؟؟ 😍"
-"للتوأم "
-"يااي حالعب معاهم واخليك براك😝"
-"حرام عليك 😢"
-"يلا يلا جبت المفتاح "
وطلعنا وصلنا ودخلت سلمت عليهم وعمار القابلني بابتسامه بس واضح انو مكسور 💔😃لانو ريتال صحبتو شديد وكونها تقول ليو انا حاموت ما حيكون في بالو هين عليو وقعدنا سوى كلنا اتكلمت :
-"وريتكم كلكم بالموضوع وما معروف"
اتكتمت على القالتو لي ريل امبارح هسه شكلها ناسيه تماما بعد مر الوقت سرعه...
ريتال :
بعد مشوا اخواني اليوم داك ناديت رنيم وسألتها:
-"اها عاوزة توريني بالحصل ليك ؟؟"
-"امي ما قادرة 😢"
-"طيب لما ترتاحي تعالي "
-"طيب "
-"الموضوع في مصلحتك "
هزت راسها ومشت ......
رنيم :
بعد اليوم داك حسيت انو البعمل فيو دا غلط وقررت اوري امي بس في اليوم داك كان عمار برا البيت واخواني بيلعبو في الشارع كانت امي شايله ليها حله فول لانها بتحب الفول البتسويهو في البيت وانا كنت مستنياها فجاه وقعت الحله ووقعت وقلبي وقع وراها وجريت جمبها وبقيت بهزها كانت حيه جريت وشلت التلفون وضربت لخالتي لانو اول رقم كان ظاهر ردت:
-"اهلا"
-"خالتي تعالي امي وقعت "
بعد شويه جات هي وانا بحاول اصحي امي وجا خالي ورقدناها بعد شويه فتحت عيونها وقالت :
-"رنا"
مسكت يدها وقالت :
-"انا هنا "
-"عماد "
-"اي ي ريتال "
-"اولادي في رقابكم "
وبدت تكح اديتها مويه كملت :
-"ما تحوجهم سؤال زول غيركم ...نادوا لي اولادي "
رنا عاينت لي وقالت :
-"اجري ناديهم "
جريت جري برا وصرخت:
-"راجح ..مؤيد محسن "
جوني محسن قال لي :
-"ليي قطعتي لعبتنا كدا حنخسر"
اتكلمت بصعوبه "
-"امي بتموت "
وقعدت في الارض وما قدرت اقوم ..
راجح :
صدمتني وجريت سرعه جوا ومسكت يدها واتكلمت :
-"امي حصل شنو ؟؟امي "
-"راجح "
قلت برجفه:"نعم يا امي انا معاك"
ضمتني والتوأم وبقيت ماسك يدها ودموعي بالعشرات بعدين يدها تقلت علي ووقعت خالي عماد مسك يدي وطلعني ومر يوم صعب شديد ما قادر رنيم في مكانها والتوأم بقوا بيبكوا حسيت بقبضه في قلبي يادوبها تلاته سنه على موت ابوي اما مراد اصلا كان نايم من قبل ما تتوفى امي صحى بعد ساعتين من الوفاة وهو اصلا بتوحش من الغربين صنقر وهو مخلوع من كم الناس القاعدين في البيت بقى بينادي ماما بس لما ما لقى رد نزل يفتشها بخوف مشيت وراو كان عندي برغم عمري الصغير حس بالمسئولييه تجاه اخوواني وامي وكل مرة بتذكر ابوي لما قال :
-"راجح حيبقى راجل "
بحس بحزن بس مشيت وراو لما وصل خالتي رنا وهي حيلها ميت من البكاء مسكت يدو اتلفتت لي وقبض فيني قبضه خوف سقتو معاي الحوش وهديتو شويه قال لي :
-"ماما وين "
-"ماما جايه "
وفعلا مرت ايام وبنقول ليو كدا وبيفتح الباب وبيستنى وبنوم جمب الباب ما بقول ليكم ما بكيت والله بكيت بكا وخالي عمار كان برا اصلا وجا لما سمع بالموضوع انهار شديد وبقت قاعده معانا خالتي رنا كنا حننزل المدرسه بعد شهرين بس ماف واحد فينا مستعد مراد بقى شويه مصدق انها ما حتجي بس لسه بينتظر قدام الباب وبقيت صامت شديد براقب بعيوني بعدد تلاته اسابيع مت الوفاة لمونا في بيت جدي وخيلاني وخالتي قاعدين خالي عماد سألنا :
-"امكم الله يرحمها اتوفت وهسه عاوزين نسكنكم معانا بس عاوزين رايكم "
رنيم بتوتر:
-"قصدكم نتفرق "
-"لا بس العاوزينو "
رنيم :"انا ماشه مع خالتي "
مؤيد ومحسن عاينو لبعض مستحيل يتفرقوا
مؤيد :"عمي مروان اذا ما بتمانع "
مروان ابتسم بنصر وقال:
-"اهلين "
مراد اصلا ساقتو خالتي مع انو عماتي ما رضو وانا ما كنت عارف امشي وين بس لقيت احكم قرار واتكلمت :
-"حاقعد هنا بيت جدي "
محسن بقى واقف ودموعو في عيونو اتكلم :
-"ما ماشي "
عماد اتكلم :"محسن تعال معاي "
عمتي سارية اتكلمت:
-"انت ما عندك مرة خلليهو معاي "
وشاءت الاقدار اننا نتفرق ونتربى في بيوت مختلفه كان اليوم داك يوم خميس اصلا وانا ما كنت مطمن الا لجدي جمال لانو الوحيد البحس معاو بالامان قعدت مع اخواني ومراد ماسك رنيم ؤيد ومحسن زعلانين التوينز حيفترقوا ما بصدق افتكرت انو الموضوع ما ممكن يبقى اسوا بس خانني التوقع وامي اتوفت رنيم قالت :
-"حاشتاق ليكم كلكم"
محسن والدموع في عيونو:
-"امشوا معاي نمشي سوا عليك الله💔😭"
اتكلمت :"ما ممكن نتقل على زول واحد نحن ما شويه "
رنيم اتكلمت :"ما تخافوا نتلمى كل جمعه اصلا دي اجازه "
محسن:"بس المدرسه بعد اسبوعين"
مراد:"ماما ما حتجي صح "
سكتنا.....
رنا :
خليناهم سوا يودعوا بعض اتكلمت :
-"ما ممكن نفرقهم "
سارية:"بس دي رغبتهم "
عمار :'لي بتفرقو التوأم "
-"ماف غير كدا "
عماد :"ياحليلهم والله بس دا لمصلحتهم "
عمار اتكلم :"يا جماعه عاوز اتكلم ما بصفتي خالهم ولا باي شي بس كصديق لريتال اختي دي مربيه اولادها احسن تربيه واي زول كفل واحد من الايتام ديل يعرف مسئوليتو والثقه الخاتنها فيو اولادها في رقابكم اكفلهم كويس وما تحوجوهم حاجه في ميزان حسناتكم ي رب انا واثق فيكم وريتال كمان ربنا يرحمها بس راعو ليهم وعاملوهم معامله خاصه ودا طلبي منكم "
اتكلمت :"ما تخاف طلبك حيتنفذ "
مشيت لليهم وقلت :
-"اهلا ♥"
كلهم عاينو لي وابتسمو ابتسامه كاذبه قلت ليهم "
-"حبايبي اهدوا شويه وكلو في مصلحتكم تمام لو في واحد منكم عاوز حاجه انا قاعده وكلنا معاكم "
ابتسموا ووافقوا............
رايكم +تعليقكم+انتقادكم
صوتوا♥♥
ما مصير افتراق الاشقاء...
أنت تقرأ
صرخه خوف1
Storie d'amoreعارفين الاحساس البتحسو لما تتدمر نفسياتك.. يخون ثقتك اقرب زول ليك.. تتهدم معنوياتك وتضرب الارض ...تبقى في صراع مخير بين زولك الغالي وكبريائك ...لما تكون ماشي في ضلام متخبط باي شي... لما تتحاسب وانت ما عارف الذنب السويتو دا كان اح ساسي الليله.... قص...
