صرخه خوف1

26

ناصر:
وقفت في المحكمه وحاسي بفرح او بصفه ادق نشوة وبقيت بعاين للحاضرين في خال رنيم جا وكلهم عليهم علامات استفاهم لييه انا ببتسم وماشي لمشنقه القاضي جا وعرض القضيه سألني:
-"ناصر منيب عندك اي مبرر لانك ترتكب جريمه قتل بشعه في حق ....."
رديت :"لا م عندي اي مبرر"
المهم الموضوع جرا وبقى بيتكلم بيتكلم لما قال :
-"تم الحكم بموجب السلطه ب ثمانيه سنوات في السجن على المتهم ناصر منيب خلف الله"
تمنيه سنه لييه ما عاوزين يعدموني اففف مشيت معاهم للسجن ولاقيت شتم وكفيت وغيرو ....
رنيم:
صحيت الصباح امبارح ما اتكلمت مع زول اعتذرت لخالتي بجفاوة ونمت قمت على حيلي جسمي لسه واجعني طلعت ولقيت ميرال جات مع نديم تقعد معانا حسيت بقلبي ارتاح لانو هي صحبتي وممكن اقعد معاها وحتى نرمين الايامات دي مجافياني ليي ما عارفه مشيت سويت لروحي شاي وجا محمد ولع النار وكان بيسوي في قهوة وما عاين لي ولا قال النشوف المتخلفه دي بتسوي في شنو دا المفروض يعتذر الشاي فار وانا سرحانه قفلو لي كبيتو وشلت كبايتي وطلعت ولا شكرا ما قلتها ليو لاقاني وائل في الباب وكان بيتكلم مع زول برا وانا بعاين لمحمد عاوزاو يتحرق طاخ ضربت في وائل والشاي اتكشح فيو ومن النار انا صرخت من الخلعه محمد اتلفت ووائل واقف في مكانو وخاتي يدو في بطنو محل الحرق ونفسو قام بيتالم وما عاوز يكورك قدام بت 😂 محمد زحاني من الباب بقوة وصرخ :
-"زحي"
لما ضربت في الباب ومشا وجرا وائل من يدو جات خالتي وبقت ولدي ولدي ووائل عامل صامت بطنو اتنجضت عديل بعد ما جابو التلج وهذا وذاك واخيرا انتهينا من الدراما انا رجعت سويت شاي تاني ومشيت غرفتي جات ميرال وقالت:
-"مالك يا زوله؟ "
-"شنو؟"
-"ليي ما متفاعله معاهم كأهلك "
-"ما بعرف"
-"كيف ما بتعرفي ما خايفه على وائل لو الحرق من الدرجه التانيه حيضرر "
-"الليله يعني ممكن يموت؟؟"
-"لا ما قصدي كدا قصدي انو حيتأذى "
-"دقيقه "
مشيت لغرفه الاولاد اخدت نفس وفتحت الباب كانت امو معاو كان بيقول ليها :
-"امي رنيم دي يوم بتقتلني !"
عاين لي وانا داخله اتكلم :
-"وووب جات "
ااتكلمت:
-"معليش يا وائل ما كان قصدي كيفيك ؟"
-"انا بحتضر بطني بتغلي "
محمد:"بطل دراما يا ولد بتحتضر ليك عشرة ساعات"
-"محمد اتلمى "
-"بسم الله يا ولد مالك؟"
-"انا ما كويس"
اتكلمت:"محتاج دكتور؟"
-"اي ودوني المستشفى يا امي"
رنا:"طيب اصبر حبه يمكن الوجع يروح"
-"ما بروح "
-"الصبر"
-"خلاص خلاص😣"
طلعت وكنت حاسه بالذنب لانو شكلو جادي في قصه الوجع دا مشيت غرفه نرمين لانها ما بتتكلم معاي دقيت الباب وقلت :
-"اهلا"
-"رنيم 😡"
-"مالك يا بت ؟"
-"مالي انا ؟؟ انت جنيتي؟"
-"شنو !"
-"كيف تقولي انو محمد نشر صورتك "
-"لانو الوحيد الممكن يعمل كدا "
-"يعني خليتي ثقتك فيو عشان هو الاحتمال الوحيد رنيم انتي بت خالتو في ولد بيرضى زول ينشر صورة بت خالتو خلي هو زاتو يعملها وتاني شي انت عارفه انو وائل هو بتاع الفارغه ومحمد ما عندو شغلة في زول "
-"اي بس ما انا الهاجمتو ما كنت متأكده ثم انهم هم الهاجموه ما انا "
-"رنيم ليي قلتي لعمار انو راني هددك بانو تتزوجي منو اجبارا "
-"لانو عمل كدا"
-"كذابه راني مستحيل يعمل كدا راني اخوي مؤدب"
-"لكن هو سوا "
-"رنيم انتي ليي كدا تتهمي اخواني بحاجه ما عملوها وتاني شئ تحرقي لوائل بطنو ليي انتي حاقده وحقيرة كدا يعني شايفه اننا ما من مستواك الراقي رنيم طلعتي كلبه "
-"انتي زاتك كلبه ولو قايله راني ما عمل القلتو امشي اسأليو !"
-"رنيم انتي حقودة ليي يعني تعملي فيهم كدا يعني عشان ما عندك اخوان "
-"مش اخوك البدافعيي عنو دا هو الكورك فيني اول يوم عشان صاله فاضيه "
دموها نزلت وقالت :
-"انتيي حقيرة انت حصل فقدتي عزيز عليك لكن حصل اعز زول عليك خانك حصل حسيتي انك غبيه لانك وثقتي في زول راني دا اخوي يا رنيم ولو حاولتي تكسريهو انا بكسرك كفاهو ما ناقصك "
-"نرمين ليي بتكوركي فيني انا سويت شنو "
-"انتي يا رنيم سويتي كتير والله كرهت عيشتك معانا ارجعي محل ما جيتي لو عاوزة تدمري اخواني يا حاقده"
-"سمح اصلا حارجع محل ما جيت "
وطلعت مشيت غرفتي ومسكتالتلفون ضربت لعمار:
-"الو"
-"عمار تعال هسه"
-"مشغول دايرة حاجه"
-"دايرة ارجع بيت جدي ما بقدر اقعد هنا اكتر"
-"طيب بس يا رنيم اتحملي شويه اسبوع بس عشاني تمام "
-"ليي اسبوع كامل"
-"طيب اربعه يوم "
-"تمام "
-"شكرا"
وقفل مراد جا ورقد في سريرة اتكلمت :
-"مراد "
-"اها "
-"عاوز نرجع البيت "
-"بيت!!"
-"بيتنا واخوانا "
-"بس انا اخواني هنا "
-"ليي؟؟"
-"رنيم انتي وراجح ومحسن ومؤيد مت تحبوني "
-"لا ما تقول كدا "
-"رنيم ما بمشي ليكم دا بيتنا وانا بقعد هنا "
-"طيب بس انا خايفه عليك"
-"ما تخافي وائل ومحمد ونديم وراني اخواني وحتى نرمين "
-"طيب اذا دا البريحك "
-"اي رنيم "
-"امي هي ريتال صح "
-"اي"
-"يوم ولدوني ابوي مات ؟"
-"لا يا مراد طلع الفكرة دي من راسك "
-"بس انا داير ام وابو "
-"سالم ورنا امك وابوك "
-"رنيم وائل حيكون كويس "
-"ليي؟"
-"كان بيبكي "
-"وما ودوهو المستشفى"
-"لسه "
طلعت ومشيت ليو كان بيصرخ وبيقول:
-"امي بطني بتتشرط والله !"
سمعت من برا مشيت لسالم وقلت:
-"سالم سوق وائل الدكتور"
-"امو قالت بيستهبل ساي "
-"لا في زول بيبكي ويستهبل "
-"طيب "
وطلع مشا وساقوهو المستشفى قلبي برد شويه من الحرة الفيو فكرت بعفويه واتذكرت امي وابوي كنت دايما لما اتشاكل مع اخواني بقول لي ارخي ليهم وانا اعتذر وابعد عن المشاكل ممكن اعتذر وابعد عن المشاكل بس كبريائي ...بس بقيت في صراع لما فاز عقلي على كبريائي كنت بحضر في التلفزيون البرا مع مراد فتح الباب محمد جاي من برا اتكلمت :
-"محمد"
اتلفت لي بنظرة باردة قال :
-"انجزي"
-"محمد ما انت النشرت صورتي مش "
-"شنو ؟؟ اااا اخيرا افترضت الدكتورة انها دايره رايي في الموضوع بعد شنو؟؟بعد ما خربت ثقه اخواني فيني بعد ما سقطتيني من نظر اهلي خليتي ابوي يضربني ويشتمني عشانك!"
-"محمد معليش "
-"معليش ما بتوكل عيش يا رنيم "
-"بقول ليهم كل شئ بقول ليهم دا ما انت "
-"ليي دايرة شنو ؟؟"
-"انا غلطت في حقك لما اتهمتك "
-"مافاضي ليك ياخ"
ومشا سرعه من غير كلام انتهيت من محمد فضل وائل اما راني هو غلطان اصلا وائل جا راجع البيت وفي شاش في بطنو اتكلمت :
-"وائل "
-"نعم "
-"معليش على كل شي "
-"كل شي"
-"لاني كشحت فيك الشاي ما كنت قاصده والله بس اتلخبطت ما اكتر معليش "
-"طيب يا مرتي"
-"اسكت يا كلب "
-"ابووووي رنيم دايرة تشرط لي بطني "
-"اسكت انت الغلطان "
-"يمااااا رنيم دي شيطان "
ضحكت وكان معاهم راني وراي الكان واقف وراي سالم كان ماشي اتلفتت وهمست:
-"نرمين ما مصدقه انك كلب وريها احسن ليك "
-"طيب!"
..
رايكم +تعليقكم+انتقادكم
صوتوا♥♥